وش فيك ياسعود عقبي تغيرت وش سوت بك الدنيا بغيابـي؟ ~ سعوديه ~

وش فيك ياسعود عقبي تغيرت وش سويت بك الدنيا بغيابي؟ 24

.
جبر على طول ناظر يد سعد بأمل وهو يتمنى انه يستجيب لهم وفعلا تحركت اصابعه مرتين واتسعت ابتسامة جبر وهو يمسح على وجهه : الحمدلله
ثريا ابتسمت بهدوء : الله يقومك بالسلامه
جلس جبر وهو مو مستوعب وماغابت الابتسامه عن وجهه : اللهم لك الحمد ، انا معك يا سعد لا تخاف وحقك ماراح يضيع
ثريا وعيونها على سعد همست : عندي احساس انه بيقوم قريب جدًا
جبر سمعها ولازالت انظاره على سعد وبداخله : يارب ياكريم
.
هاني ..
وقف هاني عند المستشفى ونزل وفتح الباب على وسن وجمد وهو يشوفها بدون حركه هز راسه يحاول يستوعب وشالها بسرعه ومشى داخل وهو يصارخ بخوف وعيونه تدور الممرضات اللي جو يركضون على صوته : ساعدوني
سدحها فوق السرير اللي جابوه واخذوها تحت نظراته ومسكه الدكتور مع كتفه يساله : وش صار لها ؟
هاني بلع ريقه ومسح على شعره والنظر مغبش من الدموع : اءء صـ.. صدمتها سياره مسرعه بس مدري مدري لا تسالني اكثر انقذها بسرعه ماابي افقدها
الدكتور هز راسه : عندها سكر ضغـ..
قاطعه هاني بغضب وبحده : لا مافيها شي اقولك صدمتها سياره ، لا تموت يادكتور لا تموت
راح من قدامه الدكتور وبقى واقف على الطريق وماتحرك وهو يناظر فراغ رغم اللي يمر تتضارب اكتافهم الا انه جامد ودموعه تسيل !
كان قدامه جبر اللي شاف كل شيء من البدايه وعيونه على هاني ومتكتف يناظره ببرود تام !
رجع هاني خطوات ورى ببطء وجلس على احدى الكراسي ورفع يدينه لوجهه ولازال تحت تأثير الصدمه .. ثواني ورن جواله وفز بعد ماتذكر امه واخذ نفس ورد قبل يشوف الرقم : يمه
احتدت ملامحه بعد مااستوعب انه الشخص اللي المفروض مايسمع صوته الان !
هاني بصبر : ماني فاضي بقفل
الشخص ببرود وحدّه : بشّر انقذت اختك ولا فات الاوان ؟
قام هاني من الصدمه وسكت ثواني .. همس بغصه : وش دراك ؟
الشخص اخذ نفس ببرود قاتل وعدم اهتمام : صاحب القرار لازم يكون عنده درايه !
هاني غمض عيونه واختل توازنه وتماسك بصعوبه وقبل يرد بتعب اخذ جبر الجوال من يده وحطه على اذنه بدون اهتمام من هاني وسمع الشخص يقول : لا تماطل ياهاني وخلصني من جبر الان !
قفل المكالمة واحتدت ملامح جبر وعيونه على هاني اللي جلس وعيونه تناظر فراغ ماهمه شيء حاليا غير اخته !
جبر اخذ نفس ومد الجوال : تخوفني باختي وربي بلاك باختك ، وش سالفتك انت ؟
هاني مغمض عيونه : اتركني ياجبر ماهو وقتك
جبر بلل شفايفه : من هذا اللي اتصل عليك ؟
هاني مارد وهو ماسك قلبه اللي ينبض بعنف ..
جلس جبر جنبه وبهدوء : اكلمك انا !
هاني لف له وبنبرة غريبه جدا منه واثارت استغراب جبر : لو علمتك راح انتهي ، اتركني لحالي
جبر عقد حواجبه لثواني وقام بتنهيده : اذا صحصحت لي حكي معك انا متواجد هنا
راح جبر وهاني مسك راسه بتعب ورجفه احتلته ماهو قادر يسيطر عليها .. هز رجله بدون شعور وقام وبدا يروح ويجي وهو ينتظر اي احد يجي يطمنه على وسن لكن مرت ربع ساعه ومااحد جاه او حتى طمنه .. ماقدر يصبر اكثر ودخل داخل بخطوات سريعه يدور بعيونه بين الغرف حتى حس بدوخه وتمسك بالجدار وبيده الثانيه مسك راسه .. حس بيدين تمسكه بهدوء وتساله بخوف : اخوي فيك شيء ؟
هاني هز راسه بلا وهو مغمض عيونه ويحاول يبعدّ : انا بخير
عقدت حواجبها ثريا وهي لازالت ماسكته بحذر : اجلس ارتاح وش تحس فيه ؟
لاحظ انها ممرضه وجلس وسند ظهره بتنهيده : علميني وسن وش صار لها ماعليك مني انا بخير
ثريا تحاول تطمنه وهي تناظره بتركيز : الان اروح اشوف وش صار على وسن لا تتحرك طيب ؟
.
.
.
عامر ..
برجفه مد مفتاح السياره للشخص وهو مو مصدق اللي سواه لكن فات الاوان وتورط وانتهى ..
اخذ الشخص المفتاح وهز راسه ببرود : جميل يا عامر ، انت كذا بينّت لي انك الشخص المناسب وانك مستعد تسوي اي شيء اقوله لك ، وهذي الخمس الاف اللي وعدتك فيها !
اخذها عامر وهو يتحاشى نظراته وبهمس : خلاص الحين انتهى شغلي ؟
ضحك الشخص باستفزاز وهو يمشي بخطوات مربكه : لا ياعامر انت لسا مابديت ، لا تتوقع مني اني اثق فيك واخليك تروح كذا ، انت راح تكون معي من اليوم ورايح وتسوي اللي اقولك عليه ، واكيد لك مبلغ ممتاز يرضيك ويغنيك !
عامر مارد وهو يفكر .. بلع ريقه وهو متشتت .. ثواني ورفع انظاره له وهز راسه ببطء بموافقه .. اتسعت ابتسامه الشخص بثقه وهو عارف انه ماراح يرفض !
.
توقعاااااااتكم🔥🔥🔥🔥🔥🔥🔥🔥.