بكابوزه بقلم / لولو محمد ( كامله )

الحلقه ١١

#lolo #لولو_محمد
(((((((((((((بكابوزه )))))))))))))))))
الحلقه الحاديه عشر
بسمه/ يعنى مش عاوز تتكلم معايا
معتز/ هتقولى ايه
بسمه/ يا معتز مش اول مره ياما دقت عالراس طبول حتى لو مكنش فارس مياما عساكر بترخم و انت حاكيلى مواقف كتير قبل كدا
معتز/ يابنتى انا تعبت انا من يوم موعيت عالدنيا و انا باخد على دماغى و بسكت متعينتش و اللى بعدى اتعين و خلونى اسكت عشان احنا غلابه روحت اشتغلت محامى تحت اللتمرين سنتين عند محامى و فى الاخر مختش جنيه و لما جيت اتكلم منعتونى هتفضلوا مسكتينى لحد امتى
...............................................
بسمه/ احنا بنخاف عليك و الناس دى مبتتقيش ربنا و لا بابا و لا ماما حمل بهدله
معتز/ تعبت من دور الغلبان تعبت مالمشى جنب الحيط انتى ليه مش حاسه بالنار اللى جوايا
بسمه/ حاسه والله بس المشى جنب الحيط ارحم بكتير من انك تتكسح او تموت
معتز/ طب اسكتى
بسمه/ على فكره انا مسحت بيه الارض
معتز/ انتى معاكى رقمه
بسمه/ مسحته خلاص
معتز/ هاتى موبايلك
بسمه/ هتعمل ايه
معتز/ و لا حاجه هو الغلبان اللى زيى يقدر يعمل حاجه اخره يكسر عينه فى الارض
بسمه/ معاش و لا كان اللى يكسر عينك انت احسن منهم كلهم و محدش كان هيحطك فى دماغه الا لانك حارقه اوى تعرف ان فريال سابت فارس
معتز/ احسنلها
بسمه/ جت و اعتزرتلى النهرده و فوسط الكلام جت سيرتك و هرتنى اساله عنك
معتز/ ههههههههه ارحمونى
بسمه/ ههههههههه وانا مالى مانت اللى مز
معتز/ سيبك انتى كلهم سكه اصلا
بسمه/ يعنى مفيش و لا بنت لفتت انتباهك ابدا
معتز/ انا عينى مليانه
بسمه/ و مين بنت المحظوظه دى اللى ملت عينك يا مجننهم انت
معتز / هههههههههه تفتكرى انها محظوظه
بسمه/  اقولك سر بس اوعى تقوله لحد
معتز / فى بير
بسمه/ تعرف انت لو مكنتش اخويا انا كنت حبيتك
معتز متنح
بسمه/  انت بتبصلى كدا ليه
معتز/ متاخديش فى بالك اوعى بقى خلينى انام
بسمه تفرشله الكنبه
بسمه / تصبح على خير
معتز/ وانتى من اهله يا بنت عمى
.......
فى الكليه تانى يوم
فريال / ايه يا بسمه مش هتحكيلى اللى حصل امبارح
بسمه/ خلاص حوار و خلص كبرى مخك
فريال/ اكبر مخى ازاى اتصلتى بيا و انتى عصبيه و طلبتى رقم فارس و قولتى انه عمل مصيبه
بلسم/ انا هحكيلك كل حاجه
بسمه/ يا بلسم خلاص مش فيلم هو
فريال/ يا بنتى مش احنا صحاب احكى
بسمه / ماشى هحكيلك
......
فى الكافيتريا
فارس قاعد مع محمد و بيدحكوا
محمد / يابن الايه دانت مفترى
فارس / ولسه انت فاكرها خلصت على كدا
محمد/ ايه انت ناوى على ايه
فارس / اما جبتلك مناخير البت دى الارض مبقاش انا دانا هخليها تسيب الكليه خالص
محمد/ ياعم متكبرش الموضوع الواد  بخ فيك ظبطه كنت عاوز تربيه زياده كنت دوخته عالرخصه
فارس/ ياعم رخصه ايه يابنى انت لو تعرف اللى فى دماغى مش هتصدق
محمد/ هو مش انت صحيح سبت فريال
فارس / اه ليه
محمد/ اصلها جايه علينا ووشها شرار
فريال تدخل
فريال/ عوزاك يا فارس لو سمحت
محمد / طب هقوم انا اشترى اى حاجه عن اذنكوا
فارس قاعد و مبيبصلهاش حتى
فريال/ دى اخرتها يعنى طول الفتره دى بتشتغلنى
فارس/ مش حضرتك قفلتى السكه فوشى بتكلمينى تانى ليه
فريال/وانت مش حاسس انت قولت ايه وبعدين يعنى بالسرعه دى خلاص قلبت على بنت تانيه هو كل كلامك ليا كان اشتغاله
فارس/ بنت مين دى اللى اقلب عليها وبعدين انا كنت فاكرك جايه تصالحينى انتى بتعاتبينى على ايه اساسا
فريال/ بسمه
فارس / مالها زفته
فريال/ ايه مكلمتهاش امبارح و قولتلها انك غيرت لما شوفتها مع معتز مرخمتش عليها
فارس/ وانتى صدقتيها انتى عارفه انا بكلمك تانى بعد اللى عملتيه عشان بحبك و هى يعنى بسمه دى حد يبصلها
فريال/ امال يعنى بتتبلى عليك
فارس / دى بتوقع بينا يا هبله يابنتى انا هفهمك البت دى ابوها سواق تاكس فى ظابط سحب رخصته اتصلت بيا و كانت منهاره و اترجتنى اشوف حد من معارف بابا يجيبهالها و لما جبتها اتصلت بيها و روحت اديتهالها خدمه انسانيه مش اكتر
فريال/ امال ايه الكلام اللى قالته ده
فارس / هو اى واحده تقولك اى كلام تصدقيها كدا عادى يابنتى فكك هو بسمه دى اصلا حد يبصلها و بعدين بذكائك كدا فى حد يبقى قدامة المانجه و يبص للخرشوف اعقليها بقى
فريال/ اوعى تكون بتكدب عليا
فارس/ يا بت اغنيهالك امال لو مكنتش بحبك يابنتى احنا اتحسدنا والله و لعلمك انا مش هسكت انا البت بسمه دى همسحلك بكرامتها الارض قدام الدفعه كلها
فريال/ لا متشغلش بالك انا هظبطها بنفسى
فارس/ طب خلاص صافيه لبن
فريال/ انا برده لسه زعلانه من الكلام اللى قولتهولى فى التليفون
فارس/ هصالحك هعزمك بعد الكليه فاى حته
فريال/ طب هقوم بقى عشان محمد راجع
فارس / سلام يا بيبى
فريال تمشى و محمد يرجع
فارس / مجبتش فشار ليه
محمد / فشار ايه هو انت فى السينما
فارس/ الفيلم هيبدا حالا
محمد/ هى عليت و لا ايه
فارس/ اصبر و شوف جهز النضاره الثرى دى و الفشار و اقعد اتفرج انت بس
........
فى المدرج
بسمه / انا زهقت هو الدكتوره دى مش ناويه تيجى و لا ايه
بلسم/ يارب متجيش بيقولوا فى كويز و هتحط عليه نص اعمال السنه
بسمه/ مانا عشان كدا خايفه  انا مزاكرتش كويس اديكى شايفه الظروف
بلسم/ عليا انا برده يا بت دانتى موس
فريال تدخل
بسمه/ مالك يا فريال
فريال/ مش عيب تبقى كبيره كدا و تكدبى
بلسم/ فى ايه يا فريال
فريال/ متدخليش انتى ماشى
بسمه/ انتى ازاى تتكلمى معانا كدا اصلا
فريال/ اتكلم زى مانا عاوزه انتى اصلا ليكى عين تتكلمى سبحان الله يوم مقولك ان انا و فارس سبنا بعض تتصلى بيا و تاخدى تليفونه و تانى يوم يبقى بيحبك و سابنى عشانك
بسمه/ انا مقولتش كدا
فريال/ انتى هتعمليهم عليا ايه اللى يخليكى تتصلى بفارس رخصه ابوكى اتسحبت كان حد قالك ان فارس شغال فى المرور
بسمه/ انتى عاوزه ايه
فريال/ بصى يا شاطره فارس ده تطلعيه من دماغك ماشى عمره مهيبصلك بقى معقول يسيبنى انا و يبصلك انتى ليه يعنى طب على الاقل ينقى واحده عدله
بلسم/ عيب كدا يا فريال
فريال/ العيب لما يجى في اهل العيب ميبقاش عيب دى واحده زباله بترمى نفسها عالرجاله و تتصل بيهم و تتسهوك و تطلع عليهم كلام امال لو كنتى حلوه ايه معندكيش مرايات فى بيتكم
بلسم/ على فكره انتى مش محترمه
فريال/ انا و لا الست هانم اللى جنبك تصدقى يا نسمه انتى اصلا اصلا انتى فعلا اخرك سواق تاكس متكحرت و مضروب بالنار عشان يبصلك اساسا  مع انى مش عارفه هو شاف فيكى ايه نضارتك و لا وشك اللى عامل زى شوارع الحارارت من كتر الحبوب اللى فيه و لا جسمك اللى عامل زى البالونه دى خزينه برقابتك فاكره خزينه يا نسمه دانتى اوحش من هبه رجل الغراب
بسمه قاعده ساكته و بتبص فى الارض
بلسم/ انتى ايه يا شيخه
فريال/ واحد طول عمره بيقولك  يا نسمه و بيالس على طخنك و شكلك فى كل كلامه فجاه بقى بيحبك فجاه بقى بيغير عليكى طب نقى حد فمستواكى بس العيب مش عليكى العيب علينا احنا ايوه احنا اللى عطفنا عليكى و اديناكى فرصه تدخلى وسطينا بس واحده حقوده زيك اكيد هتبخ سمها فوسطينا عشان تفرقنا يلا بلا قرف
فريال تمشى و بسمه قاعده و باقى الدفعه بتتفرج
بلسم/ ازاى تسكتيلها و هى بتكلمك كدا دى بت متربتش وربنا و تستاهل واحد زى الكلب ده يدحك عليها
بسمه بتعيط و تحاول تدارى دموعها متعرفش تلم حاجتها و تطلع تجرى مالمدرج
بلسم / طب استنى يا بت طيب و الكويز
بسمه تسيبها و تجرى تخبط فى فارس على باب المدرج
فارس/ مالك يا بسمه بتعيطى ليه
محمد/ فى حاجه يا بسمه
بسمه تبصلهم و تجرى
فارس/ ايه رايك بقى
محمد/ يخربيتك ايه الدماغ السم دى صحيح فرق تسد
فارس/ لو ليها عين تانى تورينا وشها هنا اصلا
محمد/ مفتكرش دى اخرها كدا يا معلم ان مولعتش فى نفسها اصلا
فارس/ خليها تروح و تعيطله بقى عشان نشوف اخرتهم ايه
محمد/ اخرتهم خلصت على كدا هو فى بعد كدا
فارس/ فى بس هى تورينى نفسها بس و انا اخليهم يحفروا قبرهم بايدهم و يردموه عليهم كمان
محمد/ لا برنس يا معلم
..........
قدام صيدليه كامل
بسمه بتمشى بسرعه و هى بتعيط
كامل/ دكتوره بسمه دكتوره بسمه
بسمه متسمعلوش و تسرع عالبيت
كامل/ مالها دى
بسمه تطلع البيت بتعيط بسرعه
اخلاص/ بت يا بسمه انتى يا بت ....مالها دى ..،. يا سيد سيد
سيد/ ايوه يا ست اخلاص
اخلاص/ النبى يابنى تاخد بالك مالدكان هطلع اشوف حاجه بسرعه
سيد/ فى عينى يا ست الكل
.......
فى البيت
بسمه تقفل باب الشقه و ترمى الكتب فى الارض و تدخل تترمى عالسرير بتاعها و تعيط
اخلاص تدخل وراها تلاقى الكتب مرميه
اخلاص/ مالك يا بت يا بسمه راجعه بدرى ليه و مالك ايه اللى مخليكى تعيطى كدا
بسمه/ مفيش سيبينى لوحدى
اخلاص/ اسيبك لوحدك دا ايه انتى اتهبلتى ايه يا بت اللى حصل
بسمه/ كان فى امتحان و محلتش كويس ارتاحتى سيبينى بقى
اخلاص/ ميولع الامتحان عالتعليم كلو ايه اللى يقهرك كدا مطظ فى الامتحان
بسمه/ سيبينى انام يا ماما ابوس ايدك سيبينى لوحدى بقى
اخلاص / طب انتى جعانه اجيبلك تاكلى
بسمه/ مليش نفس سيبينى بقى
اخلاص / انا تحت لو عوزتى حاجه
.........
اخلاص تنزل الدوكان
سيد/ فى ايه يا ست الكل
اخلاص/ و النبى ياخويا معارفه بتقول محلتش كويس فى امتحان
سيد/ يا ست اخلاص هما اللى اتعلموا كانوا خدوا ايه معلى يدك
اخلاص/  تلاقى الدكتور قالها كلمه دايقتها انت عارف بسمه نفسها عزيزه
سيد/ الدكتوره بسمه دى زينه الحته كلها ربنا يبارك فيها يارب
اخلاص/ عامل ايه فى جهازك ياد يا سيد صحيح
سيد/ هانت الشقه خلصت يوم السبت الجاى هنروح دمياط نستقضى العفش
اخلاص/ يعنى هانت
سيد/ اه باذن الله شهرين بالكتير و نعمل الفرح
اخلاص/ على خير يابنى
سيد/ عقبال معتز و الست بسمه
اخلاص/ من بقك لباب السما
.......
بالليل معتز يدخل يلاقى نبيل و اخلاص عالطبليه بياكلوا
معتز/ مساء الخير
نبيل/ مساء النور حماتك بتحبك تعال كلك لقمه
معتز/ هو بسمه فين
اخلاص /رجعت مالكليه بتعيط و من ساعتها نايمه فى اوضتها
معتز/ طب هخش اشوف مالها
نبيل/ سيبها يا معتز و تعال كلك لقمه هى لو جعانه هتيجى تاكل مانت عارفها
معتز/ و عشان عارفها عارف ان الموضوع كبير عن اذنكوا كلو انتوا
.......
فى اوضه بسمه اول متحس بمعتز تعمل نفسها نايمه معتز يحط ايده عالمخده يلاقيها مبلوله
معتز/ استاخرى اقعد جنبك شويه
بسمه مبتتحركش
معتز/ انا جعان مش هتيجى تاكلى
بسمه مبتتحركش
معتز/ طب مش واكل انا اصلا مبيجيليش نفس احط لقمه فى بقى الا و انتى جنبى
بسمه تقوم و تعد و تبصله
معتز/ للدرجادى
بسمه تعيط
معتز /مالك يا بت فى ايه
بسمه تبص بعيد معتز يحرك وشها بايده يخليها تبصله
معتز/ فى ايه
نبيل يدخل
نبيل/ انا نازل اللعب دورين طاوله عالقهوه مفتاح التاكس جنب الباب عاوز حاجه تانى يا معتز
معتز/ شكرا يا بابا
نبيل ينزل و اخلاص تدخل معاها طبق فى اكل
اخلاص/ خليها تاكل لقمه يابنى يقطع الامتحانات عاللى بيحطوها انا نازله الدكان
معتز ياخد الطبق و اخلاص تنزل
معتز/ بموت فى الكوسه بالفراخ قومى كلى معايا افتحى نفسى
بسمه/ انا مش عاوزه اكون طخينه تانى
معتز/ كويس بس ايه اللى جد خلاكى تاخدى القرار ده
بسمه/ مفيش انا زهقت من طخنى زهقت و خلاص
معتز/ ماشى خلاص شوفى محتاجه ايه و انا معاكى
بسمه/ انا نفسى اموت و اخلص بقى
معتز / طب خدى حته الفرخه دى انتى بتحبى الدبوس خدى حته صغيره
بسمه/ مش عاوزه اكل
معتز/ و اهون عليكى افضل جعان بصى انا معلقه و انتى معلقه و احكيلى اللى حصل
بسمه / لا
معتز/ يا بنتى حرام عليكى حتى اللى بيخسوا لازم هياكلوا كلى الفراخ و الكوسه بس بلاش الرز
بسمه / سيبنى يا معتز اقعد لوحدى شويه و لما هعوز احكيلك هاجى اكلمك بس انا مش قادره دلوقت
معتز/ انتى بجد متخيله انى اقدر اسيبك و انتى بالمنظر ده و امشى
بسمه/ هسيبهالك انا عن اذنك
بسمه تقوم و تطلع فى الصاله و معتز يمسك ايدها
بسمه/ سيبنى ابوس ايدك سيبنى
معتز / انا عملت فيكى ايه بتعزبينى كدا
بسمه تعد عالكنبه و تعيط
معتز / ليكى حد اقرب منى تحكيله همك
بسمه/ مينفعش احكيلك
معتز/ ليه بقى ان شاء الله
بسمه/ كدا مينفعش احكى لحد
معتز/ ليه ايه اللى حصل حد عاكسك
بسمه/ متخفش انا اصلا مفيش حد يبصلى مين هيبصلى واحده بمنظرى ده مين هيبصلها انت تبصلى
معتز/ اه ابصلك اوى كمان
بسمه/ بطل تدحك عليا بطل تقولى كلام يدينى امل عشان ماخدش على قفايا اكتر من كدا
معتز/ مين ابن الكلب اللى يقدر يديكى على قفاكى و انا عايش اصلا
بسمه تسكت معتز يحط طرف حته فرخه على شفايف بسمه و هى بتعيط
معتز/ اجيبلك شيكولاته
بسمه تبصله و تبتسم
معتز/ انا كنت مخبى واحده فى اوضه بابا استنى هجيبهالك
معتز يحاول يقوم بسمه تمسكه
بسمه/ مش عاوزه شيكولاته
معتز/ طب عاوزه ايه يخليكى تبطلى عياط
بسمه/ معرفش