بكابوزه بقلم / لولو محمد ( كامله )

الحلقه ٤

#lolo #لولو_محمد
(((((بكابوزه )))))))))))
الحلقه الرابعه
بسمه تقوم من عالاكل جرى
معتز/ هى رايحه فين
اخلاص / مواعيد الدروس اتغيرت بقى عندها درس الساعه سبعه الصبح
معتز/ معقول
بسمه تجرى عالبلكونه جرى
معتز / طب هوصلها انا
نبيل/ لا خش نام انا كدا كدا نازل عشان التاكس
............................
//////
م/ و كان فى مؤامره كونيه بتبعدنى عن بسمه دروس ايه و قرف ايه و انا هفضل عالحال ده بقى لحد الاجازه دا ميرضيش ربنا
//////
معتز يسيب الاكل بزهق و يقوم يغسل ايده
اخلاص/ ماله ده
نبيل/ تلاقيه واكل بره سيبيه و كلى انتى
اخلاص / انا هعملهم ساندوتشات
بسمه تطلع مالاوضه/ انا لبست
معتز يطلع مالحمام جرى /مش ناقصك حاجه يا بسمه
بسمه/ لا شكرا يلا يا بابا هتوصلنى
///////
م/ يعنى ايه مش ناقصها حاجه ازاى تقولى كدا امال انا ليه ناقصنى اوى كدا
////
نبيل و بسمه ينزلوا و معتز متسمر فى مكانه زعلان
اخلاص / ادخل يا معتز ارتاح شويه و انا هشطب المطبخ و انزل افتح الدكان
معتز/ هى المواعيد دى هتفضل لحد الامتحانات
اخلاص/ ربنا يجعله بفايده يابنى
معتز / طب و مصاريف الدروس زى مهى
اخلاص / لا طبعا زادت الضعف
معتز/ طب محدش قالى ليه
اخلاص / انا مكنتش اعرف غير امبارح حتى لسه مقولتش لابوك و مش عارفه اقولهاله ازاى الصراحه
معتز/ متشيليش هم فى جمعيه هقبضها كمان كام يوم رزقها
اخلاص/ لو ابوك عرف هيدايق
معتز/ مش لازم يعرف استنى انا معايا حوالى ٣٠٠ جنيه كنت محوشهم خديهم لحد مقبض الجمعيه و استنى كمان ادى ايراد امبارح بعد التموين عملت ١٥٠ كمان خديهم
اخلاص / يابنى انت مبجبش لنفسك قشايه
معتز/ مش مشكله هانت
اخلاص/ تسلملى يا معتز دانت لو اخوها مش هتعمل كدا
معتز/ انا داخل انام بقى
//////
م/ و كعاده اول كل شهر بنام مقشفر مش عارف انا المدرسين دول مبيحسوش باللى زينا امال
لو كنا بنروح عند حد مشهور بقى كنا بعنا هدومنا كمان يلا مش مشكله هنام و لما اصحى تفرج
//////
فى محل الملابس
شيماء بتدى لمعتز ورقه ملفوف فيها حاجه
معتز/ ايه دى
شيماء / الجمعيه انا استاذنت هند اديهالك انا بصراحه بتحجج عشان اعتزرلك
معتز ياخدها و يفتح و يعدها / بصراحه جت فوقتها بسمه كانت محتاجه مصاريف الدروس
شيماء / هو انت كل فلوسك كدا لبسمه
معتز/ شكرا يا شيماء و اشكرى هند
شيماء/ مرضيتش عليا مبتكسرش لنفسك قرش
معتز/ قرش ايه يا بنتى  مانتى شايفه اللى جاى على قد اللى رايح
شيماء/ طب و جوازك
معتز يتعدل فى قاعدته / جوازى
شيماء/ اه هتفضل عازب كدا طول عمرك مش هتحتاج واحده تاخد بالها منك
معتز/ ههههههههههه
شيماء/ بتدحك ليه قولت نكته
معتز/ انتى رايقه اوى يا شيماء
شيماء/ ليه بقى
معتز/ انا لسه بقولك اللى جاى على قد اللى رايح تقوليلى اتجوز
شيماء/ اه فيها ايه يعنى بدل مهتصرف فلوسك على بنت عمك و امها هتفتح بيتك مرتاح
معتز/ بس انا كدا لخبطت اولوياتى
شيماء/ يعنى ايه
معتز/ باختصار انا عندى اهم حاجه بسمه لازم مصاريفها كلها تكون جاهزه و متحتاجش حاجه و اللى يفيض بقى اخده انا
شيماء / يا سلام ليه يعنى كنت خلفتها و نسيتها و لا ايه
معتز/ حاجه زى كدا و روحى شوفى شغلك بقى عشان فى زباين
شيماء/ كلامك  كلو ماشى
........
فى البيت
معتز / السلام عليكم هو مفيش حد هنا و لا ايه
اخلاص / لا يا حبيبى انا هنا
معتز/ خدى يا ماما انا قبضت الجمعيه اهو شوفى كدا هيكفوا
اخلاص تفتح الفلوس و تعدها / دول هيفيض منهم كمان
معتز/ خلاص اللى يفيض يبقى مصاريف بسمه عشان لو احتاجت حاجه هى فين صحيح
اخلاص/ لسه مرجعتش مالدروس
معتز/ طب انا جعان
اخلاص على متغير هكون غرفت
نبيل يدخل
معتز/ ازيك يا بابا حمدالله عالسلامه
نبيل/ ضهرى بينقح عليا اوى قاعده التاكس معدتش بتريحنى
معتز/ تحب نروح لدكتور
نبيل / لا ملوش لزوم انا هتغدى و انام و على مصحى هكون كويس
معتز/ ماشى
......
على الطبليه
معتز/ هى بسمه بره مالصبح
اخلاص/ اه على اللقمه اللى كلتها معانا
معتز/ زمانها واقعه مالجوع
نبيل/ سيبها يمكن تخس شويه
معتز/ بس انها تعد لحد الساعه ٨بالليل منغير اكل حرام
اخلاص/ متقلقش تلاقيها جابت ساندوتشات و لا حاجه هى هتغلب يعنى
معتز يمسك موبايله و يتصل عليها مبتردش
معتز/ مبتردش
اخلاص/ هى بتعمله صامت فى الحصه
نبيل/ انت شاغل نفسك بيها اوى كدا ليه متاكل انت و امك هتعينلها منابها
معتز / انا مش جعان عن اذنكم
معتز يقوم و ياخد مفتاح التاكس و ينزل
نبيل/ ماله الواد ده
اخلاص/ معرفش اول مدخل قالى جعان و بعدين دا بيموت فى البطاطس بتاعتى مكلش ليه
نبيل/ سيبك منه كلى انتى  عشان تنزلى تفتحى الدكان الساعتين دول
اخلاص / هانت اول مالبت بسمه تاخد الاجازه مش هتضطر اقفل بدرى هى بقى تشيل البيت
نبيل/ هانت
.......
فى التاكس
معتز يحاول يتصل ببسمه مبتردش
//////
م/ يعنى معقوله متبعتش رساله تطمنى عليها حتى ايه البت دى
///////
........
فى الدرس
بسمه/ اخيرا خلصت دانا هقع مالجوع
صاحبتها / يلا نروح
بسمه/ يلهوى ٢٣ مكالمه فائته و خمس رسايل،،،،،دا معتز
صاحبتها / اااااه معتز
بسمه/ اتعدلى يا بلسم
بلسم/ طب متطلبيه يجى يروحنا
بسمه/ منغير متقولى انا كدا كدا هكلمه
بسمه/ الو ايوه يا معتز ...... اهدى بس كان فى الشنطه والله...... بطل زعيق انا مروحه اهو ........لا انت بعيد و انا مش هقف كل ده فى الشارع .....اه هتمشاها معايا بلسم
بلسم/ سلميلى عليه
بسمه/ اتلهى .....،لا والله مش انت دى بلسم ......خلاص بقى سلام
بلسم/ ههههههههههه هو افتكرك بتقوليله هو اتلهى
بسمه/ بقولك ايه انا لو مروحتش هاكلك انا جعانه
بلسم/ انتى مبتبطليش اكل
بسمه/ لا مببطلش اتلمى بقى خلينا نروح
بلسم/ الا صحيح هو ابن عمك مش ناوى يرتبط بقى و يكمل نصه الحلو
بسمه/ مش لما يلاقيها الاول
بلسم/ مانا قدامه اهو اقولك اجى بكره ازاكر معاكى
بسمه/ صبرنى يا رب هى يعنى اول مره تعمليها عمره عبرك
بلسم/ اش عرفك ميمكن مش عاوز يقولك
بسمه/ تحبى اسالهولك
بلسم/ انتى مجنونه و ربنا ازعل منك
بسمه/ خلاص خلاص هههههههههه
/////////
م/ كل يوم نفس الهم مبلحقش اشوفها غير الكام دقيقه بتوع الفطار و ياما نايمه ياما فى الدرس
ب/  معتز كان علاطول مشغول ياما فى الشغل ياما فى الصاله ياما فى التاكس و حتى لو قلقت مالنوم وهو فالبيت كان بيبقى نايم و كنا كل يوم نطمن على بعض بالموبايل مكالمه مبتكملش دقيقه 
م/ فضلنا عالحال ده شهر بحاله لحد فيوم .....
/////////
فى البيت معتز نايم عالكنبه و بسمه بتصحيه و هى بتعيط
معتز يتعدل من نومته مفزوع / فى ايه مالك بتعيطى ليه
بسمه/ انا خايفه
معتز / تعالى اقعدى جنبى فى ايه
بسمه/ النهرده اول يوم امتحانات و انا خايفه اوى
معتز/ انتى تخافى من ايه امال لو مكنتش مزاكره و عماله تقطعى الكتب من كتر الدح
بسمه/ خايفه مجبش مجموع
معتز/ ياختى هو اللى جابوا مجموع عملوا ايه بصى انتى زاكرتى و عملتى اللى عليكى قومى كدا خدى دش فى السريع و فوقى و انا هحضرلك اجدعها فطار ماشى و هفضل معاكى لحد مدخلك اللجنه و هستناكى تخلصى كمان
بسمه/ بس كدا شغلك هيروح عليك
معتز/ انتى عندى اهم يلا قومى يلا
//////////
ب/ معتز بالنسبالى طول عمره اب و اخ و صديق مهما كانت مشكلتى هو اول واحد بجرى عليه و مهما كانت ظروفه عمره متاخر بجد ربنا يخليهولى
م/ النهرده الامتحان و على قد مكان باين عليا انى هادى كنت متوتر جدا لدرجه انى مفتكرش انى اتوترت كدا ايام امتحاناتى
/////////
بسمه تدخل تستحمى و معتز يدخل المطبخ
معتز/ انا هعمل عصير
يفتح التلاجه
معتز/ معقول معندناش فاكهه امال المانجه و الفراوله اللى بجيبهم بيروحوا فين مش مهم فى طماطم هعمل عصير طماطم و خلاص
معتز يشغل الخلاط شويه و يلاقى اخلاص وراه
اخلاص/ بتعمل ايه يا معتز
معتز/ انا صحيتك يا ماما انا اسف كنت بعمل عصير لبسمه عشان تشربه مع الفطار
اخلاص/ ههههههههههه
معتز/ ملقيتش غير طماطم فى التلاجه
اخلاص/ يا حبيبى المانجه و الفراوله فى الفريزر سيب العصير ده اعمله طبيخ و هات انا هكمل مكانك انت ايه اللى دخلك المطبخ اصلا
معتز/ بس انا حطيت سكر عالطماطم
اخلاص/ ماشى سيبه انا هظبطه
معتز/ ماشى
بسمه تطلع مالحمام رابطه شعرها بفوطه
معتز/ نعيما
بسمه تبتسم / صباح الخير يا ماما
معتز/ عملتلك بيض بالبسطرمه اللى بتحبيه و عصير طماطم
بسمه. / شكرا
اذان الفجر يصحى نبيل
نبيل/ صباح الخير ايه يا بسمه جاهزه للامتحان
معتز/ طبعا دى ست البنات كلهم
نبيل/ انا هنزل اصلى الفجر و ادعيلك
معتز/ انا جاى معاك
.......
فى المسجد
معتز / ممكن يامولانا خدمه
الشيخ/ اؤمرنى يا معتز يابنى
معتز/ النهرده اول يوم امتحانات ثانويه عامه و كنا عاوزين تدعى لبسمه لو سمحت
الشيخ/ بس كدا حاضر
........
فى البيت
اخلاص قاعده بتسرح شعر بسمه
اخلاص/ انا عارفه انك شاطره و عارفه انك مزاكره دى  مش نهايه الدنيا انا عوزاكى تبقى جامده و مركزه اوعى تتوترى ركزى و انا هدعيلك و هقرالك سوره يس عشان ربنا يوفقك اول متخلصى الامتحان كلمينى علاطول تطمنينى و لا تحبى اجى معاكى
بسمه/ مفيش داعى معتز جاى معايا
اخلاص/ والله يا بنتى معتز ده لو ابن بطنى مكنش بقى حنين عيكى كدا ربنا يبارك فيه و ينوله اللى فباله
بسمه / خلصتى اقوم اللبس
اخلاص/ اه ثوانى هربط التوكه بس
معتز و نبيل يدخلوا
معتز/ ها يا بسبوسه  عامله ايه
نبيل/ معتز خلى الشيخ يدعيلك فى الصلاه و انا كمان دعيتلك
اخلاص /انا هقوم احضر الفطار بسرعه على مبسمه تلبس
معتز/ وانا كمان هلبس
بعد شويه
بسمه/ انا جاهزه
...........................
اخلاص / طب كلى لقمه قبل متنزلى
بسمه/ مانا اكلت البيض بتاع معتز
معتز / انا كمان جهزت اقلامك و حاجتك معاكى
بسمه/ و المناديل و المايه
معتز / ورقم الجلوس
بسمه/ كلو تمام
معتز/ يلا يا بابا و لا ايه
نبيل/ انا جاهز
////////
ب/ يوميها اول موصلنا المدرسه كنت هموت و بصيت على معتز لقيته بيقرا قران و بيحرك شفايفه سبحان الله اطمنت و نزلت و دخلت اللجنه و اول مخلصت طلعت لقيت معتز واقفلى عالباب فرحت اوى لما شوفته و جريت عليه
///////
قدام المدرسه
معتز/ طمنينى عملتى ايه
بسمه/ الحمد لله
معتز/ ورينى ورقه الامتحان اراجع معاكى
بسمه/ مبحبش اراجع اللى اتكتب اتكتب
معتز/ معاكى حق بصى ايه رايك بقى اخدك على اى حته نفطر و بعديه اروحك
بسمه/ ماشى انا فاضيه لحد الساعه سته اصلا
معتز/ وراكى ايه الساعه سته
بسمه/ عندى درس الماده التانيه
معتز / طب يلا بسرعه عشان تلحقى تروحى ترتاحى حبه
////////
م/ فضلنا فى الهم ده  لحد مالامتحانات خلصت فرحه اخر يوم ده مكانتش تتوصف اخيرا بسمه هتفضالى زى الاول و هنلاقى وقت نعد سوا كنت هطير مالفرحه و انا شايفها خارجه ماللجنه فرحانه
//////////
بسمه/ ها هتفسحنى فين النهرده انا خلاص خدت الاجازه و فضيتلك
معتز/ الاميره تحب تروح فين
بسمه/ اى حته على زوق الملك
معتز يبتسم / اتفضلى سموك
........
فى البيت
اخلاص / اتاخرتى ليه
معتز/ كنا بنحتفل بالنصر
اخلاص/ ههههههههه يحظك يا معتز بصى بقى معدلكيش حجه امتحانات و خلصت و فسحه و اتفسحتى انا هنزل افتح الدكان تمسكى الشقه تنفضيها اتفقنا
بسمه تبص لمعتز
معتز/ اتفقنا