بكابوزه بقلم / لولو محمد ( كامله )

الحلقه ٩

#lolo #لولو_محمد
(((((((((بكابوزه ))))))))))))
الحلقه التاسعه
فى الكليه بعد فتره
فريال/ انتى زعلانه منى فى حاجه يا بسمه
بسمه/ ابدا و ازعل ليه
فريال / يعنى مش زعلانه انى انا و فارس يعنى كابل
بسمه/ انتى بتقولى ايه يا بنتى
فريال / معرفش بس حسيتك ادايقتى لما عرفتى و من ساعتها مش بتكلمينى
بسمه/ لا ابدا الموضوع فى فارس نفسه مش فيكى
..................................
فريال/ ماله فارس
بسمه/ انا مش برتاح فى الكلام معاه و خلاص و بقف معاكوا لما بنبقى بنات بس
بلسم تدخل
بلسم/ بترغوا فى ايه يا كلاب منغيرى
فريال/  مفيش كنتى فين
بلسم/ كنت فى الكافيتريا بجيب مياه تشربى
فريال/ لا شكرا
بلسم / بس كويس انك فكرانا من يوم مرتبطى بفارس و محدش عارف يكلمك
فريال/ هههههههههه ابدا والله المهم انا عيد ميلادى الخميس الجاى لازم تيجوا
بلسم/  النهرده السبت لسه بدرى عالخميس على الله افتكر
فريال/ بطلى رخامه
بسمه/ انا هفتكر كل سنه و انتى طيبه
بلسم/ كدا فارس هيغرم جامد هديه الفلانتين الاتنين و هديه عيد الميلاد يوم الخميس ههههههههه
فريال/ اقل واجب
بسمه/ الدكتور دخل اسكتوا بقى
........
يوم الاتنين
بلسم / كتنا نيله فى حظنا الهباب
بسمه/ هههههههههههه اتكلمى عن نفسك
بلسم/ دا على اساس ان فى حد عبرك
بسمه/ اه جالى ورده و شيكولاتايه
بلسم/ كدابه احلفى
بسمه/ هوريكى صورتهم
بسمه تطلع الموبايل و تورى بلسم صوره
بلسم/ ايه ده انتى اللى جيباهم لنفسك
بسمه/ لا دا معتز
بلسم/ يالهوى عليه الواد ده مبينساش حاجه
بسمه/ صحيت الصبح لاقيتهم جنبى بجد معتز ده احسن اخ فى الدنيا بيخاف اشوف البنات جايلهم هدايا و انا لا ادايق
بلسم/ يابختك بيه اخويا المنيل على عينه لو لقانى ربع جنيه مخروم مرمى عالارض هياخده و يصرفه
بسمه/ ههههههههههه بس بس عصافير الغرام جايين علينا
فريال و فارس يدخلوا
بسمه/ ازيكوا
فريال/ هابى فلانتين
بلسم/ هابى فلانتين
فارس / ازيك يا نسمه عامله ايه
بلسم/ بطل بتدايق
فارس / ليه بس دا حتى لايق عليكى
بسمه/ شكرا خليهولك 
فارس / ايه يا فوفه مش هتوريهم هديه الفلانتين
بسمه تحط ايدها فى جيب بلسم / الجو برد جدا
فارس / على فكره مش هتلاقى اكل فيه بس لو جعانه اوى ممكن اجيبلك ساندوتشين كومبوا مالكافيتريا تصبيره
فريال تدحك و بلسم و بسمه يبصوا لبعض و بسمه تشيل ايدها من جيب بلسم و تفضل تحرك عينيها تدارى الدموع فريال  ترفع ايدها و توريهم ساعه
فريال/ ايه رايكوا تحفه صح و مكتوب من جواها لحبيبه عمرى فوفه
بسمه/ بس حلو انتوا الاتنين دلعكوا فوفه
فارس / افندم
بسمه/ ايه بهزر معاكى يا فوفه اوعى تكونى بتزعلى
بلسم تدحك
فارس / على فكره انا متعاطف معاكى جدا
بسمه/ ليه بقى ان شاء الله
فارس / عشان واحده فى ظروفك زى مى عز الدين فى حبيبى نائما اكيد هتكون سينجل فى الفلانتين فهترخم عالكبلز
بسمه تبص لبلسم
بسمه/ عشان كدا بتقولى يا نسمه لانك شايفنى مى عز الدين فى حبيبى نائما
فارس / بهزر معاكى اوعى تكونى بتزعلى
بلسم/ بس بسمه مش سينجل على فكره
فارس / ههههههه و مين الاعمى اللى بصلها
فريال/ كفايه يا فارس
بلسم تشد موبايل بسمه من ايدها و تطلع صوره معتز و بسمه عالبحر
بلسم/ اتفضل شوف بنفسك
فريال تشد الموبايل و تزوم
فريال/ مستحيل مين المز ده
بلسم/ اسمه معتز
بسمه تشد الموبايل / عن اذنكوا
بلسم تمشى وراها و لما  يبعدوا شويه
بسمه / ايه اللى هببتيه ده
بلسم/ على فكره الواد ده حيوان بجد
بسمه/ بس انتى ازاى تقولى ان معتز الكابل بتاعى
بلسم/ انتى مشوفتيش وشه كان هيطق و لا فريال اللى فرحانه بالساعه الجديده جاين يتمنظروا علينا ولاد المقشفه
بسمه / بس بس فريال جايه
فريال/ اوعى تزعلى من فارس  يا بسمه هو مش فى المود النهرده متخانق مع مامته
بسمه/ مش فى دماغى اصلا
فريال/ بصى متنسيش تجيبى المز بتاعك معاكى فى عيد ميلادى
بلسم/ دا لو كان فاضى معتز بيشتغل مش زى فارس بياخد مصروفه من مامى
فريال/ خفى يا بلسومتى .... حاولى يا بسبوس هو بيحبك و اكيد مش هيرفضلك طلب
بسمه/ ربنا يسهل
فريال تمشى
بسمه/ عاجبك كدا
بلسم/ مش قولتلك حرقتى دمهم
بسمه/ انا بقول مروحش اصلا و اقطع مع الاتنين الزباله دول بجد كرهتهم اوى
بلسم/ هنقطع بس الاول نروح العيد ميلاد و ننكد عليهم
بسمه/ انتى اكيد اتجننتى
بلسم/ معتز عمره مرفضلك طلب احكيله اللى حصل و هو هيعرف يعمل ايه
بسمه/ ولو رفض و اكيد هيرفض
بلسم/ ساعتها نقطع معاهم
بسمه/ خلاص هحاول مع ان خساره فيهم الهديه
..........
فى البيت
معتز يدخل مالصاله البيت
بسمه/ اتاخرت ليه
معتز/ ايه اللى مصحيكى مش عندك كليه الصبح
بسمه/ مستنياك عوزاك فموضوع
معتز/ استر ياللى بتستر خير
معتز يروح يقعد جنبها
بسمه/ انا عارفه انك منبه عليا لو عاوزاك اتصل بيك بس انا عوزاك و مش عوزاك
معتز/ دى زى انا عايش و مش عايش عمرو دياب
بسمه/ لا زى عاوزه اطلب منك طلب و خايفه ماللى هيحصل لما توافق
معتز / و لو موافقتش
بسمه/ مش عارفه مانا عشان كدا قاعده بفكر من ساعتها
معتز/ طب بصى احكيلى و انا احكم
بسمه/ الواد الزباله فارس جاى هو و فريال و استلمونى بيقولى نسمه عشان طخينه و بيالس عليا فى الرايحه والجايه و النهرده بيقولى اكيد متغاظه عشان سنجل
معتز/ ايه ابن الكلب ده
بسمه/ بس بلسم قالتله انى مش سنجل اصلا و حرقت دمهم
معتز/ ايه الهبل ده
بسمه/ عيد ميلاد فريال الخميس الجاى و انا و انت معزومين
معتز/ و انتى هتروحى
بسمه تتنهد / بص انت مش فاهم بلسم ورتهم صورنا فى المصيف على انك انت يعنى
بسمه تتكسف و تقوم
معتز/ بلسم قالتلهم اننا كابل
بسمه/ بص انسى خلاص
بسمه تجرى على البلكونه
معتز/ ههههههههه بقى الحكايه كدا انا فهمت
بسمه /خلاص انسى
بسمه تحاول تقفل باب البلكونه و معتز يحط رجله
معتز/ انتى عوزانى اجى معاكى العيد ميلاد عشان امثل دور الكابل بتاعك فتفرسى الفرفور ده و البت بتاعته صح
بسمه/ انا مش عاوزه حاجه
معتز/ تصدقى فكره بنت لذينه
بسمه / قصدك ايه
معتز/ بس كدا عاوزين ننزل نشترى حتتين جامدين نتفشخر بيهم
بسمه/ انت يتتكلم جد
معتز/ ايوه طبعا بتكلم جد هنروح انا و اننى  نحرق دم شويه العيال السيس دول و ناكل جاتوه و تورته و نروح
بسمه/ بس لازم نجيب هديه
معتز/ نجبلها شريط دوا ضغط من عند الواد كامل
بسمه/ ههههههههه على فكره انا هقطع معاهم كدا كدا
معتز/  على فكره المفروض تقطعى معاهم فعلا بس مش قبل منحرق دمهم
بسمه تبتسم
معتز/ بصى هو العيد ميلاد امتى
بسمه/ الخميس
معتز/ من هنا للخميس اكون دبرتها متقلقيش
........
يوم الخميس
الباب يخبط
بسمه تفتح
بلسم /  بقالى ساعه برن عالموبايل تحت البيت معادنا سبعه
بسمه/ معتز لسه مجاش و بعدين مانا بكنسل عليكى
بلسم/ طب المهم هنعمل ايه
بسمه/ ادخلى نستناه
بلسم/ ماشى بس لعلمك فريال مبطلتش رن
بسمه/ و  مستلمانى انا كمان
تليفون بسمه يرن
بسمه/ دا معتز استنى اشوفه جه و لا لا
بسمه تفتح شباك البلكونه تلاقيه فى التاكس تحت
...................