UNI....
အတန်းထဲ စီနီယာတွေက သဘောကောင်းပြီး ကျွန်တော်ကို အလိုလိုက်ကြသည်။တစ်ဦးတည်းသောသူငယ်ချင်းလေးကလည်း ကျွန်တော်ကို သိပ်ခင်တွယ်သည်။ရင်ဖွင့်သမျှ နားထောင်ပေးပြီး အမြဲ အကြံဉာဏ်တွေ ပေးသည်။ကျွန်တော်အတွက် ရှောင်ကျွင့်က အကောင်းဆုံးသူငယ်ချင်းဖြစ်၏။အမြဲတမ်း တတွဲတွဲ၊အတွဲညီနေတဲ့ကျွန်တော်တို့နှစ်ယောက်ကို အင်ဂျင်နီယာဌာနက အမွှာတွေလို့ လူသိများသည်။ကျောင်းတတ်ရက် ဘယ်လောက်မှာ မရှိသေးဘဲ နာမည်ကြီးလာတာ
ကျွန်တော်ကို အနေရခက်စေသည်။ဂျာမနီမှာ ကျောင်းတတ်တုန်းက ဘာသာစကား အခက်အခဲကြောင့် သူငယ်ချင်း မထားဘဲ တစ်ယောက်တည်း ဖြတ်သန်းလာတာကြောင့် အခုလို လူအများကြီးဆီက အချစ်ခံရလာပျော်လည်း ပျော်သလို တစ်ဖက်မှာလည်း ကိုကို့မျက်စိ ဆံပင်မွှေးစူးမှာ ကြောက်ရသည်။
ကိုကိုက ကျွန်တော် ဘယ်လိုနေနေ ကြည်ဖြူတဲ့သူ မဟုတ်ဘူး။အခုနောက်ပိုင်း နည်းနည်း အမြင်ကြည်လာတယ်ဆိုပေမယ့် မျက်နှာသေနှင့် အေးစက်စက်ကြည့်ဆဲပင်။တစ်ခါတစ်လေ မျက်မှောက်ကြုတ်ပြီး အချိန်အကြာကြီး စိုက်ကြည့်တတ်သည်။ဖွင့်ပြောလိုက်ပြီးနောက်ပိုင်းမှာ
ကိုကိုဆီက တရားခံတစ်ယောက်လို အမြဲစောင့်ကြည့်ခံနေတာကြောင့်ကိုကိုရှေ့မှာ အနေအထိုင်က အစ ဆင်ခြေရသည်။
ကျွန်တော်သာ အချိုးပြေရင် ကိုကို ပြန်ချစ်လာ နိုင်တယ် မဟုတ်လား။
🔺🔻🔺
စီနီယာအီဂျဲနိုဆီမှာ တစ်ဆင့် ကိုကို့အကြောင်းကို သိခဲ့ရသည်။ကိုကိုက လူတွေရဲ့မျက်နှာကို အချိန်ကြာရင် မေ့သွားတတ်တယ်တဲ့လေ။ထိုစကားကြားတော့ ကိုကို ကျွန်တော့်အပေါ် လိမ်ညာနေတာမဟုတ်မှန်း သိလိုက်ရသည်။သို့ပေမဲ့ စိတ်မကောင်းဖြစ်မိတယ်။ကိုကို့မှတ်ဉာဏ်တွေထဲ ကျွန်တော့်နာမည်လေးတောင် မရှိတော့ဘူး။
ကျွန်တော်နဲ့ပတ်သတ်တဲ့အရာ အားလုံးကို မေ့ဖျောက်ပစ်တာ လွန်းလွန်တယ်။
သို့ပေမဲ့ ကိုကို့မျက်နှာချောချောကို ငေးကြည့်ရင်း စိတ်ဖြေလိုက်တယ်။ဒါ ကိုကို့အမှားမှ မဟုတ်တာ။ကိုကို့ရဲ့ဖြစ်တည်မှုလေ။ကျွန်တော်က နားလည်ခွင့်လွှတ်ပေးရမှာပေါ့။
