بكابوزه بقلم / لولو محمد ( كامله )

الحلقه ١٤

#lolo #لولو_محمد
(((((((((((بكابوزه ))))))))))))))
الحلقه الرابعه عشر
بسمه/ طب والمزاكره انا عندى الاسبوع الجاى امتحانات شيت يعنى محتاجه ازاكر
معتز/ اممممم مش عارف مش عاوزه بلاش
بسمه/ طب خليها للاجازه
معتز/ كامل هيجيب حد و ساعتها يمكن لو طلبت يقولى مش هينفع الصيدليه هتتزحم
بسمه/ خلاص ماشى هجرب و نشوف
.........
فى الكليه
بلسم/ انتى اتجننتى صح بتهزرى هتلاحقى ازاى
بسمه/ معرفش بس هى فرصه
بلسم/ متتاجلش للاجازه الفرصه دى يابنتى انتى كدا كربستى الدنيا فوق دماغك
بسمه/ انا محتاجه ده مش عاوزه يكون عندى وقت فاضى اكل فيه او حتى افكر
بلسم/ و هتاخدى فلوس بقى على كدا
بسمه/ لا مفتكرش انا هتمرن بس
بلسم/ يعنى هتضيعى وقتك عالفاضى منتهى التخلف
بسمه/ بس بس الدكتوره دخلت
.......
الساعه سبعه فى البيت
بسمه تدخل تلاقيهم بيحطوا الغدى ترمى شنطتها جنب الباب و تترمى على كنبه معتز
معتز/ اخبار اول يوم جيم ايه
بسمه/ عذااااااب عضمى كلو مكسر 
معتز/ معلش عشان اول مره بس
بسمه/ و اخر مره
نبيل/ انا قولت مالاول
معتز/ قومى استحمى و اتغدى عشان تنزلى الصيدليه من تمانيه ل ١٢ كلمته و هيبقى يوصلك و هو طالع التمرين
اخلاص/ و ايه لزمتها الصيدليه دى متزاكر احسن
معتز/ انا شايف ان ده الصح
بسمه / طب هتغدى الاول و بعدين استحمى
معتز/ لا انتى اصلا مش هتاكلى معانا هتاكلى لوحدك عشان اللمه بتفتح النفس و تاكل
بسمه/ حرام عليك دانا على الفطار بتاع الفجر مكلتش غير تفاحه فى الكليه
معتز/ انا بقول الكلمه مره واحده
بسمه/ حاضر
بسمه تدخل الحمام
اخلاص/  من امتى القسوه دى بقى يا سى معتز
نبيل/ احسن كفايه دلع فيها بقى
معتز/ يلا ناكل عشان نلحق نخلص قبل متطلع مالحمام
........
بسمة /فين اكلى
معتز  يقوم يجيب طبق مالمطبخ و يديه لبسمه
بسمه/ ماشى كلو يهون بسم الله
بسمه لسه هتاكل اول معلقه تلاقى معتز بيناولها كوبايه ميه كبيره
معتز / مش ناسيه حاجه
بسمه/ شكرا
بسمه تشربها و لسه هتحط اول معلقه فبقها معتز يناولها كوبايه تانيه تبصله و تاخدها تشربها
بسمه/ ممكن اكل بقى
معتز/ اتفضلى
بسمه/ شكرا بسم الله
بسمه تاكل طبقها كلو
معتز/ شبعتى
بسمه تبصله و تبتسم فيبتسملها
معتز/ فى الاول بس بعد كدا نفسك هتقفل
بسمه/ ماشى كلو يهون كلو يهون يلا هتوصلنى الصيدليه
معتز/ اه طبعا يلا
......
فى الصيدليه
كامل/ مساء الخير ازيك يا بسمه ازيك يا معلم
بسمه/ الحمد لله
معتز/ انا جبتلك الدكتوره بتاعتنا و همشى انا بقى هتعوز حاجه
كامل / لا كتر خيرك متحرمش يلا سلام
معتز يمشى
كامل / بصى يا دكتوره الصيدليه محتاجه منك تلت حاجات الاولى تعرفى تقرى الروجته ثانيا تعرفى مكانه ثالثا تعرفى لو حد اداكى اعراض بسيطه تديله دوا احنا فى حى شعبى سهل اوى تلاقى واحده بتقولك ابنى بيرجع و سخن و عاوزه دوا و لازم تديها دوا منغير روجته دول اهم تلت نقط فى الصيدليه عرفتى تعمليهم بتاخدى تمن اللى على العلبه و تسجليه هو و اسم الدوا فى الدفتر ده و خلاص الزبون يمشى مبسوط
بسمه متنحه
كامل / ايه الموضوع مش صعب قرايه الروجته هتيجى بالتعود واحده ورا التانيه هتتعلمى و موضوع صرف الدوا منغير روجته عندك الكشكول ده اول صفحه ادويه ممنوع صرفها بدون روجته تعتبر مخدرات و داخله جدول و باقى الصفح اعراض عاديه و كل واحد تصرفيله دوا ايه و الجرعه حسب السن
بسمه/ طب كدا تمام
كامل / طب ازاى تجيبى الدوا لازم تبقى عارفه كل دوا مكانه فين
بسمه/ صح
كامل / بصى يا ستى النهرده اول يوم فهتتعبى شويه هتنزلى كل الدوا اللى فى الارفف و ترصيه تانى ابجدى بحيث بمجرد النظر تعرفى مكانه مانتى اللى حطاه بايدك ماشى
بسمه/ ربنا يسهل اتفضل
.........
فى البيت
معتز يدخل يلاقى بسمه بتزاكر
معتز/ ايه الاخبار
بسمه/ انا زعلانه منك
معتز/ ليه بس
بسمه/ بجد تعبت اوى النهرده سى كامل ده بهدلنى اخر بهدله
معتز / ليه عمل ايه
بسمه/ البيه خلانى انزل كل الادويه رف رف و انضفه و ارصهم بالابجدى تانى و عاوزنى اجيب كشكول اكتب فيه اسم كل دوا فى الصيدليه و بيعمل ايه تخيل
معتز/ اكيد ده هيفيدك معلش اتعبى فى الاول شويه هترتاحى بعدين
بسمه/ انا ضهرى واجعنى اوى وعندى حاجات تتسلم بكره فى الكليه فبدل مروح انام ادينى بزاكر اهو عاجبك انت السبب
معتز/ طب نامى و انا هصحيكى الفجر تخلصيها
بسمه/ لا شكرا كتر خيرك انا فاضلى حاجات بسيطه و اخلص و انام بقى براحتى لحد  ماجى نازله بس على الله حد يصحينى
معتز/ اتعشيتى
بسمه/ اه علبه زبادى بعصره لمون و هموت مالجوع
معتز/ جبتلك خيار لو عاوزه كلى الدكتور قال باى كميه
بسمه/ انا جعانه اوى الموضوع طلع صعب
معتز/ انا دفعت كل اللى معايا عشان واثق انك هتنجحى كل الناس بتقول انك هتفشلى و انى رميت تعبى و شقايا عالارض بس انا واثق فيكى انك هتنجحى و ترفعى راسى و مش هتشمتى حد فيا صح
بسمه/ ايوه بس
معتز/ هتنجحى و لا هتشمتيهم فيا
بسمه/ باذن الله هنجح
معتز/ انا هروح اغسلك الخيار على متخلصى اللى فايدك يلا عشان رايح الصاله
بسمه / شكرا
.......
فى الصاله
كامل / ازيك يا معتز
معتز/ ازيك انت ايه ياعم البت خست النص بالراحه عليها متكرهاش فى الشغل من اول يوم
كامل /والله ابدا النهرده بس على متحفظ اسامى الادويه بعد كدا هتجيبهم و عنيها مغمضه و لعلمك والله البت ذكيه و بتلقط بسرعه
معتز/ طلعالى
كامل / ماشى يا معلم
سيد يدخل
سيد/ انت دخلت امتى يا سيادته المستشار
معتز/ لسه واصل كنت فين
سيد/ كنت فوق السطح بفرش مشمع عشان المطر بيقولوا هتشتى جامد اليومين الجاين دول فمش عاوز السلم يغرق
معتز/ جدع والله
كامل / متصبلك شخشيخه ياض يا سيد بدل المشمع
سيد/ شخشيخه ايه دى
كامل / بلاطه كدا فوق السلم تمنع الميه بدل المشمع بلاطه خرسانه
سيد / ياعم احنا فى ايه و لا فى ايه لما ابقى اتجوز ابقى اصبها
معتز/ على رايك اهو المشمع بيفى بالغرض
.......
فى البيت قبل اذان الفجر
معتز يدخل يلاقى بسمه نايمه يغطيها و يدخل يستحمى
يطلع مالحمام على الاذان يلاقى ابوه فوشه
نبيل/ صباح الخير يا معتز
معتز/ صباح الخير يا بابا اتفضل الحمام فاضى
اخلاص تصحى و تروح تصحى بسمه
معتز/ استنى يا ماما دى سهرانه طول الليل بتزاكر سيبيها تنام ساعه و لا ساعتين كمان عشان تعرف تكمل
اخلاص/ ماشى انا كنت هصحيها عشان تفطر
معتز / تفطر لما تصحى مش مشكله
اخلاص/ ماشى اللى تشوفه اروح انا احضر الفطار
........
فى الكليه بسمه نايمه على البنج
بلسم/ انا قولتلك مش هتقدرى
بسمه/ معتز بيعمل اكتر من كدا و بيقدر
بلسم/ يا بنتى معتز واخد على كدا
بسمه/ خلاص انا كمان مع الوقت هاخد هتعب شويه فى الاول و بعد كدا هيجى بفايده
بلسم/ البت فريال اتصلت بيا امبارح
بسمه/ عاوزه ايه دى
بلسم / بتقولى قال ايه مش معنى ان انتى و هى متخانقين ان انا و هى منكلمش بعض
بسمه/ معاها حق
بلسم/ انتى بتقولى ايه
بسمه/ انتى لو مخصماها يبقى مخصماها عشان انتى مش عاوزه تتعاملى معاها مش عشانى
بلسم/ يا بنتى انتى بتهزرى
فريال تدخل
فريال/ هاى ازيك يا بلسم
بلسم/ كويسه الحمد لله خير
فريال/ ممكن كلمه على انفراد لو سمحتى
بلسم / لو عاوزه تتكلمى اتفضلى محدش غريب
فريال /بصى الموضوع برايفت و يخصك لوحدك
بسمه تقوم
بلسم/ استنى يا بنتى
فريال/ سيبيها انا جيالك بخصوص حاجه مهمه
بلسم/ خير
فريال/ بصى انا مبحبش ادخل فى الحاجات دى بس محمد صدعنى عاوزنى اعرفك عليه
بلسم / تعرفينا مانا عرفاه
فريال/ افهمى يا بلسم هو معجب بيكى من فتره و محرج يكلمك و خايف تقفليه خصوصا انه صاحب فارس و انتى صاحبه بسمه فيعنى الموضوع ممكن يكون فى حساسيات و كدا
بلسم/ ماشى
فريال/ ماشى ايه يعنى اقوله موافقه
بلسم/ موافقه على ايه
فريال/ هو انا بكلم نفسى الواد معجب بيكى اخليه يجى يعبرلك عن مشاعره و لا نقفل الباب من اولها
بلسم/  انا اسفه والله مبفكرش اتعلق اليومين دول يوم مهحتاج حد يعلقنى هبقى انقى شماعه نضيفه
فريال/ افندم
بلسم/ اللى سمعتيه مهو الرجاله مش بتبعت مراسيل مع حد عشان واحده عجباه الرجاله بيدخلوا البيت من بابه
فريال/ على كل هوصله رسالتك عن اذنك
فريال تمشى و بسمه ترجع
بلسم / فى ستين داهيه عالم خنيقه
بسمه / للدرجادى
بلسم/ قال ايه محمد معجب بيا و باعتها تجس نبضى
بسمه/ و قولتيلها ايه
بلسم/ قولتيلها انى مليش غير فى الرجاله
بسمه/ هههههههههه
بلسم/ بتدحكى انا هرجع قال محمد قال دلدول فارس تصدقى معتز ده له نظره فى الناس والله
بسمه/ انتى لسه معجبه بمعتز
بلسم/ هههههههه لا يا بت انا بهزر بس منكرش ان شخصيه معتز تشد اى بنت يعنى راجل كدا فى كلامه و معاملته شايل المسؤليه دمه خفيف و حنين و اموووووووور
بسمه/ ههههههههههه
بلسم/ قولت نكته
بسمه/ ابدا اموووووووور دى فصلتنى منه اصلا
بلسم/ بس اكيد مقدرش احب واحد زيه
بسمه / ليه بقى مهو فى كل الصفات الحلوه اهو
بلسم/ يا بنتى مفيش اب فى الدنيا هيوافق يربط حياه بنته بواحد زى معتز
بسمه/ ليه بقى ان شاء الله ناقصه ايه معتز
بلسم/ ناقصه شقه
بسمه/ ممكن ياجر شقه ايه المشكله معتز بيكسب كويس على فكره هو بس مصاريفى اللى كتير لكن لما اتجوز كل مشاكله هتتحل
بلسم/حتى لو معاه فلوس يا بنتى دى علاقه يرفضها المجتمع
بسمه/ ازاى بقى
بلسم/ متزعليش منى يا بسمه بس معتز سواق تاكس و انا لما هتخرج هبقى دكتوره لما اتعين فى مستشفى و زمايلى يسالونى جوزك بيشتغل ايه هقولهم ايه سواق لا طبعا هيالسوا عليا
بسمه/ كدا يبقى اكيد انتى مبتحبيش معتز لو بتحبيه كل الفروقات دى مش هتلاقيها
بلسم/ اه لحد متقع الفاس فى الراس و كلام الناس يكتروا ساعتها هتفوقى مالحلم الجميل
بسمه/ معرفش بس انا عمرى مفكرت زيك ابدا
بلسم/ بكره لما تكبرى هتفهمى انتى لسه صغيره عالحاجات دى يا حبيبتى
بسمه/ ماشى يا كبيره ههههههههه
........
فى الصيدليه
بسمه/مساء الخير يا دكتور
كامل / متاخره ليه هنبتديها كدا و لا ايه
بسمه/ معلش والله اتاخرت فى الجيم فاتاخرت فى الغدى معلش مش هكررها باذن الله
كامل / حصل خير انا هروح اجيب شويه حاجات خدى بالك مالمكان بقى
بسمه/ انت هتسيبنى لوحدى ولا ايه لا احنا متفقناش على كدا
كامل/ هههههه ايه يا بنتى اجمدى كدا انا واثق فيكى ومعاكى رقمى اى مشكله كلمينى
بسمه/ حاضر
..،،،،
فى البيت
معتز/ ماما ... خدى دول كل اللى معايا شوفى لو ينفعوا فى الغساله
اخلاص/ يابنى انا داخله جمعيه هقبضها
معتز/ يا ستى زودى المقدم و قللى القسط
اخلاص/ تسلم يا حبيبى
......
فى الصاله
سيد/ كامل مجاش النهرده
معتز/ زمانه جاى متقلقش انت بس
سيد/ عملت ايه مع بسمه
معتز/ عملت ايه فى ايه
سيد/ خلتها تشتغل مع كامل
معتز/ يابنى انا بشغل وقتها بس عشان متجوعش
سيد/ و لما تخس و تحلو و يبقى عليها العين هتعمل ايه
معتز/ يابنى اكبر بقى بطل تفكير العيال ده
سيد/ بكره  تندم و تقول سيد قال
معتز/ يابنى انا مش عاوز بسمه تفقد ثقتها فى نفسها مش عاوز اربط حياتى بواحده تايهه
سيد/ طب على الاقل اضمن حقك
معتز/ حاضر همضيها على وصولات امانه بكل اللى صرفته حاضر
سيد/ يا اهبل مش قصدى انا قصدى انك تكلم ابوك و تقوله ان عينك فيها يخطبهالك بقى يكتب كتابكوا تخس بقى متخسش تبقى دكتوره تبطل تعليم ساعتها حقك مضمون
معتز/ مينفعش
سيد/ ليه بقى
معتز / رجولتى متسمحليش
سيد/ قولت ايه لامؤاخذه تانى كدا
معتز/ هبسطهالك اروح اقول لابويا ان بسمه بالنسبالى مش اختى زى مانت فاكر فالشيطان يركب دماغه و يشتغله و ساعتها اى كلمه بيتى و بين بسمه هيتبنى قبلها الف حاجز و سور و حتى لو ابويا قرر انه يكتب كتابنا عشان يحلل عيشتنا هى هتبقى ارتبطت بيا على انها ده اللى هى عوزاه و لا عشان مجبره و لا عشان كدا كدا محدش تانى هيرضى بيها
سيد/ انت مكبر الموضوع اوى
معتز/ انت اللى مش فاهم انا مش ناوى افاتح بسمه و لا ابويا عن اى حاجه الا لما اكون جاهز
سيد/ موت يا حمار
معتز/ الله يخليك .... يابنى انا مش عاوزها يوم متخس و تحلو تقول ياريتنى كنت صبرت مش عاوزها تندم انها ربطت حياتها بيا عاوز يوم منرتبط يبقى قرار لا رجعه فيه مش عاوز احس فيوم من الايام انها مش سعيده
سيد/ طب افرض طارت من ايدك البت خست و احلوت و بقت موزه و فجاه يجى واد كدا زى صاحبنا بتاع الريس يخطف عقلها
معتز/ بسمه اعقل من كدا
سيد/ انت يتقول كدا من ورا قلبك انت مرعوب