وش فيك ياسعود عقبي تغيرت وش سوت بك الدنيا بغيابـي؟ ~ سعوديه ~

وش فيك ياسعود عقبي تغيرت وش سوت بك الدنيا بغيابي؟ 3

لاتنسون تكبرون توقعاتكم ياحلوين ونشركم للروايه ❤️
.
.
.
القـريه..
بصراخ مليء بالغضب والاستفزاز قال احد اهل القريه عقب مادفّ سعود على بابهم : امسكي اخوتس لا اشوفه فشلني عند الرجال الله لا يوفقه .. ماتعرفين تمسكينه انتِ؟
وطـن مسّكته بخوف شديد عليه ونطقّت بغصّه : حرام عليك وش سوى لك ؟ ماتخاف ربك انت تعرف سعود ماهو غريب .. المفروض ماتتغير عليه .. ليه وش صار عشان تصدّون عنه كلكم وش سوى لكم ؟
الرجال بسُخريه ونظراته على سعود بحقد : لا بالله عليتس تبينا ناخذه بالاحضان ؟ عقب اللي سواه اخوكم احمدوا ربكم ماطردناكم من القريه بكبرها .. امسكي اخوتس قبل اتصرف معه تصرف ثاني .. وهذا اخر تحذير لكم .. سلام
راح تحت نظراتهم واول مااختفى نطق سعود بهدوء وعيونه تلّـمع : انا بس كنت ابتقهوى معاهم واسولف ليش يسوي فيني كذا هو ماهو حبيب انا مااحبه مااحبهم كلهم دايم يضربوني ويقولون لي لا تجي عندنا بس انا طفشان وين اروح ؟ ماعندي احد دايم لحالي ليه مايبوني ليه ماسويت شي انا ماسويت شي ..
وطن ماتحملت وبكت من كل قلبها وهي تضمه برجّفه ماقدرت تسيطر عليها : ليـه ليـه ياسعود .. لا تقول كذا الله يخليك لا تحرق قلبي عليك انا معك موجوده انا بجنبك ياسعود ..
سعود انصدم من ردة فعلها وضحك بدون شعور : اصلا امزح هم مايقولون لي شيء ويلعبون معاي عادي عادي لا تبكين والله ماسووا لي شيء انا اكذب انا كذاب لا تصدقيني
وطن شدّت عليه ودموعها تسيل وقلبها ينبض بعنف : الا هم دايم يضرونك وانت يجرحك هذا الشيء ادري بس والله مااعرف وش اسوي والله ياسعود اني مالي قدره عليهم سامحني ماعرفت اهتم فيك تكفى سامحني ، انا اخت فاشله ودايم راح اكون فاشله .. اهه ياسعود اهه
سعود بادلها الحضن وبدا يطبطب على ظهرها وهو ساكت وهي تبكي بحرقه وماتبي تفلتـه ابدا ..
.
.
همـام ..
ركب سيارته ومشّى وهو على يقين انه بيسوي اللي براسه بكل هدوء وركـاده .. كل اللي في باله سعود واخباره .. ماهمه اي احد ثاني ولولا سعود مافكّر بالقريه دقيقه وحده !
سـاعه .. ساعتين ... ثلاث ... اربع ... خمس واكثر وبالضبط الساعه تسعه بالليل وصل ودخل القريه مندهش من الذكريات اللي داهمته بقوه .. وكانه للحين ماطلع منها وكانه ماصار له سنين طالع منها ..
تنهّـد بعمق وتوجه لبيت سعود بارتباك .. وقف على باب بيتهم وتردد يطق الباب .. لاحظ اولاد يركضون متعدّين من عنده واول ماشافوه وقفوا مستغربين من هذا الشخص !
احدهم نطق بصوت عالي بجرأة : انت مين؟ جاي تاخذ سعود وتفكنا منه صح؟
ضحكوا اللي معه تحت صدمة همام اللي تقدم لهم ولازال منصدم من كلامه .. نطق همام باستغراب تام : وليه تبي تفتك منه؟
.
.

الولد بدون اهتمام : كل اهل القريه يكرهونه محد يحبه غير اخته اللي ربي مبتليها بسعود ..
عصب همام وماتحمل كلامه وبرفعة صوته كرشهم : مناك انت وياه .. يلا اختفوا من قدامي ..
ركضوا وابتعدوا عنه .. رجع عند الباب متضايق وقلبه اوجعه من كلام الولد وكره نفسه كثيييير لانه طول هالسنين ماعرف ايش صار مع سعود وهل هو بخير ؟
انفتح الباب قبل يطقه وطلع سعود بأستعجال وهو يردد وانظاره بالارض : حليب حليب بروح البقاله اجيب
رفع انظاره لهمام وعقد حواجبه بأستغراب وسكت بخوف ورجع ادراجه ينادي وطن اللي كانت قريبه منه ..
همام مصدوم من منظر سعود ولوهله كذّب عيونه وماصدق ان هذا سعود اللي يعرفه !!
وطن بخوف مسّكته : شفيك سعود ؟
سعود بتلعثم : رجال عند الباب انا شفته والله شفته
دخل همام بدون شعور وهو يسمع كلام سعود بدون تصديق وعيونه متسّعه بصدّمه ودموعه بدأت تشوش عليه النظر ..
وطن شهقت ودخلت داخل بخوف ولبست عباتها باستعجال خايفه على سعود منه .. يمكن جاي يهاوش زي غيره ..
لكن ماتدري انه همام اللي ركض لسعود وضمّـه على صدره بكل مافيه ..
سعود ماتحرّك وحس بشعور غريب وبقى واقف مستغرب تماماً حركته اللي كانت هاديه جدا على قلبه  ..
طلعت وطن وصرخت ومسكت سعود وبعدّته عنه .. وشافت همام اللي انظاره على سعود وعيونه تدمع .. عرفته وقشعر جسمها وتوسّعت عيونها وهمست بينها وبين نفسها بدون تصديق : هـ..هـمام !
همام نطق بغصّه : وش فيك ياسعود عقّبي تغيرت؟
سعود ناظر اخته نظره جديده عليها ماقدرت تفسرّها ..
وطن خنقتها العبره والمها قلبها حيل ونطقّت : سعود يحتاجك ياهمام .. وينك كل هالسنين عنه؟
ناظرها همام وعقد حواجبه مستغرب كلامها ونطق بقهر  : وش صار له .. علميني وش فيه !
سعود بتلعثم وتوتر : انا بروح الحمام
راح تحت نظرات همام .. لف لوطن اللي سرحت بفراغ ..
نطق بحدّه : وين سعد ؟
وطن غمضت عيونها وتنهدّت : عطاك عمره ..
ارتخت ملامحه ومسح على وجهه بصدّمه : عظم الله اجرك ..
وطن مسكت قلبها : اخوي سعد مات مظلوم .. اتهموه بجريمة ماارتكبها واعدموه بدون رحمة .. سعود من عقب ذاك اليوم وهو ماهو سعود اللي نعرفه .. سعود تغير ..
هز راسه بدون تصديق وسكت ثواني يستوعب اللي قالته .. : لا حول ولا قوة الا بالله العلي العظيم
.
.
.