بكابوزه بقلم / لولو محمد ( كامله )

الحلقه ٢٩

#lolo #لولو_محمد
((((((((((((بكابوزه))))))))
الحلقه  التاسعه و العشرون 
كامل / حماتك بتحبك ظابط نفسك على معاد الاكل
معتز يبتسم / لا متخفش هى بتحبك انت انا مش جاى اكل جاى اغير هدومى و امشى علاطول
نبيل/ متعد يابنى كلك لقمه معانا
معتز / الف هنا و شفا عليكم مره تانيه
معتز يدخل الاوضه
بسمه / هو هيفضل كدا لحد امتى
نبيل/ والله يا بنتى مانا عارف
......
بالليل بسمه تدخل اوضه باباها و تفتح درج الدولاب و تطلع اللبوم الصور و تاخده اوضدتها معتز يحس بيها بتتحرك يصحى فى البلكونه بسمه عماله تتفرج على صورها هى و باباها و هى صغيره و تعيط معتز يفتح الباب
معتز / ممكن ادخل
بسمه / عاوز ايه
معتز / بتعيطى ليه كامل زعلك فى حاجه
بسمه / لا
معتز / امال مالك بس
بسمه/ بابا وحشنى اوى اول مره احس انى محتاجاه اوى كدا
معتز يروح يقعد جنبها
معتز / تصدقى لو قولتلك انى مفتقد امى اوى الفتره دى
بسمه / بجد ليه
معتز / ماما كانت فى المستشفى و انا فى الدرس و روحت يوميها لقيتها فى البيت فرحت اوى و رميت الكتب و دخلتلها و اترميت فى حضنها افتكرت انها خفت خلاص قعدت تحكيلى طول الليل فى ذكرياتنا الحلوه سوا لحد مروحت فى النوم صحيت تانى يوم و بابا بيشدنى من جنبها عشان اتوفت مكنتش اعرف ان الدكتور فى المستشفى قالهم روحوها تموت فى البيت لو كنت اعرف مكنتش نمت مكنتش ضيعت ثانيه واحده بعيد عنها لو كنت اعرف ان دى اخر مره هشوفها فيها مكنتش نمت
بسمه / وحشاك
معتز / الفتره دى وحشانى اوى وحشانى و كانها لسه ميته امبارح ربنا يخليلك مامتك يا بسمه محدش فى الدنيا هيحبك قدها
بسمه / بس ماما بتحبك
معتز / سيبك منى انتى ايه اللى خلاكى تطلعى الالبوم ده
بسمه / كنت مخنوقه شويه قولت اتفرج على الصور
معتز / تحبى تحكى
بسمه / فاضى تسمع
معتز / افضالك
بسمه / يوم مبابا مات كنا فى المستشفى روحت انا و انت على هنا و قعدت تلعب معايا و نتفرج عالتليفزيون محستش ان بابا مات و كنت فرحانه اوى لما جينا ننقل هنا علاطول لما ماما اتجوزت بابا عشان هفضل اللعب معاك علاطول بس واضح اننا كبرنا عاللعب فجاه
معتز / عامله ايه مع كامل
بسمه / كويسين
معتز / ومالك بتقوليها كدا من تحت الدرس
بسمه / لا لا كويسين هو بصراحه بيعمل اللى عليه هو بس زنان
معتز / زنان؟؟؟
بسمه / كل شويه يطلب منى ...
معتز / يطلب ايه
بسمه / يطلب منى اقوله بحبك انا قولتله انى مش عاوزه اقول الكلمه دى الا و انا متاكده من مشاعرى وهو كان المفروض فهم ده بس برده كل شويه يسال
معتز / و انتى لسه مش متاكده من مشاعرك
بسمه / مش عارفه لما بحط صورنا جنب بعض فى خيالى بلاقى شكلنا حلو بس بحس ان فى حاجه ناقصه ببقى مش عارفه ايه هى
معتز / كلمتى ماما فى الموضوع ده
بسمه / كلمت ماما و بابا و كلمت كامل نفسه
معتز / ورايهم كان ايه
بسمه / ماما بتقول الحب بيجى بعد الجواز و بابا بيقول اديله فرصه و كامل كمان بيقول كدا
معتز / و انتى رايك ايه
بسمه / انا تايهه اوى و انت مش موجود
معتز / انتى معدتيش صغيره و قرار زى ده مينفعش حد ياخده بدالك
بسمه / بس على الاقل قولى رايك
معتز / انتى كنتى بتحلمى بالشقه التلت اوض و عربيه و حمام كبير فيه بانيو و كامل هيحققلك كل ده
بسمه / امال انا ليه مش مبسوطه
معتز / معرفش بصى لو مش عاوزه كامل محدش هيقدر يجبرك عليه
بسمه / تفتكر
معتز / متاكد محدش يقدر يجبرك على حاجه زى دى
بسمه / هتقف معايا
معتز / انتى هبله يا بت انا علاطول معاكى
بسمه / كداب انت الفتره اللى فاتت مكنتش فاضى غير للشغل و بس
معتز / بشتغل عشانك عشان اجيبلك احسن جهاز
بسمه / مش عاوزه ده انا عاوزاك انت جنبى
معتز / انا اسف
بسمه / شكرا
معتز / على ايه
بسمه / على انك رجعتلى معتز بتاع زمان
.......
فى الصيدليه الصبح بعد كام يوم
كامل / صباح الخير
بسمه / صباح النور
كامل / ها هتنزلى تجيبى العفش امتى
بسمه / انت اتفقت مع بابا على حاجه
كامل / انا قولت مدام كل حاجه جاهزه نتجوز بقى هنستنى ليه
بسمه / طب و دراستى
كامل/ مالها دراستك حياتك هتمشى زى مهى ماشيه دلوقت بالعكس هتبقى اسهل كمان و اوعدك انى مش هاثر عليكى
بسمه / طب لو فى بايبى
كامل / هسيبلك القرار ده لو مش عاوزه اطفال لحد متخلص ممكن نتابع مع حد يكتبلك موانع حمل تناسبك
بسمه / ايوه بس
كامل / بطلى تلاكيك انتى عاوزه تتجوزى و لا لا
بسمه / انت مستعجل ليه
كامل/ غمضى عينك
بسمه / افندم
كامل / يا بت غمضى والله مهعمل حاجه انا بس عاوزك تتخيلى حاجه
بسمه / والله لو عملت اى حركه غدر مهيحصلك كويس
كامل / اتوكسى انا برده بتاع الكلام ده غمضى
بسمه تغمض
كامل / عاوزك تتخيلى نفسك فى مكان ضلمه وفى نور من بعيد اوى و انتى خايفه و فى شخص واحد بس جاى من بعيد شيفاه
بسمه / اه شيفاه
كامل / واد حليوه طول بعرض موز كدا
بسمه / ههههههههه الدنيا ضلمه مش شايفه غير خياله اصلا
كامل / طيب نكمل تخيل
بسمه / اتفضل
كامل / تعالى نتخيل انك تعبانه خالص و الانسان ده هو اللى بياخد باله منك و يدارى على بلاويكى و يحميكى من اى حاجه وحشه
بسمه / ماشى
كامل / ايه لسه الاوضه ضلمه
بسمه / شويه
كامل / نكمل تخيلى انك مخنوقه و زهقانه و مش مسموحلك غير انك تكلمى شخص واحد بس مين هو الشخص اللى لو كلمتيه هيغير مودك للاحسن مين الشخص اللى بجد فاهمك و بيحبك فى كل الظروف الشخص اللى عمره مقلل منك و كان دايما بيساندك و يشجعك ها شوفتيه و لا لسه
بسمه / شوفته
كامل / ملامحه واضحه بالنسبالك
بسمه / اه اوى ماله بقى
كامل / بيتهيالى يعنى الصفات اللى فيه كل الصفات دى تبقى اكيد بتحبيه
بسمه تفتح عينها / بسمه هى الساعه كام
كامل / ليه
بسمه / انا لازم اروح عن اذنك
كامل / فى ايه يا مجنونه استنى
بسمه تجرى عالبيت و كامل يقفل الباب الصاج و يجرى وراها
......
قدام البيت
اخلاص / فى ايه يا بت بتجرى كدا ليه
بسمه / معتز فوق
اخلاص / اه فوق ليه
بسمه تسيبها و تطلع تجرى على فوق
.......
فى البيت
معتز بياخد مفاتيحه و موبايله بسمه تفتح الباب و هى بتنهج
بسمه / الحمد لله لحقتك
معتز / مالك بتنهجى كدا ليه فى ايه
بسمه / بص يمكن اللى هقوله دا جنان بس لاول مره ابقى فاهمه
معتز / فاهمه ايه
بسمه / انا كنت بلعب انا و كامل لعبه كدا قالى غمضى عينك
معتز / و بعدين
بسمه / كان بيقولى على مواصفات الانسان اللى اكيد بحبه و كدا
معتز / طب خدى نفسك طيب
بسمه / تعرف انا شوفت مين
معتز / مين
بسمه / شوفتك انت
معتز / انتى بتقولى ايه
بسمه / انا حاولت كتير انى احب كامل لانه مثالى مفيهوش غلطه بيصلى و مبيشربش سجاير و شاطر و محترم و ابن ناس و جاهز عريس لقطه بس انا مش قادره احبه مش قادره خالص
معتز / انا لازم امشى ورايا شغل
بسمه تمسكه / مقدرتش احب لانى فعلا بحب فى واحد مالى قلبى واحد مفيش حاجه بتسعدنى قد وجوده جنبى
معتز / انا بجد لازم امشى
بسمه / انا بحبك يا معتز و متاكده انك بتحبنى
معتز / انا اسف اوى يا بسمه اسف بجد على اى تصرف منى خلاكى تفهمى غلط بس احنا اخوات و دلوقت لازم امشى عشان ورايا شغل
بسمه / بس
معتز / كامل شاب كويس بس لو انتى مبتحبيهوش ربنا هيرزقك بالاحسن منه بس انا ..... انا اسف اوى سلام
معتز يمشى
////////////////////////////////////////
ب/ فجاه لقيت جسمى كلو ساقع اوى بقيت بنادى على معتز ميمشيش بس صوتى مكنش حد سامعه فجاه لقيت نفسى فى الارض بردانه جدا كل اللى كنت بتمناه ان اى حد يجى يغطينى انا بردانه اوى معقوله لما اخيرا لقيت الحب اللى كنت بدور عليه طلع مبيحبنيش استنى يا معتز متمشيش يا ماما تعالى غطينى يا ماما انا بردانه اوى
////////////////////////
اخلاص تدخل بسرعه هى و كامل و بسمه على الارض
اخلاص / بسمه قومى يا بسمه قومى يا بنتى هى مالها يا كامل هو ايه اللى حصل
كامل / اوعى لازم نوديها المستشفى بسرعه
..................
فى المستشفى
الدكتور / متقلقوش يا جماعه دا مجرد هبوط واضح انها مفطرتش كويس
اخلاص / هى بقالها كتير اوى بتعمل رجيم
الدكتور / ممكن يكون ده سبب على العموم هى بقت كويسه خلاص و فاقت و هنخليها بس لحد منبص على التحاليل بتاعتها و بعد كدا تقدر تروح معاكوا عادى
الكل يدخل يبص على بسمه
نبيل / مش هتدخل
معتز يهز راسه لا
......
فى اوضه بسمه
كامل / كدا تقلقينى عليكى حرام عليكى يا شيخه نشفتى دمى
حنان / جرا ايه يا عروسه بتقيسى غلاوتك و لا ايه
كامل / طب والله غاليه
اخلاص / انتى كويسه يا بنتى
بسمه / ممكن تسيبونى مع كامل شويه لوحدنا لوسمحتوا
حنان / هنيالك ياعم اول مفاقت مش عاوزه غيرك
نبيل / طب احنا بره لما تخلصوا ابقو نادونا
الكل يطلع بره
كامل / خير قلقتينى
بسمه / انا اسفه اوى يا كامل بجد انا اسفه على كل المصاريف اللى اتصرفت بس انا بجد حاولت
كامل / مصاريف ايه و حاولتى ايه و اسفه على ايه انا مش فاهم
بسمه / انا مبحبكش .... انا بحبك بس مبحبكش
كامل / هو ايه اللى بتحبينى و مبتحبنيش
بسمه / انت غالى اوى عندى يا كامل و افضالك مغرقانى بس انا مشاعرى ناحيتك مش مشاعر اتنين بيحبوا بعض ممكن تكون اخوه او صداقه لكن مش حب حب
كامل / يا بنتى لسه بدرى اوى احنا يادوب نعرف بعض من كام شهر و انا مش مستعجل و ان كان على اللى حصل فى الصيدليه دا لعب عيال
بسمه / انا اسفه اوى يا كامل بس انا مش هقدر اكمل
بسمه تقلع الدبله و تديها لكامل
كامل / خليها معاكى و لما تقومى بالسلامه نبقى نتكلم عن اذنك
كامل يطلع بره
......
اخلاص / خير فى ايه
كامل / بسمه عاوزه تفسخ الخطوبه
اخلاص / يلهوى دى اكيد اتجننت
حنان / هو انت عملت حاجه تزعلها
كامل / مش عارف
اخلاص / تلاقيها بس بتدلع عليه و تقيس غلاوتها انا هدخل اتكلم معاها و اشوف و اكيد هعقلها
نبيل / بيتهيالى ناجل الحوار ده لما تقوم بالسلامه يا اخلاص و نروح
كامل يروح يقف جنب معتز
كامل / انا مش عارف انا غلطت فى ايه بس فى الاول و الاخر دا نصيب و اكيد مش هياثر على اللى بينا
معتز / اذا كانت خطوبتك منها ماثرتش لما هتسيبها هتاثر
كامل / مش عارف انا اللى نحس و لا ايه افضل اللف على عروسه و يوم ملاقيها مترضاش بيا
معتز / ههههههههه قسمه و نصيب
كامل / صح قسمه و نصيب
حنان / يلا يا كامل ملناش مكان هنا
كامل / طب ثوانى بس نطمن عليها
حنان / اطمن لوحدك انا ماشيه
معتز / امشى انا هبقى اكلمك لو جد جديد
.................
فى البيت
بسمه متسنده على اخلاص و نبيل و يقعدوها على كنبه معتز
اخلاص / انا نفسى افهم ايه اللى عملتيه ده
نبيل / مش وقته يا اخلاص
اخلاص بزعيق/ امال امتى
معتز / انا همشى حد عاوز حاجه
نبيل / مع السلامه يابنى المفاتيح اهى
معتز ياخد المفاتيح و يمشى
.......................
اخلاص / انا بس نفسى افهم ايه اللى حصل لو الواد غلط و لا قال حاجه و لا عمل حاجه نعرف نقول لاهله يبقى فى سبب يمكن فهمتيه غلط
بسمه / انا مبحبوش
اخلاص بزعيق/ حبك برص و عشره خرس انتى خلاص اتهبلتى اروح اقول للناس معلش خدوا شبكتكوا اللى ب30 الف اللى لا انتى و لا امك كنتوا تحلموا بربعها عشان الست هانم اكتشفت فجاه انها مبتحبوش
بسمه تعيط/ هو ده بس اللى يهمك الشبكه انتوا وعدتونى
نبيل / اهدى يا بنتى احنا بس بنحاول نفهم ليه فجاه كدا
بسمه / يا بابا انا حاولت والله حاولت بس انا مبحبوش بالنسبالى مجرد اخ او صديق او حتى مديرى فى الشغل مش اكتر ارجوك متجبرنيش انت وعدتنى
اخلاص / انا تعبت بعد مقولت الحمد لله اخيرا هرتاح اخيرا لقيت لبنتى الراحه اللى اتحرمت منها عمرى كله تقومى يا بنت الجزمه ترفصيها كدا انا هروح للناس و اقول انك كنتى تعبانه و لو فتحتى بقك
بسمه / مش هفتح بقى اعملى اللى انتى عوزاه اقولك حطينى فى مزاد و شوفى يمكن يجيلك سعر احسن انا اجيب اكتر على فكره
نبيل / احنا مش بنبيعك يا بنتى انتى اصلا متتقليش ولا حتى بالدهب هى بس كانت عوزالك الاحسن لكن لو انتى مش عوزاه
بسمه / ايوه مش عوزاه والله معوزاه ارحمونى بقى
نبيل / خلاص يا اخلاص سيبيها ترتاح
اخلاص / هسيبها انا هسيبلكوا البيت و عقبال مسيبلكوا الدنيا كلها و اخلص
......
فى الشارع
سيد / هو صحيح اللى سمعته
معتز / اه بسمه فسخت الخطوبه
سيد / اه كامل قالى و مش فاهم حاجه و لا انا فاهم ايه اللى جد بيقولى كانوا بيتكلموا و فجاه جري وراها و لما طلعوا لقوها مغمى عليها و لما فاقت فسخت الخطوبه دا هبل على فكره
معتز / مش هينفع افهمك على الاقل مش دلوقت
سيد / طب هى كويسه يمكن يكون عمل حاجه و مكسوف يقول
معتز / لا كامل زى الفل انا اصلا مش عارف اقوله ايه ربنا يعينه
سيد / طب سيبك من كامل انت هتعمل ايه
معتز / انا بفكر اسيب البلد
سيد / بتهزر ليه يابنى مخلاص موضوع كامل جه منهى و خلص خش انت بقى
معتز / انت غبى مانا دخلت و اترفضت و خلصنا