بكابوزه بقلم / لولو محمد ( كامله )

الحلقه ٢٨

#lolo
(((((((((((بكابوزه))))))))))))
الحلقه الثامنه و العشرون 
..........
اول  يوم فى الامتحانات
معتز نايم و بسمه تفتح الباب
بسمه / معتز ...معتز
معتز / ايوه يا بسمه خير
بسمه / النهرده اول يوم فى الامتحانات
..............................
معتز / طب تحبى اقوم اوصلك
بسمه / لا كامل هيوصلنى
معتز / امال بتصحينى ليه
بسمه / عشان انا خايفه و عوزاك تيجى معانا
معتز / هههههههه بسمه الجباره تخاف طب افرضى الاشرار سمعوا الك...
بسمه / بطل بقى و قوم اللبس
معتز / حاضر اطلعى بره و انا ثوانى و اكون جاهز
.....
قدام الكليه بسمه تنزل و كامل و معتز راكبين
كامل / هنروح فين التلت ساعات دول
معتز / انا هفضل هنا
كامل / خلاص نخلينا هنا تحب تسمع ايه بقى
معتز / سكوتك عشان هقرا قران
كامل / حاسك مش طايقنى امشى
معتز / براحتك
كامل / انت بتتكلم جد و لا بتهزر
معتز / انا متوتر و مش ناقصك ماشى فنقطنى بسكاتك
كامل / اللى يشوفك يفتكر ان انت اللى بتمتحن
معتز / اه انا اللى بمتحن
كامل / سكت
معتز / انا كنت متخيل انك هتبقى متوتر لان لو درجات بسمه قلت عن الترم اللى فات الكل هيجيب اللوم عليك
كامل / مش هتقل بسمه مزاكره كويس و لعلمك انا مبسوط اوى
معتز / ليه
كامل / عشان لما الامتحانات تخلص بسمه هتفضالى شويه يا مؤمن داحنا من يوم متخطبنا مخرجناش غير خمس مرات
معتز / انت عاددهم
كامل / اقولك مره شرا الشبكه و كلكوا كنتوا معانا و مره بنشترى السيراميك و مره بننقى البياض و الديكورات و مره يوم عيد ميلادها و باظت بسببك و مره واحده يتيمه نصها كنا بنتكلم عنك بزمتك دا يرضى حد
معتز / عيد ميلادها باظ بسببى انا بجد مش لاقى رد يناسبك دا اول عيد ميلاد لبسمه متحتفلش بيه معايا
كامل / حضرتك اللى بتشتغل طول الوقت و الموضوع ده مدايق بسمه جدا على فكره
معتز / اشتكتلك هى اصلها
كامل / اه اشتكت و عيطت كمان قالت انك بعدت اوى عنها و انها بتحس بالوحده
معتز / و انت روحت فين
كامل / يابنى انت هتقارن نفسك بيا انا خطيبها لكن انت ابوها
معتز / انا كنت ببعد عشان اديك فرصه تكسبها بس انت مكسل تحاول
كامل / مكسل
معتز / بسمه بنت رومانسيه جدا هاتلها ورد ابعتلها رسايل قولها كلام حب هتلها هديه
كامل / زى الساعه بتاعه عيد ميلادها اللى ملبستهاش و مبتقلعش الساعه اللى انت جبتهالها
معتز / و هى دى ساعه تجيبهالها دى تجيبها لمامتك
كامل / طب متقولى اجيبلها ايه انا ناوى اخرجها اخر يوم فى الامتحانات
معتز / بسمه بتحب الكبده اوى خدها و اعزمها على كبده
كامل / كبده من بره
معتز / انت قدامك سنين عشان تفهم بسمه على فكره
كامل / و ايه كمان بتحب ايه كمان
معتز / بتحب الورد الاحمر و الشيكولاته و بتحب اغانى وائل جسار و شيرين و بتحب تتفرج على حلمى و السقا
كامل / اجيبلها ايه هديه
معتز / حاجات بسيطه اى حاجه خليها تنقى خدها محل اكسسوارات و خليها تنقى هتلاقيها بتختار حاجه فى حدود 20 ولا 30 جنيه و هتبقى طايره بيها
كامل / طب تمام تحب تدينى اى نصايح
معتز / لا كفايه عليك كدا اتعلم الباقى بنفسك اسكت بقى
..............
بعد الامتحان
بسمه / انتوا لسه مستنين
معتز / كامل صمم يستنى فقولت اخلينى معاه اسليه
كامل / انا جعان تحبوا اعزمكوا عالاكل
معتز / انا وصلنى و بعدين عيشوا بقى
بسمه / طب متيجى معانا كدا كدا مواركش شغل
معتز / لا ورايا انا اتصلت بيهم و قولت انى هتاخر اخد نص يوم احسن من قلته
كامل / خلاص هوصلك
......
قدام المحل
معتز يمشى و بسمه تركب مكانه
كامل / تحبى تاكلى فين
بسمه / اى حته فاجانى
كامل / ماشى انا نفسى اكل كبده اوى ايه رايك انتى قولتى انك بتحبى الاكل كلو
بسمه / فى حد معين و لا اغششك
كامل / غششينى انا عمرى مكلت كبده من بره
بسمه / ههههههههههههه معتز اللى غششك
كامل / انتى فقسانى بصى انا سالته انتى بتحبى ايه و هو قالى والله نفسى ابسطك
بسمه / ماشى انا هوديك محل بيعمل احلى كبده فى مصر
كامل / قشطه
.......
فى المحل 
بسمه / ايه مبتاكلش بزمه ليه ماروف
كامل / لا بس انا اصلا مليش فى الكبده
بسمه / طب و جيت ليه
كامل / بحاول محاوله يائسه انى ابسطك
بسمه / بص يا كامل انا عمرى مهكون مبسوطه و اللى معايا مدايق انا اه بحب اجى هنا كتير مع معتز عشان انا و هو كنا بنبقى مبسوطين كنا بناكل يجى عشرين ساندوتش بنسابق بعض مين ياكل اكتر و نعمل فى بعض مقالب و نالس على بعض لكن المكان نفسه مش هو المشكله فلو مش مبسوط هنا ممكن نمشى و على فكره مكنش المفروض معتز يغششك المفروض يكون فى مكان ليا انا و انت نكتشفه سوا ننبسط فيه
كامل / انتى بتحبينى يا بسمه
بسمه ترتبك / ايه هاه ايه السؤال ده
كامل / سؤال عادى يا اه يا لا
بسمه / طب انت بتحبنى
كامل / اكيد و مش اول مره اقولهالك بس انتى اللى بتتقلى عليا
بسمه / عرفت منين انك بتحبنى
كامل / انتى بتهربى من سؤالى على فكره
بسمه / بص انا مش هكدب عليك انا عمرى مقولت الكلمه دى لحد و كنت مقرره انى عمرى مهقولها غير و انا متاكده مليون فى الميه من مشاعرى فارجوك يا كامل بلاش تضغط عليا
كامل / انا بضغط عليكى
بسمه / ايوه كل شويه بتسالنى انتى بتحبينى ها حبيتبنى و لا لسه انا بالنسبالك ايه كل دى اساله انا معرفش ارد عليك فيها دلوقت
كامل / خلاص انا اسف انا مش هضغط عليكى تانى هديكى فرصه و اهى الاجازه جايه و هنخرج كتير و نكتشف بعض و اكيد مع الوقت هتحبينى انا اصلا اتحب
بسمه / يا واد يا متمكن
كامل / لا دانا اعجبك اوى هاتى بقى ساندوتش ادوق يمكن تعجبنى و انسفلك المحل كله
............
فى البيت
اخلاص / عملتى ايه فى الامتحان
بسمه / الحمد لله
اخلاص / روحتى فين بعد الامتحان
بسمه / كنت مع كامل
اخلاص / طب انا نازله الدكان هتعوزى حاجه
بسمه / لا شكرا
اخلاص تنزل و بسمه تنام بهدومها عالكنبه و تشغل الفيديو بتاع فرح سيد اللى بترقص فيه هى و معتز و تنام و تسيبه شغال
شويه و معتز يدخل
معتز / بسمه ... بسمه
بسمه / هو انا نمت
معتز /قومى نامى جوه
بسمه / انت هتنزل تانى امتى
معتز / هاكل لقمه و انزل علاطول ليه عاوزه حاجه
معتز يدخل المطبخ
بسمه / انت ليه قولت لكامل ياخدنى محل كبده
معتز / ههههههههههههه ماما كان معاها حق لما قالت انك و كامل اتخلقتوا لبعض انتوا الاتنين عندكوا غباء متناهى
بسمه / كتر خيرك
معتز يغرف و ياكل عالواقف 
معتز / انا بجد مش قادر اصدق انه قالك اصلا دا متخلف والله
بسمه / على فكره دبلتك لسه معايا
معتز / خليهالك انا كنت هبيعها و استفيد بتمنها احسن
بسمه / متيجى نخرج
معتز / انتى مشبعتيش خروج زاكرى احسن
بسمه / انا زهقانه
معتز / روحى اشتكينى لكامل ....تانى
بسمه / انا مشتكتش لحد
معتز / يعنى هو كداب معيطتيش ليه انى معدتش فضيلك
بسمه / انا كنت مخنوقه
معتز / طب خلاص زى مفكيتى عن نفسك ساعتها فكى تانى هو فاضى انا ورايا شغل سلام
معتز يمشى
......
اخر يوم فى الامتحان
كامل مستنى قدام باب اللجنه
بسمه / جايلك بايه مالعطله دى كل يوم
كامل / يا ستى و انا فى ديك الساعه لما استناكى اول يوم فى الاجازه بقولك ايه انا تعبت من محاولاتى الفاشله لاكتشاف مكانا السعيد جربى انتى النهرده بقى
بسمه / ماشى اطلع بينا عالبيت
كامل / فين
بسمه / ماما عمله النهرده محشى ورق عنب بيتهيالى دى اكله متتفوتش
كامل / اممممم انا بحب المحشى اه بس انا عاوز ابقى انا و انتى لوحدنا و فى البيت مبقعدش معاكى عشر دقايق على بعض بصى خلى الاكل دلوقت ايه رايك نروح نقعد فى اى كافيه ناكل ايسكريم او نشرب عصير اهو نتكلم سوا
بسمه / اللى تشوفه
.....
فى الكافيه
بسمه / بس يا سيدى هى دى كل المشكله
كامل / ميمكن عنده مشكله الفتره دى ابعدى عنه شويه و هو لما هيروق هيرجع زى مكان
بسمه / يا كامل معتز هو ابويا و اخويا و صاحبى لما ببقى مخنوقه بتكلم معاه و لما ببقى زهقانه بتكلم معاه حتى و انا فرحانه بتكلم معاه
كامل / يا بخته
بسمه / بطل بقى انا بتكلم جد انا مفتقداه جدا بدات احس انه بيتجنبنى
كامل / لا متقلقيش هو بيتجنب الدنيا كلها دا حتى الصاله معدش بيعتبها و المسجد نادرا مبشوفه بيجى يصلى و اخر مره عاتبته و كلمته قالى ان مساجد ربنا فى كل حته و انه بيصلى و كلمنى باسلوب عنيف شويه
بسمه / نفسى يرجع زى زمان نفسى بس  اعرف ايه اللى غيره كدا
كامل / بقولك ايه مش كل خروجه نقعد نتكلم عن معتز انا كدا هبتدى اغير منه يا ستى راعى الغلبان اللى معاكى ده بكلمه
بسمه / انا بجد متشكره اوى انك بتسمعنى
كامل / مش انا حلمت بيكى امبارح
بسمه / بجد
كامل / الحقيقه لا بس دى لقطه شفتها فى فيلم عربى قولت اجربها
بسمه / انت رخم
كامل / لا بجد حلمت بيكى
بسمه / تحب تحكى
كامل / بصى يا ستى قال ايه انتى كنتى لابسه فستان ابيض فابيض و انا كنت لابس بدله شيك اوى و الناس كانت فرحانه و ماما بتزرغط
بسمه / دا الفرح
كامل / كنتى زى القمر
بسمه / شكرا
كامل / المهم مش ناوين نحقق الحلم ده بقى قريب و لا ايه
بسمه / لسه بدرى اوى على فكره
كامل / ليه بقى ان شاء الله
بسمه / عشان الدراسه بص هو انا ممكن اتكلم معاك فى اى حاجه
كامل / طبعا
بسمه / عارف انا زمان لما كنت مليانه
كامل / اه
بسمه / تعرف كان عندى احلام كبيره و فى نظرى مستحيله سبحان الله كلها بتتحقق و بسرعه اوى
كامل / دا شئ ممتاز
بسمه / بس انا مش مبسوطه زى مكونت متخيله برده حاسه ان فى حاجه ناقصه فى حاجه مهمه اوى مش موجوده هى اللى بتكمل الصوره دى
كامل / الحب مثلا
بسمه / الحب ده اكبر لغز فى التاريخ يعنى معتز دايما يقولى متدوريش عليه يمكن يكون قدامك بس انا كنت بنكش عليه زى المجنونه بدور فى كل حته بس عارف انا كانى بدور على حاجه مش عارفه هى ايه معتز كان بيقولى لما تلاقيه هتعرفيه
كامل / ايه هو الحب انا معرفش يعنى انتى بالنسبالى حاجه مهمه بحب اشوفك علاطول و بفكر فيكى و ببقى مدايق اوى لما بتمشى بيتهيالى هو ده الحب
بسمه / طب انت ممكن تعيش معايا وانا عجوزه او لو طخنت بعد الجواز او اتبهدلت مالحمل و الولاده و العيال هتفضل تحبنى برده
كامل / انا لما قررت ارتبط بيكى اكيد شكلك كان له دور بس مش هو الدور الاساسى انا كنت بفكر اكتر فقد ايه انتى بنت جدعه و انى هتسند عليكى لو فيوم تعبت
بسمه / الجمله دايما بقولها لمعتز على فكره
كامل / جمله ايه
بسمه / انا بتسند عليك
كامل / شوفتى معداش تلت دقايق و جات سيرته تانى
بسمه / و دى حاجه حلوه و لا وحشه
كامل / حلوه ووحشه بصى هى حلوه لان معتز يستاهل هو اعز اصحابى ووحشه عشان بتعلى سقف المنافسه اوى انا بحس انى بنافس معتز على قلبك و مش قادر الموضوع كان سهل اوى على جوز اختى لان انا و اختى ناقر و نقير لكن انتى عندك تشبع من كل حاجه حلوه ممكن اقدمها فاى حاجه بعملها مش فارقه معتز يقدر يعمل احسن منها و بمجهود اقل بكتير
بسمه / معتز فى حاجات كتير بتساعده
...................

كامل / بجد
بسمه / ايوه معتز يعرفنى من زمان و يعرف انا بحب ايه فكل المراحل اللى انت بتعانى فيها دى هو خلاص اكتشفها من زمان
كامل / طب ممكن اسالك سؤال
بسمه / اتفضل
كامل / بتحسى بايه لما بتشوفينى
بسمه / بحس انى فرحانه
كامل / ولما بمشى بتزعلى
بسمه / اكيد
كامل / طب لما ببقى قدامك بتفكرى فيا
بسمه / اممم مش دايما بس اوقات بفكر فيك
كامل / بتفكرى فى ايه
بسمه/ بفكر ياترى احنا مناسبين لبعض ياترى انا بحبك و لا لا ياترى لو لاقدر الله يعنى ايه اللى ممكن يحصل لو محصلش نصيب
كامل / و ياترى بتلاقى اجابه لكل الاسئله دى
بسمه / للاسف لا
تليفون بسمه يرن
بسمه / الو ....ايوه يا ماما انا مع كامل....طيب شويه و هنيجى ....سلام ....دى ماما بتستعجلنا عشان نروح
كامل / ماشى يلا بينا
......
فى البيت
اخلاص / هاتى يا بسمه الترابيزه اللى بتزاكرى عليها اما نحطها لكامل
كامل / لا عادى انا بحب اكل عالطبليه جدا
اخلاص / مش عاوزين نتعبك
كامل / تعبك راحه
معتز  يدخل
معتز / السلام عليكم
كامل / حماتك بتحبك ظابط نفسك على معاد الاكل
معتز يبتسم / لا متخفش هى بتحبك انت انا مش جاى اكل جاى اغير هدومى و امشى علاطول
نبيل/ متعد يابنى كلك لقمه معانا
معتز / الف هنا و شفا عليكم مره تانيه
معتز يدخل الاوضه
بسمه /هو هيفضل كدا لحد امتى
نبيل/ والله يا بنتى مانا عارف