بكابوزه بقلم / لولو محمد ( كامله )

الحلقه ٣٠

#lolo #لولو_محمد
(((((((بكابوزه)))))))))
الحلقه الثلاثون
سيد / طب هى كويسه يمكن يكون عمل حاجه و مكسوف يقول
معتز / لا كامل زى الفل انا اصلا مش عارف اقوله ايه ربنا يعينه
سيد / طب سيبك من كامل انت هتعمل ايه
معتز / انا بفكر اسيب البلد
سيد / بتهزر ليه يابنى مخلاص موضوع كامل جه منهى و خلص خش انت بقى
معتز / انت غبى مانا دخلت و اترفضت و خلصنا
...................................
سيد / فكك من امها خش لابوك خشلها قولها انك بتحبها
معتز / برده معدش ينفع
اخلاص تنزل و هى مش طايقه نفسها و تروح على بيت كامل
سيد/ لما تخلص فوت عليا هنسهر سوا مانا لازم افهم حكايتكوا ايه يا عيله مجانين انتوا
..............
فى بيت ام كامل
اخلاص بتعيط / والله يا حنان معارفه مالها البت بتروح منى دى اكيد اتحسدت
محمود / انا مسكت الواد كامل غسلته بس هو حلفلى انه معملش حاجه
حنان / يعنى هو البت فجاه تطلع تجرى و اول متوصل البيت يغمن عليها و لما تفوق تكتشف انها مبتحبوش ايه ابوها جالها فى المنام
اخلاص / طب والله يا حنان البت مفصلت عياط من ساعه مجت انا هاخدها لشيخ يبص عليها
كامل / على فكره الجواز مش بالعافيه انا بقول ننسى الموضوع ده فتره لحد مبسمه تقف على رجليها تانى و نفهم منها ايه اللى حصل يمكن انا فعلا قولت حاجه بالغلط دايقتها
اخلاص / والله عين العقل
حنان / و هو انت باير يا كامل تستنى ليه اما تقوم و لا متقومش مخلاص كل واحد يروح فى حاله و من بكره هشوفلك ست ستها
اخلاص / كتر خيرك يا ست حنان عن اذنكوا
محمود / استنى بس يا ست اخلاص هى متقصدش
اخلاص / و لا تقصد بسمه كمان مش بايره و الجواز قسمه و نصيب و شبكتكوا هتيجى لحد عندكوا
حنان / ياختى هو الموضوع شبكه بس متشوفى ياختى اللى اتصرف فى الشقه و لا الخروجات و الهدايا و لا كل ده مش محسوب
كامل / ماما لو سمحتى اللى اتصرف عالشقه فهى فى الاول و الاخر شقتى و اى مصاريف تانيه فانا اللى صرفتها و مش فارقه معايا و كل ده كان وارد انه يحصل مالاول
اخلاص / كتر خيرك يابنى عن اذنكوا
اخلاص تمشى و تروح و هى بتعيط
.....
فى البيت
بسمه مبتبطلش عياط و نبيل جمبها
نبيل / خلاص عملنا اللى يريحك و فسخنا الخطوبه بتعيطى ليه بقى
بسمه / مفيش
نبيل / زمان لما كنتى زى الخرتيت كنت مدايق عشان صحتك و شكلك بس كان بيهون عليا ضحكتك انتى و معتز كنت بقول فقلبى سيبهم الواحد مش هيعيش غير مره سبهم يدحكوا الدنيا بقت صعبه و بكره لما يكبروا هتكسرهم مكنتش اعرف انها هتكسركوا بدرى اوى كدا دلوقت لما ببصلك انتى و لا معتز بقول ياريتنى كنت سكت و سبتكوا تضحكوا شويه ياريتنى كنت اقدر احميكوا مالدنيا اكتر 
بسمه / انا تعبانه اوى يا بابا فضلت طول عمرى ادور على حاجه واحده بس و هى فايدى بس انا مكنتش واخده بالى
نبيل / و لما ختى بالك ايه اللى حصل
بسمه / راحت و مش هترجع تانى ابدا
نبيل / يبقى انسيها
اخلاص تدخل و هى بتعيط
بسمه / مالك يا ماما
اخلاص / مليش بلا قرف فين الشبكه
نبيل / هو انتى اتخانقتى معاهم
اخلاص / ربنا نجدها بسمه دى وليه عديمه الزوق
نبيل / طب اهدى بس و فهمينى ايه اللى حصل
اخلاص / اهى لقيتها هاتى الدبله دى بس كدا مش فاضلهم حاجه تانى هو كان جايبلك هدايا ايه
نبيل / للدرجادى طب اهدى بس و هنلم براحتنا
اخلاص / متقوليش براحتنا فين الحاجات اللى جبهالك
بسمه تقوم تلم شويه حاجات فى كيسه و تديها لاخلاص تحط معاهم الشبكه و تفتح الباب تلاقى كامل فوشها
اخلاص / ايه مستعجل اوى على حاجتك كنت بلمهالك ياخويا
كامل / انا جاى اعتزر عن اللى ماما عملته
نبيل / فى الاول و الاخر يابنى احنا جيران و اهل
اخلاص / متقولش اهل اسمع يا بنى لا اسمع يا كامل حاجتك اهى و الحمد لله انها خلصت على كدا
كامل / مش عاوزها انا مش جاى اخد انا جاى اعتزر و بس
نبيل / امشى يابنى دلوقت و لما الجو يهدى شويه هنشوف هنعمل ايه
كامل / ماشى
اخلاص / خد حاجتك معاك و اه شوف المصاريف اللى صرفتوها كام و ربنا يقدرنى و اردهالك
كامل يتنهد و يسكت و يبص فى الارض
نبيل / حقك عليا يابنى دى لحظه نرفزه و هتروح لحالها
كامل يمشى و يسيب الكيسه جنب الباب
........
فى الصاله
كامل / انا لو افهم ارتاح لكن دلوقت الكل ضرب فى بعضه و انا فى النص مش فاهم حتى ايه اللى حصل و لسه لما معتز يجى و يحكوله اللى حصل بين امى و امه هتطربق على دماغى اكتر
سيد / انا قولتلك مالاول بلاش الحوار ده
كامل / انا بس مش فاهم انا حاولت معاها والله بس يلا فيش نصيب
سيد / انت حبيتها
كامل / معرفش انا مكنتش بشوفها اصلا من يوم متخطبنا و كلامنا كان على القد بس منكرش انى معجب بيها بس حب دى معرفش دانا كنت بشوفها قبل الخطوبه اكتر يا مؤمن
سيد/ امال كنت مستعجل عالجواز ليه
كامل / قولت لما تبقى وشها فوشى طول الوقت هتلاقى وقت تحبنى لما تعرفنى من قريب
معتز يدخل
كامل / ازيك اخبارك ايه
معتز / الحمد لله على كل حال انت لسه زعلان
كامل / انت روحت
معتز / لا بس بابا حكالى فى التليفون
كامل / و مش زعلان
معتز / الحمد لله انها جت على قد كدا
سيد/ صح تخيل لو كنتوا غوطتوا اكتر و اتفشكلت كانت هتبقى مجزره
كامل / بص المهم فى الحوار ده ان علاقتنا متتاثرش
سيد / تتاثر ايه بس داحنا اخوات يا عم روح انت بس و هتصحى الصبح تلاقى الدنيا راقت لوحدها
كامل / مليش مزاج اروح
سيد / لا ليك انت حتى مرهق و تعبان اهو
كامل / لا ياعم انا كويس مش تعبان و لا حاجه
سيد / خلاص ياعم خليك انا مالى
كامل / تصدق انك عيل مجنون انا مروح هو يوم باين من اوله
كامل يلم حاجته و يمشى
سيد / دا مجنون و ربنا احكى بقى ايه اللى حصل
معتز / هحكيلك
........
فى البيت
بسمه نايمه عالكنبه بتعيط و امها جنبها
اخلاص / شوفتى الفقر بيعمل ايه تسمعى اهانتك مالناس و تسكتى انا كل اللى كنت عوزاه انك متشوفيش اللى انا شوفته كل اللى كنت عوزاه انى اطمن عليكى و على مستقبلك انا اللى شوفته فى حياتى مش عوزاكى تشوفيه انا مليش غيرك
بسمه / انتى حبيتى بابا صح
اخلاص / الفقر بيموت الحب يا بنتى مهو الحب لا هياكلك و انتى جعانه و لا يدفيكى و انتى بردانه الحب بيضيع مع زحمه الدنيا هو طول الوقت بيدور على اكل عيشه و انتى قاعده شايله الهم ياترى هتعرفوا تدفعوا قسط التلاجه و لا هتصحى الصبح تلاقيهم حبسينه لما تبقى عيانه و انا و هو معناش كشف الدكتور و على عينا نجرب فيكى دوا مالصيدليه
بسمه / بس الدنيا من غير حب ملهاش معنى الكوخ اللى بتدحكى فيه و لا القصر اللى بتعيطى فيه
اخلاص / يعنى هو مينفعش تعيشى فى شقه و خلاص هو ان مكنش كدا يبقى كدا
بسمه / حتى دى مش هطولها
اخلاص / سيبك هو الخسران بكره ربنا يبعتلك سيد سيده
بسمه / انا مش عاوزه حد انا بس عاوزه انام
اخلاص / نامى و متزعليش من حاجه بكره تتعدل
......
فى الصاله
سيد / انت مجنون و لا شارب حاجه انت عبيط يعنى انت كنت هتموت عشان تتجوزها و لما ربنا سهلهالك و البت جت تقولك بحبك تخلع لا و كمان عاوز تسيب البلد دا انهى عقل ده
معتز / عمرك مهتفهم
سيد/ نفس الجمله اللى قولتها فى كل حواراتنا و تطلع فى الاخر انت اللى مبتفهمش حاجه
معتز / يا بنى افهم بسمه كانت مخطوبه لكامل ازاى اقولها انى بحبك و دبلته فى ايدها
سيد / اهى قلعتها حجتك ايه
معتز / نفس الحجه اللى خلتنى اسكت على خطوبتها من كامل انى منفعلهاش
سيد / ليه اكتشفت فجاه انكوا راضعين على بعض
معتز / لا انا مش هعرف احققلها احلامها و هكون عقبه فى طريقها
سيد / من امتى الكلام ده
معتز / انا كانت السكينه سرقانى مكنتش حاسس بالفرق الكبير اللى بينى و بينها
سيد / عشان هى يعنى هتبقى دكتوره طب مهو الفرق ده حصل بفلوسك انت و تعبك و شقاك و بعدين مانت معاك ليصانس حقوق يسد عين الشمس
معتز / بله و اشرب ميته مهو على يدك
سيد / على يدى ايه ايه يعنى مكنت تدرب عند محامى فتره لحد مربنا يكرمك و تفتح مكتبك
معتز / كنت محتاج فلوس يا سيد انت نسيت الظروف كانت عامله ازاى
سيد / و الظروف اتغيرت بدل مكنتوا بتاجروا تاكس تشتغلوا عليه بقى عندكوا التاكس بتاعكوا روح يابنى و شوف هتعمل ايه
معتز / يابنى مش هينفع هضيع وقت
سيد / لكن الحل انك تروح لمكتب سفريات عشان تسافر بره برده تشتغل سواق
معتز / اللى لقيته
سيد / طب هى عامله ايه
معتز / مش عارف وخايف ادخل البيت الصراحه
سيد / قلبك مش واكلك عليها و عاوز تطمن حتى
معتز / هموت بس مينفعش
سيد/ بص زمان انت قولتلى ان الدنيا قرارات و انت المسؤل عن قراراتك و ليك عليا انى انصحك و بس انت قراراتك كلها فستك يا صاحبى
معتز / انا هصلى استخاره النهرده قبل مروح اقدم الورق بكره للراجل
سيد / براحتك
.......
فى البيت
معتز يروح يدخل الحمام يغير و يجى ينام اخلاص تصحيه
معتز / ايه اللى مصحيكى لحد دلوقت يا مرات عمى
اخلاص / خلاص معدتش استاهل ماما حقك بص دول عشر تلاف جنيه جمعيه و قبضتها الاول و كنت هجيب بيها الاجهزه لبسمه بس لسه بدرى عليها خدهم و اهو يبقى جزء من اللى عليا
معتز / الجمعيه دى اتعملت لبسمه مينفعش تروح غير لبسمه
اخلاص / انا عارفه ان اللى انا مديونالك بيه اكبر بكتير مالمبلغ ده بس ده كل اللى معايا دلوقت بس لو عاوز انا ممكن ابيع الغويشتين اللى حلتى و اكملك
معتز / انا مش عاوز حاجه خالص انتى مش مديونالى باى حاجه اصلا
اخلاص / خليهم معاك
معتز / انا هسافر
اخلاص / ابوك عارف
معتز / لسه هروح بكره اقدم الورق فى مكتب سفريات
اخلاص / ابوك لو عرف ممكن يروح فيها
معتز / مفيش حل تانى وجودى فى البيت صعب اوى و مش عارف اعمل ايه الفتره اللى فاتت كنت عمال ادور على اى مخرج و ملقيتش غير الحل ده
اخلاص / طب اصبر شويه يمكن ربنا يفرجها من عنده
معتز / يمكن هو ده الفرج
اخلاص / سامحنى يابنى انا ظلمتك و جيت عليك
معتز / لا انتى فوقتينى و كدا احسن من التوهه اللى كنت فيها و كويس انى فوقت بدرى
اخلاص / تصبح على خير
اخلاص تسيب الفلوس و تقوم
معتز / نسيتى الفلوس خديها عنيها احسن
اخلاص تاخدها و تدخل تنام
.......
تانى يوم الصبح بسمه نايمه و اخلاص فى الدكان و نبيل عالتاكس معتز طلع ملف و حطه على التليفزيون و دخل طلع بدلته و دخل يستحمى بسمه تصحى تلاقى الورق تبص فيه معتز يطلع مالحمام
بسمه / السعوديه دى بعيد اوى
معتز / بعيد ايه بس دى ساعتين بالطياره
بسمه / بس انا معيش باسبور
معتز / ههههه انا اللى هسافر
بسمه / ماشى
معتز يدخل يلبس البدله و يطلع
بسمه / لو انت هتسافر عشان الكلام اللى قولته اعتبرنى مقولتوش
معتز / انا هسافر عشان مش عاوز اقعد هنا
بسمه تعيط / خلاص كرهتنى طب مبتحبنيش ماشى بس على الاقل نرجع زى مكنا
معتز / انا عمرى مهقدر اكرهك بس وجودى هنا .....
بسمه / لو مش عشانى عشان بابا دا ملوش غيرك
معتز / البركه فيكى انتى خدى بالك منه
بسمه / و انا مين ياخد باله منى
معتز يتنهد و يبص يمين و شمال
بسمه / انت وعدتنى انك عمرك مهتسيبنى وعدتنى انى عمرى مهحتاجلك و مش هلاقيك
معتز / و انا لسه عند وعدى
بسمه / ازاى و فى بينى و بينك مسافات و حدود ازاى و انت بعيد
معتز / عوزانى افضل هنا اعمل ايه
بسمه / معرفش بس لو هتسافر خدنى معاك
معتز / اخدك فين يا بنتى اعقلى
بسمه تعيط/ خلاص روح انشالله الطياره تفرقع بيك و تموت
بسمه تجرى على اوضتها و تقفل الباب
معتز / امين
معتز ياخد الورق و يمشى و بسمه تفتح الباب و تبص عليه و هى بتعيط
.........
تحت البيت
سيد / خلاص نويت و بعدين لابس و متشيك تقولش رايح فرح دانت هترمى نفسك فى الزباله
معتز يطبطب على كتف سيد و يمشى
........
فى البيت عند كامل
حنان / كامل انا لقيت دى فى علبه الشبكه
كامل / ايه دى
حنان / دبله
كامل يمسك الدبله
كامل / دى مكتوب جواها معتز اه دى بتاعه معتز افتكرت كانت بسمه حكتلى انه كان بيبعها فى الصاغه و هى خدتها منه عشان ميبعهاش تلاقيها نسيتها بالغلط هتيها هرجعهاله
حنان / هو انت زعلان ماللى حصل
كامل / زعلان ماللى حصل بينك و بين طنط اخلاص
حنان / انا بس مش فاهمه ايه اللى حصل مانتوا كنتوا كويسين انت قولتلها حاجه تزعلها
كامل / معدش يفيد الكلام ده خلاص
حنان / على فكره انا ممكن اروح اعتزرلها و ابوس رجليها كمان
كامل / ليه كل ده يا ماما الجواز قسمه و نصيب و هى محبتنيش و انا اصلا عمرى مكنت هقبل انى اتجوزها و هى مش بتحبنى
حنان / ايوه بس انت حبيتها
كامل / انا منكرش انى اعجبت بيها بس من الواضح انى محبتهاش يعنى مش حاسس انى هموت مالزعل يعنى بالعكس انا زعلان عليها هى اتكتبت عليها خطوبه و نفسيتها الوحشه بجد ربنا يعينها
حنان / انا من بكره هدورلك على عروسه تانيه
كامل / هههههههههه لا ابوس ايدك كفايه اوى تدوير لحد كدا سيبيها تيجى لوحدها
حنان / طب هتشوف حد يجى يشتغل معاك
كامل / اما اشوف الاول بسمه هتكمل و لا لا
حنان / ازاى بس يابنى هو ينفع بسمه تشتغل معاك بعد اللى حصل
كامل / و ليه لا
حنان / انت هتجننى
كامل / بعد الشر عنك يا ست الكل بصى متشغليش بالك و سيبيها لله
.............
فى مكتب السفريات
معتز قاعد مستنى دوره فى المقابله و معاه ورقه و بيفتكر كلام بسمه
بسمه / انت وعدتنى انك عمرك مهتسيبنى السعوديه دى بعيد اوى انت وعدتنى انك عمرك مهتسيبنى و انا مين ياخد باله منى وعدتنى انى عمرى مهحتاجلك و مش هلاقيك و انا مين ياخد باله منى و انا مين ياخد باله منى
الاستقبال / الاستاذ معتز نبيل محفوظ ....معتز نبيل محفوظ
معتز ياخد ورقه و يمشى
.......
فى المحل
شيماء / انت مش قولت مش هتيجى النهرده
معتز / غيرت رايى
شيماء / بجد يعنى مش هتسافر
معتز / لا مش هسافر
شيماء / كويس على فكره انا قرايه فتحتى الخميس الجاى
معتز / الف مبروك
شيماء / هو  ابن عمتى ماما بقالها فتره بتكلمنى و انا كنت بتهرب بس هو لما كلمنى غيرت رايى
معتز / ربنا يتمملك بخير انتى طيبه و تستاهلى كل خير
شيماء / و انت كمان يا معتز طيب و تستاهل كل خير
معتز / شكرا