بكابوزه بقلم / لولو محمد ( كامله )

الحلقه ٢٣

#lolo #لولو_محمد
(((((((((((بكابوزه))))))
الحلقه الثالثه و العشرون
فى البيت
اخلاص / ابن الكلب و انت سكتله يا نبيل
نبيل / معتز ضربه
اخلاص / راجل والله انا رايى فمعتز من زمان انه راجل الا قولى كامل معملش حاجه
نبيل / يادى كامل اللى صدعتينى بيه يا ستى شيلى الموضوع ده من دماغك
اخلاص / بس الست كلمتنى
نبيل / كل اللى قالتهولك ده تلاميح لحد اللحظه دى لا كامل اتكلم على بسمه و لا حد عبرنا
اخلاص / تفتكر هيتكلم بعد اللى اتقال
نبيل / يوووووه انا سايبلك البيت دا القهوه ارحم
اخلاص / الله هو انا عملت ايه
..................
فى البيت بالليل
بسمه / اتاخرت كدا ليه قلقت عليك
معتز / متاخرتش انا هنا من بدرى بس كنت فى الصاله
بسمه / بهدومك
معتز / اتمرنت بالفانله مكنتش عاوز اروح
بسمه / للدرجادى
معتز / انا مش طايق روحى يا بسمه
بسمه / ليه بس كفا الله الشر
معتز / حاسس انى ضعيف و مخنوق
بسمه / عشان حنفى
معتز / اه بسبب زفت الحيوان ده المفروض كان يموت
بسمه / الدنيا كلها عارفه انه حيوان محدش هيصدقه
معتز / انا مش مصدق انه تخيل ولو لثانيه انك ممكن تتجوزيه دا اكيد عبيط بجد مش شهاده مضروبه
بسمه / خلاص بقى انسى
معتز / عندك كليه بكره
بسمه / اه عندى
معتز / طب خشى نامى
بسمه / مش هعرف انام و اسيبك زعلان اوى كدا
معتز يبتسم / مش زعلان ادخلى نامى يلا انا هدخل استحمى
.......................
فى الكليه تانى يوم
بلسم / و هتعملى ايه فى الحيوان ده
بسمه / و لا حاجه هطنش
بلسم / ادى اخره الخسيه اللى يسوى و اللى ميسواش عاوزينك
بسمه / والله لحد دلوقت كلهم ميسوش
فارس يدخل
فارس / ازيكم ازيك يا بلسم ازيك يا بسمه
بلسم / الحمد لله كنا كويسين خير
فارس / انا جاى اعتزر للمره التانيه
بسمه / يابنى خلاص الموضوع ده خلص خلصنا مش جيت اعتزرت و خلصنا
فارس / كنت عاوز اتاكد انك صفيتى من نحيتى
بسمه / صفيت سبنى فى حالى بقى
فارس / بصى لو فى اى حاجه اقدر اساعدك بيها بس قوليلى
بسمه / كتر الف خيرك انت بس اكفينا شرك
فارس / ممكن طيب اخد خمس دقايق من وقتك انا هشرحلك اللى حصل كلو ساعتها هتعرفى انى مظلوم و كل اللى حصل كان غصب عنى
بسمه / يادين النبى انت ملاك هات مالاخر عاوز ايه
فارس / انا مش عاوز انا بس
بلسم / يا دكتور حضرتك بتحرق جاز عالفاضى متنجز و تجيب مالاخر
فارس / بصى يا بلسم انا قولت لبسمه قبل كدا انى معجب بيها و انى غيرت لما عرفت انها مع معتز
بلسم / و سبحان الله تانى يوم ست فريال جت و مسحت بيها الارض
فارس / انا مليش ذنب انا كنت سبت فريال و هى لما عرفت انى معجب ببسمه جت و اتخانقت معايا جامد و اتخانقت مع بسمه
بسمه / و سبحان الله انت و فريال رجعتوا سوا
فارس / عشان احميكى والله
بلسم / لا انا اعصابى متستحملش عن اذنكوا
بسمه / الف شكر انك ضحيت بنفسك عشانى و بجد انا مش عارفه اقولك ايه
فارس / قولى انك هتدينى فرصه
بسمه / انا مين
فارس / انتى مين ازاى يعنى
بسمه / انا مين بسمه و لا نسمه
فارس / انا كنت بهزر معاكى
بسمه / بص يا فارس انا هوفر عليك كلام كتير اوى انا لا بتاعه حب و لا مصاحبه و لا شغل الكابل ده خالص مليش فيه لو حضرتك معجب بيا زى مانت مبتقول حضرتك عارف عنوان بيتنا لو اهلى اصلا وافقوا عليك و دى حاجه اشك فيها ممكن ساعتها انا ارفضك طبعا عن اذنك يابنى
بسمه تمشى و فارس مزبهل
بلسم / تصدقى معاكى حق يا ميله بختك يا بسمه من تامر لفارس لحنفى يا قلبى لا تحزن
بسمه / الا ايه اخبار الهندسه عندكوا
بلسم / على حطه ايدك مفيش جديد
بسمه / هههههههههههههه معلش معلش بكره يتحرك
بلسم / و لا عنه متحرك انا هقرف نفسى على ايه بلا وكسه
بسمه / هههههههههههههههههههه
......................
فى الصيدليه بالليل
كامل / ههههههههههههههههههه
بسمه / انت بتدحك دا معتز لو عرف هيولع الدنيا
كامل / بصراحه الواد صعب عليا اوى ايه يابنتى ده
بسمه / البيه فاكر انى هبله و جاى يشتغلنى
كامل / و انتى ربتيه صح
بسمه / على راى بلسم يا ميله بختك يا بسمه كل اللى بيبصولك كسر رجاله
كامل / انتى متاكده مالموضوع ده
بسمه / مش فهماك
كامل / يعنى والله لولا الظروف اللى حصلت اكيد الوضع كان ممكن يعنى
سيد يدخل
سيد / السلام عليكم
كامل / و عليكم السلام
سيد / مش تباركلى
كامل / الف مبروك خير
سيد / هند حامل
كامل / يابن اللعيبه انتوا لحقتوا
سيد / عيب عليك هو انا بلعب
كامل / احم احم
سيد / اح اح ازيك يا بسمه
بسمه / الحمد لله الف مبروك يا سيد
سيد / عقبالك
كامل / عرفت امتى
سيد / انا لسه جاى من عند الدكتور حالا هاتلى بقى الروشته دى
بسمه تاخد الروجته و تصرفها
سيد / تسلمى يا ست البنات
كامل / ماشى يا اسطى سلملى على ام حزومبل
سيد / قال حزومبل قال دا الباشا يا .... باشا عشان بسمه واقفه بس سلام
سيد يمشى و بسمه فى منتهى الانشكاح
بسمه / ربنا يتمله فرحته على خير
كامل / كنا بنقول ....
بسمه / اكيد معتز هيفرح بالخبر ده اوى تفتكر قاله
كامل / اكيد طبعا سيد و معتز بقهم فى ودن بعض دايما يعدوا يتودودوا كدا
بسمه / و انت
كامل / زمان كنت بدايق و اتقمص بس لما كبرت شويه بقيت اكبر مخى
بسمه / احسن برده
كامل / على فكره انا كنت عاوز اعتزرلك
بسمه / على ايه
كامل / انا واحد من الناس اللى كانوا بيركزوا على الظاهر
بسمه / بجد
كامل / للاسف و ندمان على كل كلمه قولتها فى حقك
بسمه تبتسم / و بما انك اعترفت فانا كمان لازم اعترف
كامل / بايه
بسمه / انا كنت شيفاك واحد تافهه و مغرور و يعنى مكنتش بحبك الصراحه
كامل / يعنى بقيتى بتحبينى دلوقت
بسمه / يعنى بدات تقرب من سيد
كامل / قاسيه اوى
بسمه / هى الدنيا كدا ههههههههههههههه
.........
فى الخرابه  
حنفى و الاتنين اللى معاه قاعدين و حنفى مطحون ضرب
حنفى / انا لو كنت خدت معايا جوز حريم كانوا نفعونى عنكم
الاول / العيال دى لازم تتادب يا كبير انا بقول نروح لفرغلى
حنفى / فرغلى هيقولك دى مش منطقتى انا عارف ازاى نربى الحاره دى
الاول / ازاى يا مريسه
حنفى / التلاته دول عمودهم معتز لو كسرنا معتز الاتنين التانين هيقعوا لوحدهم
الاول / و هتكسره ازاى ده
التانى / نحرقله التاكس
حنفى / انت فاكرنى مفكرتش فيها بس احسبها كدا معتز بيركن التاكس فى الجراج اللى فاول الشارع و دا عليه حراس و متراقب بالكاميرات
الاول / امال ازاى البت بسمه مبتتسابش ثانيه لوحدها من ساعه الحوار اياه بتتسلم ايد لايد من ابوها لكامل لمعتز
حنفى / هو احنا وش ذلك يا دغف انت احنا عندنا ولايا
التانى / امال هتكسره ازاى لامؤاخذه
حنفى / انا اقصد نكسره بجد نقعده شهرين فى الجبس يتربى
الاول / خلاص احنا نعمله كمين بره الحاره
التانى / و بره الحاره ليه الواد سيد بقى بيخلع بدرى و يطلع جنب المدام و معتز هو اللى بيقفل الصاله قبل ميمشى
حنفى / خلاص احنا نروح نتمرن قريب
الاول / هههههه طول عمرك رياضى يا كبير
................
فى البيت
بسمه / انت هتفضل عالحال ده كتير
معتز / انا مبعملش ده لوجه الله على فكره سيد بيظبطنى على كل يوم بسهره
بسمه / فلوس فلوس فلوس كل حاجه عشان الفلوس
معتز / طب اعمل ايه مانا لازم اشتغل عشان اجيبلك كل اللى انتى عوزاه
بسمه / بس اللى انا عوزه اتكلم معاك و نسهر و نلعب زى زمان
معتز / هانت كلها كام شهر و مراته تقف على رجليها بس و حملها يثبت و ترجع كل حاجه لاصلها
بسمه / انا عندى امتحان شيت الاسبوع الجاى و بجد فى حاجات كتير اوى واقعه منى
معتز / و طبعا متقدريش تطلبى من تامر ورق كورسات
بسمه / هو يطول انا اللى مش راضيه
معتز / طب متاخدى كورس
بسمه / و اجيب وقت منين
معتز / طب و كامل ميقدرش يساعدك
بسمه / مفتكرش انا مطلبتش منه
معتز / اطلبلك منه
بسمه / لا سبها لله انا هتصرف لو ملقتلهاش حل هبقى اقول لكامل بقى
معتز / خلاص قشطه انا واقع مالجوع
بسمه / اعملك عشا و لا اغسلك تفاح
معتز / خليها تفاح اما نشوف الدايت ده هيخلص امتى
بسمه / يا معتز الدايت ده اسلوب حياه لازم اثبت عشان مطخنش تانى
معتز / متكلمتش اتفضلى
..................
فى الكليه تانى يوم
بلسم / على فكره انا مش هستنى اما اسقط عشان حضرتك مش عاوزه تكلمى تامر
بسمه / عملتى ايه
تامر يدخل
تامر / السلام عليكم
بسمه / تامر ازيك عامل ايه
تامر / زعلان منك حضرتك احنا اتفقنا ان مهما كان قرارك هنفضل زمايل و اصحاب
بسمه / انا بس محبتش يبقى فى حساسيات
تامر / انا صورتلكوا كل ورق الكورسات الترم ده فكل المواد نسختين
تامر يدى لكل واحده كيسه كبيره مليانه ورق
بسمه / ايه دا كلو
تامر / مهو لو حضرتك بتصوريهم اول باول مكنتش حسيتى بيهم
بسمه / دفعت كام
تامر / ميصحش كدا ازعل
بسمه / بص الورق كتير و اكيد دفعت مبلغ كبير فيه فارجوك متزعلنيش
تامر / انتى بتحطينى فموقف صعب زعلك قدام زعلى
بلسم / بطل افوره بقى قول كام و خلاص
تامر / بعدين طيب هقولكوا المهم هتفضوا امتى اشرحلكوا النقط اللى واقفه معاكوا
بسمه / انا مواريش بكره حاجه ممكن نروح السنتر بعد المحاضره و نفضل هناك زى مانت عاوز
تامر / خلاص تمام
فارس يدخل
فارس / اهلا يا تموره ازيك
تامر / كويس الحمد لله
فارس / انا كنت عاوزك تعد معايا فى شويه حاجات ايه رايك بكره
تامر / انا كنت هقعد مع بسمه و بلسم بكره
فارس / طب و انا هبقى تقيل لو جيت يعنى
بسمه / و تبقى تقيل ليه تنور عن اذنكوا بقى عشان بابا بيرن سلام
فارس / سلام
................
فى البيت عند كامل بعد فتره مش كبيره
حنان / انت مش مرسينى على بر يا اه يا لا
كامل / يا ماما مهو انا لو عارف اقولك بس فعلا لسه محتار
حنان / البت متتعيبش هتستنى ايه اما يجى واحد تانى و ياخدها
كامل / انا كنت بتكلم مع سيد و فوسط الكلام لمحتله انى اتقدم لبسمه قالى ان الموضوع ده مش هيجى من وراه خير و انى هخسر معتز
حنان / هو انت رايح تاخد راى سيد فى العروسه تتجوزها و لا لا ليه ان شاء الله هو كان خد رايك فى هند
كامل / انا مشكلتى فى معتز
حنان / يابنى معتز اخوها صحبك الانتيم و يتمنالك انت و هى الخير و انت لو كلمته هيشيلك من عالارض شيل
كامل / انا مش عارف طب انا هصلى استخاره و ارد عليكى يلا سلام بقى عشان يادوب اللحق اروح الصاله 
حنان / معتز هيبقى هناك كلمه و هتشوف
كامل / الله مقولت هصلى استخاره الاول
حنان / يووووه افضل انت ماطل كدا لحد متروح و لو لفيت على اديك و رجليك مهتلاقى غيرها
كامل / هعنس انا بحب العنوسه بتليق مع لون عنيا اوى
حنان / ياخى اتوكس
كامل / ماشى هتوكس سلام
...............
فى الصاله
معتز / مالك ياعم عمال تنفخ ليه
كامل / امى بتزن اكتر مالنموسه ياجدع حاجه فظيعه
معتز / عيب كدا يا متخلف دى امك
كامل / اتجوز اتجوز اتجوز اتجوز مش عارف انا اعمل ايه بس عشان اريحها
معتز / اتجوز
كامل / هو سيد فين خلع بدرى اوى كدا
معتز / الله يعينه مراته راقده فى السرير الدكتور مانعها مالحركه و امها بتفضل معاها لحد مسيد يروح
كامل / يلا محدش بياكلها بالساهل
كامل يقلع الجاكت و يبدا يتمرن بوكس و معتز بيساعده و شويه و يدخل تلاته بدى بيلدنج
كامل / مين دول اول مره اشوفهم
معتز / هروح اشوفهم
معتز يروحلهم
واحد منهم / انت معتز
معتز / اه اى خدمه
الواحد / سمعنا ان المكان ده حلو فقولنا نيجى نجربه
معتز / تنوروا جلسه و لا شهرى
الواحد / لا جلسه هنجربه الاول
معتز / عشره جنيه الفرد
الواحد يطلع تلاتين جنيه يديها لمعتز و التلاته يدخلوا ينتشروا فى المكان و معتز يرجع لكامل
كامل / هى الجتت دى جاى تعمل ايه
معتز / جاين يتمرنوا 
كامل / تفتكر انا لو اتخانقت مع واحد من دول هيحصل ايه
معتز / هنصلى عليك فى عمر مكرم
كامل / اكتر حاجه بتعجبنى فيك ثقتك فيا و فقدراتى
معتز يحط ايده على كتف كامل / حبيبى يا كوكو
معتز يسيب كامل و يروح يساعد واحد تانى مع الوقت مفيش فى الصاله غير معتز و كامل و التلاته الجتت
كامل / ايه يا شباب مش هنقفل و لا ايه