✍️ Unicode
" ဟင့်… အင်း…… "
ငြိမ်းချမ်းတို့နှစ်ယောက်သားပြိုင်တူငြင်းလိုက်တဲ့အခါ မမြတ်သူသူမျက်စောင်းက ငြိမ်းချမ်းနဲ့ဘုဏ်းမိုရ်ဆီဒိုင်းခနဲရောက်လာသည်။
ရှေ့ကိုတော်တော်ထွက်လာပြီဖြစ်တဲ့ ကိုယ်ဝန်ကြီးနဲ့ မမြတ်သူသူက ငြိမ်းချမ်းတို့အနားမှာလက်ထောက်ပြီးထိုင်ချလိုက်ကာ ပုဆိုးတွေကိုငြိမ်းချမ်းနဲ့ဘုဏ်းမိုရ်ရှေ့ကိုချပေးသည်။
" ငြင်းမနေနဲ့… နင်တို့ဖို့ဝယ်လာတာ… ယူကြ… "
မောင်နှမတွေလိုဖြစ်နေကြပြီမို့ နင်ရယ်ငါရယ်လို့ပြောကြပေမဲ့ ရိုင်းတယ်မထင်တော့ပါ။အခုလည်း သူ့ယောက်ျားကိုသာတုတ်ဖို့ပုဆိုးဝယ်ရင်း ငြိမ်းချမ်းတို့အတွက်ပါဝယ်ခဲ့တဲ့ပုဆိုးကိုပေးဖို့မေ့နေခဲ့တာတဲ့လေ။
" ဒါဆိုလည်း ဘုရားပွဲမတိုင်ခင်ကပေးပါလားဗျ… အခုဘုရားပွဲနေ့ကြမှပေးရလား… မယူချင်ပါဘူး…… "
" ဟဲ့… ငါလည်းမေ့တာပေါ့ဟဲ့… နင်တို့မပြောနဲ့ငါ့ယောက်ျားကိုတာတုတ်တောင် ဒီနေ့မနက်မှထုတ်ပေးဖြစ်တာ…… "
" အင်းလေ အဲဒါကြောင့်ပြောတာပေါ့… သူ့ယောက်ျားကိုပေးတုန်းနဲ့ကြုံတာမို့ မကောင်းတတ်လို့ပေးရသလိုလိုနဲ့ မယူနဲ့နော်ကိုချမ်း…… "
" အေး… ငါလဲမယူဘူး…… "
" အော်ဟဲ့… အခုလည်းဆွမ်းလောင်းတုန်းဝတ်လို့ရပါတေးတယ်ဟဲ့… မီပါတေးတယ်… နင်တို့နှစ်ယောက်ကဘုရားပင့်ရမှာဆို… အဲ့အချိန်ကြဝတ်ပေါ့ဟဲ့… အခုမဝတ်ချင်တော့ရင်လည်း နောက်ပွဲတွေကြဝတ်လို့ရပါတယ်… အလှူတွေရှိတေးတာကို… တကတဲ… "
ငြိမ်းချမ်းတို့က ချစ်လို့စနေမှန်းသိတာမို့ မမြတ်သူသူကလဲစိတ်ဆိုးနေတာမဟုတ်ပါ။ပုဆိုးကိုလဲ မယူချင်တာမဟုတ်။ဒီအတိုင်း စချင်လို့ကိုစနေကြတာမျိုး။
ကိုသာတုတ်ကတော့ သူ့မိန်းမ မမြတ်သူသူနဲ့ ငြိမ်းချမ်းတို့အခြေအတင်ပြောနေကြတာကိုအဝတ်အစားလဲရင်း ပြုံးကြည့်လို့။သူကြီးကတော့ ဘုန်းကြီးကျောင်းကိုသွားနေတာမို့ အိမ်မှာမရှိ။
YOU ARE READING
💕 ချစ်သောအမောင်
Romanceနဖူးစာမှန်ပြီဆိုရင် သိကြားမင်းဆင်းခွဲတောင် မကွဲတော့ဘူးတဲ့ ❤️❤️ yawthawemaung နဖူးစာမွန္ၿပီဆိုရင္ သိၾကားမင္းဆင္းခြဲေတာင္ မကြဲေတာ့ဘူးတဲ့ ❤️❤️
