بكابوزه بقلم / لولو محمد ( كامله )

الحلقه ٢٢

#lolo #لولو_محمد
((((((((بكابوزه))))))))))
الحلقه الثانيه و العشرون
حنفى / حد شاف ايه اللى حصل جوه
الاول / لا
حنفى / خلاص انا غلطت و جاى قاصد خير جاى اصلح غلطتى
التانى / لا ياعم انت كدا بتلعب بالنار
حنفى / ياض انت انا لو اتجوزت البت دى طاقه القدر هتتفتحلنا
الاول / ياريس البت مش هبله دى بت تقيله و تقيله اوى و مسنوده
....................................
حنفى/ مسنوده من مين من شويه العيال الهفا ماحنا ياما علمنا عليهم و مقدروش يفتحوا بقهم
التانى / انت بجد مصمم على موضوع الجواز ده
حنفى / بصراحه البت ركبت فى دماغى و مش عاوزه تطلع
التانى / و ان ركبت دماغها
حنفى/ هكسرهالها
........
فى البيت عند كامل
حنان / يلهوى و لا حسيت بحاجه دانا حطيت راسى عالمخده اول ماختك نزلت مصحيتش غير على دخلتك
كامل / شكلى بقى زباله قدام معتز و قدامها و الاهم قدام نفسى
حنان/ هو البت جرالها حاجه
كامل / لا بسمه الحمد لله زى الفل
حنان / طب و الصيدليه
كامل / تولع الصيدليه
حنان /مدام البت كويسه و الصيدليه مش هماك امال انت حارق دمك و عمال تاكل و تهرى فى نفسك ليه
كامل / يلهوى يا ماما هو انا هعد طول الليل افهمك
حنان/ هى البت تهمك اوى كدا
كامل / يا ماما دى امانه فى فرقبتى
حنان / خلاص صون الامانه و ستتها
كامل / انتى فايقه و رايقه
حنان / و النبى انت اللى معقدها البت حلوه و اخلاق و علام و مربينها على ادينا و عارفين اصلها و فصلها و اخوها صاحبك و امها تتمنالك الرضا ترضى دى عروسه و لا فى الاحلام
كامل / يا ماما انتى ليه مصره تتكلمى فى السيره دى
حنان / عشان كبرت يابنى و عاوزه افرح بيك عاوزه اشيل عيالك قبل مموت
كامل / يووووه يا امى حرام عليكى مش قولتلك مليون مره متقوليش كدا بعد الشر عنك يا ست الكل
حنان / طب قولى البت مش عاجباك فى ايه
..........

كامل / متتعيبش بس بسمه متنفعنيش
حنان/ يا سلام منين متتعيبش و منين متنفعكش
كامل / صاحبك لا تشاركه و لا تناسبه
حنان/ دا ايه الهبل ده
كامل / يعنى لو محصلش نصيب و سبنا بعض لاى سبب هبقى خسرت معتز
حنان/ و ميحصلش نصيب ليه  دانتوا فوله و اتقسمت نصين تحس انكوا اتخلقتوا لبعض اه و النعمه
كامل / لاى سبب
حنان/ انت و معتز مفيش حاجه تفرقكوا حتى لو محصلش نصيب هتفضلوا صحاب
كامل / هو بابا لسه مجاش
حنان/ ابوك  مش هيجى النهرده هيبات فى اسكندريه لسه مخلصش المشوار بتاعه
كامل/ طب انا هقوم انام عشان الصبح ورايا هم
حنان / ربنا يقويك يابنى
.........
تانى يوم الفجر
نبيل/ هو البشوات نايمين
معتز/ انا صحيت يا بابا عاوز حاجه
نبيل/ قوم يابنى اتوضى عشان تنزل تصلى معايا
معتز/ حاضر
اخلاص/ ربنا يهدى سركم و يبعد عنكم و لاد الحرام
معتز / امين هى بسمه لسه نايمه
اخلاص/ اه لسه نايمه النهرده اجازتها مورهاش كليه
معتز/ تمام
.......
فى المسجد
الشيخ/ والله اللى حصل ده ميرضيش ربنا هو الواد ده خلاص اتجنن ولا ايه
نبيل/ انا تعبت يا مولانا
معتز/ والله يا مولانا احنا اللى سكتناله و فضلنا نطاطى كدا
سيد/ انا مع معتز قال يا فرعون ايه فرعنك قال ملقتش حد يلمنى
الشيخ / انا هروحله النهرده باذن المولى و هتكلم مع امه هقولها الواد ده ميعتبش المنطقه تانى و انت يا كامل يابنى متزعلش عوضك عاللى خلقك
كامل/والله يا مولانا و لا فارق معايا الصيدليه باللى فيها انا اللى مزعلنى اخويا اللى فاكر انى قصرت معاه
معتز/ ساعه شيطان و انت عارف
سيد/ مش قولتلك يا كامل معتز هيهدى و لا كان حاجه حصلت
معتز/ بس بسمه مش هتيجى الصيدليه تانى
نبيل/ عين العقل
الشيخ / لا يا نبيل مش عين العقل تعرف يا نبيل البت بسمه دى تربيه أومرا اه والله بت بميت راجل اللى زى البت دى مينفعش تحبسها عشان واحد اطاول عليها اللى زى دى تشجعها و تسندها عشان تزود قوتها و ثقتها فى نفسها
معتز/ انت عاوز اللى حصل يتكرر تانى
سيد/ جرا ايه يا معتز  قال يتكرر تانى ايه احنا نروح نموت احسن يا جدع
الشيخ / ساكت ليه يا كامل
كامل / مش عارف اقول ايه دى مش اول مره حنفى يكسر الصيدليه ان كانت على شويه الارفف و الادويه ففداهيه بس المرادى كان فى واحده هتتاذى بسببى
الشيخ / سبحان الله فدا جيل الرجاله خايفين و البت تقف و متتهزش
معتز/ احنا خايفين عليها يا مولانا
الشيخ/ يبقى تحموها مش تحبسوها
نبيل/ يا مولانا البت دى امانه فى رقبتى
الشيخ/ خلاص يا نبيل يبقى قعدها فى البيت بلا تعليم بلا هم ووفر المصاريف اقولك جوزها اهو بكدا تبقى صونت الامانه
نبيل/ يا مولانا انا مش فاهمك
الشيخ/ انا مبقولكش هاتها او وديها بس سبها خليها تاخد قرارها انت بس وجهها خليها تثق فى رايها و اسندها
معتز/ بس انا خايف عليها يا مولانا
الشيخ/ من مين يا معتز من حنفى و لا من زمايلها فى الكليه و لا مالرجاله فى المواصلات و لا من مين
معتز/ من كلو
الشيخ/ بس ممنعتهاش تروح الجامعه و لا تركب مواصلات اشمعن دى هتمنعها لو هى قالت مش هنزل الصيدليه خلاص لكن لو قالت عاوزه انزل يبقى العلم اللى اتعلمته و بتتعلمه لازم تنفع بيه الناس و دورنا اننا نحميها
سيد/ الله يفتح عليك يا مولانا احنا نقوم بقى ننضف الصيدليه
الشيخ/ و انا معاكوا
قدام الصيدليه بسمه فاتحه الصيدليه واقفه هى و اخلاص بينضفوها مع حنان ام كامل
معتز /ايه اللى جابك هنا
اخلاص/ مرديتش تسمعلى و صممت تيجى تنضف معانا الصيدليه
نبيل/ خلاص مدام هى عاوزه تشتغل احنا لازم نساعدها زى مقال الشيخ قوليلنا يا ست الدكتوره نعمل ايه
بسمه/ و لا حاجه يا بابا كتر خيرك روح انت شوف شغلك و انا هخلص هنا
كامل / متفاجئ انى شوفتك بصراحه
بسمه/ ليه يعنى ربنا يقدرنا و نصلحها
سيد / انا هروح انادى للواد بتاع الازاز يجى يصلح
معتز/ طب اقدر اساعد ازاى
كامل/ روح انت شوف شغلك و متقلقش
معتز/ لسه بدرى على شغلى
هند جايه و معاها مقشه
هند/ اساعدكم فى حاجه
حنان/ يا لهوى امشى يا بت دانتى عروسه
هند/ عروسه ايه طنط مخلاص بقى
حنان / هتفضلى العروسه لحد متيجى عروسه بعدك
و تطبطب على ضهر بسمه
بسمه/ احنا هنقف نتعازم يلا كل واحد يشوف شغله لموا اى ازاز متكسر فى الارض و اى ادويه سليمه عبوها فى كاراتين الادويه
كامل / تمام يا فندم
كلهم يشتغلوا و فثوانى الصيدليه بتبرق و يجى سيد مع الواد بتاع الزجاج ياخد المقاسات
بتاع الزجاج / بسيطه يا دكتور انا خدت المقاسات و ساعتين بالكتير و هاجى اركبها
كامل / خلاص عالبركه و متتاخرش و انا هشوفك
بسمه/ طب نفطر بقى على مالازاز يجى
معتز / و الدايت
بسمه / فوت النهرده يا معتز معلش و هقفل الاسبوع كلو
حنان/ خلاص الفطار عليا  شوفوا تحبوا تاكلوا ايه
كامل/ انا بقول نجيب اى حاجه جاهزه احسن متتعبيش نفسك و انا اللى عازم
معتز/ لا كفايه عليك الفلوس بتاعه التوضيب الفطار عليا
سيد/ ليه ياعم و انت احسن منى فى ايه الفطار عليا
بسمه/ على فكره انا خلاص طلبت الفطار اصلا
كامل/ امتى
بسمه/ و الراجل بياخد المقاسات روحت طلبت حواوشى من عند ام فاروق اللى عالناصيه
كامل / انتى هتاكلى حواوشى من ابو اتنين جنيه و نص ده
بسمه/ انا بحب لحمه الحمير بحب انهق انا حره هتنهقوا معايا و لا هاكل لوحدى
معتز/ ههههههههه انا هنهق معاكى انا جعان
سيد/ انا كمان هنهق
حنان/ يحظك يا بسمه وربنا دمك زى العسل
...........
فى البيت بالليل
نبيل / هى بسمه فين
اخلاص / فى الصيدليه
نبيل/ مالصبح
اخلاص/ ربنا يعينها بترص الصيدليه مالاول هى و كامل
نبيل/ ربنا يقويها البت دى زى ابوها لما بتحط حاجه فى  دماغها
اخلاص/ زى معتز الا هو فين
نبيل/ زمانه جاى انا هنزل اقعد عالقهوه اللعب دورين طاوله على ميجى
اخلاص / ماشى
........
على القهوه
نبيل قاعد عالقهوه مع واحد بيلعبوا طاوله و حنفى و اتنين اللى معاه يجو يقعدوا جنبه
حنفى / مساء الخير يا عم نبيل
نبيل/ مساء الزفت و القطران على دماغك و دماغ اللى جابوك انت ليك عين تعتب الحاره بعد اللى عملته امبارح
حنفى / يا عم نبيل حقك على راسى هات راسك ابوسها
نبيل/ اوعى كدا
حنفى / مقبوله منك بص انا محقوقلك الشيخ جالى البيت و كلم امى و انا فهمتهم انى غلطت و مستعد اصلح غلطتى
نبيل/ غلطه ايه دى اللى ناوى تصلحها
حنفى / بص يا عم نبيل بقى خير فى سلامه و سلامه فى خير و انا جاى طالب القرب منك
معتز يدخل فجاه و يشد حنفى من رقبته و ينطره على اخر دراعه فى الارض قدام الناس كلها
.........
حنفى يشاور للرجاله متدخلش
حنفى / ليه كدا  يابو نسب دانا داخل البيت من بابه
معتز/ بيت مين يا جربان اللى عاوز تخشه و نسب ايه اللى بينى و بين حيوان زيك
معتز يمسك راس حنفى و يضربه بالدماغ حنفى يرجع خطوتين لورا
حنفى / ليه بس الغلط ده دانا داخل البيت من بابه
سيد و كامل يجوا جرى
كامل / انت ليك عين يابن الكلب تهوب هنا
كامل يضرب حنفى زمايله يجوا يساعدوه معتز و سيد يمسكوهم
حنفى / هى دى اخرتها يا جدعان انا غلطت و جاى اعتزر و قولت انا محقوق و هصلح غلطتى و هتجوزها
كامل / تتجوز مين يا هباب البرك انت
كامل و معتز ينزلوا فيهم ضرب
حنفى / انا لحد اللحظه دى عامل حساب للنسب و مش عاوز امد ايدى و انتوا عارفين انى غبى و ايدى طارشه
معتز / لا و النبى خفت هات اخرك قوم اقف كدا على حيلك و هات اخرك
حنفى/ ميصحش يابو نسب امد ايدى عليك
معتز/ انا بقى يصح
معتز يجرى عليه و يجيبه ارض و بوكسات و لوكميات و سيد و كامل مثبتين العيلين اللى معاه و بعدين معتز يقوم يجيب طوبه و لسه هيحدفها علي راس حنفى
بسمه تصرخ / معتاااااااااز
معتز يحدفها بعيد / لو قربت من الحته دى تانى هخليك تقول انا مره ماشى الحته دى مبيخشهاش غير رجاله سمعت
حنفى يقوم و هو بيزك ووشه كله دم و  معتز يديله ضهره و يروح عند بسمه
معتز / خشى الصيدليه
حنفى يطلع المطوه و يفتحها
حنفى / لا جامد يا معتز
معتز يديرله / انت مصمم ان موتك يكون على ايدى النهرده تعاللالى
الشيخ يروح يقف قدام معتز و نبيل يروح يقف جنبه و حبه حبه رجاله الحته كلهم يقفوا
الشيخ/ امشى يا حنفى الجواز مش بالغصب
حنفى / يا مولانا انا الغلطان اصلا خليها يخللوها هى اصلا معندهاش اللى تديهونى اكتر ماللى خته
معتز ينط على حنفى و يجيبه فى الارض  / انت بتخرف يابن الكلب لسانك اللى بيتكلم عن ستك ده انا اللى هقطعهولك
سيد و كامل يقوموا معتز 
الشيخ/ مفيش حد فى الحته كلها ميعرفش اخلاق بسمه و كلامك مش هيعيب حد غيرك و كدا خلاص ملكش عيش وسطينا لا نتعامل معاك و لا تتعامل معانا امشى يا حنفى و سبنا فى حالنا
حنفى يجر خيبته هو و اللى معاه و يمشوا
معتز يدور على بسمه فوسط الزحمه بعينه ميلاقيهاش
كامل / دخلت الصيدليه
معتز و كامل يروحوا الصيدليه يلاقوا بسمه بتعيط
معتز / انتى بتعيطى ليه
بسمه/ شوفت الزباله بيقول عنى ايه
كامل / دا عيل اهبل يقول اللى يقوله محدش هيصدقه انتى اشرف منه و من عيلته كلها
معتز/ تحبى تروحى
بسمه/ انا معملتش حاجه غلط عشان اروح و ادارى
معتز/ بس انا مش عاوز اسيبك لوحدك تانى
كامل / انا مش هسيبها لوحدها تانى
معتز/ امشى يا بسمه
بسمه تهز راسها
معتز/ لو حصل اى حاجه كلمينى
معتز يمشى يرجع قدام القهوه يلاقى ابوه واقف مع الشيخ
نبيل/ كنت فين يا معتز قلقت عليك
معتز/ كنت بطمن على بسمه فى الصيدليه
الشيخ /و هى عامله ايه
معتز/ كويسه هات يا بابا لو سمحت مفتاح التاكس خلينى امشى
نبيل/ خد يابنى
نبيل يدى معتز مفتاح التاكس و معتز يمشى
نبيل/ عاجبك اللى حصل يا مولانا
الشيخ/ عيل و الكل عارف انه صايع
نبيل/ بس الناس مبتسكتش
الشيخ/ مش هتخرس الناس و مدام مبتعملش حاجه غلط حط صابعك فعين الطخين
نبيل/ انا طالع مليش مزاج اقعد مع حد
الشيخ/ اتفضل يا نبيل
..........
فى الصيدليه
كامل / انا اسف اوى يا بسمه كل اللى حصل ده بسببى
بسمه / مكنتش غلطتك
كامل / لو عاوزه تروحى انا فاهم
بسمه / لا انا معملتش حاجه عشان ادارى من الناس
كامل / انا مقولتش تدارى انا قولت ترتاحى
بسمه /لا انا كويسه
حنان تدخل
حنان / هو ايه اللى حصل انتى كويسه يا بسمه
بسمه تهز راسها
حنان / الواد حنفى ده زودها اوى بجد انا فحياتى مشوفتش عيال زباله كدا
كامل / خلاص يا ماما بقى الموضوع خلص
حنان / اعملكوا شاى
كامل / ياريت والله يا ماما انا مصدع جدا
حنان / اعملك يا بسمه
بسمه / شكرا كتر خيرك
.......
فى البيت
اخلاص / ابن الكلب و انت سكتله يا نبيل
نبيل / معتز ضربه
اخلاص / راجل والله انا رايى فمعتز من زمان انه راجل الا قولى كامل معملش حاجه
نبيل / يادى كامل اللى صدعتينى بيه يا ستى شيلى الموضوع ده من دماغك
اخلاص / بس الست كلمتنى
نبيل / كل اللى قالتهولك ده تلاميح لحد اللحظه دى لا كامل اتكلم على بسمه و لا حد عبرنا
اخلاص / تفتكر هيتكلم بعد اللى اتقال
نبيل / يوووووه انا سايبلك البيت دا القهوه ارحم
اخلاص / الله هو انا عملت ايه