بكابوزه بقلم / لولو محمد ( كامله )

الحلقه ٢٧

#lolo #لولو_محمد
((((((((بكابوزه )))))))))
الحلقه السابعه و العشرون
اخلاص / الله الطقم ده يهبل عامل كام
ايمان / طب شوفى ده كدا يا طنط بيتهيالى الاسوره بتاعته ارق
حنان / و لا الكوليه ده يهبل بجد تحفه ايه رايك يا اخلاص
اخلاص / معاكى حق بسم الله ما شاء الله انا بقول ناخد الكوليه و نطقم عليه
كامل / طب ايه مش هتاخدوا راى العروسه يا جماعه و لا ايه ؟؟؟ ايه يا بسمه مفيش حاجه عجباكى
بسمه تبتسم / كلهم حلوين اوى
كامل / طب ممكن يا ماما تقعدوا و انا و بسمه ننقى و لو حاجه عجبتنا نبقى ناخد رايكم ممكن
..............................
حنان / هههههههه معلش يلا يا اخلاص تعالى نقعد
ايمان / طب انا هقف اتفرج بس مش هقول رايى
كامل / ايمى
ايمان / خلاص اترزعت امال جايبينى معاكوا ليه
كامل / نقى براحتك بقى
بسمه / بس ممكن يزعلوا
كامل / انا هبقى اصالحهم بعدين نقى
بسمه / بصراحه محتاره ايه رايك فى الطقم ده
كامل / حلو شوفلى عامل كام ده لو سمحت
رمزى / بعد المصنعيه و الضرايب و الدمغه عامل 22800
كامل / عاوزه ايه كمان
بسمه / مفيش
اخلاص / ايه رايك تشوفيلك حلق كمان
كامل / ممكن نتفرج على الحلقان
رمزى / اتفضل
بسمه / امممم لا مش عاوزه
كامل / فى عندك تشكيله تانيه
بسمه / ممكن لو سمحت اشوف الخاتم ده
كامل / حلو اوى فعلا
رمزى / اتفضلى
بسمه / ايه رايك يا ماما
اخلاص / حلو اوى بس تعرفى عاوز ايه تشوفيله اسوره و لا غويشه تليق عليه
كامل / عندك حاجه تليق عليه
رمزى / دى تشكيله غوايش تحفه موديلاتها كلها جديده
كامل / حلوه دى ايه رايك فيها
بسمه / هو كدا كام
كامل / يا ستى ملكيش دعوه نقى انتى بس
حنان / ياختى ادلعى حد يلاقى حد يدلعه و يقول لا
اخلاص / ربنا يخليهولها يارب
كامل / ها فى حاجه تانيه عجباكى
بسمه / بيتهيالى كدا حلو
حنان / خلاص اتفضلوا انتوا اقعدوا بقى و احنا هنخلص الباقى
حنان و اخلاص قاموا عشان يفصلوا مع رمزى و بسمه و كامل راحوا يقعدوا جنب معتز
بسمه / شوفت الحاجه حلوه
معتز يهز راسه اه / ثوانى هروح ابص على حاجه و اجى
بسمه / رايح فين
معتز ميردش و يقوم يطلع بره المحل
كامل / ايه الاخبار مبسوطه
بسمه / ايوه عن اذنك ثوانى
......
فى المحل اللى جنبه
معتز /لو سمحت كنت عاوز ابيع الدبله دى
البياع / ثوانى اوزنها
بسمه تدخل المحل
بسمه / انت بتعمل ايه هنا هتبيع الدبله لا معلش لو سمحت هات الدبله دى مش هنبيعها
معتز / انتى ايه اللى جابك هنا اتفضلى روحى هناك
بسمه / ماشى هروح بس هاخد دى معايا لحد منتكلم و نشوف ايه اللى كنت بتعمله ده
كامل يدخل
كامل / انتوا بتعملوا ايه ايه فى حاجه عجباكوا هنا
بسمه / لا يلا بينا يلا يا معتز
كامل / طب يلا خلصنا
.......
فى البيت عند كامل فى وجود سيد و مراته و معتز و اسرته و كامل  و اسرته
حنان / يلا يا عريس لبس عروستك الشبكه الحلوه دى
ايمان / تحفه بجد الف مبروك
معتز / طب ممكن استاذن انا بقى يا جماعه
كامل / متخليك شويه كمان يابنى على الاقل اتعشى معانا
معتز /معلش خلينى امشى انسبطوا انتوا الف الف مبروك
سيد / طب معلش يا معتز تاخدنى مشوار صغير فى سكتك
معتز / اه طبعا
سيد / طب يلا يا هند اروحك و لا ايه
ايمان / متسيبها يابنى معانا الله خلونا نفرح بقى
هند/ معلش خليها مره تانيه عن اذنكوا
.....
فى التاكس
سيد / مش ناوى تقولى ايه اللى بيحصل ده و انت ازاى ساكت عليه
معتز / انت ليه زنان كدا انت ليه مصر تفتح موضوع بيوجعنى خلصنا يا سيد
سيد/ انت بتحبها ولا لا
معتز / لا خلاص ارتحت
سيد/ لا مرتحتش انت كلمتها و رفضت
معتز / لا كلمت امها
سيد/ وقالتلك ايه
معتز / قالتلى كل الكلام اللى انت حزرتنى منه قالتلى انى سواق تاكس و هى دكتوره قالتلى انى فقير لكن كامل يقدر يفتح بيت
سيد/ و انت خدت الكلمتين و ريحت ضميرك و سكت
معتز / ايوه سكت عشان دى الحقيقه بسمه تستاهل احسن منى انا منفعلهاش
سيد/ باماره ايه
معتز / انت عاوز ايه يا سيد
سيد/ مش عاوز غير انى اشوفك مرتاح على فكره لو كامل عرف انا متاكد انه مش هيكمل الجوازه دى
معتز / و عشان كدا مش لازم يعرف حاجه ماشى بيقولك اذا اردت شيئا بشده فاطلق سراحه بس مترجعش تعيط لما يطير منك ههه
سيد/ يمكن ربنا شايلك حاجه احسن و انت مش شايفها
معتز / يمكن ها هتفضل مبرشط عليا لحد امتى
سيد/ نزلنى الناصيه الجايه
معتز / لا هروحك يلا
......
فى المسجد فى صلاه الفجر
الامام يأم الصلاه و فى صفين وراه بعد الصلاه ناس تمشى و الباقى يعمل حلقه حوالين الشيخ و معتز يروح يصلى فى جنب لوحده
سيد / معتز هتحضر الدرس شكله مش هيحضر
الشيخ / ماله معتز
نبيل / بقى بيشتغل زياده عن اللزوم
الشيخ / حاولت تتكلم معاه يا نبيل شكله مش مظبوط
نبيل / هو انا بشوفه يا مولانا
سيد / على فكره هو كويس هو بس بيشتغل زياده الفتره دى تلاقيه عاوز يشترى حاجه و بيحوش تمنها مانتوا عارفينه بيحب الشغل
الشيخ / المهم نبدا درس النهرده
........
فى البيت
معتز و نبيل يدخلوا
اخلاص/ اخيرا طولتوا اوى انا حطيت الفطار
نبيل / هى بسمه لسه نايمه و لا ايه
اخلاص / اه النهرده اجازه فقولت اسيبها تاخد راحتها فى النوم
معتز / انا داخل انام
اخلاص / انا كنت عاوزه اتكلم معاك يا معتز
معتز / خير اؤمرى
اخلاص / كنت بتكلم مع هند يعنى و قالتلى ان شيماء
معتز / مالها
نبيل / انا كمان شايف انها بنت حلال
معتز / انا مبفكرش فى الموضوع ده دلوقت لما افكر هقولكوا عن اذنكوا عاوز انام
معتز يدخل الاوضه و اخلاص وراه
اخلاص / البنت بتحبك مش هتلاقى احسن من كدا
معتز / يعنى ده رايك ماشى هتجوزها فين فى البلكونه مكان بسمه و لا فى الصاله و لا هتطلعى انتى و بابا بعد العمر دا كلو تناموا فى الصاله بصى خلاصه الكلام اللى مترضيهوش على بنتك مترضيهوش على بنات الناس
نبيل يدخل / سيبيه براحته يا اخلاص بطلى اسلوب الزن بتاعك ده
اخلاص / بطلت
.........
فى الكليه بعد فتره
بلسم / كل سنه و انتى طيبه
بسمه / كلفتى نفسك ليه
بلسم / انتى خلاص بقيتى عروسه فجبتلك طقم كاسات يارب بعجبك
بسمه / ميرسى كتير
بلسم / ها ايه النظام النهرده
بسمه / لسه لحد الحظه دى محدش عايدنى بس معتز بيعمل كدا كل سنه و بالليل بلاقيه عامل مفاجاه بس مستغربه ان كامل كمان زيه حاجه غم
بلسم / لو نسى يبقى عيل تيت اوى بصراحه
بسمه / صدقينى مش فارقه معايا
.....
بسمه طالعه مالكليه هى و بلسم تلاقى كامل واقف و معاه بوكيه ورد
بلسم / طب اخلع انا بقى كل سنه و انتى طيبه هتحكيلى كل حاجه
بسمه / اوك
بسمه تروح لكامل
كامل / انا واقف هنا بقالى بالظبط اربعه و تلاتين دقيقه
بسمه مبتسمه و مبتردش
كامل / كل سنه و انتى طيبه ده عشانك و انا استاذنت من ماما انك تتفسحى معايا شويه يعنى بما انك طول الوقت يا بتزاكرى يا اما فى الصيدليه و بتزاكرى برده فقولت ناخد النهدره اجازه عيد ميلادك مبيجيش كل يوم
بسمه / و انت طيب شكرا على الورد
كامل / لا و فى هديه كمان
بسمه / معقول ليه كلفت نفسك
كامل / امبارح سالتك عن الساعه عشان اتاكد انك مبتلبسيش ساعه فجبتلك دى يارب تعجبك
كامل يطلع علبه و يفتحها
بسمه / حلوه اوى شكرا
كامل / اللبسيها بقى و يلا اكيد جعانه انا عازمك على اكله سمك و جمبرى هتاكلى صوابعك وراها
بسمه / اوك ماشى يلا بينا
......
فى المطعم
بسمه / انت مبتاكلش سمك ليه
كامل / انا بحب الجمبرى و الكابوريا و الكاليمارى سمك لا لا لا
بسمه / ليه
كامل / عادى مبحبوش
بسمه / بس انا بحبه
كامل / بصى كل واحد ياكل اللى بيحبه مش معنى انى مبحبش السمك انى همنعك منه و برده العكس يعنى لو انا بحب لحمه الراس و انتى يعنى
بسمه / انا بحب لحمه الراس عادى
كامل / بجد
بسمه / هههههههه اه انا باكل كل حاجه
كامل / ممتاز
تليفون بسمه يرن
بسمه / دا معتز ...الو ....اه اصل كامل عدى عليا ....معرفش هو قال انه قايل لماما .... ماشى سلام
بسمه تقعد زعلانه
كامل / خير
بسمه / غالبا كان عامل مفاجاه و باظت هو كل سنه بروح الاقيه جايب تورته و بلالين و هديه و نحتفل عالديق بس النهرده محصلش
كامل / انتى هتعيطى و لا ايه خلاص نروح نحتفل معاه
بسمه / بجد ممكن
كامل / اه طبعا ثوانى هطلب الحساب
كامل يطلب الحساب و يمشوا
قدام البيت
بسمه / كويس انى لحقتك قبل متمشى
كامل / بسمه سابت اكله سى فود عجب عشان تحتفل معاك بعيد ميلادها
معتز / غلطانه حد يضحى بحاجه زى دى برده
بسمه / طب ايه بقى
معتز / التورته فوق بالهنا عليكم انا لازم امشى ورايا شغل
بسمه / يعنى هتمشى منغير متقولى كل سنه و انتى طيبه و ضميرك مرتاح
معتز / ازاى كل سنه و انتى طيبه يلا سلام
معتز يمشى
كامل / الواد ده بقى قفيل اوى مانابنا غير اننا سبنا الاكل يلا و لا يهمك اليوم فاوله ايه رايك نروح السينما
بسمه / معلش يا كامل خليها يوم الجمعه اهو اجازه برده انا راجعه مالكليه تعبانه و عاوزه انام اوى
كامل / طب هتيجى الصيدليه بالليل
بسمه / مش عارفه سبها لله سلام و اه شكرا اوى عالورد و الساعه
كامل / سلام
.....
فى البيت
بسمه تدخل تلاقى تورته عالطبليه و فيها شمعه و جنبها علبه قطيفه حمرا تفتحها تلاقى فيها ساعه حلوه تقلع ساعه كامل و تلبسها و تايد الشمعه و تنفخها و تقطع التورته و تاكل حته و تدخل تغير هدومها و تنام
.......
فى المسجد
قبل اقامه صلاه الفجر بشويه معتز بيصلى الشيخ يروح يقعد جنبه وهو ساجد
معتز / يارب زى مدخلتها فى قلبى طلعها منه يارب زى مدخلتها قلبى طلعها منه يارب زى مدخلتها قلبى طلعها منه
معتز يقعد و يقول التحيات و يسلم
الشيخ / حرما
معتز / جمعا
الشيخ / هى ايه دى اللى عاوز ربنا يطلعها من قلبك
معتز يبتسم
الشيخ / انا مكنتش بتصنت بس انا سمعى قوى شويه
معتز /هههههههه ربنا يزيدك يا مولانا
الشيخ / انت كويس يا معتز يابنى
معتز / اه الحمد لله زى الفل
الشيخ / شكلك مش مظبوط كان فى دحكه علطول على وشك بقالها فتره مختفيه
معتز / ضغط الدنيا بس الواحد تعبان
الشيخ/ بص لو حبيت تتكلم مع حد فيوم من الايام ابقى تعال انا هسمعك و اللى هتقوله مش هيطلع بره
معتز / ربنا يخليك لينا
.......
تانى يوم فى الصيدليه
كامل / حلوه الساعه دى شكلها عجبتك اكتر من بتاعتى
بسمه / هههههههههههه دى ابدا بس اصل هى لقيتها لايقه على هدومى اكتر
كامل / دى كانت هديه معتز
بسمه تتكسف / اه
كامل / على فكره انا مش مدايق هى فعلا حلوه اوى
بسمه / شكرا
كامل / بقولك ايه انتى وراكى حاجه بكره
بسمه / عندى كليه هخلص الساعه اتنين و مواريش حاجه ليه
كامل / عشان انتى مديونالى بفسحه
بسمه / اوك تمام عدى عليا بكره و انا هخرج معاك
كامل / اتفقنا صحيح العمال بيشتغلوا  فى السيراميك ابقى تعالى انتى و ماما فى اى وقت بصوا كدا
بسمه / اوك
كامل / اول ميخلص هجيب النقاش شوفى انتى لو فى ديكورات فى دماغك او صور من عالنت تمام ابقى بلغينى بس و انا هقوله
بسمه / سيبها لله
............
فى البيت بعد فتره
اخلاص / هو العمال دول هيعدوا سنه يوضبوا فى الشقه
بسمه / الله انتى مستعجله على ايه مهو كدا كدا مش مستعجلين عالجواز
اخلاص / انتى متخانقه مع كامل و لا ايه
بسمه / لا مفيش بس الفتره الجايه امتحانات و انا علاطول مشغوله و بزاكر
اخلاص / طيب ربنا يوفقك
..........
اول  يوم فى الامتحانات
معتز نايم و بسمه تفتح الباب
بسمه / معتز ...معتز
معتز / ايوه يا بسمه خير
بسمه / النهرده اول يوم فى الامتحانات