✍️ Unicode
" ငါ့ဘဝမှာ… ဒီလိုမျိုးတစ်ခါမှ မခံစားခဲ့ဖူးဘူး သိလား…… "
ကလေးအဖေဖြစ်တော့မဲ့ ကိုသာတုတ်အသံမှာ ပျော်ရွှင်တက်ကြွမှုတွေအပြည့်နဲ့။ငြိမ်းချမ်းတို့နှစ်ယောက်နဲ့ကိုသာတုတ်အပါအဝင်သုံးယောက်သား မြေပြင်ပေါ်မှာထိုင်ကာ နှုတ်ပြီးသားမြေပဲပင်က မြေပဲဥတွေကိုခြွေနေကြတာမို့ အေးအေးဆေးဆေးစကားပြောလို့ရနေကြတာပင်။
နေ့လည်ထမင်းစားပြီး ခဏတာတရေးတမောအိပ်ကာ ထခြွေကြတာမို့ မြေပဲတွေကတောင်းနဲ့ပြည့်လုနီးပါတောင်ရှိနေခဲ့ပါပြီ။
" ကိုသာတုတ်က သားလိုချင်တာလား… သမီးလိုချင်တာလား… "
" ဘာ ရရပါကွာ… ကိုယ့်တွေးကိုယ့်တားပဲ… ချစ်ရတာပ… တားဆိုရင်ငါအဖော်ရ… တမီးဆိုတော့လည်း တူ့အမေအဖော်ရတာပေါ့… "
" အခုမွေးတာက သားဆိုလည်း နောက်ထပ်သမီးလေးမွေးဦးပေါ့ဗျ… သမီးဆိုလည်း သားလေးမွေးဦးပေါ့… "
" အင်းပေါ့… လိုချင်တလိုရရင်တော့ကောင်းတာပေါ့… "
" ဘာဖြစ်လဲ မွေးပစ်စမ်းပါ… ကိုသာတုတ်လည်းစွမ်းသေးတယ်… မမြတ်သူသူလည်းမွေးနိုင်သေးတယ်လေ… အဟဲ… "
" အာ........... "
ဘုဏ်းမိုရ်နဲ့စကားကို ကလေးအဖေဖြစ်တော့မဲ့ ကိုသာတုတ်ကရှက်နေတုန်း။
" ချစ်သောကော ကလေးတွေဘယ်နှစ်ယောက်လောက်လိုချင်လဲ…… "
" ဘုဏ်း.... မိုရ်…… "
အမှတ်တမဲ့လှမ်းမေးလိုက်တဲ့ ဘုဏ်းမိုရ်ကို ငြိမ်းချမ်းလှမ်းအော်လိုက်ပေမဲ့ ချစ်သောလို့ခေါ်သံကို ကိုသာတုတ်မကြားအောင်တော့ ငြိမ်းချမ်းမတတ်နိုင်လိုက်။
" အော်မနေပါနဲ့ကွာ… မင်းတို့နှစ်ယောက်အကြောင်းကို မြတ်တူပြောပြလို့ ငါတိပြီးတားပါ…… "
" ဗျာ ဘာတွေတိတာလဲ… "
ရုတ်တရက်စိတ်လှုပ်ရှားသွားတာမို့ ငြိမ်းချမ်းမှာ သ နဲ့ တ တောင်မပီလိုက်။
" ဘာတွေတိရမှာလဲ… မင်းတို့နှစ်ယောက်ကြိုက်နေကြတဲ့အကြောင်းပေါ့… "
YOU ARE READING
💕 ချစ်သောအမောင်
Romanceနဖူးစာမှန်ပြီဆိုရင် သိကြားမင်းဆင်းခွဲတောင် မကွဲတော့ဘူးတဲ့ ❤️❤️ yawthawemaung နဖူးစာမွန္ၿပီဆိုရင္ သိၾကားမင္းဆင္းခြဲေတာင္ မကြဲေတာ့ဘူးတဲ့ ❤️❤️
