بكابوزه بقلم / لولو محمد ( كامله )

الحلقه ٢٠

#lolo #لولو_محمد
((((((((((بكابوزه ))))))))))))
الحلقه العشرون
بسمه/ خليك فاكر انك مسبتليش حل تانى
بسمه تطلع موبايلها / الو ايوه يا معتز انت مشيت طب تعدى عليا فى الصيدليه
كامل / مبتهددش انسى
بسمه/ هنشوف بس خليك فاكر انك ضيعت على نفسك المحشى
كامل / و لا يهزنى
بسمه/ ماشى
................................................
شويه و معتز يدخل
معتز/ خير يا بسمه
بسمه/ كامل معاه فيديو يخصنى
معتز / فيديو ايه ده بقى
كامل / تدفع كام و انا اوريهولك
معتز/ عمرك
كامل / الموبايل كلو معاك اتفضل
بسمه/ هههههههههههههه
معتز/ هو فى ايه
كامل / ياعم صورتكوا و انتوا بترقصوا امبارح كان شكلكوا حلو اوى
معتز/ ياعم خضيتنى افتكرت حاجه جامده كنت هموتك بجد
كامل / متقدرش انت بتحبنى
كامل يحضن معتز و معتز يزوقه
بسمه/ هات الموبايل اما انقله بلوتوث
كامل / على فكره اختك دى  محدش يقدر عليها
معتز/ صح طلعالى بنت عمى يلا سلام عشان هروح اشتغل سلام
كامل/ بالنسبه للمحشى
بسمه/ انسى
كامل / كنت بحاول بس
......
اول يوم فى الدراسه
بلسم / يا واطيه متكلمنيش طول الاجازه خالص
بسمه/ حوش حوش موبايلى فصل شحن من كتر المكالمات
بلسم/ كلمتك بس حضرتك كنتى غير متاح
بسمه/ معلش الشبكه زفت فى الصيدليه
بلسم / احكيلى كل حاجه
بسمه/ شوفتى الفيديو ده
بسمه توريها فيديو الرقص
بلسم/ يلهوى عالجمال شكلكوا حلو اوى محدش يصدق ابدا انكوا اخوات مين اللى صور الفيديو ده
بسمه/ كامل
بلسم/ تصدقى ينفع مصوراتى بجد طالعين تجننوا
تامر يدخل
تامر / صباح الخير ازيك يا بسمه
بسمه/ الحمد لله عن اذنكوا
بسمه تمشى
بلسم/ متزعلش عن اذنك
بلسم تمشى و فارس يجى يحط ايده على تامر
فارس / مالك ياعم زعلان ليه
تامر / مفيش
فارس / انت كلمتها
تامر / انت قولت انك تعرف عنوانها صح
فارس / اه انت مزهقتش يابنى طلعها من دماغك
تامر / اخر مره
فارس/ و فر وقتك قولتلك انها مرتبطه
تامر / مهى قالت ان معتز اخوها
فارس / بجد حلو اوى على العموم خد العنوان بقى
.........
فى الصيدليه بالليل
كامل / انا هروح اشترى شويه حاجات مالشركه للصيدليه و ارجع
بسمه/ اوك
شويه و تامر يدخل الصيدليه
تامر/ السلام عليكم
بسمه/ تامر ... انت بتعمل ايه هنا
تامر  /اهلا بسمه
بسمه/ دا مكان شغل يا تامر
تامر / صح انا جاى اصرف الروجته دى
بسمه / بجد ... ماشى هات
تامر / اتفضلى
تامر يديها الروجته و بسمه تجيبله الحاجات
تامر / مرديتيش عليا
بسمه/ بتقول ايه معلش
تامر/ بقولك مرديتيش عليا
بسمه/ اتفضل الدوا الحساب ١١٤ جنيه بعد الخصم
تامر  يطلع الفلوس و يحاسبها معتز يدخل
معتز/ السلام عليكم
بسمه/ و عليكم السلام ايه مروحتش الشغل ليه
معتز/ رايح اهو قولت اعدى اسلم عليكى قبل ممشى
بسمه/ استنى اعرفك تامر زميلى فى الكليه ... دا معتز اكيد سمعت عنه
تامر / تشرفنا
معتز/ الشرف ليا
معتز يتك على ايد تامر اوى و تامر يسحب ايده
تامر/ شكرا عالدوا عن اذنكوا
معتز/ معاك عربيه و لا اوصلك
تامر / معايا شكرا سلام
تامر يمشى و معتز يرفع حاجبه لبسمه
بسمه/ ايه بتبصلى كدا ليه انا مالى
معتز / ملكيش عن اذنك
بسمه/ والله انا معرفش حتى هو عرف العنوان منين
معتز/ خلاص حصل خير
بسمه/ انا بكره همسح بيه الارض فى الكليه
معتز/ ليه عشان كان جاى يشترى دوا
بسمه/ طب اعمل ايه طيب
معتز/ و لا اى حاجه
بسمه/ انت مش زعلان منى
معتز/ انتى معملتيش حاجه غلط عشان ازعل منك و لسه ياما هنشوف يلا سلام انا بقى
بسمه/ سلام
........
عالناصيه
تامر يركب عربيه فارس اللى سايقها و يمشوا
فارس / شكلها قفلتك
تامر / مردتش عليا اصلا
فارس / هو ده اسلوبها هتفضل تلاوع فيك كدا لحد متجيبك على بوزك انا قولتلك ابعد عن البت دى احسنلك
تامر / على فكره بسمه مش كدا خالص
فارس / لو مكانتش كدا كانت قالتلك لا من اول يوم و نهت الموضوع لكن هى بتمط فى الحوار
تامر / ايوه بس هو ده اللى هى عملته
فارس / انت مفهمتنيش كدا
تامر / هى قالتلى خلينا اخوات بس انا قولتلها تفكر و سبتها طول الاجازه عشان تفكر
فارس / ايوه يعنى هى رفضت و انت لسه بتتحايل عليها
تامر / انا كنت بسالها عن رايها ابن عمها دخل الصيدليه فمشيت
فارس/ معتز شافك
تامر / اه وشكلها حكياله عنى سلامه كان ناشف
فارس / انت هتقولى ايده تقيله ابن الايه
تامر / هو انت جربتها قبل كدا  و لا ايه
فارس / عيب عليك يابنى محدش يقدر بص انا كدا عملت معاك الواجب و زياده بس لو عاوز رايى ابعد عن البت دى احسنلك دى بت مش سالكه و سكتها كلها مشاكل اسالنى انا
تامر / هو صحيح الحوار بتاع فريال لما اتخانقت معاها ده كان ايه اصله
فارس / ياعم البنات دول مجانين و انا عودت نفسى موجعش نفسى بمشاكلهم و فريال موسوسه و بتغير عليا مالهوى بسمه قصدتنى فى حوار فساعدتها و لما فريال عرفت قومت الدنيا
تامر / بس كان لازم تدخل مينفعش انك تقف تتفرج
فارس/ يابنى انا عاتبت فريال جامد و كنت عاوز اعتذر لبسمه بس خفت فريال تكبر الموضوع او الناس تتكلم يعنى فبعدت عنها خالص و لعلمك لحد النهرده كل مره فريال بتشوفنى واقف معاك انت و بسمه بتقلبها نكد
تامر / و ايه اللى جابرك يابنى
فارس/ مفيش حاجه بتدوم المهم انت تطلع البت بسمه من دماغك و تركز فى مستقبلك احسن
تامر / معاك حق
..........
بعد فتره فى الكليه
بلسم/ انتى هتخسى لحد امتى دانتى بقيتى ارفع منى
بسمه/ هانت فاضل خمسه سته كيلو و اثبت
بلسم/ بس الحق يتقال بقيتى مووووز
بسمه/ هههههههههه مجاش بالساهل ياختى مكلو على يدك
بلسم / المهم سيبك انتى فاكره الباشمهندس احمد اللى شغال فى العماره اللى بتتبنى جنبنا
بسمه./ هو انتى ليكى سيره غيره من ساعه مالعماره دى بداوا يحفروها اصلا دانا بقالى شهر مبسمعتش غير  عنه
بلسم/ امبارح كنت واقفه فى الشباك كالعاده ببص عالشغل فجاه رفع راسه و بصلى و ابتسم و شاورلى
بسمه/ هههههههههه كدابه
بلسم/ طب يارب اموت هو ده اللى حصل
بسمه/ طب و بعدين
بلسم/ انا جتتى سابت اصلا و قفلت الشباك بسرعه بسرعه و سبت الاوضه خالص و طلعت قعدت ازاكر فى الصاله
بسمه/ هههههههههه معلش معلش
بلسم/ تفتكرى هيكلم بابا امتى
بسمه/ قريب اوى باذن الله مش هيتاخر هى بتبدا بكدا مدام شاورلك و ابتسم اكيد اكيد هيخطبك باذن الله كلو باذن الله
بلسم/ انتى بتاخدينى على قد عقلى يا بسمه
بسمه/ امال اقولك ايه بس
بلسم/ سيبك سمعتى اللى حصل
بسمه/ قولى قولى مانتى رويتر الكليه
بلسم/ البت فريال اتخانقت اول امبارح خناقه كبيره مع فارس و شتمته قدام الدفعه كلها و سابته و مشيت
بسمه/ اللهم اضرب الظالمين بالظالمين و اخرجنا منها سالمين
بلسم/ لا دا مش بس كدا دى انتمت مع محمد صاحبه و حلقوا لفارس خالص
بسمه/ سبحان الله بالسرعه دى
بلسم/ هى اصلا شكلها بقالها فتره مقرطساه امال يعنى فجاه كدا تانى يوم تلاقى جو جديد
بسمه/ ملناش دعوه هما كلهم شله وحشه فى بعض
فارس يدخل
فارس / السلام عليكم
بلسم/ و عليكم افندم اؤمر
فارس / انا جاى اعتزر عن اللى حصل منى
بلسم/ و ماله حاجه تانى
فارس / انا اسف يا بسمه اوى
بسمه/ حصل خير عن اذنك
فارس / طب ممكن تسمعينى
بسمه/ مفيش بينى و بينك اى كلام و من فضلك امشى
فارس/ انا والله مليش اى ذنب فى اللى فريال قالتهولك هى اللى قلفت كل ده عشان ترجعلى
بسمه/  اللى فات مات و معنديش استعداد انى اسمع اى حاجه عنه
فارس / طب على الاقل قولى انك مسمحانى صدقينى انا اتغيرت
بلسم  / سبحان الله و ايه بقى سبب التغير ده
فارس / سبب شخصى المهم النتيجه
بسمه/ انا اسفه يا فارس بس انا عمرى مهسامحك لا انت و لا فريال
بلسم/ يلا ياخويا من هنا هنرش ميه
فارس / اقسملك بالله انى اتخانقت مع فريال بسببك كذا مره لانى كنت علاطول بدافع عنك بس انتى عارفه ان فريال تبقى بنت صاحبه ماما و انا كنت لازم اعاملها كويس
بسمه  / كل ثانيه بتقف فيها معايا الناس هتتكلم عنى اكتر و انا معنديش اى استعداد انى اسمع كلمه بسببك تانى ارحمنى بقى و ابعد عنى
فارس / طب انا مستعد اعمل اى حاجه اى حاجه عشان تسامحينى
بسمه/ عاوزنى اسامحك على ايه قول كدا انت غلطت فى ايه بابا اللى اذيته و لا كرامتى اللى اتبعترت قدام الدفعه كلها و لا الايام السودا اللى شوفتها فى الكليه هنا بسببك
فارس/ انا هعوضك عن كل ده ادينى فرصه و انا هردلك كرامتك قدام الدفعه كلها و الكليه كمان
بسمه/ عن اذنك يا فارس انت ضيعت وقتى يلا يا بلسم
بسمه و بلسم يمشوا و بسمه تعيط
بلسم/ انتى بتعيطى ليه مهو جالك و عينوا فى الارض و اعتزر المفروض تفرحى انك اخدتى حقك
بسمه/ عمرك مهتفهمى
بلسم/ والله ميستاهل انك تعيطى بسببه ابدا
بسمه./انا بعيط على نفسى  كل مره افتكر كانوا بيكلمونى ازاى
بلسم/ كل ده ادفن مع بسمه القديمه بسمه الجديده قلبت الموازين 
بسمه/ تعرفى يا بلسم انا بقيت بخاف اوى و كل مخس اكتر بخاف اكتر
بلسم/ من ايه
بسمه/ بخاف ارجع بسمه القديمه تانى بخاف انى اخسر كل ده
بلسم/ مش هترجعى و لو رجعتى مدام نجحتى مره هتقدرى تنجحى تانى
بسمه  / اى حد بيكلمنى دلوقت بيعمل فى دماغى مليون سؤال كان فين لما كنت مليانه كان فين لما مكنش فى حد بيعبرنى بكلمه حلوه
بلسم/ مش مهم زمان احنا ولاد النهرده انسى اى حاجه حصلت و ابدائى من جديد و استمتعى باللى وصلتيله
بسمه/ استمتع اه لكن انسى مفتكرش انا لازم ابقى فاكره و فاكره كويس كمان عشان مغلطش تانى
بلسم/ يا ولد انت يا جامد
........
بالليل فى البيت
معتز/ ايه يا بوسبوس قولتى انك عندك خبر حلو كنتى عاوزه تقولى ايه
بسمه / عارف مين جه كلمنى النهرده
معتز/ مين
بسمه/ فارس
معتز/ ايه القرف ده و ده خبر حلو من انهى اتجاه
بسمه/ يابنى افهم كان جاى ندمان و اعتزر جامد و كان عاوزنى اسامحه
معتز/ يبقى بيدبرلك مشكله جديده النوعيه دى ميتوثقش فيها
بسمه/ انا على فكره قولتله انى عمرى مهسامحه و قولتله يبعد عنى خالص
معتز/ كويس الا صحيح مفيش اخبار عن تامر
بسمه/ لا مكلمنيش من اخر مره بتسال ليه
معتز/بطمن بس
بسمه/ وانت عامل ايه مع شيماء
معتز/ يادى شيماء هعمل معاها ايه يعنى
بسمه/ يعنى هتسيبها كدا
معتز/ المفروض اعمل ايه اروح اقولها يا شيماء انا حاولت كتير افهمك بالزوق انك زى اختى ارجوكى ابعدى عنى اهى ملهيه فى الشغل من ساعه مهند سابته لحد منجيب واحده مكانها
بسمه/ اصلى شوفتها واقفه مع ماما فى الدكان
معتز/ يمكن كانت بتشترى حاجه
بسمه/ يا سلام مفى دكانه تحت بيتهم ايه اللى يخليها تضرب المشوار ده كلو
معتز/ تعرفى تطلعيها من دماغك
بسمه/ تصدق انها بتصعب عليا اوى
معتز / ميصعبش عليكى غالى ليه
بسمه  / ازاى الواحده تحب واحد اوى كدا منغير ميكون حاسس بيها و برده تفضل تحاول و تحاول
معتز/ عشان كدا بقولك متدوريش عالحب خليه هو اللى يدور عليكى
بسمه/ تفتكر هيلاقينى
معتز/ لا من جه هيلاقيكى فانا واثق و متاكد من كدا
بسمه /جبت الثقه دى كلها منين
معتز/ عشان انتى تستاهلى كل خير
بسمه/ ماشى يا حنين
......
بعد كام يوم فى بيت كامل
ايمان / عملتى ايه يا ماما مع كامل
حنان / غلبت معاه كل ماجى اكلمه فى حوار بسمه يغير الموضوع او يتهرب منى و لسه يادوب اول امبارح لاقيته بيقولى انا يوم مهفكر اتجوز هاجى اقولك ريحى نفسك
ايمان/ خلاص سيبيه يمكن فى واحده فى دماغه و لا حاجه
حنان/ انا نفسى افرح بيه و كمان خايفه البت تطير مننا
ايمان/ يا ماما متخفيش بسمه لسه صغيره اصلا
حنان/ و حلوه و البنات الحلوين مبيعدوش يا ايمان كنتى انتى قعدتى
ايمان/ يا ماما انا اداب لكن بسمه صيدله كليه عملى و بتحتاج مزاكره و تركيز و الجواز صغيره هيعطلها
حنان/ اه بس امها هتموت و تجوزها و بتنكشلها على عريس بمنكاش
ايمان/ امها هتموت على كامل و لا انتى ناسيه حلل الاكل و صوانى الحلويات اللى رايحه جايه
حنان/ اه ياختى و كل متجيب حاجه تقول لكامل ان امها اللى عملاها
ايمان/ هههههههه والله بت عسل بقولك ايه انا هقوم اروح بقى لحسن اتاخرت
حنان / طب نادى على اخوكى يوصلك
ايمان/ ماشى
........
فى الصيدليه
كامل بيتكلم فى التليفون / طب انا كدا كدا كلها نص ساعه و هقفل استنى و اقفل و اواصلك .... خلاص خلاص حاضر .... يا ستى قولت حاضر .... حرف كمان و هقولك روحى لوحدك ..... سلام ياختى
بسمه/ اهدى بس مالك
كامل / بصى كفايه كدا  هقفل النهرده بدرى و روحى
بسمه/ انا فاضلى الكرتونه دى بس هرصها و خلاص