بكابوزه بقلم / لولو محمد ( كامله )

الحلقه ٨

#lolo #لولو_محمد
(((((((((بكابوزه ))))))))))))
الحلقه الثامنه
سيد/ انت اللى بدات بالغلط
حنفى / و جيت اصلحه
معتز/ بص بقى انا زهقت منك مش كل يوم تبلبعلك حبايتين و تيجى تتسطل على اللى جابونا غور ياض من هنا
سيد/ بالراحه يا معتز حنفى دا اخونا بردك و لا ايه يابو الاحناف
معتز/ و لعلمك لو قربت من اى حد يخصنى هزعلك
حنفى / لا دكر ياض ورينى كدا نفسك
كامل / خلاص يا معتز عندى دى امشى يا حنفى من هنا مش قولت اللى انت عاوزه غور بقى
.........................................
سيد/ نورت يابو الاحناف سلام يا معلم
حنفى /  ماشى انا همشى بس ورحمه امك يا معتز لندمك عالكلمتين دول
معتز/ غور ياض
حنفى و رجالته يمشوا
سيد/ انت اتجننت
معتز/ انتوا بتسكتوا لعيل زى ده يتنطت علينا
سيد/ يا معتز دا واد صايع و مبرشم و معندوش اللى يبكى عليه لكن احنا لا
معتز/ من امتى بتطاطى ياض يا سيد
كامل / مسمهاش مطاطيه يا معتز بس انت طول عمرك دوبلوماسى و زى مقال سيد كل واحد فينا عنده اللى يخاف عليه
معتز/ و المطلوب
سيد/ بص انسى اللى حصل انا هحلها بس انت هدى اللعب شويه
كامل / انا شايف كدا
معتز/ انا مروح مش ناقص وجع دماغ سلام
سيد/ انت يابنى انت يا مجنون
معتز/ سلام
........
فى البيت
معتز/ انتى لسه صاحيه
بسمه/ كالعاده صحيت عالخناقه
معتز/ انا قرفت مالعيشه فى صفيحه الزباله دى
معتز يتهبد عالكنبه
بسمه/ بكره ربنا يكرمنا و نطلع منها
معتز/ انا مبعرفش اطاطى لحد متعودتش انى اسكت عالغلط ليه اسيبه يركبنى
بسمه / اهدى بس مالك
معتز/ عيل زى ده فاكر انه هيلوى دراعى و ربنا لو فكر بس يقرب منكوا لانسفه
بسمه/ قدها و هو مين ده اللى يقدر يقرب اصلا بص انت كعبله و انا هعد عليه اهدى بقى
معتز /هههههههههه
بسمه/ ايوه بقى مش مستاهله
معتز/ عملتى ايه فى الكليه لما جيت كنتى نايمه
بسمه/ معملتش حاجه روحت خدت الجدول و سلمنا على صحابنا و عرفنا اماكن الحاجات و ادونا محاضره طويله عريضه تعريف بالدكاتره و قد ايه الكليه سهله و جميله و ممتعه
معتز/ طب عندك امتى تانى
بسمه/ كل يوم معنديش غير جمعه و سبت اجازه و كل الايام عندى فيها  و قابلت ناس من دفعات اكبر مننا كرهونا فى الكليه بس البت بلسم مسكتتش مسكت البت و قالتلها و مدام هى زباله اوى كدا مكمله فيها ليه متحولى البت جابت اللوان و مشيت
معتز/ هههههههههه تصدقى مفيش حاجه بتتغير
بسمه/  معتز هو انا ممكن اتكلم معاك عادى
معتز/ قولى عملتى ايه يا مصيبه
بسمه/ معملتش حاجه انا بس مش احنا صحاب و بنتكلم فى كل حاجه
معتز/ يابت متخليش الشيطان يلعب فى دماغى ايه اللى حصل
بسمه/ يابنى محصلش حاجه بس فى حاجات لو حكيتها لماما هتعمل منها فيلم بس انت شاب و تفهم
معتز/ تصدقى انا هروح اتخانق ارحم
بسمه/ بص اصل البت بلسم اتعرفت وهى بتنقل الجدول على واد كدا
معتز يتعدل فى قعدته و يرفع حاجبه بسمه تنزلهوله بصابعها
بسمه/ اهو اهو حاجبك طلع اهو والله مكلمته انا فضلت واقفه بعيد
معتز/ لا انا مستنيكى تحكى
بسمه/ انا خوفت اكلمه يا معتز فضلت واقفه بعيد حتى مرضيتش اسمع الحوار اللى كان بينه و بين بلسم
معتز/ ليه
بسمه/ معرفش خوفت
معتز/ بصى يا بسمه انتى متربيه كويس و عارفه الصح مالغلط و طبعا الكليه غير الدرس هتتعاملى مع ولاد فى السيكشن و المحاضره بس متخافيش منهم انتى اللى بتحطى الحدود و اللى يعديها اديله فوق دماغه متخافيش ارجل دكر فيهم ميقدرش ياذيكى
بسمه/ لا انا خايفه مش انه يازينى انا خايفه اغلط
معتز / مش فاهم
بسمه/ اقول ايه اكلمه ازاى انت الشاب الوحيد اللى اتكلمت معاه فى حياتى
معتز/ عادى كلميه عادى سلم سلمى سالك جاوبى عوزتى حاجه اطلبى دا مش جوزك دا زميلك اتعاملى عادى متخافيش
بسمه/ طب افرض قال نكته
معتز/لو حلوه ادحكى ايه يعنى هياكلك
بسمه / طب افرض قاللى ان دحكتى حلوه اوى
معتز / قولى شكرا خلصنا
بسمه/ بس انا مقولتش شكرا
معتز يبتسم / امال عملتى ايه
بسمه تحط وشها فى الارض  / انا وشى احمر و بصيت فى الارض و سكت
معتز/ و المنيل على عينه عمل ايه
بسمه/ قعدوا يدحكوا عليا حتى بلسم الزباله دحكت
معتز /  طيب بتكدبى عليا ليه
بسمه/ كنت خايفه تزعل
معتز/ انا واثق فيكى يا بسمه مش هزعل لما تغلطى اه لو غلط كبير اكيد هدايق بس كلنا بنغلط و هنغلط المهم منكررش الغلط يا بسمه احنا اصحاب اوعى تكدبى عليا تانى او تخبى عنى حاجه
بسمه/ حاضر
معتز/ قومى يالا و سيبينى انام بقى
//////////
م/ مين الواد ده و ياترى شكله ايه ايه الاسئله دى كلها معقول بسمه كبرت بالسرعه دى .....امال يعنى مش جامعه ..... بس بسمه عمرها مهتبص للعيال السيس دى .......اتخمد بقى بطل تفكر فام الواد التيت ده ...... ازاى يقولها دحكتك حلوه اوى ..... ايه قله الادب دى الواد ده لازم يتربى ....... اتهد يا اهبل هتضربه ليه .......اه يضرب مش دحك عليها يضرب ......هو يعنى كبير عالضرب يضرب
///////
معتز يفتح الباب على بسمه
معتز / نمتى
بسمه تقوم تعد / لا خير
معتز / مفيش بطمن عليكى بس تصبحى على خير
////////
م/ نام يا اهبل هتعمل ايه هتسالها اسمه ايه و لا شكل امه ايه اتخمد يهباب البرك ......ادخل اسالها فيها ايه يعنى من حقى اعرف كل صحابها ...... هو خلاص بقى صاحبها كمان .....لا دا يتقتل مش يضرب
/////////
معتز يفتح الباب تانى
معتز / بسمه
بسمه/ فى ايه يا معتز لو مش جايلك نوم قول بدل الخوته دى
////////
م/ خوته !!!!!خلاص بقى كلامى مش عاجبك كلامى مش بيدحك زى الزفت ده 
///////
بسمه/ معتز مالك يابنى
معتز/ نامى نامى انا الغلطان اصلا
بسمه/ اسمه فارس
معتز/ ايه
بسمه/ ايه مش انت عاوز تسال عنه
معتز يدخل و يقعد جنبها
بسمه/ بص انا عارفه انك بتخاف عليا بس زى مانا صريحه معاك لازم تكون صريح معايا
معتز/ حلو اسم فارس
بسمه/ موتسيكله كمان حلو
معتز يجز على سنانه
معتز/ ايه !!!!!!
بسمه/ عنده موتوسيكل زى بتاع ميشن امبوسيبول ده بتاع توم كروز
معتز/ رايس
بسمه/ اه لونه احمر يهبل و خوزه مرسوم عليها نار كدا
معتز/ اه عيس سيس يعنى
بسمه/ بص هو اصلا كان مع البت فريال فى درس الفيزيا فهى كانت واقفه معانا بنسلم عليها فجاه هو جه و سلم و قعدنا نتكلم شويه و بعدين مشى و احنا مروحين جه بالموتوسيكل بتاعه و وقف قدامنا و قلع الخوزه و سالنا محتاجين حاجه و مشى
معتز بيهز رجله بسرعه
بسمه/ بس هو ده كل اللى حصل
معتز / مين فريال دى اساسا
بسمه/ كانت معايا فى درس الانجليزى
معتز / تمام تمام يلا اسيبك بقى تنام  شويه
معتز يطلع و يقفل الباب وراه
بسمه تفتح الباب
بسمه/ معتز انت مش عاوز تسالنى عرفت ازاى انك عاوز تسال عن فارس
معتز/ ازاى
بسمه  / معرفتش انا بس كنت عاوزه احكيلك عنه
معتز/ و فى حاجه تانيه تحبى تحكيها عنه
بسمه  / لا بس شكرا انك سمعتنى و معملتش فيلم و لا كبرت الموضوع
معتز يبتسم و بسمه تدخل و تقفل عليها
///////
م/ فيلم ايه اللى اعمله دانا هصور قتيل باين عليا داحنا لسه فاول يوم يا جبابره لسه فاول يوم و دى كليه خمس سنين الله يحرقكوا ....فارس اسمه فارس عرفت اسمه فارس و راكب موتوسيكل رايس احمر و بيفرمل قدامهم بيتمنظر ابن الوارمه .....دحكتها حلوه اوى ......انا نازل مليش قاعده فى البيت
/////////
فى الصاله
سيد/ كنت واثق انك هترجع
معتز  ميردش و يروح يفضل يشيل حديد و يبرطم بكلام مش مفهوم
كامل / دا ماله ده
سيد و كامل يقعدوا جنبه
سيد/ مالك يا سيادته المستشار
معتز / هو الموتوسيكل الريس يعمله كام ياض يا سيد
سيد/ تفرق يا صاحبى بس فى حدود شيلن مقفول
معتز/ خمسين الف فى موتوسيكل دا تمن عربيه
كامل / انت عاوز تسوق رايس و لا ايه
معتز/ بس سيبونى فى حالى هات ياض الدامبل الستاشر  اما اتسلى شويه
كامل / الواد اتجنن
سيد/ مالك يا وحش فى ايه
معتز/ هو انت ممكن تضرب واحد متعرفوش
كامل /ههههههههه عاوز تضرب مين يا وحش
معتز/ محدش اضربه ليه يعنى هو انا اعرفه سيبك انت
سيد/ يلهوى عالفصلان انت مش هتحكيلى حكايه الرايس ايه
معتز/ مفيش ياعم
كامل / احنا عارفينك مبتتمرنش بالعنف ده و تفضل تتنطت بين الاجهزه كدا الا لو فى حاجه مديقالك
معتز/ حنفى ياعم مدايقنى حل عنى بقى
كامل / حنفى معندوش رايس
معتز/ اسيبهالكوا و اروح اتمشى فى الشوارع يعنى اشوط فى الطوب عشان ترتاحوا
سيد/ لا ياعم بيتك و مطرحك عيش انت بس لو حبيت تضرب الواد ابو رايس ده قولى بس و انا تحت امرك يا صاحبى
معتز/ ياخى اتلهى
........
فى الكليه تانى يوم
بسمه/  شوفتى مش قولتلك مفيش سكاشن اول اسبوع
بلسم/ كويس نروح نصيع فى الكافيتريا بقى
بسمه/ انا بقول نروح احسن
بنت و شاب طويل يقربوا
البنت/ ها ناوين على ايه
بسمه/ هروح
الولد/ بدرى كدا ليه
بسمه/  هعد اعمل ايه
بلسم/ يابنتى احنا مبنصدق نخرج مالبيت فكيها بقى متقولها حاجه يا فارس
فارس / انا بقول نروح اى حته اصلا جو الكليه يخنق
البنت/ اى حته ازاى يعنى
فارس /  فى كافيه جاحد بيعمل ايسكريم يهبل ايه رايكوا اعزمكوا
بلسم/ و هنروح ازاى بقى ان شاء الله
بسمه/ نروح فين مينفعش طبعا
البنت/ بس يا بسمه بقى متحبكيهاش
بسمه/ مينفعش قولت مليون مره بره الكليه لا
فارس / ليه بتعملى حاجه غلط خايفه حد  يشوفك يا نسمه
بسمه/ اسمى بسمه
فارس / مفرقتش النقطه ههههههههههههه
البنت / سيبك منها 
بسمه/ ماشى يا فريال سيبكوا منى انا روحوا
فارس/ انتى زعلتى يا نسمه و لا ايه
بسمة / قولت بسمه
فريال / ههههههههههه ايه حكايه نسمه دى صحيح
فارس / انا جعان هحكيلكوا واحنا بناكل يلا انا راكن عربيتى بره
بلسم/ انت مش عندك موتوسيكل
فارس/ اه و عربيه عادى تعالى يلا هوريهالك
بسمه/ طب انا هروح انا عن اذنكوا
بلسم/ متبقيش قفيله بقى
فارس / يلا يا نسمه متخافيش عجل عربيتى جامد زى عجل التاكس بالظبط مش هيشتكى
فريال/ ههههههههههههه
بسمه/ يشتكى من ايه معلش
فارس / انا بهزر مالك اتعصبتى ليه يا نسمه
بسمه/ عن اذنكوا
بسمه تمشى و بلسم وراها
بلسم/ مالك يابت زعلتى ليه
بسمه/ مفيش
بلسم/ هو بيهزر على فكره
بسمه/ لو عاوزه تركبى معاهم روحى انا هركب اى ميكروباص او اوتوبيس و اروح
بلسم/ طب متخليها تاكس و نقسمها
بسمه/ ماشى يلا وقفى يلا
.......
فى البيت بالليل
بسمه/ اتاخرت اوى فى الصاله
معتز/ مرنتيش ليه كنت روحت بدرى انا فاكرك نايمه
بسمه/ متيجى بكره بعد الشغل نروح فاى حته
معتز/ والله يا بسمه الحاله نايمه اوى اليومين دول و داخل فى ستين جمعيه اجليها كام يوم تكون فرجت عشان افسحك فسحه تمام
بسمه/ و لا يهمك
معتز يقعد جنبها و هى باصه فى الارض زعلانه
بسمه/ الدنيا مبتديش محتاج على فكره
معتز / لا بتديله بس هو بيبقى مشغول باللى محتاجه فمبيشوفش
بسمه/ بيقول للبنى ادم اربعه و عشرين قراط متقسمين بين صحه و جمال و اخلاق و رزق و عيال و خلافه المهم المحصله واحده
معتز/ مظبوط
بسمه/ امال انا فين الاربعه و عشرين بتوعى ابويا ميت و عايشه فى جحر و بتبهدل فى المواصلات و مش عارفين نتفسح و طخينه و وحشه و نظرى ضعيف و قصيره و ....
معتز/ قومى ولعى فنفسك قرفتينى ايه الغم ده
بسمه تبصله و تدمع
معتز/ انتى ليه كئيبه اوى كدا معقول مش شايفه كل الحاجات الحلوه اللى عندك و بعدين سيبك مالهبل ده و خشى فى الموضوع ايه اللى مزعلك اوى كدا ايه اللى حصل
بسمه/ على فكره الواد فارس ده رخم اوى
معتز/ بجد ....انا والله مرتاحتلوش فارس و موتوسيكل ريس ايه هو فاكر نفسه فى فيلم اجنبى دا اصلا من اسمه فارس ايه فارس ده دا حتى اسمه يفرس عمل ايه الكلب ده و انا اروح اضربهولك
بسمه تبتسم / فارس يفرس هههههههههه
معتز/ رخم رخم يعنى مش اى كلام انا برده ليا نظره مش اى كلام احكيلى بقى احكى يلا
بسمه / مفيش بس عمال يغلط فى اسمى مصر يقولى نسمه و كان عاوز يعزمنا فى كافيه بره فى عرابيته
معتز / عربيته !!!! بسم الله ما شاء الله امبارح ريس و النهرده عربيه التغير مطلوب برده عشان الملل
بسمه/ بجد اتضايقت جدا انا اصلا عمرى محبيت فريال بلسم هى اللى فرحانه اوى بيها و هى لازقه للزفت فارس طول الوقت حاجه نكد
معتز/ يابنتى احلقى لشله الفرافير دى انتى رايحه تتعلمى و خلاص
بسمه/ انا قولت لبلسم انى مش عاوزه اتعامل معاهم تانى عيال رزله انا داخله انام
بسمه تقوم تدخل البلكونه و اول متقفل الباب معتز يعد يرقص بكتافه و هو فى منتهى الانشكاح
..........
فى الكليه بعد فتره
فريال/ انتى زعلانه منى فى حاجه يا بسمه
بسمه/ ابدا و ازعل ليه
فريال / يعنى مش زعلانه انى انا و فارس يعنى كابل
بسمه/ انتى بتقولى ايه يا بنتى
فريال / معرفش بس حسيتك ادايقتى لما عرفتى و من ساعتها مش بتكلمينى
بسمه/ لا ابدا الموضوع فى فارس نفسه مش فيكى