#lolo #لولو_محمد
(((((((بكابوزه )))))))
الحلقه التاسعه عشر
فى الصيدليه
كامل نازل بطبق محشى كبير و بسمه بتكتب على الكمبيوتر
كامل / تاكلى
بسمه / شكرا
كامل / ماما بتقول انك انتى اللى عملاه
.....................................
بسمه / لا ماما فهمتها كدا بس انا مكدبتش عليك انا ملفتش ورقه واحده فى الحله دى
كامل / لا بس اى كان تسلم ايد اللى عمله
بسمه / متعملش صوت و انت بتاكل
كامل / اسف بس انا بنسى اى حاجه قدام البتاع ده بجد بموت فيه
بسمه / الف هنا
كامل / خلصتى
بسمه / انا دخلت كل الادويه اللى عندنا عالكمبيوتر فاضل الصفحه دى و خلاص
كامل / حلو البرنامج ده كدا هتعرفى الادويه صلاحيتها هتخلص امتى و ايه فى الادويه اللى هيخلص ماحنا لازم نطور من نفسنا برده
بسمه / صح
كامل / انتى زعلانه منى و لا ايه انتى كمان
بسمه / انت بجد مش حاسس بنفسك
كامل / ليه انا عملت ايه
بسمه / عمال تاكل محشى جنبى و انا دايت و جعانه
كامل يضرب صابع محشى فبق بسمه و هى بتتكلم
كامل /هههههههههههه
بسمه تبصله و بعدين تشد منه الطبق
كامل / ايوه كدا انا كنت متاكد انك بتفهمى
..........
معتز و سيد يدخلوا
سيد / و انا اللى زعلان اننا خناك اتاريك انت اللى خاين
معتز / انتى بتعملى ايه يا بسمه
بسمه / ضعفت المحشى كانت ريحته حلوه و انا مكنتش فطرت فكلت
معتز / الف هنا
كامل / تعال ياض منك له خدولكوا كام صابع المحشى تحفه
معتز / والله مفى مكان انتوا مش هتقفلوا و لا ايه
بسمه / هدخل باقى الورقه دى عالكمبيوتر و هخلص
كامل / لا خلاص مش مهم يلا عشان تلحقى تجهزى
بسمه / ماشى سلام
كامل / اه و شكرا عالمحشى
.......
فى البيت
معتز / هو ايه حكايه المحشى ده
بسمه / طنط حنان كان نفسها فى المحشى فماما عملتهولها بس هى دى الحكايه كلها
معتز / و كامل كان عارف انك هتعمليلو محشى
بسمه / بصلى كدا
معتز يبص لبسمه و يحط عينه فعينها
بسمه / انا معملتش لحد محشى ماشى ماما اللى عملته و عملته لطنط حنان انا كل اللى عملته انى وصلت الحله و بس ماشى
معتز يبتسم / ماشى
بسمه / عملتوا ايه بقى انت و سيد
معتز / مفيش روحنا للحلاق و كلنا اكله سمك كنت ناوى و الله اعزمك علي واحده زيها بس يا خساره انتى ضيعتى المفتوح بتاعك فى المحشى مع كامل
بسمه / وضيع
اخلاص تدخل
اخلاص /كويس انك جيتى يلا هاتى فستانك و طرحك يلا عشان اتاخرنا عالكوافيره
معتز / هو فى ايه يا ماما هو الكوافيره دى بقت مقرر و لا ايه مش راحت امبارح
اخلاص / امبارح كان شعرها النهرده هتظبطلها الطرحه و المكياج هو احنا كل يوم بيجيلنا فرح يا معتز
معتز يبص لبسمه و يسكت
اخلاص / يلا با بسمه هنتاخر انجزى
بسمه تدخل الاوضه تجيب الفستان و كيسه
بسمه / انا جاهزه
معتز / اعدى عليكم اخدكم الساعه كام
اخلاص / تعال مع الزفه ماحنا حاجزين مع هند
معتز / ماشى تمام
........
جوا لكوافير
ايمان / بسم الله ما شاء الله طالعه قمر يا بسمه
بسمه / ميرسى دا من زوقك
ايمان / على فكره انتى لازم تيجى تركبى معانا فى الزفه
بسمه / لا انا هركب مع معتز
هند توشوش بسمه / معلش يا بسبوسه عشان خاطرى خلى شوشو هى اللى تركب مع معتز النهرده
بسمه / طب و ماله متيجى تركب معانا
ايمان / انتى مش عاوزه تيجى معايا ليه هو انا زعلتك فى حاجه طب دانا حطيت شويه اغانى عالفلاشه تهبل و كامل هيشغلها
اخلاص / خلاص مفيش مشكله اركبى معاهم يا بسبوسه
.......
قدام الكوافير عند عربيه كامل
ايمان / اركبى قدام يا بسمه و انا هركب مع العيال و منه ورا
بسمه / طب اركبى انتى قدام و انا هركب مكانك
ايمان / لا العيال هيبهدلوكى
بسمه تركب قدام جنب كامل فجاه يبص جنبه يلاقيها
كامل / انا بشبه على حضرتك هو احنا اتقابلنا قبل كدا
بسمه / ههههههه انا بسمه
كامل /لا يا شيخه
بسمه / بطل رخامه
ايمان و منه يركبوا و العيال
ايمان / بتتودودوا فى ايه
كامل / و لا حاجه اركبى اركبى
.........
عند عربيه معتز
معتز / هو بسمه فين
اخلاص / ركبت مع البنات فى عربيه كامل
معتز / بنات مين
اخلاص / ايمان و منه شبطوا تركب معاهم اركبى يا شوشو اركبى
شيماء تركب قدام جنب معتز و معتز يعصر فى الدركسيون هاين عليه يكسره
شيماء / ازيك يا معتز
معتز منغير ميبصلها / الحمد لله كويس
اخلاص تركب هى و بنتين كمان و الزفه تتحرك
.......
فى منطقه مفتوحه العربيات تلف تعمل دايره و الموتيسكلات تعمل عروض جوه
فى عربيه كامل
كامل / جاهزين انا اللى عليا الدور
بسمه / لا نزلنى الاول
ايمان / جمدى قلبك كدا يا بسمه الله
كامل يسوق العربيه و يبدا يخمس بيها
بسمه و هو بيلف بالغلط تحط ايدها على دراعه و الكل بيدحك و بسمه بتصرخ و اول ميفرمل بسمه تبقى بتنهج اوى و كامل منشكح
كامل / جمدى قلبك
........
فى عربيه معتز
معتز / ايه الحيوان ده ازاى يعمل كدا و بسمه معاه
معتز لسه هينزل مالعربيه الزفه تبدا تتحرك للقاعه معتز يركب تانى
معتز / وربنا مهعديهالك
اخلاص / متهدى يا معتز محصلش حاجه
معتز يبصلها و ينفخ و يسوق و هو ساكت
.......
قدام القاعه
معتز يمسك كامل و يشده على جنب
معتز / ايه يا حيوان اللى عملته ده
كامل / بالراحه يابنى فى ايه
معتز / ازاى تخمس و بسمه راكبه معاك
كامل / يا سلام مايمان و عيالها كانو راكبين
معتز / طب نعيد السؤال ازاى تخمس و البنات و العيال راكبين معاك
كامل / عادى هى اول مره اعملها يعنى و بعدين متخفش كدا الله يرحم اما كنا بنصيع سوا شكلك كبرت و عجزت
معتز / اه كبرت و عقلت عن اذنك
كامل / اه مهو باين
.......
الرقصه الاسلو شغاله
حنان / متقومى يا بسمه انتى و ايمان تقعدوا مع البنات
ايمان / قومى يا بسمه تعالى نروح نسلم على البت سها هناك
بسمه / ماشى
ايمان و بسمه يروحوا ترابيزه كلها بنات و يسيبوا حنان و اخلاص لوحدهم
حنان / اما المحشى يا اخلاص كامل اتهبل عليه
اخلاص / الف هنا دا كلو الا كامل دا يؤمر
حنان / دا العشم برده الا صحيح كنت سمعت انك قافله موضوع الجواز لبسمه
اخلاص / مين قالك الكلام ده
حنان / عشان صغيره يعنى
اخلاص / الحاجات دى قسمه و نصيب ووقت ميجى النصيب كل حاجه بتتسهله بس هو يجى بس
حنان / يعنى بسمه لو جالها واحد ابن حلال و جاهز و ابن ناس تجوزيها
اخلاص / والله الكلمه فى الموضوع ده ترجع لابوها بس يعنى هيرفض ليه
حنان / طمنتينى ياختى
اخلاص / والله انتى حبيبتى لله فى لله
......
فى الفرح
معتز بيرقص مع سيد و كامل و بسمه قاعده مع شيماء و البنات على طرابيزه
شيماء/ بسمه
بسمه/ نعم
شيماء / هترقصى
بسمه/ انتى مجنونه انتى عاوزه معتز يقتلنى
شيماء / بكتافنا بس
بسمه/ لا مش هقوم من مكانى لو عاوزه اتفضلى
شيماء / لا خلاص مش هقوم
بسمه/ براحتك
هند بترقص مع صحباتها يقوموا يشدوا بسمه و شيماء بالعافيه و بسمه تبص لمعتز فتحرك ايدها مع العروسه بالعافيه
سيد يروح للدى جاى يشغل دبكه و يقفوا صفين قدام بعض و بسمه قدام معتز و جنبها هند قدامها سيد و كامل الناحيه التانيه من معتز و بعد ميبداوا يرقصوا شيماء تيجى تحشر نفسها مكان بسمه فتبقى بسمه قدام كامل و شيماء قدام معتز بسمه تمشى و تروح تعد معتز يجى يمشى وراها الدى جاى يشغل شعبى فسيد و كامل يرقصوا معاه الدى جاى يشغل اغنيه سلو و يطلب الكابلز ترقص البنات يروحوا يقعدوا جنب بسمه
كامل / نولع احنا السناجل يعنى
معتز/ اتكلم عن نفسك عن اذنك
معتز يروح لبسمه و يمد ايده و بسمه تتكسف و تشاورله لا و البنات يزوقوها تقوم ترقص معاه فيشاورلهم بايده شكرا و يطلعوا و شيماء هتطق بسمه و معتز بيرقصوا من بعيد لبعيد يادوب حاطه ايدها على كتفه كامل يطلع موبايله و يصور بسمه و معتز و هما بيرقصوا
معتز/ انا هموت النهرده
بسمه / بعد الشر عنك
معتز/ مهو كل الناس دى بتقر عليا لازم هيحسدونى
بسمه تدحك / بطل بكش قديمه اوى
معتز/ طب نشوف حاجه تانيه
بسمه / جرب
معتز/ حلو فستانك اوى
بسمه/ اه اجرته من محل
معتز/ غبيه ... غبيه
بسمه/ هههههههههههههه اه طب فهمت خلاص اسفه اسفه جرب تانى
معتز/ اممممم طب متجربى انتى
بسمه/ انت بتغيظ مين بقى بيا
معتز/ مصر كلها
بسمه وشها يحمر / احم احم
معتز/ انتى عارفه انك بتحلوى اكتر و انتى مكسوفه
بسمه / بجد
معتز/ بتبقى تانى احلى بنت فى الدنيا
بسمه/ يا سلام و مين الاولى بقى
معتز/ انتى و انتى بتدحكى
بسمه/ انت بتجيب الكلام ده منين
معتز/ قريته فى كتاب القواعد الموجزه فى تعليق المزه المعجزه
بسمه تدحك بصوت عالى
معتز/ بس بس هتفضحينا
بسمه/ قول اسم الكتاب تانى كدا
معتز/ معرفش هى طلعت مره كدا و بطلى بقى بدل موقعك
معتز يلف بسمه و يشدها عليه تانى
سيد يقرب / انا العريس ماشى افتكر
معتز/ موتوا بغيظكم
سيد/ مش فاضيلك بعدين ارد عليك
معتز /هههههههههه
الاغنيه تخلص بسمه تروح تقعد و اول متقعد شيماء تقوم و معتز يقعد جنب كامل
كامل / كنتوا بتقولها ايه
معتز/ كلام كبير
كامل/ خت بالى
معتز/ تصدق للحظه حقدت على سيد
كامل / غريبه
معتز / للحظه اتمنيت انى اكون العريس
كامل / بكره تنولها يا صاحبى
معتز/ عقبالك انت كمان
........
فى البيت الكل نايم معتز يفتح البلكونه
معتز / انتى نمتى
بسمه متردش و تتقلب
معتز يدخل و يغطيها كويس و يطلع يقفل الباب و ينام و يستغطى
////////
م/ هو ليه مخترعوش اله توقف الزمن مين اللى خلى الاغانى قصيره اوى كدا الله يرحمك يا ست ايام مكانت الاغنيه تعد بالساعه و الساعه و نص مش عارف مبيشغلوش ام كلثوم ليه فى الافراح يارب انا عمرى مطلبت حاجه لنفسى بس بطلب منك بسمه يارب اجمع بينى و بينها فى الحلال قريب يارب
/////////////////
تانى يوم بالليل فى الصيدليه
كامل/ نمتى كويس
بسمه/ جدا
كامل/ حقك شوفتى الفيديو ده
كامل يطلع فيديو الرقصه و يوريه لبسمه
بسمه/ الله انت صورتها ممكن تبعتهالى
كامل يشد الموبايل /مش بالساهل كدا
بسمه/ هعملك حله محشى
كامل / امتى ....لا انتى هتدحكى عليا بشويه محشى انسى انسى
بسمه/ هههههههه ورق عنب
كامل / متحاوليش
بسمه/ و هعمل جنبه لحمه بالصلصه
كامل / و سلطه زبادى .... لا انسى انسى انا مش بتاع اكل
بسمه/ ماشى خلاص عاوز ايه
كامل / تقوليلى كنتوا بتقولوا ايه
بسمه/ ههههههههههه انا عندى حل تانى
كامل / قولى
بسمه/ لا لا خلاص انسى خليهولك مش عوزاه
كامل / انتى مشكله ايه هو الحل التانى
بسمه/ مهو كدا كدا مش هينفع خلاص بقى
كامل/ تعرفى انى سهرت طول الليل بتفرج عالفيديو ده شوفته مليون مره
بسمه/ هههههههههههه يا بختك
كامل / لو عوزاه قوليلى كنتوا بتقولوا ايه
بسمه/ خليك فاكر انك مسبتليش حل تانى
بسمه تطلع موبايلها / الو ايوه يا معتز انت مشيت طب تعدى عليا فى الصيدليه
كامل / مبتهددش انسى
بسمه/ هنشوف بس خليك فاكر انك ضيعت على نفسك المحشى
كامل / و لا يهزنى
بسمه/ ماشى
أنت تقرأ
بكابوزه بقلم / لولو محمد ( كامله )
Romanceمعاناه بنت مراهقه مع السمنه و البحث عن الحب رومانسي كوميدى
