بكابوزه بقلم / لولو محمد ( كامله )

الحلقة ٢٤

#lolo #لولو_محمد
(((((((((بكابوزة)))))))))))))
الحلقة الرابعه و العشرون

كامل / تفتكر انا لو اتخانقت مع واحد من دول هيحصل ايه
معتز / هنصلى عليك فى عمر مكرم
كامل / اكتر حاجه بتعجبنى فيك ثقتك فيا و فقدراتى
معتز يحط ايده على كتف كامل / حبيبى يا كوكو
معتز يسيب كامل و يروح يساعد واحد تانى
مع الوقت مفيش فى الصاله غير معتز و كامل و التلاته الجتت
كامل / ايه يا شباب مش هنقفل و لا ايه
معتز / انا قولتلهم انى هقفل اذان الفجر
الواحد / لسه فاضل نصايه على اذان الفجر مستعجل ليه ادينا بنتمرن
معتز / ماشى خدوا راحتكم
كامل / انت بتهرج صح
معتز / ياعم مجتش مالنصايه دى و انا متمرنتش فمش لازم استحمى
كامل / بس انا لازم استحمى
معتز / طب اعملك ايه يعنى اجى الليفك متروح يا كامل
كامل / براحتك اشوفك فى الصلاه لو حسيت العيال دى جاعوا اهرب لحسن يكلوك
معتز / هههههههه ماشى يا خفه  سلام
اول مكامل يمشى الاول يرن فى التليفون على حد
...................
تحت الصاله كامل ينزل يبص على شباك بسمه يلاقيه مفتوح و بسمه قاعده فيه يشاورلها تبتسمله كامل يمشى و مفيش ثوانى و حنفى و الاتنين اللى معاه يوصلوا و يطلعوا الصاله بسمه تجرى تمسك الموبايل و تتصل بكامل التليفون متساب فى البيت بيرن و محدش موجود يرد تتصل بمعتز غير متاح تحط الشال على كتفها و تنزل جرى
.......
فى الصاله
حنفى يدخل
حنفى / ازيك يا متر
معتز يمسك حنفى من ياقته / انت ليك عين يابن الكلب انت تهوب هنا تانى
الواحد الجته يشد معتز يحدفه بعيد
حنفى / المره اللى فاتت كنت متحامى فى صحابك
معتز يقوم يقف/ لا و انت دكر اوى جبت صحابك معاك
حنفى / انت قولت انى لو هوبت ناحيه الحته هتخلينى اقول انا مره احنا بقى هنخليك تقول انا مره
معتز يمسك حديده الوزن و يضرب واحد مالجتت يمسك طرفها و يزقها فبطن معتز يقع فى الارض و ينزلوا فيه ضرب فجاه حد ينزل ضرب على حنفى من ورا يضير يلاقيها بسمه
معتز / اجرى يا متخلفه انتى ايه اللى جابك هنا
بسمه ترمى المقشه اللى فايدها و تطلع تجرى و هى بتصرخ
حنفى / دا باينه يوم سعدى يا رجاله انتوا تعالوا معايا و انتوا الاتنين خلصوا عليه
حنفى يطلع مع واحد مالجتت و الاتنين صحابه يجروا و را بسمه و معتز يحاول يمنعهم الاتنين التانين يضربوه
مفيش ثوانى و حد يضربهم من ورا و يقوم معتز الغرقان فى دمه يضربوا الاتنين دول يكوموهم
معتز / اللحق بسمه يا سيد
......
فى الشارع بسمه تجرى عالبوابه تلاقيها مقفوله و معهاش المفتاح  و حنفى و اللى معاه بيطلعوا من عماره سيد تطلع تجرى فى الشارع حنفى يمسك الشال تسبهوله و تجرى بالبجامه توصل قبل المسجد بشويه تتكعبل فى طوبه تقع فى الارض تتعور فى وشها و هى بتصرخ كامل من بعيد يسمع اللى بيحصل يجرى يوصل و حنفى و اللى معاه يوصلوا و بسمه فى النص
بسمه  تقوم بسرعه و تقف و را كامل و هى بتنهج و ماسكه فيه كانها لقت لقيه
حنفى / متدخلش نفسك فى مشاكل اكبر منك هات البت احسنلك
كامل بصوت واطى / اجرى عالمسجد و انا هعطلهم
بسمه تطلع تجرى و كامل يمسك طوبه مالارض يحدفها على واحد منهم و يمسكوه يضربوه و حنفى وواحد يجروا و را بسمه و شويه و معتز و سيد يلحقوا كامل و يضربوا التانين
كامل / اللحقوا بسمه عند المسجد
التلاته يجروا عالمسجد
.......
بسمه تجرى عالمسجد و هى بتصرخ الرجاله كلها تطلع منه و الشيخ يغطيها بعبايته
بسمه / اللحقنى يا مولانه بيجروا ورايا
حنفى واللى معاه يوصلوا
واحد مالرجاله / اما انت عديم الحيا يا زفت انت هى حصلت لكدا
الشيخ / حد يتصل بالبوليس يا رجاله اللى حصل ده ميتسكتش عليه ابدا
حنفى يفتح مطوته / عليا النعمه اللى هيدخل لاشقه
اللى معاه / انا بقول نخلع احسن
حنفى / مش قبل ماخد البت
اللى معاه / خليك انت بقى
يجى يخلع يلاقى معتز و كامل و سيد جاين يجروا من وراه و كلهم دم التلاته يموتوهم هو و حنفى لحد ميكوموهم فى الارض مش قادرين يتحركوا
معتز يروح ناحيه بسمه و عنيه بتطق شرار و يضربها قلم على وشها يوقعها عالارض الناس تحاول تدخل
معتز يقومها من شعرها و يشدها عالبيت و بصوت عالى و عصبيه / محدش له دعوه
كامل / طب بالراحه عليها طيب
معتز ياخد بسمه عالبيت و يفتح الباب و يزقها و هو عمال يزعق
معتز / خلاص اتهبلتى خلاص معدش فى عندك مخ
بسمه تعيط / انا كنت خايفه عليك
معتز / غورى من وشى مش طايق ابصلك
نبيل و اخلاص يطلعوا مالاوضه يلاقوا معتز متبهدل و بسمه بتعيط
نبيل / هو ايه اللى عمل فيك كدا ايه اللى حصل
معتز يروح يترمى عالكنبه
نبيل / متنطقوا ايه اللى حصل
بسمه بتعيط / كنت واقفه فى البلكونه لقيت حنفى طالع لمعتز الصاله اتصلت بيه احذره تليفونه كان غير متاح كنت اعمل ايه
معتز يقوم يقف و بصوت عالى / كنتى تصحى ابوكى يا فالحه مش تيجى بنفسك
بسمه بصوت عالى / خفت عليك اجرمت
معتز يقوملها و بصوت عالى / اه اجرمتى انتى متخيله ايه اللى كان ممكن يحصلك
بسمه بتمسح دموعها / كل اللى كان فى دماغى ساعتها هو انت مفكرتش
معتز يسيبها و يروح يقعد عالكنبه تانى
نبيل / روحى هاتى حاجه ياخلاص لمعتز يمسح نفسه
اخلاص تروح تجيب فوطه مبلوله و تديها لمعتز
معتز / انا مش عارف انتى ازاى عملتى كدا بجد مش قادر استوعب
بسمه بتعيط/ خفت عليك لو كان جرالك حاجه كنت هعمل ايه بس
معتز بنرفزه و عنيه تطق شرار / كلب وراح لكن انتى لو كان جرالك حاجه كنت هعيش ازاى
الباب يخبط
نبيل / خشى اوضتك يا بسمه
نبيل يفتح الباب يلاقى كامل و سيد مشلفطين زى معتز
نبيل يقف و يسهم
سيد / ازيك يا عم نبيل معتز عندك
نبيل يدخلهم
اخلاص تجرى على كامل / يلهوى ايه اللى بهدلكوا كدا
سيد / متخافيش يا ست اخلاص كنتى شوفى الناس التانين
كامل يروح يقعد جنب معتز / بس احنا طلعنا جامدين اوى
معتز مبيردش
سيد / البوليس جه لم العيال الشيخ قال للرجاله يقولوا انهم اتهجموا عالمسجد و محدش هيجيب سيره اللى حصل
معتز / انا كل مفتكر اللى حصل الدم يضرب فنفوخى مش منهم على قد مالمتخلفه اللى جوه دى
كامل / هو ايه اللى نزلها صحيح
معتز / مش عارف اقولك ايه الهانم نازله تنقذنى شوفتش الهنا اللى انا فيه
كامل يبص لسيد / والله بت جدعه
معتز / انت هتجننى
نبيل / الظاهر ان كل اللى بيدخلو صيدله بيلسعوا انا نازل اصلى قبل متفقع
سيد / مكنش المفروض تضربها كدا انت عارف الحريم مبيفكروش بمخهم و عواطفهم سبقاهم
معتز / انتو ايه اللى جابكوا
كامل / مقدرتش اروح الا لما اجى و اشوف خلقتك المشلفطه دى
معتز / اسمالله على خلقتك طب انا السته كانوا عليا
كامل / لا بس متنكروش احنا طلعنا جامدين اخر تلت اربع حاجات دا فيهم تلاته بتلاتين
سيد / بصراحه من هنا و رايح هيتعملنا سيط و لا مين فزمانه
معتز / يلا بينا نروح نلحق الصلاه مع انى مكسح
سيد / قوم قوم
اخلاص / انا عملت شاى
كامل / تسلم ايدك بس يادوب نلحق الصلاه
التلاته ينزلوا متسندين على بعض
اخلاص تدخل على بسمه البلكونه تلاقيها مفلوقه عياط و صوابع معتز معلمه فى وشها و متعوره
اخلاص / انتى مش هتجيبيها لبر مش شايفه انك فى الفتره الصغيره دى قومتى تلت حوادث ايه خلاص بقيتى بسمه خناقات مفيش بنات غيرك فى الحته
بسمه / كنتى هتبقى مبسوطه لو معتز جراله حاجه
اخلاص / لا طبعا مكنتش هنبسط كنتى صحى ابوكى صرخى و صحى الناس فى الشارع قولى حرامى فى البلكونه لكن تنزلى بنفسك شايفه نفسك زينه
بسمه / معرفش بقى انا مفكرتش غير فى معتز خفت عليه يا ماما خفت عليه اوى
اخلاص / الحمد لله عدت على خير و مين اللى عمل فوشك كدا
بسمه / اتكعبلت
اخلاص / لا بتكلم عالصوابع اللى معلمه فوشك
بسمه / دا معتز
اخلاص / معتز من امتى دا مبيطقش عليكى الهوا
بسمه / اهو اللى حصل
اخلاص / هجيبلك كيس تلج تحطيه على وشك
...............
فى المسجد بعد الصلاه
نبيل / انا شايف ان الحل الوحيد اننا نعزل مالحته دى
كامل / يا عم نبيل بعد اللى حصل النهرده محدش هيجروئ يهوب مالمنطقه
نبيل / ياخى اتلهى روح بص على وشك فى المرايه الاول
الشيخ / هههههههههه يا نبيل دانت مشوفتش العيال التانين دول كانو سته فيهم تلاته جتت
نبيل / الحمل تقل على كتافى اوى يا مولانا البت لما كانت مليانه كانت بتمشى فى الشارع مخفش عليها لكن من يوم مخست و اديك شايف
الشيخ / انت بس اللى مركز هو موقف واحد مالاول و كل دى توابع ليه و السبب فكل ده فى الحبس و هروح انا و الرجاله كمان شويه نتاكد انه مش هيخرج منها ابدا
نبيل / على الله
نبيل يقوم و الشيخ يبص للتلاته و يبتسم
الشيخ / انا نظرتى فيكوا عمرها مبتخيب ابدا
التلاته يبتسموا و يقوموا
كامل / انا مش عارف هخش لامى ازاى بالمنظر ده
سيد / عادى زى مانا هخش على هند بس اكيد وصلتلهم الاخبار
معتز / انا مش عاوز اروح اصلا
كامل / ليك حق انا عارف انك لما تتنرفز بتبقى غبى بس مش بالغباوه دى
معتز / ملكش فيه
كامل / البنت انقذت حياتك و انت عارف ده و خاطرت بنفسها جزائها تضربها
معتز / و عشان كدا ضربتها يا كامل عشان خاطرت بحياتها افرض سيد مسمعش صريخها و نزل افرض انت اتاخرت عليها
كامل / و مفيش حاجه حصلت
معتز / مش كل مره تسلم الجره
كامل / هفكرك بكلامك زمان يبقى نصيبها كدا كلامك ده و لا مش كلامك
معتز / كلامى على اى حاجه الا بسمه ماشى و بطل لك انا مش قادر اقف سلام
معتز يمشى
كامل / اوصلك
سيد / ياعم اتلهى انت قادر تشيل نفسك
كامل / الصراحه لا
..............
فى البيت عند كامل
حنان واقفه عالباب مع جوزها
كامل / ايه اللى صحاكى بدرى كدا
كامل يدخل يقعد على اقرب كرسى
حنان / انا كنت هموت مالقلق لو كنت اتاخرت ثانيه واحده كنت هنزل ادور عليك
كامل / ليه عيل صغير
ابوه / لا راجل و كبير و مسؤل بس بزمتك ده شكل واحد مسؤل ده
كامل / اه شكل واحد كبير و مسؤل احب افكركوا ان كل اللى بيحصل بسببى عشان انا لو كنت رضيت بالحرام و بعت الادويه المخدره لحنفى و اللى زيه لا بسمه كانت اتبهدلت و لا سيد صالته اتكسرت و لا معتز انضرب و اه انا واحد مسؤل مقدرش اشوف صحابى فى مشكله و اجرى استخبى عشان انا جبان و خايف
ابوه / خلاص خلى الرجوله تنفعك انا مسافر عاوزين حاجه اجيبها معايا
كامل / ثوانى هغير و اجى اوصلك
ابوه / انا هاخد العربيه و ابقى اسيبها فى المحطه و ابقى عدى خدها فى اى وقت انا معايا المفتاح الاستبن
حنان / متخليه يوصلك
ابوه / ملوش لزوم خليه يرتاح احسن
ابو كامل ينزل
حنان / انت عارف انه خايف عليك
كامل / لو كان مكانى كان عمل اللى عملته و اكتر
حنان / ايوه بس انت
كامل / سيبك انتى هتروحى تخطبيلى بسمه امتى
حنان / انت بتتكلم جد و لا حد خبطك على دماغك و لا ايه
كامل / لا انا بتكلم جد
حنان / و ايه اللى خلاك توافق بالسرعه دى مش قولت محتاج تفكر
كامل / اكتشفت انها بميلون راجل و انها انسب واحده تحافظ على بيتى بس
حنان / خلاص انا هروح اكلم امها بكره و اربط معاها كلام و اول مبوك يرجع نحدد معاد و نتقدم رسمى
كامل / تمام
........
فى البيت معتز يدخل يلاقى اخلاص و نبيل قاعدين بيفطروا فى صمت قاتل
معتز/  السلام عليكم
نبيل / و عليكم تعال كل لقمه و لا انت شبعان مالضرب اللى كلته
معتز يقعد بالعافيه جنب ابوه و هو مبتسم / لا الحقيقه جعان لانى سبت الهبر لحنفى و العيال اللى معاه
نبيل / انا تعبت و اعصابى تعبت و خضه كمان زى دى و مش هتلاقونى
معتز / الف بعد الشر عنك
نبيل / انا من كتر بلاويك انت و الزفته التانيه بقيت خلاص تلاجه مش فارق معايا مانتوا مبتتهدوش
معتز / حقك يا حج
نبيل / بلا حج بلا قرف انا نازل
نبيل يقوم من عالاكل و ياخد المفاتيح و ينزل و اخلاص لسه بتاكل
معتز / امال بسمه فين
اخلاص / بتسال عليها ليه عاوز تكمل ضرب
معتز / لا عشان اصالحها
اخلاص / نايمه فى اوضتها مفلوقه مالعياط
معتز يقوم يدخل لبسمه البلكونه تعمل نفسها نايمه و معتز يقعد جنبها
معتز /حقك عليا
بسمه تقوم تعد / انت اول مره تضربنى
معتز / و اخر مره انا اصلا مش مصدق انى عملت كدا بس انتى غلطتى
بسمه / معاك حق كان المفروض اشد الغطا و انام و لا كان فى حاجه مانت متهمنيش اصلا
معتز بخبث/ و هو انا اهمك ؟؟؟
بسمه / لا طبعا
معتز / انا بخاف عليكى اوى و مستعد اموت و مفيش حاجه تمس شعره منك بس انتى ....
بسمه / اشمعن انت يعنى انت بتحس و انا لا مانا كمان خفت عليك
معتز / يا بسمه
بسمه / مفيش مبرر يخليك تعمل اللى انت عملته معايا المفروض كنت تشكرنى مش....
معتز / شكرا
بسمه / بجد
معتز / طبعا بس متعمليهاش تانى
بسمه / ربنا يسهل انت و نصيبك بقى
معتز / انا هخش انام و مش رايح الشغل مش قادر اصلا
بسمه / و لا انا رايحه الكليه
معتز يطلع و يقفل الباب يلاقى اخلاص واقفه
اخلاص / انا نازله افتح الدكان
معتز يهز راسه و اخلاص تنزل و معتز يدخل ينام جوه
............
فى الكليه
تامر / هى بسمه اتاخرت اوى كدا ليه
بلسم / معرفش اتصلت بيها مرتين مردتش يمكن مش جايه
تامر / طب جربى كلميها تانى يمكن ترد
بلسم /حاضر هجرب
بلسم تتصل ببسمه ترد عليها
بلسم / انتى فين يا بنتى مبترديش ليه
بسمه / مش قادره تعبانه جدا
بلسم / ليه فى ايه مالك
بسمه / حنفى الزفت امبارح بعت ناس يضربوا معتز و انا بمنتهى الذكاء نزلت احوش عنه
بلسم / هههههههههههههه بتهزرى و انتى يا قله انتى نازله تتخانقى باماره ايه يعنى
بسمه / بصى مفيش مخلوق مهزئنيش على العمله دى حتى معتز
بلسم / يا شيخه طب ايه مش جايه خلاص يعنى
بسمه / البعيده غبيه مقولتك مضروبه مش قادره اجى
بلسم / خلاص هعدى عليكى بعد الكليه
بلسم تقفل و فارس يدخل
تامر / خير
فارس / ازيكم
بلسم / الحمد لله ... بسمه تعبانه مش هتقدر تيجى
تامر و فارس فى نفس واحد / ليه خير
...................