بكابوزه بقلم / لولو محمد ( كامله )

الحلقه ١٥

#lolo #لولو_محمد
(((((بكابوزه )))))))))))))))
الحلقه الخامسه عشر
معتز/ الله يخليك .... يابنى انا مش عاوزها يوم متخس و تحلو تقول ياريتنى كنت صبرت مش عاوزها تندم انها ربطت حياتها بيا عاوز يوم منرتبط يبقى قرار لا رجعه فيه مش عاوز احس فيوم من الايام انها مش سعيده
سيد/ طب افرض طارت من ايدك البت خست و احلوت و بقت موزه و فجاه يجى واد كدا زى صاحبنا بتاع الريس يخطف عقلها
معتز/ بسمه اعقل من كدا
سيد/ انت يتقول كدا من ورا قلبك انت مرعوب
..............................
معتز/ بس مش جبان و مش ضعيف
سيد/ و دا ايه علاقته
معتز/ انا يوم مهحس ان حبى لبسمه هيقف فى طريق سعادتها و مصلحتها هدوس على قلبى بالجزمه انا مش انانى و معنديش اى استعداد انى اذى بسمه باى شكل لمجرد حب التملك و بعدين مهى لما هتحلو هتحلو ليا برده يابنى
سيد/ اعمل اللى يريحك بس افتكر انى نصحتك و بس بقى عشان كامل جاى
........
فى البيت
معتز نايم على الكنبه و مستغطى و يحس بحركه جنبه يقوم مفزوع
معتز/ بتعملى ايه يا بسمه
بسمه/ الدنيا بتشتى على اخرها و صوت المطر عالشباك مرعب و الدنيا تلج فى البلكونه فقولت اجى انام عالارض جنبك
معتز/ طب خلاص تعالى مكانى و انا هروح مكانك
بسمه/ بقولك تلج جوه هتعيى
معتز/ طب استنى عندى فكره
معتز يجيب حبل غسيل و يربط طرف فى اوكره الباب و الطرف التانى فى اوكره البلكونه
بسمه/ انت بتعمل ايه
معتز/ بعمل عازل
معتز يجيب ملايه و ينشرها على الحبل و يدخل البلكونه يجيب مرتبه بسمه و يحطها عالارض
معتز/ تمام كدا نامى مكانى و انا هنام عالارض
بسمه/ ايه اللى انت عامله ده
معتز/ يا بنتى بابا لو قام و شافك نايمه فى الارض هيعمل مشكله فالعازل ده هيسكته
بسمه / امرى لله تصبح على خير
بسمه تنام عالكنبه و تتكلفت و معتز عالارض و شويه و بسمه ترفع الحاجز
بسمه /معتز انت نمت
معتز/ لا
بسمه/ متخلينى انام انا تحت احسن
معتز/ ليه بس
بسمه/ عشان لو اتقلبت ووقعت عليك بس ميحصلش حاجه
معتز/ ههههههههه متقلقيش اقعى انتى بس و ملكيش دعوه
بسمه/ يا سلام
معتز/ يا بنتى انا بشيل اتقل منك فى الصاله متقلقيش تحبى اقوم اوريكى
بسمه/ لا شكرا خلى اليوم يعدى على خير
معتز/ اعتبر ده استفزاز
بسمه/ و لا استفزاز و لا حاجه تصبح على خير
بسمه تسيب الحاجز و ثوانى و ترفعه تانى
بسمه/ معتز ... نمت
معتز/ اكيد ملحقتش
بسمه / تعرف انا بحقد عليك اوى
معتز/ ليه بقى ان شاء الله
بسمه/ شوف انت متكلفت بالغطا ازاى الرفيعين دول محظوظين اوى تلاقى الواحد متكلفت باللحاف مرتين و متغطى كويس مش زيى يادوب طبقه واحده
معتز/ بكره تخسى و تبقى مزه و تلفى نفسك باللحاف مره و اتنين و تلاته كمان
بسمه/ بجد تفتكر
معتز/ انا واثق
بسمه/ اقولك سر
معتز/ ياريت
بسمه بابتسامه عريضه / انا بحب الشتا اوى اوى اوى
بسمه تسيب الحاجز و معتز يرفعه
معتز / ليه بتحبى الشتا اوى اوى ليه
بسمه تعمل نفسها نايمه و تدى لمعتز ضهرها
معتز /انتى هتستهبلى متلحقيش تنامى بتحبى الشتا ليه
بسمه كانها بتشخر / هاخ ويس هاخ ويس
معتز/ وحياه امك طب والله ان متعدلتى لفضل ازغزغ فيكى و عليا و على اعدائى بقى
بسمه مبتسمه  / هاخ و يس هاخ ويس
اذان الفجر
معتز/ الاذان نجاكى بس اوعى تفتكرى ان الموضوع ده خلص
معتز يسيب الحاجز و يقوم يتوضى
.........
يوم المتابعه عند دكتور التخسيس
الدكتور / ممتاز نزلتى ٧ كيلو
بسمه/ ايوه بقى
الدكتور / معدل فوق الممتاز اهم حاجه الاستمرار
بسمه/ لو كل اسبوع ٧ كيلو كدا هخس بسرعه اوى
الدكتور / حيلك حيلك مش كل اسبوع نفس المعدل بس اهم حاجه تستمرى و اهم حاجه ان التحاليل كلها تمام و مفيش مشاكل و ده فحد ذاته يطمن جدا
معتز/ شكرا يا دكتور
.........
فى التاكس
بسمه/ انا فرحانه اوى بجد عاوزه اروح بسرعه عشان اجرب اللنسيز بجد بدات احس بفرق
معتز/ معلش يادوب نروح عشان تلحقى الصيدليه
بسمه/ ماشى بس مرديتش عليا وشى بدء يروق شويه مالحبوب و كمان بعد مبيضت سنانى و الكام كيلو اللى خستهم فارقين فوشى حاسه انى فرحانه اوى
معتز/ و انا فرحان اوى لفرحتك دى و زى مالدكتور قال المهم الاستمرار
بسمه/ عيب عليك دانا عمرى عمرى عمرى مهخلى الاحساس ده يضيع منى يااااه كان فين من زمان شوفت كان عندك حق لما وثقت فيا
معتز/ هبقى اجيب معايا عشا ملوكى عشان الفرى بتاعك
بسمه/ مش عاوزه مفتوح انا عاوزه اخس على قد مقدر
معتز/ براحتك
.......
فى الصيدليه
كامل/ شكلك مبسوطه
بسمه/ اصلى خسيت حبه حلوين
كامل / الف مبروك عقبال المثالى
بسمه/ شكرا بجد
كامل/ انتى عندك امتحان بعد بكره صح
بسمه / اه مانا جبت الكشكول معايا ابص فيه و انا قاعده لو معندكش مانع
كامل / لا ابدا مفيش مانع و لو عاوزه تعدى بكره تزاكرى مفيش مشكله
بسمه/ لا ملوش لزوم انا هبقى اجيب كتبى معايا اتسلى فيها
كامل /اللى يريحك
.......
اول الشهر فى الصيدليه
كامل/ اتفضلى المرتب
بسمه/ ايه ده
كامل / ٣٠ جنيه فى الساعه فى الاسبوع و انتى اشتغلتى اسبوعين اربع ساعات يبقى ٢٤٠ جنيه نص شهر
بسمه تبص للفلوس و تبصله
كامل/ انتى مستشوياهم و لا ايه
بسمه/ ايه لا ابدا ابدا انا كنت فاكره انى بتمرن مكنتش فاكره انى هقبض اصلا
كامل / يا بنتى انتى بتشتغلى معايا و ده حقك
بسمه تاخد الفلوس / شكرا اوى
كامل/ عديهم
بسمه / لا ازاى عيب
بسمه تضير و تعدهم و هى فرحانه اوى و كامل فاقسها و را و عامل نفسه مش واخد باله
........
فى البيت
بسمه/ شوفت كامل ادانى نص شهر ٢٤٠ جنيه
معتز / بجد ممتاز مبروك عليكى
بسمه / خدهم
معتز/ ليه
بسمه/ معرفش اعمل بيهم ايه خدهم شوف هتحطهم فى ايه انا بقيت بشتغل و بجيب فلوس انا حياتى من احسن لاحسن انا فرحانه اوى
معتز/ يارب دايما
بسمه/ ها قولى بقى هتجيب ايه بقى بالفلوس دى
معتز/ خليهملك هاتى بيهم اللى نفسك فيه انتى هتحتاجى لبس جديد بعد الحبه الحلوين اللى خستيهم
بسمه/ لا مش هجيب لبس الا لما اخس خالص اروح اجيب لبس و اخس تانى و يترمى حرام
معتز/ بس انتى بسم الله ما شاء الله الاسبوعين دول فرقوا جامد
بسمه/ عقبال الباقى يارب
معتز/ مبسوطه
بسمه/ اوى انت مش متخيل الكل مستغربنى منغير النضاره ووشى الناعم منغير حبوب و كمان سنانى البيضه و كل يوم الخسيه بتبان يوم بعد يوم انا واحده جديده بجد و كل ده بسببك انت
معتز/ انتى اهم حاجه تكونى مبسوطه
بسمه/ ربنا يخليك ليا
........
فى الكليه امتحانات الفينال
بسمه/ مش قادره اصدق ان فاضل اسبوع عالاجازه
بلسم/ دانا هنام سبعين ساعه فى الاربعه و عشرين ساعه
بسمه/ لا انا هستغل الاسبوعين دول احسن استغلال
بلسم/ ازاى بقى
بسمه/ بدل مبشتغل اربع ساعات هخليهم تمانيه او يمكن ستاشر هههههههههه
بلسم/ ههههههههههه يلهوى عليكى
بسمه/ اما اشوف بس كامل هيقول ايه و هروح الجيم كل يوم عاوزه فى الاجازه دى انزل على الاقل عشره كيلو
بلسم/ باذن الله على فكره البت فريال هتموت مالغيظ
بسمه/ ملناش دعوه
بلسم/ شايفه بتبصلك ازاى مش عارفه هى حطاكى فى دماغها كدا ليه بت رزله
بسمه/ يا بنتى احنا داخلين امتحان كبرى مخك منها بقى
.......
بعد الامتحان بلسم واقفه مع شاب و بسمه تطلع مالمبنى
بلسم/ جرا ايه يا موس انتى كل ده بتحلى
الشاب / عملتى اخر سؤال ايه
بلسم/ انت عاوز تراجع مع بسمه دا ضد مبادئها
بسمه/ والنبى انتى رايقه اول سؤال شكله هيطير منى
بلسم/ ليه بس
بسمه/ مش عارفه المعادلات ممشيتش للاخر راجعتها خمسين مره و برده فى غلطه
الشاب/ خلاص حصل خير اهم حاجه االى جاى
بلسم/ معاك حق يا تامر
تامر/ بس برافو عليكى يا بسمه بصراحه اللى عملتيه فى الفتره اللى فاتت ميتصدقش
بسمه/ عملت ايه
تامر/ انتى مش شايفه نفسك انتى خسيتى جامد كنتى بتاخدى دوا و لا عملتى عمليه
بسمه/ دايت و رياضه
فارس يعدى و يحط ايده على كتف تامر
فارس/ من النهرده مفيش غير رياضه و دايت و دايت و رياضه
بسمه تبتسم من تحت الدرس
فارس/ عملت ايه فى الامتحان يا تموره
تامر/كويس الحمد لله اخر سؤال بس مكنتش عارفه فسبته
فارس/ هههههههههه ياعم انت جت عالسؤال الاخير فى داهيه و انتى يا بسمه عملتى ايه
بسمه/ الحمد لله كويس
فريال تدخل / متجمعين فى الخير ازيكم
تامر/ ازيك عملتى ايه
فريال/ كبر مخك ..... ازيك يا بسمه ايه الجمال ده اتغيرتى خالص
بسمه/ شكرا
فريال/ بس عملتى ايه فى الجلد المرهل اكيد الخسيه دى كلها مره واحده الجلد بيكرمش و يبوظ شوفت فيلم كليك يا فارس
بسمه/ انا بلعب رياضه فجسمى الحمد لله مشدود
فريال/ يعنى هو حد شايف حاجه
بسمه/ افندم
فريال/ انا قصدى حتى لو مرهل عادى يعنى مهو الهدوم بتدارى
بلسم/ فعلا ياما الهدوم بتدارى يلا يا بسمه اتاخرنا عن اذنك يا تامر
بلسم و بسمه يمشوا
تامر / عن اذنكوا انا كمان
تامر يجرى ورا بسمه و بلسم
تامر/ بسمه .،،، بلسم .... بسمه
بسمه/ نعم
تامر/ انا معايا عربيه لو تحبوا اوصلكوا مفيش مشكله
بسمه/ لا شكرا ملوش لزوم عمى زمانه جاى يروحنا
تامر/ طب تحبى اقف معاكوا لحد ميجى  عشان محدش يدايقكوا او حاجه
بلسم/ مش عاوزين نتعبك
تامر / تعبكوا راحه مفيهاش تعب و لا حاجه
بسمه/ حظك حلو عموا جه يلا سلام
بسمه و بلسم يركبوا التاكس و يمشوا
تامر / قصدك حظى و حش
......
فى التاكس
بلسم/ شكل الخسيه عامله شغل
بسمه/ اتلهى
نبيل/ عملتوا ايه فى الامتحان
بسمه/ الحمد لله المهم اللى جاى
نبيل/ باذن الله كلو خير
......
فى البيت
بسمه قاعده تزاكر و معتز يدخل
بسمه/ حمدالله عالسلامه اغرفلك اتاخرت ليه
معتز/ يادوب كنا بننزل بضاعه جديده فخلصت و جيت انتوا اتغديتوا و لا ايه
بسمه/ اه اتغدينا بس ثوانى هغرفلك
بسمه تقوم من تحت اللحاف و تدخل المطبخ معتز يمسكها من قفاها من ياقه البيجامه
بسمه/ هشرحلك
معتز/ يعنى عارفه عملتى ايه
بسمه / غصب عنى والله
معتز/ انتى مش واخده منى فلوس تجيبى بجامات اول امبارح لابسه بجامتى ليه بقى
بسمه/ مانا جبت بجامات فعلا بس ماما عانتهم فى جهازى و قالت خساره
معتز/ عليكى و على جهازك ياختى هو خلاص كتب كتابك بكره
بسمه/ اوعى كدا انت تطول اصلا انى اللبس بجامتك دا لوحده شرف تتباهى بيه
بسمه تطلع تقف فوق الكنبه
معتز/ الله يرحم يا بكابوزه مكانوش عشرين كيلوا اللى خستيهم
بسمه/ من فضلك واحد و عشرين و نص و فاضل زيهم
معتز/ انا شايف انك كدا حلوه اوى برده مش وحشه بس الاهم انك تبطلى تلبسى بجامتى و الا .....
بسمه/ و الا
معتز/ ببساطه هسيبهالك و هروح اشترى بجامات جديده لنفسى
بسمه/ ماشى بس متنساش تبقى تصغر المقاس نمرتين لحسن البنطلون طويل حبتين
بسمه ترفع رجلها و تورى لمعتز رجل البنطلون المتنيه
معتز  يرفع حاجبه و يتنهد / مفيش فايده حلال عليكى البجامه اتفضلى سخنيلى الاكل عشان ننزل
........
فى الكليه اخر يوم فى الامتحانات
تامر /عملتى ايه يا بسمه
بسمه / خلصت و دا اهم حاجه
تامر / بعد اذنك كنت عاوزك فى موضوع كدا برايفت
بسمه/ برايفت ؟؟؟
بلسم / طب هروح اجيب ميه مالكافيتريا و جايه
تامر / شكرا
بلسم تمشى
بسمه / خير
تامر / الموضوع اصعب مما تخيلت بس هحاول اشرحلك
بسمه / خير
تامر / انا معجب بيكى
بسمه / عن اذنك
تامر / طب على الاقل اسمعينى
بسمه / بص يا دكتور تامر انا مليش فى الحاجات دى
تامر /معتز صح
بسمه / معتز ؟؟؟
تامر / فارس قالى انك مرتبطه بابن عمك بس بصراحه كان لازم احاول لانى بجد بحبك
بسمه / انا و ابن عمى مفيش بنا حاجه و انت زى اخويا
تامر / مدام مش مرتبطه ادينى فرصه مبقولش حبينى بس ادينى فرصه بجد مش هتندمى
بسمه / انا بحترمك و بجد بتعامل معاك غير اى حد و انت ساعدتنى كتير ياما شرحتلى و ياما جبتلى ورق و ياما حجزتلى ليه تضيع كل ده خلينا اخوات و زمايل احسن
تامر / طب احنا عندنا اجازه فكرى و انا مش هستعجل على ردك بس ارجوكى فكرى