UNI....
လူတစ်ယောက်ကို ရိုက်ခွဲချင်လောက်သည့်အထိ ဒေါသထွက်မိသည်။အနားက ပျောက်သွားရင်တောင် စိတ်မချဖြစ်လွန်လွန်းလို့ အရိပ်တကြည့်ကြည့်နေလာခဲ့တာကို မျက်စိရှေ့ကနေ ထွက်သွားရက်တယ်။အမြဲတမ်း ဆူပူနေလို့ သူ့အမြင်မှာ ကိုယ်က စိတ်ရှုပ်စရာကောင်းတဲ့လူတစ်ယောက်လို့ ထင်နေမှာစိုးလို့ အလျော့ပေးခဲ့တယ်။တစ်ခါတစ်ရံ စိုးရိမ်မှုအလျောက် ဆူကြိမ်းမောင်းခဲ့တာတွေရှိပေမယ့် ဒါတွေဟာ သူကို စိတ်ပူလို့ ပြောတဲ့စကားတွေ။
နှလုံးသားတစ်ခုလုံးနဲ့ရင်းပြီး သဘောကျရတဲ့ကလေးတစ်ယောက်မို့ ဖွင့်ဟပြောဖို့အတွက် အမြဲတွေးဝေခဲ့တယ်။သူဘက်က ပစ်ပစ်ခါခါငြင်းလိုက်မှာကြောက်လို့ သူ့စိတ်ကို စမ်းသက်ခဲ့ပေမယ့် ကိုယ်ကို အဖက်မလုပ်ခဲ့ဘူး။ဒါကိုပင် အားမရဘူးထင်တယ်။ခဏ ခဏရှောင်ဖယ်ပြီး လေစိမ်းတွေလည်း တိုက်ခဲ့တယ်။သူ ကိုယ်ကို သဝန်တိုပေမယ့် မပြောရဲမှာစိုးလို့ လမ်းကြောင်းဖွင့်ပေးခဲ့တာကို အတင်းငြင်းဆန်ခဲ့တယ်။နောက် နေသားကျသွားမှာ တဲ့လေ။
ထိုစကားကြားရတော့ အတော်လေး နာကြည်းမိတယ်။သူအတွက် ကျွန်တော်က လွယ်လွယ်မေ့ဖျောက်လို့ ရတဲ့သူလား။ဘဝတစ်ကွေ့မှာ ခဏတာတွေ့ဆုံခဲ့တဲ့သူတစ်ယောက်လို ကျွန်တော်ကို သတ်မှတ်ထားတဲ့အီဒုံဟျော့ခ်ဆိုတဲ့ကလေးတစ်ယောက်ကို ခံပြင်းပြီး ဒေါသထွက်တယ်။
ထိုကြောင့်ပဲ ဒေါသစိတ်ဖြင့် သူကို အနိုင်လိုချင်ခဲ့သည်။သူ့မျက်နှာလေး ညှိုနွမ်းနေသည့်ကိုကြည့်ပြီး သဘောကျကျေနပ်ခဲ့ပြီး တစ်ဖက်မှာလည်း စိတ်မကောင်းဖြစ်မိသည်။ဒီကလေးကို ကျွန်တော်က အမြဲပြုံးပျော်စေချင်တာ။ဒါပေမယ့် အီဒုံဟျော့ခ်က ကျွန်တော့်အချစ်တွေနဲ့ မတန်ဘူး။
ကျွန်တော်ကတော့ သူကို မေ့သွားမှာကြောက်သည့်စိတ်နှင့် သူကို အတွေးထဲမှာ နေ့တိုင်းပုံဖော်ခဲ့တယ်။ဒီကောင်လေးကို မေ့သွားရင် ရင်နာလို့မဆုံးဖြစ်မှာစိုးလို့ သူ့ဓာတ်ပုံတွေကို ခိုးရိုက်ပြီး သိမ်းထားခဲ့တယ်။သူရဲ့ချစ်စဖွယ်မျက်နှာလေးကို မမေ့ချင်ဘူး။ကျွန်တော့်ဘဝမှာ လူတစ်ယောက်မျက်နှာကို မေ့သွားမှာ ကြောက်လန့်ပြီး ပူပန်ခြင်းမျိုး တစ်ကြိမ်၊တစ်ခါမှ မရှိခဲ့ဖူးဘူး။မေ့သွားခဲ့တာကိုလည်း နောင်တမရဘူး။ကျွန်တော်က လူတွေရဲ့မျက်နှာကို အချိန်ကြာရင် မေ့သွားတတ်တဲ့လူတစ်ယောက်မို့၊ဒါဟာ ကျွန်တော်ရဲ့ဖြစ်တည်မှုမို့ လက်ခံနိုင်သည်။သို့သော် ဒုံဟျော့ခ်ကိုတော့ ထိုကဲ့သို့ မဖြစ်ချင်ပါ။
