بكابوزه بقلم / لولو محمد ( كامله )

الحلقه ٢

#lolo #لولو_محمد
(((((((((((بكابوزه )))))))))))))))
الحلقه الثانيه

بسمه/ مفيش اطلع اطلع انا جعانه
معتز/ حد فيهم كلمك
العيال تمشى
بسمه/ متخفش انا مفيش حد يقدر يبصلى اصلا
معتز يسوق فى صمت
.........
فى المطعم
بسمه بتاكل
شيماء/ انا شبعت اوى
بسمه تمسك حته لحمه تقطم فيها فوق الطبق و تبص لشيماء
معتز/ كلى يا بنتى احنا لسه بنقول يا هادى
شيماء /هادى ايه دانا هموت
بسمه تقطم حته تانيه
معتز/ اجيبلك حاجه ساقعه
شيماء / لا شكرا بطنى مفيهاش مكان لبؤ ميه
بسمه تشرق
معتز/ بسم الله مالك يا حبيبتى
بسمه/كح كح لا خلاص عدت على خير
معتز / سلامتك يا قمر
شيماء تبصلها
معتز/ انا هطلب اكل ناخده معانا فى البيت اجيبلك حاجه يا شيماء
شيماء/ اكل ايه دانا ممكن اقعد يومين عالاكل ده
معتز يقوم و بسمه لسه بتاكل
بسمه/ دا لبابا و ماما
شيماء / سورى افتركته عشانك فاستغربت جدا
بسمه /و تستغربى ليه اكل براحتى
شيماء/ ايوه يا بسمه بس انتى لازم تلحقى نفسك انتى داخله الجامعه و لازم تهتمى بنفسك شويه هتسيبى نفسك لحد فين
/////////
ب/ ايه اللى جابها دى جايه تتفسح و لا جايه تقطمنى و تعدلى اللقمه و تنكد عليا طب يعنى اشتمك و لا اسكت فينك يا معتز
//////
شيماء تكمل كلام/ يا بنتى انا بقولك كدا لمصلحتك والله على الاقل عشان تتجوزى
بسمه / شكرا عالنصيحه بس لو هاخد نصيحه عن الجواز يبقى على الاقل اخدها من واحده متجوزه
معتز يرجع
معتز / كدا كلو تمام خلصى اكل براحتك يا بسبس عشان نروح
بسمه/ خلصت اكل خلاص
شيماء/ انا كمان اتاخرت و بقول نروح
معتز/ طب منفسكوش فاى حاجه تانى
بسمه تبص لشيماء/ لا شكرا
......
فى العربيه قدام بيت شيماء
شيماء/ شكرا بجد يا معتز عالفسحه الحلوه دى مش هنساها ابدا
معتز/ اى خدمه انتى تؤمرى بس
شيماء/ سلام يا بسمه
بسمه/ سلام
شيماء تنزل مالعربيه
بسمه/ هاين عليا اموتك حالا
معتز/ ليه ايه اللى حصل
بسمه/ لما تحب تخرجنى متبقاش تجيب حد معانا مش بحب كدا
معتز/ ليه هو ايه اللى حصل
بسمه/ محصلش حاجه
معتز/ انا عارف انك مكملتيش اكلك بس انا طلبتلك اكل تانى هنعمل اننا متعشيناش و نروح نتعشى معاهم
بسمه/ يا سلام
معتز/ ايوه و هنعمل كدا فكل حاجه فحياتنا فطار غدى و عشا هتعملى نفسك عامله دايت و تاكلى لقمتين تلاته و تقومى و بعد كدا تبقى تاكلى براحتك لما محدش يكون شايفك ايه رايك
بسمه/ و دى هتخيل عليهم يعنى
معتز/ نجرب
بسمه تنفخ
معتز / ايه بس كل ده و منبسطيش
بسمه/ كنت هنبسط اكتر لو مكانتش شيماء معانا كنا وفرنا تمن التذكره و تمن اكلها
معتز/ خلاص حاضر اللى تشوفيه
......
فى البيت قدام الشقه
معتز / انا هنزل بقى اكمل شغلى اتعشى و زاكرى و لو عوزتى اى حاجه كلمينى
بسمه/ حاضر
معتز يمشى و بسمه تدخل الشقه
ماما/ اخيرا وصلتى انا قلقت عليكوا
بسمه/ الساعه مجتش اتناشر 
ماما /  انا داخله انام
بسمه/ انا جايبه عشا
ماما/ عينى لقمتين لاخوكى و ابوكى و انا مش عاوزه كليها انتى
بسمه تحط الطبليه و تحط الاكل عليها و تعد تاكل لوحدها و تشيل باقى الاكل فى التلاجه و تدخل تغير و تعد تزاكر شويه كتير و معتز يدخل بسمه تجرى عليه
معتز/ انتى لسه صاحيه
بسمه/ مستنياك تيجى يمكن تحتاج حاجه
معتز/ لا نامى محتاج سلامتك بس انا هغير هدومى و اروح لسيد
بسمه / هجبلك فوطه و املا الازازه
معتز / متحرمش
معتز ياخد ترنج من جوه الكنبه و يدخل يلبس فى الحمام و يطلع
بسمه/ هتتاخر
معتز/ نامى انتى انا هاجى بعد الصلاه
بسمه/ ماشى  تصبح على خير
بسمه تدخل تنام
.........
فى صاله الحديد
سيد/ اتاخرت يا متر
معتز/ انت لسه مصر  تقولى يا متر مخلاص يابنى انسى الحوار ده
معتز يبدا يتمرن
سيد / عيب عليك هتفضل طول عمرك المتر بتاعنا اتاخرت ليه
معتز / معلش كنت بحاول اعوض مصاريف النهرده
سيد/ هبه قالتلى انك خدت البت شيماء السيما
معتز/ اه و بسمه
سيد/ شوف و انا اللى كنت فاكرك صحيح ان بعض الظن اثم
معتز/ ههههههههه مانا عارف دماغك
سيد/ طب مش هتحكيلى
معتز/ احكيلك على ايه يا اهبل انت مفيش حاجه حصلت
سيد/ متحكيش بكره البت شيماء تحكى لهند و هى هتحكيلى ياض انا عايز افرح بيك
معتز/ هتفرح بس مش دلوقت
سيد / ياد البت هتخلل
معتز/ انت بتتكلم عن مين
سيد/ شيماء
معتز يتعدله/ شيماء
سيد/ يلهوى انت من كوكب تانى و لا ايه دانا فاكرك خدتها عشان فهمت
معتز/ فهمت ايه
سيد/ انت ايه ياض جبله البت هتموت عليك و فاضل تعلق على راسك يافطه ممنوع اللمس او التصوير
معتز/ انت بتهبل تقول ايه شيماء دى زى هند بالظبط بالنسبالى
سيد / بس البت ريداك يا صاحبى
معتز/ و انا و لا كانى سمعت حاجه
سيد/ ليه بابنى
معتز/ انت هتستهبل مانت عارف كل حاجه
سيد/ اوعى يكون حوار بسمه ده بجد انا كنت فاكرك بتهزر
معتز/ لا مش بهزر
سيد/ متزعلش منى يا صاحبى بس مش معنى ان الشرع محللك اربعه انك تاخدهم كلهم فى جته واحده
معتز يرمى الدامبل عالارض و يقوم
سيد/ خلاص خلاص انا اسف حقك عليا بس والله انا بتكلم لمصلحتك دانت انضف واحد فى الحاره و البنات هتموت عليك
معتز/ و انا يا سيدى مش عاوز غير بسمه و متفتحش الموضوع ده تانى
شويه شباب لبط يدخلوا الصاله
سيد/ وادى المشاكل هلت
واحد منهم / ازيك ياض يا سيد
سيد/ الحمد لله يا حنفى خير
حنفى/ كنت قاعد انا والرجاله فاضين قولنا نيجى نتمرن عندك دا لو يعنى معندكش مانع
سيد/ تنور بس المكان ده ميمبرز اونلى يا خويا
معتز يدحك
حنفى/ ممبرز اونلى  والله و اتنجرنا وبقيت بتتكلم اجنبى الله يرحم امك
سيد/ بقولك ايه دا مكان اكل عيش و اتفضل منغير مطرود
حنفى / و ان مخرجتش يا سيد يا سيكا هتعمل ايه
معتز/ هو ايه المشكله يا حنفى عاوز تتمرن و ماله بس ادفع الخمسين جنيه اشتراك لسيد و عيش
حنفى  / اعتبرنى دفعتها اعتبرها يا سيد تمن التصليحات اللى هتعملها فى الصاله بعد منكسرها على دماغك و دماغ اللى جابوك
سيد/ ليه ياعم و انا هسكتلك و لا ايه
حنفى / لا دكر ياض و صوتك عالى
معتز يحط ايده على كتف حنفى /  حقه يا حنفى دا اكل عيشه و بعدين انت هتبلطج على ابن حتتك برضه
حنفى يزق ايد معتز/ وابلطج عليك و على امك و كلمه كمان هكسر ام المكان الزباله عليك و على صاحبك
عيل ماللى مع حنفى/ بلاش معتز يا حنفى ليسلط علينا الفيل بتاعه
سيد يمسك معتز
حنفى/ ههههههههه صح عندك حق خلاص سماح النوبه دا برضه بيربى خرتيت فى بيتهم
الواد / دانا بخاف اعدى من تحت بلكونه بتهم لتقع فوق راسى
حنفى/ انا ماشى و بعد كدا يا ميزوا متبقاش تتحشر فى اللى ميخصكش عشان متتعورش
معتز/ خليك فى حالك الاول و خاف على نفسك قبل متخاف عليا ماشى
الولد / معلش يا ريس اصلنا جينا عالجرح
معتز يضرب الولد بوكس فوشه يتكفى يخبط فى الدامبل دماغه تتفتح
حنفى/ انت اتجننت ياله بتمد ايدك على واحد من رجلتى دانت هتتكفن النهرده
واحد ماللى بيتمرنوا / جرا ايه يا رجاله داحنا ولاد حته واحده بتتخانقوا على ايه خلاص يا معتز انت خلصت تمرينك النهرده روح امشى و انت تعال يا حنفى اتمرن جنبى اعتبرها يا سيد استضافه مجانيه و لا اي حاجه و قوم ياد انت اما ابص على راسك
حنفى/ تشكر يا دكتور كامل طول عمرك بتفهم
سيد/ امشى يا معتز  هبقى اعوضهالك
معتز /مش هنام لو عملوا اى قلق نادينى
سيد  / ليه و انا مش قدها و لا ايه  شايلك للتقيله
معتز يلم حاجته و يمشى
حنفى/ احسن برضه عشان الواحد ياخد راحته تعال جنبى هنا يا دكتور
كامل يطلع من جيبه شريط حبوب و يحطه فجيب حنفى
حنفى/ متحرمش منك يا دكتور
كامل / كدا خالصين
حنفى/ يا دكتور منتحرمش منك يلا يا رجاله
سيد/ على فين
حنفى / متزعلش يا سيكا انا بس مبحبش حد يقولى لا و بعدين انت عارف انى مليش فى الحديد
سيد/ امال كان ايه لزمته مالاول
حنفى/ خلاص يا سيكا بقى داحنا ولاد حته واحده سلام
........
فى البيت معتز يدخل يحط الازازه و الفوطه على كرسى جنب الباب و يدخل على بسمه اوضتها يلاقيها صاحيه
معتز/ انتى لسه صاحيه منمتيش ليه
بسمه/ صحيت على صوت زعيقكوا قلقت عليك
معتز يقعد جنبها / معلش حقك عليا نامى
بسمه/ انت روحت بدرى يبقى كنت بتتخانق
معتز/ متاخديش فبالك المهم تنامى انتى و ترتاحى عشان تقومى تكملى مزاكره
بسمه تنام و معتز يغطيها و اول ميطلع مالباب بسمه تقوم وراه
معتز/ منمتيش ليه
بسمه/ عنتلك منابك فى التلاجه اسخنلك تتعشى
معتز/ لا شكرا تسلمى انا هنام لحد الادان و هنزل اصلى
معتز يترمى عالكنبه
بسمه / لازم تنام
معتز يقوم يعد / لا مش لازم تعالى اقعدى خير عاوزه تقولى ايه
بسمه/ انا عاوزه اللعب معاك زى زمان زهقانه مالمزاكره
معتز / طب اعمليلى كوبايه شاى بقى و سخنى الاكل
بسمه تجرى عالمطبخ
........
بسمه ترجع ومعاها صينيه شاى و اكل
بسمه/ اى طلبات تانى
معتز/ لا كدا تمام هاتى صندوق اللعب
بسمه/ كوتشينه و لا شطرنج
معتز/ مليش مزاج افكر خليها كوتشينه
بسمه/ ماشى
معتز / بقولك ايه ايه رايك نجرب حاجه جديده
بسمه/ زى ايه
معتز/ تيجى نتمنى
بسمه / طب ابدا انت ورينى بتتلعب ازاى
معتز/ ماشى نبدا بسم الله
معتز يغمض عينه/ بصى  انا بحلم ببيت صغير و عيل ابن كلب شقى بيتنطت فوقى اصحى يا بابا اصحى
بسمه تدحك / ههههههه
معتز/ و تدخل وراه امه اللى زى القمر و بطنها مبقلله قدامها و شايله صينيه الشاى فايدها و تقولى اصحى يا حبيبى هتتاخر عالشغل
بسمه/ الله حلو اوى بجد
معتز/ بجد
بسمه/ طبعا ربنا ينولك كل اللى بتتمناه انت تستاهل كل خير
معتز/ دورك
بسمه تغمض عينها / اممممم حلمى صعب اوى
معتز / جربى
بسمه/ بحلم انى اخس اكون موزه و مش زى اى موزه
معتز/ طب مانتى موزه
بسمه/ بطل مجامله بص نفسى اكون زى كل البنات نفسى اتعاكس
معتز/  تتعاكسى
بسمه/ لا لا لا مش زى مانت فاهم على الاقل التعليقات السخيفه مش عاوزه حد يالس عليا تانى
معتز/ الناس بتالس عليكى
بسمه/ انت ليه محسسنى انك متفاجئ نفسى امشى فى الشارع و الاقى الناس بتبص عليا متبقاش بتبص عشان انا وحشه و بنضاره و الحبوب اللى فوشى نفسى يبصولى عشان انا حلوه
معتز/ مبيفهموش
بسمه/ نفسى بابا يبطل يتخانق معايا نفسى اعيش فى شقه تلت اوض
معتز/ تلت اوض
بسمه/ اه اوضه ليا انا و جوزى و اوضه للعيال
معتز/ كدا اتنين
بسمه/ افرض جبت بنت وولد هيناموا مع بعض و لا هقفل البلكونه
معتز فاعد ساكت
بسمه/ و نفسى فى الشقه حمام كبير فيه بانيو املاه بالميه و اغطس جواه مش زى حمامنا المتر فمتر ده و مطبخ مليان احسن ادوات الطبخ و سيراميك لحد السقف و رخامه شيك
معتز/ ربنا يوفقك
بسمه/ مالك
..........

معتز / مفيش هسالك سؤال تفتكرى لو جالك واحد بيحبك اوى و مستعد يموت عشانك بس معندوش الامكانيات يحققلك الحلم ده وواحد بيحبك برده بس مش زى الاولانى بس يقدر يحققلك كل الاحلام دى هتختارى مين
بسمه/ هههههههههههههه
معتز/ هو انا قولت نكته
بسمه/ انا يتقدملى اتنين فوقت واحد لا و كمان بيحبونى اوى ههههههههههه لا حلوه بجد يابنى انا لو جالى فار عايش فجحر يابنى هوافق انت مش شايفنى
معتز يتعدل فى قعدته / انتى اللى مش شايفه نفسك
بسمه/ ههههه
معتز/ انا بتكلم بجد على فكره
بسمه/ لا انت اخويا و عشان كدا شايفنى حلوه مفيش راجل غيرك هيشوفنى كدا محدش هيشوفنى اكتر من شوال بطاطس مليان حب شباب و باربع عيون
معتز/ اولا انا مش اخوكى انا ابن عمك و ثانيا اللى بيحبك هيشوفك احلى واحده فالدنيا حتى لو عندك تمن ايدين و مناخيرك فى افاكى
بسمه/ ههههههههه
معتز /   انا بتكلم جد اوعى ثقتك فى نفسك تتهز طخينه رفيعه بنضاره و لا منغير حب شباب و لا لا كلها حاجات ظاهريه المهم قلبك و روحك اللى مش عند حد خفه دمك و دحكتك اللى بتنور الدنيا دى الحاجات اللى لازم تهتمى بيها بجد
بسمه/ بس محدش.... الرجاله مش هتدور على الحاجات دى