بكابوزه بقلم / لولو محمد ( كامله )

الحلقه ٧

#lolo #لولو_محمد
((((((((((((((بكابوزه )))))))))))))))))))
الحلقه السابعه
معتز/ ملقيتيش حاجات حلوه و لا ايه
بسمه مبتردش
معتز/ طب ايه رايك  اعزمك على حواوشى ريحته هبلانى مالصبح
بسمه/ مش عاوزه  اكل مليش نفس
اخلاص / يابت متكبريش الموضوع و بعدين مالها ام ممدوح  مهى اللى مفصلالك البلوزه اللى عليكى
..............................................
بسمه/ انا عاوزه اروح
معتز يروحهم نبيل نايم و كلهم شايلين اكياس كتير
معتز/ يعنى كل الاكياس دى مفيهاش حاجه خالص لبسمه
اخلاص  / ازاى دانا اشتريتلها شويه طرح و كام جلبيه و عبايتين زى الفل
بسمه تدخل المطبخ و تطلع الاكل و تسخنه و معتز عينه عليها
اخلاص / افتح كدا الشنطه دى لقيتلك تلت تيشرتات لقطه يارب يعجبوك و فى بجامتين فى الكيسه التانيه و جبت لابوك كمان
معتز / عن اذنك ثوانى يا ماما
معتز يدخل المطبخ يلاقى بسمه ماسكه ساندوتش كفته و معلقه على اللحمه
معتز/ مفيش قطمه ليا
بسمه تطلعله ساندوتش تانى
معتز/ لا انا عاوز قطمه من اللى فايدك طعمه احلى
بسمه تديهوله
معتز/ بكره نروح ندور فى حته تانيه بيقولوا الابراهيميه فيها محلات تهبل
بسمه/ مش هلاقى مقاسى برضه انا فيل اخرى جلاليب و عبايات عمرى مهلاقى حاجه حلوه
معتز/ امال اللى اطخن منك بيلبسوا ازاى
بسمه/مش فسنى يا معتز
اخلاص تدخل المطبخ
اخلاص / مهو الموديلات اللى فى مقاسها مبتعجبهاش بتقولك عواجيزى و كل متشبط فى موديل يقولولها دا ون سايز او مفيش منه مقاسك
معتز/ بسيطه شوفى الموديل اللى يعجبك و ننزل نشترى قماشه و نفصلهولك
اخلاص/ قولت كدا وربنا
بسمه./ وانا هفضل طول عمرى اللبس تفصيل
معتز/ طب و الحل انك تسخنى الرز المعمر و تاكلى قبل متنامى يعنى
بسمه  / خلاص و لا تزعل نفسك ادى اللقمه وسع
بسمه تروح تقفل على نفسها اوضتها و تعيط و اخلاص تكمل الاكل شويه و الاذان يصحى نبيل
نبيل/ جيتوا امتى استنيتكوا كتير
اخلاص / صح النوم جينا من شويه تعال تعال شوف جبتلك ايه
نبيل / لما ارجع من الصلاه جاى يا معتز
معتز سرحان
نبيل/ معتز ...معتز
معتز / ايوه يا بابا معلش سرحان
نبيل/ اللى واخد عقلك جاى الصلاه
معتز/ هتوضى اهه
معتز و نبيل ينزلوا و يرجعوا
معتز/ هى لسه قافله على نفسها
اخلاص / خبطت عليها قالتلى اسيبها تنام
نبيل/ مالها مقموصه و لا ايه
اخلاص/ ملقتش حاجه مقاسها عجباها
نبيل/ و عمرها مهتلاقى طول مهى شبه وحيد القرن كدا عمرها مهتلاقى
معتز/ خلاص يا بابا بقى هى فيها اللى مكفيها
نبيل/ يابنى انا عاوز مصلحتها امراض الدنيا بتيجى للطخان و هى صغيره عالضغط و السكر 
اخلاص/ فال الله و لا فالك
نبيل/ يا اخلاص انا خايف عليها
اخلاص / خلاص فضونا سيره انا هغرف ناكل لقمه عشان ننام شويه قبل مننزل البحر
نبيل/ سكتنا
معتز/ انا هقوم اخبط عليها خد يا بابا الاكياس اتفرج على الحاجات اللى ماما جابتها
معتز يقوم يقعد قدام باب بسمه و يخبط بالراحه
معتز/ بسبوسه ......بسمه
بسمه من ورا الباب / عاوزه انام
معتز/ طب هاتى مخده و غطا طيب
بسمه تفتح الباب ووشها كلو دموع و احمر و عنيها حمر و تحدف الغطا و المخده فوش معتز و تيجى تقفل الباب معتز يحط رجله
معتز/ اهون عليكى انام منغير اكل و زعلان
بسمه تروح تعد عالسرير و تعيط
معتز/ يا ستى احنا لسه مروحناش بكره هاخدك و نلف اسكندريه كلها
بسمه/ برضه مش هنلاقى حاجه
معتز/ خلاص ندور فى مصر هاخدك كل يوم و نلف على محلات مصر واحد واحد
بسمه مبتردش
معتز/ ايه رايك اخدك يوم جمعه من اوله على بورسعيد نسافر مالنجمه اصلى الجمعه هناك و نقلبلك بورسعيد كمان لحد متلاقى احلى لبس للجامعه
بسمه تبصله و تمسح دموعها
معتز/ متزعليش نفسك مفيش حاجه تستاهل
بسمه/ خلاص مش زعلانه بس بابا مش هيسكت هيفضل يقولى بطلى اكل خسى هتموتى مش هتلاقى حد يتجوزك
معتز/ هو خايف عليكى دخلى من هنا و طلعى مالناحيه التانيه تعالى يلا قومى اغسلى وشك و يلا ريحه الرز المعمر مجننانى
بسمه تدحك / حاضر
.........
تانى يوم بالليل فى الشقه
اخلاص / رجلى ورمت مالوقفه و اللف فى المحلات الجبابره مش حاطين كرسى واحد ارتاح عليه
بسمه/ انا داخله انام
معتز  يمسك ايدها / انا جعان و لازم اتغذى كويس عشان اعرف اروح بورسعيد
اخلاص / ايه حكايه بورسعيد دى رخره طول اليوم لما متلاقيش مقاسها تقول هبقى اشوف فبورسعيد احسن
معتز/ باذن الله الجمعه الجايه هنروح بورسعيد صد رد كدا نشوفلها لبس
نبيل يصحى / و مش هتلاقوا هى احسن حل تبطل لغ و تخس
بسمه/ متولع فيا و تخلص عشان ترتاح
بسمه تجرى على اوضتها و تقفل الباب
نبيل/ شايفه قله ادب بنتك
معتز/ معلش يا بابا مهى مخنوقه برده
نبيل/ مخنوقه  مهو طبيعى تكون مخنوقه بتفطر محشى و بط و تتغدى بشاميل  اكيد الاكل طابق على نفسها خانقها
معتز/ عن اذنكوا
معتز يفتح الباب
نبيل/ رايح فين
معتز / مخنوق انا كمان هتمشى شويه لحد الفجر
نبيل/ خلاص كلامى بقى تقيل عليكوا كلكوا اتخنقتوا منى
بسمه تفتح الباب ربع فتحه و تقف مداريه وراه تبص لمعتز و يبصلها
معتز/ انا تعبان  طالع عينى نفسى ارتاح
نبيل/ وانا اللى تابعك
معتز/ خناقكوا اللى تاعبنى كل يوم نفس الموال  هى مش هتخس هى حره و احنا اهلها نقف جنبها فى قرارها
نبيل/ هى مش عارفه مصلحتها
معتز/ نوجهها بالراحه مش نكرها فى نفسها
نبيل/ خلاص هسكت مش هفتح الموضوع تانى وورينى انت هتعمل ايه
معتز يقفل الباب و يدخل لبسمه اوضتها
معتز/ العياط مبيخسسش فمهما عيطتى مش هتفرق الحاجه الوحيده اللى هتاخديها مالعياط هى وجع عنيكى عاوزه تاكلى كلى مش عاوزه و عاوزه تخسى براحتك قرارك و لنافسك و اى كان قرارك انا معاكى فيه
////////
ب/ اول مره معتز يرد على بابا و يتخانق عشانى اول مره يقول الكلام ده بصوت عالى اول مره حد يدافع عنى و يسكت الناس هو صحيح طول عمره بيدايق بس مكنش بيرد كان بيسيب المكان و يمشى كان بيقولى انه لو ادخل هيكبر الموضوع و بابا هيزعل منه بس مش ده اللى حصل
////////
اخلاص/ السمك هيبرد يا جماعه يلا عشان ناكل
نبيل/ سمك !!!!!
اخلاص/ جايبين شويه سمك مشوى مالراجل اللى تحت البيت بس ايه عنب انت مش شامم و لا ايه
معتز/ مريحه السمك بتاعه قالبه البيت مالصبح
بسمه/ انا مش جعانه
معتز/ طب اقعدى جابرى الزاد كلى لقمه حتى لو نسيره حاف و قومى
نبيل/ تعالى يا بسمه انا والله خايف عليكى مش اكتر
بسمه/ و انا مخترتش اكون طخينه ليه متولدتش زى البنات اللى بياكلوا و مبيطخنوش
معتز/ خلصنا بقى يلا الفجر هياذن و هنزل
........
تانى يوم
اخلاص / عبيتى كل حاجه
بسمه/ اه مسبتش قشايه و  رتبت الاوض زى مكانت بالظبط و قفلت محبس الميه و رشيت الشقه  و قفلت الشبابيك و شيكت عالانبوبه قفلت الباب بالمفتاح
معتز / طب تمام يلا بينا عشان متاخرش
نبيل/ انا اللى هسوق نام انت عشان تعرف تقف على رجليك فى الشغل انا نايم كويس
بسمه/ طب نعدى على اى حد نجيب اى حاجه ناكلها فى الطريق
اخلاص/ المحلات كلها قافله قدامك اهو و يادوب نمشى عشان معتز ميتاخرش عن شغله
معتز/ ابقى اقف فى اى استراحه فى السكه يا بابا هاتلها فطار
نبيل/ ربنا يسهل يلا توكلنا على الله
........
قدام المحل
معتز/ يلا سلام انا
بسمه/ مع السلامه
معتز/ بابا ابقى ادى المفتاح لكامل لو شوفته ماشى
نبيل/ ماشى يلا  سلام
معتز يدخل المحل
شيماء / صباح الخير
معتز/ صباح النور
شيماء/ سمعت انك كنت فى اسكندريه
معتز/ جبتلكوا علبه هريسه اتفضلى
شيماء  /  تسلم ايدك احكيلى بقى عملت ايه
معتز/ و لا حاجه
شيماء/ هو انت زعلان منى فحاجه
معتز/ ابدا و ازعل ليه بس
شيماء / اصلك بتقفل فى الكلام
معتز/ ابدا يا شيماء انا بس مطبق و منمتش غير الطريق فبجد مرهق
شيماء / سلامتك اعملك كوبايه شاى
معتز/ يبقى كتر خيرك
شيماء / من عنيا ثوانى
شيماء تروح تعمل شاى لمعتز فى المج بتاعها و تديه لمعتز يبص للمج و يبصلها
شيماء / عملتهولك فى بتاعى عشان اكبر
معتز / تسلم ايدك انتى احسن اخت فى الدنيا
شيماء  /  اخت !!!!!
معتز/ تسلم ايدك والله الشاى طعمه حلو اوى اللحقى زباين روحى روحى
شيماء بحزن / كلامك كلو ماشى
..........
هند / قفلك لمى نفسك بقى بدل ميحرجك بعد كدا
شيماء / كتر خيرك عالنصيحه
هند / يابت انا بكلمك لمصلحتك الواد مش شايفك اساسا انسيه
شيماء  / هو بمزاجى يا هند مانتى شايفه دانا بشتغل فى المخروبه دى عشان ابقى جنبه
هند/ ربنا يشفيكى ياختى
شيماء / هتتجوزى امتى
هند/ ادينى مستنيه الفرج بيوضب فى الشقه لما تخلص هنجيب العفش
شيماء/ و انتى خلاص كملتى حاجتك كلها
هند/ فاضل الرفايع و شويه حاجات كدا بس التقيل كلو جبته خلاص
شيماء/ ماشى ربنا يسهل لو عوزتى حاجه ابقى قوليلى
........
اول يوم كليه الصبح
معتز/ انا نازل المحل عاوزه حاجه يا بسمه
بسمه/ ايه رايك حلو كدا
معتز/ قمر ...ها هتنزلى امتى
بسمه/ هلبس الطرحه و انزل اهو بلسم مستنيانى
معتز/ طيب معاكى فلوس
بسمه/ اه معايا واخده من ماما الصبح
معتز/ طب انجزى يلا اعديكى على بلسم فى سكتى
بسمه/ ثوانى
.........
قدام بيت بسلم
بسمه/ بقالى ربع ساعه مستنياكى
بلسم / مطلعتيش ليه
بسمه/ معتز كان واقف معايا
بلسم/ يا معفنه طب مش كونتى قولتى كنت نزلت بدرى هو راح فين
بسمه/ لما شافك نازله مشى عشان ميتاخرش على شغله
بلسم/ ياخساره
بسمه/ ههههههههههههه
........
فى الصاله بالليل
معتز/ ميا مسا عالابطال
سيد/ اهلا سعاده المستشار
معتز/ ياض بطل كنت متر بقيت مستشار
سيد/ و السنه الجايه هتترقى و تبقى الريس
معتز / يا راجل ارحمنى
سيد/ اخبار الدكتوره ايه
معتز/ بتسال ليه
سيد/ مفيش بطمن عليك يا صاحبى
معتز/ عادى كويسه الحمد لله
سيد/ مش خايف تتنطت عليك
معتز/ لا مش حاطت الهبل ده فى دماغى
سيد/ بس بردك هى هتبقى دكتوره و تتوظف و انت هتفضل زى مانت سواق
معتز/ عارف ياد يا سيد بسمه عمرها متعمل كدا و يوم مهتعمل كدا متلزمنيش
سيد/ طب و لزمته ايه مالاول
معتز/ عشان بسمه مش لعبه تعبت و زاكرت
سيد/  يعنى تصرف و تكلف و فى الاخر يجى غيرك يشيل عالجاهز
معتز/ بطل غلاسه محدش بياخد غير نصيبه و علينا السعى
سيد/ براحتك انا نصحتك
معتز/ بايه والنبى اسيب البت التعليم و اكبتها فى البيت عشان انا قليل طب دى تبقى عيبه فى حقى حتى
كامل / بتتودودوا مالصبح فايه
معتز/ اهلا يا دكتره عامل ايه
كامل / ياعم على مفتكرت
معتز /  اخبارك ايه صحيح
كامل / كفران يا عم
سيد/ ليه يا معلم كفالله الشر
كامل / الزفت حنفى قارفنى و قارف امى فى الرايحه و الجايه روحت ياعم عملت فيه محضر بس تقول ايه بس
سيد/ طب منعلم عليه
معتز / طب و عملت ايه فى المحضر
كامل / طلع شهاده بتاعه انه مريض نفسى مش عارف جايبها من انهى داهيه و طلع
حنفى يدخل
سيد/ جبنا فى سيره القط
حنفى / ميا مسا عالكباتين
سيد/ ميا مسا يا حنفى اؤمر
حنفى / جاى اسلم عالدكتور و ماشى و اطمنه على صحتى
معتز/ الا صحيح اللى سمعناه ده
حنفى / سمعت ايه و لا مؤاخذه
معتز/ انك ترالالى مجنون
حنفى / لا عاش و لا كان يا زميلى اللى يجيب سيره حنفى سيد الحته بربع كلمه
معتز/ طب بص بقى يابو الاحناف اخر مره تتعرض لصاحبى و المره الجايه انا اللى هقفلك
حنفى / يادى ام الحوار الصايص ده بص يا ميزوا انت غالى عندى انت و ابوك و مرات ابوك و بنت مرات ابوك الدكتوره
معتز/ خليك فيا انا مش هنخيب ماشى
حنفى / ازاى يا جدع دا حتى الدكتوره بسمه بكره تظبطنى زى الدكتور كامل مبيظبطنى
معتز/ ورحمه امى لو قربت من بسمه مهيكفينى فيك عيلتك كلها
سيد/ اهدى يا معتز هو مش اهبل و لا ايه يا حنفى
كامل / انت مش كنت حليت عنى عاوز ايه يا غتت
حنفى / مش عاوز انا خلاص لقيت تصريفه غيرك بس اللى عملته يا زميلى كان عيب و هتتربى عالغلطه دى
سيد/ انت اللى بدات بالغلط
حنفى / و جيت اصلحه
معتز/ بص بقى انا زهقت منك مش كل يوم تبلبعلك حبايتين و تيجى تتسطل على اللى جابونا غور ياض من هنا
سيد/ بالراحه يا معتز حنفى دا اخونا بردك و لا ايه يابو الاحناف
معتز/ و لعلمك لو قربت من اى حد يخصنى هزعلك
حنفى / لا دكر ياض ورينى كدا نفسك
كامل / خلاص يا معتز عندى دى امشى يا حنفى من هنا مش قولت اللى انت عاوزه غور بقى