بكابوزه بقلم / لولو محمد ( كامله )

الحلقه ١٦

#lolo #لولو_محمد
((((((((((((((((بكابوزه )))))))))))))
الحلقه السادسه عشر
بسمه / معتز ؟؟؟
تامر / فارس قالى انك مرتبطه بابن عمك بس بصراحه كان لازم احاول لانى بجد بحبك
بسمه / انا و ابن عمى مفيش بنا حاجه و انت زى اخويا
تامر / مدام مش مرتبطه ادينى فرصه مبقولش حبينى بس ادينى فرصه بجد مش هتندمى
بسمه / انا بحترمك و بجد بتعامل معاك غير اى حد و انت ساعدتنى كتير ياما شرحتلى و ياما جبتلى ورق و ياما حجزتلى ليه تضيع كل ده خلينا اخوات و زمايل احسن
تامر / طب احنا عندنا اجازه فكرى و انا مش هستعجل على ردك بس ارجوكى فكرى
......................................
بلسم تدخل
بلسم / ايه اروح اجيب ازازه ميه كمان و لا هنروح
بسمه / هنروح عن اذنك يا تامر
تامر / مع السلامه بس يايريت بجد تفكرى فى اللى قولتهولك و حتى لو ردك كان لا احنا هنفضل اصدقاء برده
بلسم / هو فى ايه
بسمه / عن اذنك يا تامر .... هفهمك بعدين يلا سلام
.........
فى الصيدليه
كامل / مبروك الاجازه ناويه على ايه
بسمه /ناويه اضاعف الساعات بتاعتى
كامل / ازاى
بسمه من اتنين لسته و من تمانيه لتناشر
كامل / تمام
بسمه سرحانه
كامل / اللى واخد عقلك
بسمه / مفيش
كامل / على فكره انا هقفل الحنه و الفرح بالليل يعنى هتبقى فتره صباحى بس
بسمه / تمام
كامل / لا انتى مش طبيعيه النهرده اوعى تكونى عكيتى فى الامتحان
بسمه / لا ابدا والله انا بس يمكن اكون جعانه مكلتش كويس هروح اجيب باكوا بسكوت اجيبلك حاجه معايا
كامل / طب و الدايت
بسمه / خلاص مش مشكله مش هجيب
كامل / لو جعانه اوى يعنى ممكن استر عليكى و اعمل نفسى مش واخد بالى
بسمه / لو انت داريت عليا انا هفضح نفسى انا مبخبيش عنه حاجه
كامل / يا بخته انا و اختى مش متفقين اوى كدا مع بعض ماما كانت دايما تقول اننا مولودين فوق روس بعض
بسمه / لا معتز مفيش منه
كامل / عندك حق انا اعرفه من زمان بجد اجدع صحابى حتى بالرغم انى دخلت صيدله و هو حقوق بس كنت بروحله الكليه و كان بيجيلى و مفيش حاجه فرقت مره دخل حضر معايا محاضره و تخيلى كان بيكتب و يوميها الدكتور زعقلى و كرشنى مالمحاضره عشان مش مركز و هو فضل 
بسمه / بجد
كامل / لما طلعنا عرفت انه كان بيكتب اغانى بس تقولى ايه انا اتكرشت و هو فضل
بسمه / ههههههههههههه
كامل /مالك بقى
بسمه / مفيش بجد
كامل / لا انا عارفك انتى هاديه و مبتتحركيش و دا مش طابعك غير ان كل مسكت الاقيكى سرحتى فى حاجه فى دماغك
بسمه /متشغلش بالك
كامل / يا بخته معتز هيعرف و انا لا
بسمه / على فكره مش كل حاجه بحكيها لمعتز فى حاجات مبرضاش اقولها عشان ميدايقش
كامل / اول مره اعرف المعلومه دى دانا فاكرك بتقوليله اتفه تفاهات حواراتك
بسمه / هو حكالك عن العيد ميلاد بتاع صحبتى اللى كان فى 11
كامل / اه لما الرخصه اتسحبت حكالى اللى حصل على فكره هو غلط لما طاوع صاحبتك فى فكرتها
بسمه / عارفه بس يوميها هما دايقوه بكلام يدياق اى حد و هو مردش عليهم قللوا منه و اتنططوا عليه عشان شغله
كامل / الشغل مش عيب
بسمه / انا عارفه بس انا نفسى الكل يشوف معتز اللى انا و انت شيفينه الراجل الجدع مش عوزاهم يشوفوه سواق او كاشير بس مش عوزاهم ينسوا قد ايه كان متفوق فى الكليه و لولا ظروف وفاه مامته ايام الثانوى كان زمانه داخل كليه كبيره
كامل / بس معتز مش حاطت الكلام ده فدماغه هو راضى بنصيبه
بسمه / كان ليا واحده صحبتى معجبه بمعتز اوى و احنا فى ثانوى دلوقتى بتقول انه معدش مقامها
كامل / و انتى رايك ايه
بسمه / رايى انها بت هبله و غبيه و تافهه و انها متطولش ضوفر معتز حتى
كامل / انا شايف كدا رضه
بسمه / اوعى تحكى لمعتز حاجه عن الحوار ده
كامل / سرك فبير
بسمه / شكرا
كامل / تعرفى انك بت جدعه اوى
بسمه / بجد ؟؟ شكرا
كامل / اه والله ساعات مكنتش بصدق معتز لما كان بيمدح فيكى بس هو كان صح
بسمه / اكيد كل الناس بتشوفنى الفيله ام نضاره و وحشه
كامل / بيتهيالى كل البنات بيمروا بالمرحله دى انا اكتشفت ان اختى بنت مش ولد اول يوم ليها فى الجامعه قبل كدا عمرى معترفت بانوثتها اصلا
بسمه / ههههههههههههه
كامل / شوفى مين يصدق اهى معاها عيلين دلوقت
بسمه / عقبالك
كامل / و انتى كمان
بسمه / نرجع لموضوعنا
كامل / موضوع ايه
بسمه/ معتز كان معاه حق
كامل / هههههه اه افتكرت معتز كان دايما يقول انك كنز و محدش شايف قد ايه جواكى شخصيه حلوه و كان بيزعل اوى و يتخانق لو حد اتكلم عنك وحش و تعرفى اكتر
بسمه / ايه
كامل / كان يومه بيدحك لو انتى مبسوطه و بيقفل لو انتى زعلانه
بسمه / معتز ده مفيش منه اصلا
كامل / و لا انتى
.....................
بسمه تبتسم / شكرا
كامل / انتى المفتوح بتاعك امتى
بسمه / بعد بكره
كامل / ايه رايك لو عزمتك على الغدى يوميها
بسمه / انت بتتكلم جد
كامل / اكيد
بسمه تسكت
كامل / انا هجيب الاكل هنا مش هخرج معاكى يعنى و لا اى حاجه
بسمه / بص يا كامل دا مكان شغل مش هيبقى حلو لو جبنا هنا اكل و الناس دخلت و شافتنا
كامل / اللى يريحك
..........
فى الصاله
معتز /ازيك يا عريس
سيد / طالع عينى ابو الجواز يا جدع ضهرى اتقطم شيل فى حاجات و احط فى حاجات و الست هانم كل يوم تغير ترتيب العفش حط المكتبه هنا انقل السفره هنا حط السرير كدا ايه
كامل / ههههههههههه طب ناخدها من قصيرها بقى و نقفل عالسيره
معتز / ياعم خلاص هانت فاضلك ايه
سيد/ خلصت فرشنا كل حاجه و نزلنا جبنا الفستان و الكوافير و الاستوديو و هانت يوم الخميس نكتب الكتاب و الخميس اللى بعده الفرح
كامل / طب متخلى كتب الكتاب و الدخله فيوم واحد
سيد / كان على عينى العروسه مش فاضيه
معتز / وراها ايه
كامل / بطل غباوه .... المهم لو عوزت اى مساعده يوم الخميس قولى هههههههههههههههههه
سيد / لا والله دا اللى ناقص
معتز / ايه الاخبار عندك صحيح بطلت تحكيلنا عن المواقف المضحكه بتاعه الخميس
كامل / ياعم من ساعه مبسمه جت و المنطقه الصحه ضربت فيها بفكر اديها اجازه الخميس خالص
معتز / هههههههههههههه المهم هتعزمنى على ايه بقى بعد بكره
كامل / هى قالتلك
معتز / اكيد طبعا
كامل / كانت جعانه النهرده فقولت انى اعزمها على اكل بعد بكره يعنى اجيب اكل و ناكل سوا عيش و ملح بس مش انى اخدها و نخرج يعنى و لا اى حاجه
سيد / اهدى ياعم بالراحه عليه يا معتز الواد جاب ميه
معتز /انا مقولتش حاجه انا قولت فرصه نبرشط عليه و ناكل على قفاه مره الواد مريش و اكيد كان هيجيب لقمه حلوه
كامل / وانا قدها انا عازمكوا عالغدى انت و بسمه بعد بكره
سيد / ابن البطه السودا انا يعنى انا عاوز اكل معاكوا
معتز / خلاص احنا نخلع بسمه و نطلع احنا التلاته نصيع فى اى حته
كامل / وماله
.............
فى البيت
معتز / انتى لسه صاحيه ليه
بسمه / مش جايلى نوم
معتز / اللى واخد عقلك
بسمه / انت قولت لكامل انى حكيتلك على عزومته
معتز / طبعا
بسمه / ليه كدا كدا هيقول عليا فتانه و عمره مهيتكلم معايا تانى
معتز / كامل صحبى من يوم مبقى عندى صحاب و مكنتش عاوز الشيطان يدخل مبينا
بسمه / شطان
معتز / كبرى مخك ايه بقى اللى مصحيكى لحد دلوقت
بسمه / مستنياك زى زمان
معتز / اقولك سر
بسمه / قول
معتز يفتح الكنبه و يطلع صندوق و يفتحه و يطلع علبه صغيره و يفتحها و يوريها لبسمه تفتحها تلاقى جواها دبله دهب
بسمه / يابن الايه ايه دى
معتز / سلامه الشوف دبله
بسمه / انت فاكرنى هبله مانا عارفه انها دبله و مكتوب جواها معتز اهو ايه دى بقى احكى بالزوق جبتها لمين دى
معتز تدفعى كام و انا اقولك
بسمه / هخلينى واضحه معاك لو محكيتليش كل حاجه هقتلك
معتز / لا العمر مش بعزقه امبارح كنت بوصل زبون الصاغه و بعدين معرفش ايه اللى حصل لقيتنى واقف قدام فترينه بتفرج عالدبل و دخلت المحل نقيت واحده و اشتريتها
بسمه / يا سلام هبله انا
معتز / والله هو ده اللى حصل
بسمه تحاول تلبسها تلاقيها ديقه
بسمه / مين بنت المعصعصه دى اللى جبتلها الدبله دى وربنا لو محكيتلى كل حاجه شوف هدبح نفسى عليك
معتز / ههههههه اهدى بس مقدرش على كدا
بسمه / انت شكلك مش هتجيبها لبر احكى بدل مارتكب جنايه
معتز / مانا حكيتلك كل حاجه والله دا اللى حصل و جبتها المقاس ده على قد الفلوس اللى كانت معايا و بعدين انتى زعلانه ليه مانتى بتعملى دايت و بكره تظبط عليكى
بسمه تقيسها تانى فى الشمال و تسرح فيها
معتز / لبستيها فى الشمال علاطول مش عاوزاها فى اليمين شويه
بسمه / تفتكر هيجى يوم و هلبس دبله تكون بتاعتى
معتز / افندم
بسمه / طول عمرى بحلم باليوم اللى هيجى فيه فارس الاحلام و يلبسنى دبلتى و الناس تزرغط و الكل مبسوط
معتز / وانا كمان بحلم باليوم ده اوى
بسمه / تفتكر هيجى
معتز / اكيد طبعا هيروح فين
بسمه / تعرف لو ربنا كرمنى بولد هسميه معتز عشان يطلع زيك
معتز / مينفعش تسميه معتز
بسمه / ابنى و انا حره فيه و هشترط على جوزى كدا من الاول لو عاوز يتجوزنى يسمى ابنى معتز
معتز / تعرفى انا كل مره بتكلم معاكى لازم تنهى الحوار بكف خماسى على قفايا يطلع من نفوخى اومى يابت من جنبى بدل مخنفك
بسمه / انت عبيط و لا ايه
معتز / انا برده دانتى تشلى
بسمه / انا الغلطانه اصلا انى سهرانه مع واحد زيك انا داخله انام و خد دبلتك اهى ابقى خلى صحبتها اللى انت مش عاوز تحكيلى عنها تنفعك اياكش  تشبع بيها المعصعصه المعضمه تيجى تحضنها دراعاتك تخبط فبعض هه
معتز بابتسامه من الودن للودن / و ايه كمان
بسمه / انا كمان عمرى مهحكيلك على اى حاجه انت لا اخويا و لا اعرفك و منغير تصبح على خير
معتز / طب مانا مش اخوكى فعلا
بسمه / انت بتغيظنى
معتز / ابدا والله بس انتى اللى غبيه اوى
بسمه / سبتلك الذكاء ياخويا انا داخله انام
بسمه تدخل البلكونه و تقفل الباب و بعدين تفتحه و تطلع تانى و تشد الدبله من ايد معتز
بسمه / هات الدبله دى و مش هتاخدها الا لما تحكيلى كل حاجه روح بقى حوش تمن غيرها عن اذنك
///////////
ب/ معقول معتز بيخبى عليا مين دى اكيد هيحكيلى هو مش هيقدر على زعلى اكيد هيجى و يصالحنى ولا خلاص الست هانم نسته بسمه معدليش مكان مالهانم هتيجى بقى و هترمى انا فى الزباله اكيد مهو مستحيل يكون جاب دبله كدا و خلاص منغير ميكون فى واحده هقتله لانه خبى عليا بس هو قالى عالدبله يعنى هو لو مش عاوز يحكيلى عنها ليه ورانى الدبله اياكش يوعوا فى بعض انا حارقه دمى ليه بقى كدا يا معتز والله لوريك  لا انا مش هنام انا هطلع و ارميله الدبله فوشه و اقوله مش عاوزه اعرف عنها اى حاجه ايوه هطلع امسح بيه الارض خليها تنفعه ماشى ايوه ماشى انا طلعاله
///////////
بسمه تطلع مالبلكونه متلاقيش معتز تدور عليه يمين و شمال مش موجود تسمع صوت الدوش فى الحمام
///////////
ب/ وماله بيستحمى البيه له نفس يستحمى و يتروش طب انا بقى هفتح ميه المطبخ عشان اوريله انا هعرفه مين هى بسمه
////////////
بسمه تروح المطبخ و تفتح الميه السخنه فى الحوض و تسيبها عالاخر و بعدين تقفلها
/////////////////
ب/ لا حرام هينزل يصلى الفجر كدا يعيى انا مش قليله الاصل للدرجادى
///////////
شويه صغيرين و معتز يطلع
معتز / بتعملى ايه هنا
بسمه / كنت بفضى الميه السخنه مالسخان عشان تعيى
معتز / ههههههههههه و بتعترفى كدا بدون تعذيب
بسمه / انا اسفه مش هعمل كدا تانى
معتز / بس انا بستحمى بميه ساقعه و انتى عارفه ده
بسمه تبتسم/ صح نسيت   
معتز يبصلها من تحت لتحت كدا بابتسامه
بسمه / دبلتك اهى
معتز / خليهالك
بسمه / معلش انا اسفه انى اتنرفزت عليك انا بس حصل معايا موقف النهرده فى الكليه اول مره اتحط فيه و خايفه اوى بجد
معتز / موقف ايه ده
بسمه / انا عشت طول عمرى اتمنى اللحظه دى بحلم بيها بس يوم مجت كنت فى منتهى الرعب اعرف منين انها حقيقى اعرف منين انه مش بيدحك عليا ميمكن فارس اللى مسلطه
معتز / هو مين ده
بسمه / انا مكنتش ناويه احكيلك مكنتش ناويه احكى لحد بس مش قادره اخبى عنك حاجه زى دى و خصوصا انى مش قادره اشيلها من دماغى
معتز /بصى اسلوبك ده بينرفزنى احكى مالاول ووضحى فى ايه بدل مهتنرفز عليكى عشان كلامك مش عاجبنى ابدا
بسمه / فاكر تامر اللى معايا فى السيكشن
معتز / اه الواد اللى بيجيبلك ورق الكورسات اه عارفه ماله ده
بسمه / الفتره اللى فاتت كان لازقلى انا و بلسم اوى و كان بيشرحلنا كل حاجه ويجيبلنا الورق لحد البيت و كان جدع اوى و من اول الامتحانات و فارس لازقله عشان يشرحله حاجات بس فجاه لقيته بيقولى كلام غريب
معتز / اللهم طولك ياروح متحكى يا بنتى و تخلصينى فام اليوم اللى شكله مش هيعدى على خير ده الزفت تامر ده قالك ايه
بسمه / مانا بحكى اهو انت اللى مش صابر
معتز / حقك عليا اتفضلى كملى قالك ايه سى تامر ده
بسمه / طلب انه يكلمنى على انفراد بعد الامتحان و قالى انه معجب بيا و بيحبنى
معتز يرفع حاجبه / و حضرتك قولتيله ايه بقى
بسمه / قولتله انى مبفكرش فى الحاجات دى
معتز / طب خلاص خلصنا
بسمه / لا مخلصناش
معتز / ليه بقى ان شاء الله قالك انه معجب قولتيله انك مش بتاعه الحاجات دى و قطعتى علاقتك بيه خلصنا فاضل ايه
بسمه / افرض كان بيحبنى بجد
معتز / افندم
بسمه / انا قولتله كدا عشان خفت ان فارس يكون باعته او يكون بيشتغلنى بس افرض كان بيحبنى بجد
معتز / و المطلوب منى جايه تحكيلى ليه بتحرقى دمى عالمسا ليه
بسمه / انا بحرق دمك
معتز / انتى ايه رايك فى اللى اسمه تامر ده
بسمه / مليش رايى عادى يعنى
معتز / و ملكيش راى ليه عيله نغه ملكيش شخصيه
بسمه / طب اهدى بس
معتز يمسك ايد بسمه جامد 
معتز / اهدى ليه ردى عليا اهدى ليه
بسمه  تدمع/ ايدى بتوجعنى يا معتز
معتز يسيبها / انا اسف بجد مكنش قاصدى