بكابوزه بقلم / لولو محمد ( كامله )

الحلقه ٣

#lolo #لولو_محمد
((((((((((بكابوزه ))))))))))))
الحلقه الثالثه

معتز/ اولا انا مش اخوكى انا ابن عمك و ثانيا اللى بيحبك هيشوفك احلى واحده فالدنيا حتى لو عندك تمن ايدين و مناخيرك فى افاكى
بسمه/ ههههههههه
معتز /   انا بتكلم جد اوعى ثقتك فى نفسك تتهز طخينه رفيعه بنضاره و لا منغير حب شباب و لا لا كلها حاجات ظاهريه المهم قلبك و روحك اللى مش عند حد خفه دمك و دحكتك اللى بتنور الدنيا دى الحاجات اللى لازم تهتمى بيها بجد
بسمه/ بس محدش.... الرجاله مش هتدور على الحاجات دى
.........................
معتز/ ايه الهبل ده مانا راجل اهو و بقولك الراجل اللى بجد يوم مبيحب بيهتم اوى بالحاجات دى لكن لما بيتسلى بيهتم بالجسم و الشكل خلى كلامى حلقه فودنك
بسمه/ انا بحب اتكلم معاك اوى
معتز/ و انا كمان
بسمه / انا هقوم انام بقى تصبح على خير
معتز/ فاضل عالفجر ساعه حرام يروح عليا انا هخلينى صاحى
بسمه/ خلاص انا هعد معاك
معتز/ ماشى خليكى انا هقوم الحمام ثوانى و راجع
بسمه  / ماشى
معتز يدخل الحمام و يطلع يلاقى بسمه نايمه و هى قاعده و الساندوتش فايدها
معتز يعدلها و يغطيها و ياخد منها الساندتش يحطه فى الصينيه و يعد عالارض جنبها يبص عليها
/////////
م/ على قد مكنت زعلان و شايل الهم من احلامها اللى واثق انى مش هقدر احققها و على قد مكنت خايف من تفكيرها و نظرتها لنفسها على قد مكنت بستمتع بكل لحظه و انا شايفها قدامى كنت بتمنى الساعه متخلصش كان نفسى الوقت يقف و افضل باصصلها كدا العمر كلو وعلى قد مدايقت انها بتقول عليا اخوها على قد مكونت راضى و بصبر نفسى اخوها و جنبها و قريب منها كدا احسن من انى اكون ابن عمها و بعيد و بينى و بينها الف حاجز و حاجز
////////
صوت اذان الفجر
نبيل يطلع مالاوضه
نبيل/ انت ايه اللى مقعدك كدا يا معتز يابنى
يبص يلاقى بسمه نايمه مكانه
نبيل/ قومى يابت نامى فاوضتك انتى ايه معندكيش دم
بسمه تصحى/ ايه ده هو انا نمت
معتز/ يلا يا بابا اتوضى عشان ننزل
نبيل/ انا اتخنقت مالعيشه و اللى عايشنها و انت لما لقيتها نايمه مكانك مدخلتش تنام فى اوضتها ليه ايه اللى يقعدك عالارض كدا
معتز/ يا بابا اهدى بس انا كنت مستنى ادان الفجر مكنتش عاوز انام
ماما تصحى / فى ايه يا نبيل صوتك عالى اوى ليه الناس نايمه
نبيل/ ياختى تعالى شوفى بنتك اللى سابت الدنيا كلها و نامت مكان الواد
ماما/ طب مدخلتش مكانها ليه يا معتز
نبيل/ يا اخلاص فوقى هو انا بتكلم عن نومتها احنا قفلنا البلكونه عشان تتقفل عليها و هى نايمه مش تنام فى الصاله و اللى رايح و اللى جاى يبصوا عليها
معتز/ انا داخل اتوضى
معتز يدخل الحمام
نبيل/ انا مش هشيل وزركوا فى اخر ايامى
بسمه/ هو فى ايه وزر ايه اللى بتتكلم عليه انا مبعملش حاجه غلط
نبيل/ شوفتى بنتك و قله ادبها صحيح مانتى لو ابوكى كان عايش كان قطم رقبتك
بسمه/ لو كان ابويا عايش مكنتش عرفت ترفع صوتك عليا كدا هو انا عدوتك
اخلاص/ خلاص يا بسمه خشى اوضتك
بسمه/ هى فين اوضتى دى الحوق اللى بنام فيه بتسميه اوضه
نبيل/ احمدى ربنا ياختى غيرك بتنام فى الشارع
بسمه./ على الاقل مبتصحاش على هم و تنام على هم
اخلاص تزعق / خلاص يا بسمه خشى اوضتك
بسمه/ يارب اموت و اخلص
بسمه تروح تفتح التلاجه و تشد كيس الاكل بتاع بالليل و تدخل اوضتها
نبيل/ لغى ياختى لغى اياكش  تنفجرى من كتر الاكل
اخلاص تدخل اوضتها و ترزع الباب و معتز يطلع مالحمام و يفتح باب الشقه و يرزعه وراه
نبيل / فى ستين داهيه كلكوا
نبيل يدخل الحمام يتوضى و ينزل
....،،،،،
فى المسجد بعد الصلاه
معتز/ انا هروح يا بابا
نبيل/ انا هخلينى هنا شويه
معتز يمشى و يجى الشيخ يعد مع نبيل
الشيخ/ مالك يا نبيل شكلك مدايق
نبيل/ مفيش يا مولانا انا كنت بس عاوز اقعد فبيت ربنا شويه
الشيخ  / اوعى يكون الموضوع اللى كلمتك فيه امبارح مدايقك
نبيل/ لا ابدا
الشيخ/ انا بتكلم لمصلحتك العيال كبروا و ووجودهم مع بعض خطر انا عارف ان معتز متربى و بيتقى ربنا بس انا قولتلك علشان تاخد بالك
نبيل/ يا مولانا انا على يدك اول مالبت كبرت شويه قفلتلها البلكونه و فصلتهم و الواد اصلا طول النهار و الليل فى الشارع اخليه ينام فى التاكس يعنى لحد مالبت تتجوز و لا اعمل ايه
الشيخ/ انا مقولتش كدا انا بس بقولك تاخد بالك توعيه و تتكلم معاه تصاحبه و.....
نبيل/ والله يا مولانا انا لسه متخانق فى البيت بسبب الحوار ده تعبت و الحمل زاد عليا و مش عارف اعمل ايه
الشيخ/ توكل على الله و ارمى حمولك عليه محدش هيحس بيك و لا يخفف عنك زيه
........
فى البيت
بسمه عماله تعيط اخلاص تدخل عليها
اخلاص/ انا زعلانه منك
بسمه/ انتى ليه مش بتدافعى عنى ليه بتسيبيه يعاملنى كدا
اخلاص / على فكره عمك بيحبك و بيخاف عليكى
بسمه/ واضح
اخلاص/ انتى فاكره انه مش بيحبك عشان انتى مش بنته امال بيعمل كل ده لمين دا بيكحت فى الصخر باديه هيعمل ايه اكتر من كدا هو بيخاف عليكى و اتكلمنا كتير انك متناميش فى الصاله عشان معتز
بسمه/ و هو معتز اشتكى
اخلاص/ معتز عمره مهيشتكى بس انتى كبرتى و معتز كبر معدتوش عيال صغيره
بسمه/ انا مبعملش حاجه غلط و انا متربيه كويس و معتز كمان متربى كويس
اخلاص / عارفه بس ابوكى بيخاف عليكوا هو يمكن اترفز بس ردودك كمان كانت مستفزه بزمتك تقدرى تكلمى ابوكى كدا شوفتى انه بيحبك واحد غيره كان ضربك على ردودك قليله الادب دى
معتز يفتح الباب و يدخل
اخلاص / تعال يا معتز
معتز/ انا تعبان يا ماما بعد اذنك هنام مكانك
اخلاص / ادخل يا حبيبى
بسمه/ سلامتك يا معتز مالك
معتز يبتسم و يدخل الاوضه
اخلاص/ انا هقوم احضر الفطار  فكرى فكلامى و لما ابوكى يجى اعتزريله عشان خاطرى
بسمه/ ربنا يسهل
//////////
ب/هو انا عملت ايه غلط استاهل عليه كل ده و ليه معتز مدافعش عنى ليه كل مره ابوه يعمل كدا مبيفتحش بقه و ينسحب او يعد يتفرج من بعيد
م/ ابويا كان معاه حق انا غلطت بس كان المفروض يزعقلى انا مش بسمه طب  كنت اعمل ايه مانا مقدرش اقف لابويا كفايه اللى هو فيه
/////////////
نبيل يدخل يغير هدومه
اخلاص / مش هتفطر ياخويا
نبيل ميردش و ياخد مفتاح التاكس و ينزل
اخلاص / هتاكلى يا بسمه
بسمه متردش اخلاص تشيل الاكل و تدخل تشطب المطبخ
اخلاص / انا نازله افتح الدكان
اخلاص تنزل واول متفتح الباب تطلع بسمه مالبلكونه و تدخل على معتز الاوضه و هو نايم
بسمه/ معتز معتز
معتز/ عاوزه ايه
بسمه/ عاجبك اللى قاله ابوك ده
معتز يقوم يقعد/ اولا مسموش ابوك ثانيا انتى وعدتينى انك مش هتتخانقى معاه تانى ثالثا
بسمه/ حيلك حيلك
معتز/ انا تعبان و عاوز انام اتفضلى روحى زاكرى ولا شوفى وراكى ايه
بسمه/ ربنا ياخدنى عشان ترتاحوا كلكوا منى
بسمه تطلع مالاوضه و ترزع الباب وراها معتز يتقلب فى السرير تقليبتين و يقوم وراها
،.......
فى البلكونه بسمه عماله تعيط
معتز/ حقك عليا خلاص بطلى عياط
بسمه بتعيط /محدش طايقنى كل حاجه بعملها غلط معدتش فاهمه حاجه مش عارفه ارضيكوا ازاى
معتز/ كلنا بنحبك يا بسمه و مش مطلوب منك غير انك تبطلى ردودك دى
بسمه/ مسمعتش قالى ايه
معتز/ كان بيكلمنى انا ايه اللى حشرك
بسمه/ انا الغلطانه
معتز/ يا بسمه ابويا مش عدوك دا ابوكى برضه
بسمه/ مفيش اب بيعامل عياله كدا
معتز/ انتى بس اللى مبتقبليش منه الهوا
بسمه/ خلاص كلكوا شايفينه ملاك و انا الشيطان
معتز/ لا هو ملاك و لا انتى شيطان بس اديله فرصه هو بيخاف عليكى و يحبك
بسمه/ صح صح
معتز/ انا تعبان و هموت و انام و مينفعش اسيبك زعلانه
بسمه/ خلاص روح ارتاح
معتز يقوم يدخل ينام .
.....
فى محل الملابس
شيماء / شكلك مرهق و عاوز تنام
معتز/ فعلا دا تانى فنجان قهوه اشربه
شيماء / مش هتقولى صرفت كام امبارح
معتز / فلوس ليه
شيماء / هههههههه مانا عارفه انها فلوس كام يعنى
معتز/ ليه
شيماء/ عشان احاسبك
معتز/ امشى يا شيماء
شيماء / ايه ده انت زعلت منى و لا ايه يقطعنى
معتز / خلاص يا شيماء محصلش حاجه روحى شوفى شغلك
شيماء/ حاضر
........
شيماء تروح تقف جنب هند
هند/ ايه عملتى ايه
شيماء / جيت اكحلها عميتها وهو شكله مش طايقنى اصلا
هند/ اصلا انا بقول تطلعيه من نفوخك اصلا لانه مش شايفك اصلا
شيماء / خليكى ساكته
هند/ بقولك ايه متروحى لامه كدا و لا لابوه و تدلعى عليهم
شيماء / نعم ياختى
هند / بتكلم جد شوفيهم محتاجين حاجه اعملى حاجه حلوه و دوقيهم خليهم يشوفوا شطارتك يكلموه عنك
شيماء / اجرب بقولك ايه هو معتز هيقبض الجمعيه امتى
هند/ وانتى مالك مهو كدا كدا بيقبضها من سيد مش منى
شيماء/ مفيهاش حاجه يابت خلى عندك دم و بدل متديها لسيد يديهاله اديهالة انا
هند/هو كان بيدفعلى انا و لا بيدفع لسيد  يابت متوقعنيش فمشاكل
شيماء / ماشى ياختى كتر خيرك
.........
فى البيت
معتز داخل
اخلاص/ حمدالله عالسلامه يا حبيبى احطلك تتغدى
معتز/ امال بسمه فين
اخلاص / فى الدرس
معتز/ لحد دلوقت اتاخرت كدا ليه
اخلاص / مهى قالتلى ان فى شهر المراجعه الحصه بتطول شويه وانت عارف فاضل شهر عالامتحان ادعيلها
معتز/ حاضر
////////
م/ مش كفايه اللى حصل الفجر لا كمان مش هعرف اقعد معاها الحبه دول   يلا كلو عشان مصلحتها ادخل ارتاح شويه على مبابا يجى بالتاكس
//////////
بالليل فى صاله الحديد
سيد/ مالك يا متر سرحان فايه
معتز/ مفيش
سيد /انت لسه متخانق مع ابوك
معتز/ انا مش متخانق مع ابويا اصلا
سيد/ يبقى كان بيتخانق مع بسمه يابنى دا صوتكوا الفجر كان جايب اخر الحاره
معتز / و هى جديده عليك ماحنا كل يوم كدا الله يعينه
سيد/ ربنا يعينك انت يا صاحبى
معتز/ انا بفكر اروح مش فالمود اتمرن
سيد/ بقولك ايه
معتز/ قول
سيد/ دى نسخه من مفتاح الصاله خليها معاك وقت متحب ابقى تعال اتمرن
معتز/ ليه
سيد/ ياد انت زى اخويا لو مفهمتكش مين هيفهمك
معتز ياخد المفتاح و يبتسم و يمشى
.......
فى البيت
معتز يدخل يلاقى بسمه نايمه
يغطيها و يروح يقلب فى المطبخ
/////////
م/ والله مليا نفس اكل ازاى نامت و مستنتنيش ......يلا كدا احسن عشان ابويا يهدى شويه .....طب اروح اصحيها شويه و تنام قبل الفجر ....لا تلاقيها تعبانه من كتر الدروس خليها ترتاح .......انا كمان هنام
////////
اذان الفجر
نبيل/ معتز قوم الصلاه يا معتز
معتز/ صباح الخير يا بابا صحيت
نبيل/قوم اتوضى يلا و حصلنى انا هسبقك
معتز يقوم يعد عالكنبه و يبص عالبلكونه يلاقيها مقفوله يتنهد و يقوم يتوضى و ينزل
.......
معتز و نبيل يرجعوا مالصلاه
اخلاص / حمدالله عالسلامه الفطار جاهز
معتز/ هى بسمه لسه نايمه
اخلاص / اه انا هروح اصحيها تفطر
معتز و نبيل يقعدوا عالطبليه و اخلاص تروح البلكونه تصحى بسمه
//////
م/ معقوله الوقت مبيعديش اصحى بقى هو انا موحشتكيش
///////
بسمه تصحى و تعدى و امها مسنداها و بتدعك فعنيها و تدخل الحمام و اخلاص تعد عالطبليه
اخلاص/ البت مش عاوزه تصحى شكلها كانت سهرانه بتزاكر
////////
م/ سهرانه ايه بس  ......كل ده فى الحمام بتعمل ايه بتكمل نوم معقوله
/////////
اخلاص/ متاكل يا معتز انت مبتاكلش ليه
معتز/ هاه هاكل اهو بس مستنى بسمه
نبيل/ يابنى كل على متيجى
اخلاص/ يا بسمه انتى يا بنتى انتى كملتى نوم فى الحمام و لا ايه
باب الحمام يتفتح و بسمه بتنشف وشها بالفوطه و اول متخلص و وشها يبان ابتسامه عريضه تترسم على وش معتز و بسمه تعد
نبيل/ انتى جايبه الفوطه معاكى ليه مش تعلقيها فى الحمام احسن
بسمه/ معلش لسه مفوقتش
..................

معتز/ ازيك يا بسمه
بسمه تدعك فعنيها/ الحمد لله طول الليل بحل واجب الدروس لحد منمت
معتز/ ربنا يعينك
اخلاص/ طب كلى يلا عشان تقومى تخلصى اللى وراكى
بسمه/ حاضر
معتز قاعد يتفرج على بسمه
نبيل/ متاكل يا معتز
معتز/ حاضر حاضر هاكل اهو
.......
بعد شويه
بسمه /ينهار ابيض يادوب اللبس
معتز/ ليه رايحه فين
بسمه تقوم من عالاكل جرى
معتز/ هى رايحه فين
اخلاص / مواعيد الدروس اتغيرت بقى عندها درس الساعه سبعه الصبح
معتز/ معقول
بسمه تجرى عالبلكونه جرى
معتز / طب هوصلها انا
نبيل/ لا خش نام انا كدا كدا نازل عشان التاكس