بكابوزه بقلم / لولو محمد ( كامله )

الحلقه ٥

#lolo #لولو_محمد
((((((((((((((بكابوزه ))))))))))
الحلقه الخامسه

فى البيت
اخلاص / اتاخرتى ليه
معتز/ كنا بنحتفل بالنصر
اخلاص/ ههههههههه يحظك يا معتز بصى بقى معدلكيش حجه امتحانات و خلصت و فسحه و اتفسحتى انا هنزل افتح الدكان تمسكى الشقه تنفضيها اتفقنا
بسمه تبص لمعتز
معتز/ اتفقنا
.........................
اخلاص / ابقى اعملى الرز و شويه و اطفى عالاكل
بسمه/ حاضر
اخلاص تمشى و بسمه تتهبد عالكنبه
معتز/ مالك سموك
بسمه/ بزمتك عمرك شوفت اميره بتنضف
معتز/ هههههههههه بس دى مملكتك و بعدين مهو الملك هيساعدك
بسمه/ انت بتهزر انا لما اتجوز هخلى جوزى يجيبلى خدامه
معتز/ ان شاء الله فى المشمش قومى يابت اتحركى خلينا نخلص
بسمه/ قومت اجازه الهنا
معتز/ هههههههه ماشى ياختى
معتز و بسمه ينضفوا الشقه و يخلوها على سنجه عشره
بسمه تقعد عالارض / خلاص خلصت انا اصلا لسه صغيره عالهم ده
معتز/ جرا ايه يابت متتعدلى امال لو مكنتش مساعدك دى حياله اوضه و صاله امال فى شقتك اللى هتبقى تلت اوض و حمام كبير و مطبخ كبير هتعملى ايه
بسمه/ مقولتلك جوزى هيجبلى خدامه
معتز/ اه وماله و تطلع لعبيه و تخطفه منك
بسمه/ ههههههههههههه ربنا يخليك ليا يا معتز و ميحرمنيش منك ابدا
معتز/ و لا يحرمنى منك يا بسبوستى
بسمه/ هقوم اعمل الرز بقى
معتز/ و انا هستحمى 
تليفون بسمه يرن
بسمه/ الو ...،، ايوه يا بلسم ..... لا مش هينفع اخرج معاكوا النهرده ...... بجد طب  هكلمك كمان شويه ...سلام
بسمه تبتسم لمعتز
بسمه/ ميزوا حبيبى
معتز / هههههههههه عاوزه كام
بسمه/ اخص عليك
معتز / هتروحوا فين الاول
بسمه/ بلسم و اتنين كمان صحباتنا هيروحوا يتفرجوا على الاوكازيون بيقولوا فى عروض جامده ممكن اروح معاهم
معتز/ اصبرى شويه الاسعار لسه غاليه استنى كمان اسبوعين و المحلات كلها هتنزل تخفيضات
بسمه/ مانا مش هشترى هتفرج بس مانت عارف كدا كدا مش هلاقى مقاسى
معتز/ انتى اللى بتدورى فى الحتت الغلط
بسمه/ يعنى انت مش موافق اخرج
معتز/ لا طبعا انا مبقولش لا لاى حاجه تطلبيها ولو عاوزه فلوس كمان حاضر بس بنصحك
بسمه/ هكلمهم و اخد رايهم
بسمه تتصل ببلسم
بسمه/ ايوه يا بنتى اجليها لما العروض تبدا احسن .... عارفه انك مش هتشترى هتتفرجى بس ...... لا طبعا مش هيجى معانا .......هههههههه كلمه كمان و هقوله ........ اه واقف جنبى ......الو الو ......الواطيه قفلت السكه فوشى
معتز/ قلبى بيقولى كنتوا بتتكلموا عليا
بسمه/ اه كانت بتسال لو هتوصلنا
معتز / وماله شوفى تحبوا تروحوا فين و انا اوديكى و اجيبك
بسمه/ يا خبر ماما هتعلقنى معملتش الرز وسع كدا
........
فى الصاله
سيد/ معالى المستشار وصل
معتز/ انا شايف انى بترقى
سيد/شيفك مبسوط
معتز/ اصلهم فكوا الحصار
سيد/ والله طب تمام اوى و ناوى على ايه يا معلم
معتز/ و لا اى حاجه يبقى الوضعى على ما هو عليه و على المتضرر اللجوء للقضاء
سيد/ هههههههههه
كامل يدخل / مساء الخير
سيد/ اهلا يا دكتره منور
معتز/ بقالك كام يوم مبتظهرش
كامل /معلش كنت بدارى من حنفى 
معتز / ليه
كامل / قارفنى كل شويه ينطلى مش عارف اخلص منه ربنا يهده هو و القرف اللى بيتعاطاه ده
معتز/ انت بتهزر يا كامل انت بتبيعله مخدرات
كامل / ببيع ايه يا معتز انت هتودينى فداهيه دى اتاوه و مباخدش عليها مليم
معتز/ ايه الهبل ده
كامل / يا عم اللى ايده فى الميه مش زى اللى ايده فى  النار كل شويه يجى الصيدليه و يعمل قلق و يكسر كام رف هو و رجالته
سيد/  اه انا فاكر و لما سالناك قولت متعرفش مين
كامل / كنت خايف ياعم دا واد بايع اهله قولت اتقى شره واديله اللى هو عاوزه عشان يحل عنى
معتز/ غلطان يا صاحبى
كامل / اهو اللى حصل  قولت لو خلعت من هنا كام يوم فى معاد التموين هيحل عنى و يشوفله سكه تانيه  قفلت الصيدليه و غطست فى اسكندريه يومين لحد مامى اتصلت بيا و قالتلى انه قالب عليا الدنيا و بيهددها لو مقالتلوش مكانى هيشرحها خوفت على امى يا جدع و رجعت زى الكلب
معتز/ ايه الهبل ده و احنا  فين لما ام صاحبنا عيل زى ده يتهجم عليها
سيد/ على رايك ديتها علقه سخنه نربيه بيها ابن المفكوكه ده
حنفى و رجالته يدخلوا
حنفى / جرا ايه يا دكتره كدا تزعلنى منك
سيد/ جيت لقضاك
معتز/ ايه ياض شغل العيال الزباله بتاعك ده
حنفى / بصوا يا رجاله انا جاى اخد حاجتى و ماشى بلاش بقى جر شكل عشان انا خرمان و مش شايف قدامى خلقه بقولك ايه يا دكتره هات ام الشريط خلينى امشى بدل ودينى اندمكوا كلكوا
سيد/ ملكش حاجه هنا يلا اطلع بره بدل معملها انا معاك
حنفى / بلاش انت يا سيكا انا بحبك
كامل / شوفلك سكه غيرى يا حنفى
حنفى / ماشى يا دكتره اصرفنى المرادى انا والرجاله و المره الجايه هشوف حد تانى
معتز/ متصدقوش يا كامل دا عيل و ملوش كلمه
حنفى يفتح مطوته / متتمسى و قول يا مسى بدل مشقك هات ام الشريط
كامل يطلع شريط من جيبه و يديه لحنفى يوقعه عالارض واحد مالرجاله يوطى يجيبه معتز يزق حنفى و ينطر المطوه من ايده و سيد يمسك واحد من الرجاله يضربه بتقل فى دماغه و كامل يضرب الراجل اللى وطى عالارض و ينزلوا ضرب
سيد/ كفايه يا رجاله هما كدا وصلتهم الرساله خلاص
حنفى / انت كدا ختمت شهاته الوفاه بايدك
سيد/ الاعمار بيد الله بس طول مفيا نفس لو قربت من حد من حبايبى و صحابى هقفلك يا حنفى
معتز/ و مش لوحده انا كمان معاه
حنفى/ خليكوا فاكرين انتوا اللى بداتوا
........
فى البيت
معتز يدخل
بسمه/ كنتوا بتتخانقوا تانى
معتز/ صحيناكى
بسمه/ انا منمتش كنت مستنياك
معتز يقعد عالكنبه / اقعدى احكيلك
بسمه/ اتعورت
معتز/ عيب عليكى دا مين ده اللى يقدر اصلا
بسمه/ خلاص ان كان كدا تمام
معتز/ اتعشيتى
بسمه/ نقنقت
معتز/ طبعا طبعا
بسمه/ جعان؟؟؟
معتز / مش اوى بس لو هتاكلى ممكن انقنق معاكى ماشى ؟؟؟؟
بسمه/ اوك ثوانى هعمل عشا
بسمه تجرى عالمطبخ و معتز يفتح شباك البلكونه و يبص منه عالشارع شويه و بسمه تفرش الاكل
بسمه/ العشا يا ميزو
معتز يروح يعد جنب بسمه و هى بتاكل
بسمه/ تعرف انا نفسى ابقى زيك
معتز/ اتمنى حاجه عدله
بسمه/ لا بجد نفسى ابقى زيك اكل كل اللى نفسى فيه و مطخنش
معتز/ ههههههههه شوف ازاى و انا اللى كنت فاكر
بسمه/ فاكر ايه
معتز / ان شويه الحديد و التمارين فى الصاله هى اللى ظابطه الفرمه
بسمه/ يعنى هو انا لازم اشيل حديد يعنى عشان اخس
معتز/ بسمه انتى عاوزه تخسى بجد و لا زى كل مره
بسمه/ اكيد المرادى عاوزه بجد احنا داخلين عالكليه و لازم اظبط نفسى بقى
معتز/ ليه
بسمه/ هو ايه اللى ليه يابنى دى الجامعه
معتز/ ماشى ربنا يوفقك
بسمه/ فاكر منه
معتز/ يااااه ايه اللى فكرك بيها
بسمه/ ليه محبتهاش دى كانت بتموت فيك
معتز/ مفيش نصيب
بسمه/ هى اتجوزت صح
معتز/ اه سمعت كدا
بسمه/ عقبالى
معتز/ امين
بسمه/ مالك قفيل ليه النهرده
معتز/ دماغى مشغوله شويه بقولك ايه مش عاوزك تنزلى مالبيت لوحدك و عاوز اعرف اى مواعيد خروج ليكى ماشى
بسمه/ هو فى حاجه و لا ايه
معتز / لا بس اتخانقت مع حنفى  و انتى عارفاه عيل زباله
بسمه/ هههههههه طب يبقى يقرب و انا اندمه
معتز/ طبعا يا وحش يلا انا يادوب ادخل اخد دش سريع قبل الصلاه تسلم ايدك
بسمه/ متقولش لحد اننا اتعشينا ماشى
معتز/ هههههههههه سرك فبير مش عاوزين نضيع علينا الفطار كمان ساعه ههههههه
بسمه/ هههههههه
.......
اذان الفجر
بسمه فى المطبخ و معتز فى الحمام
نبيل/ صباح الخير يا بسمه
معتز يطلع مالحمام
بسمه/ صباح الخير يا بابا
معتز/ صباح الخير يا بابا
نبيل/ نعيما وسع اما اتوضى عشان ننزل
اخلاص / صباح الخير يا جماعه
بسمه/ ازيك يا ماما انا ظبطلك المطبخ اهو
اخلاص / انا شامه ريحه بيض بالبسطرمه
معتز/ ههههه
يكتمها و يبص لبسمه
اخلاص/ بتدحك على ايه
معتز/ مفيش اصلى جيت جعان فبسمه قلتلى بيضتين يعنى
اخلاص / الف هنا يا حبيبى انا بس الريحه جوعتنى
بسمه/ بس كدا اعملك حالا
اخلاص/ لا خليها لما ابوكى يرجع مالصلاه ناكل كلنا سوا
نبيل يطلع مالحمام و ينزل مع معتز
......
فى البيت
اخلاص / هيفضل يستر عليكى لحد امتى
بسمه/ يستر على مين والله اكل
اخلاص / يعنى مكلتيش معاه
بسمه/ نقنقت بس انتوا هتعدولى اللقمه
اخلاص/ يا بسمه انا خايفه عليكى مش اكتر
بسمه/ متخافيش حسبى عشان اطفى عالبطاطس
اخلاص/ متنسيش تزهرى الابيض و تنشريه و تغسلى الالوان
بسمه/ حاضر
اخلاص/ و فى فرخه فى الفريزر هطلعها تفك اهو تتبليها و تعملى صينيه  التورلى ماشى و صينيه رز معمر هتعرفى و لا هتكسفينى
بسمه/ مش عوزانى ادبحلك بطايه و احمرهالك بالمره
اخلاص / الحق عليا بعلمك
بسمه / احط شطه و لا لا عالبطاطس
اخلاص/ متكتريش عشان ابوكى
بسمه/ حاضر
معتز و نبيل  يدخلوا
نبيل/ الله الله عالروايح
معتز/ طب تمام كدا اكبر دليل ان بسمه نفسها حلو
بسمه/ الف هنا ثوانى هرص
نبيل / تسلم ايدك يا بسمه
الكل يقعد عالطبليه
بسمه/ ايه رايك يا بابا
نبيل/ تسلم ايدك يا حبيبتى
بسمه / طب كنت عاوزه اسال سؤال
نبيل/ ههههههههههه يعنى انتى محضره الفطار الملوكى ده عشان فى حاجه
بسمه / لا والله انا بس كنت عاوزه اسال هنروح مصيف و لا لا
نبيل/ ربنا يسهل
بسمه/ يا بابا احنا بقالنا تلت سنين مروحناش مصيف
نبيل/ قولت ربنا يسهل
.......................
بسمه / البحر وحشنى
معتز/ ممكن يا بسمه تغسلى خيارتين احطهم عالجبنه
بسمه/ حاضر حاضر
بسمه تقوم من عالطبليه و هى بتنفخ
معتز/ انتى هتجيبى لبسمه لبس للكليه
نبيل/ وماله ماحنا الفلوس مش عارفين نوديها فين زاحمه الاوضه جوه
معتز/ انا بقول يعنى لو هتجيب نروح خالد ابن الوليد اسعاره حلوه و كمان انا كمان مجبتش هدوم خالص بقالى فتره
نبيل/ قولت ربنا يسهل نشوف الفلوس انا قسط التاكس قاطم ضهرى و الباقى بالعافيه بيكمل اللى بيطلع مالدكان ناكل و نشرب و انت شايل بسمه يعنى مفيش فايض
معتز/ سيبها على الله ربنا بيرزق
نبيل / ماشى .......الخيار يا بسمه
بسمه تيجى و تعد و تاكل و هى ساكته و تبص لمعتز يهزلها راسه فوق و تحت
........
بعد فتره فى الصاله
سيد/ انا فكرتك مش جاى
معتز/ ياعم دا لو ربع ساعه بس لازم هاجى
سيد/ الف مبروك يا معلم
معتز / انت عرفت جالها صيدله
كامل / سمعت صيدله
معتز/ اه بسمه جالها صيدله
كامل/ الف مبروك فين الحلاوه
معتز/ اؤمر يا معلم
سيد/ عاوزين غديوه فاجره
معتز/ اعتبره حصل حدد المكان و الزمان وانا جاهز
كامل / و ناوين على ايه
معتز/ فى ايه
كامل / هتقلبوا الدكان صيدليه بقى و تنافسونى و لا هنتحالف
معتز/ شوف الواطى بيفكر فى ايه
كامل/ على كل لو عازت اى حاجه رقبتى
معتز/ هو حنفى لسه بيدايقك
كامل / اكيد بس اخره يعمله
معتز/ ربنا يتوب علينا
سيد/ سمعت انك كنت بتسال عن شقه فى اسكندريه اخيرا ابوك حن عليكوا و هتصيفوا
معتز/ لا ياعم ابويا فيه اللى مكفيه دانا اللى كنت هبعت بسمه و امى هناك يومين
سيد/ لوحدهم
معتز/ مش عارف ممكن ابقى اروح اشقر عليهم انت عارف الشغل
كامل / طب متاخد مفتاح شقتى
معتز/ من امتى بتاجر شقتك
كامل / مباجرهاش بس انت مش غريب دانت اخويا يا جدع وبعدين امك و اختك مش غرب و هيحافظوا عالحاجه
معتز/ والله يا كامل انت فاجئتنى و كمان بتحرجنى
كامل/ بس يا اهبل بكره  هجيبلك المفتاح
معتز/ لا خليه لما نشوف هيسافروا امتى اصلا
سيد/ تصدقوا يا عيال احنا لو ايه بالذى حصل مفيش حاجه هتفرق بينا