.
.
.
سعود نطق بهدوء وعيونه على باب البقاله : ابي حليب
عامر ضحك : اكيد دامك عند البقاله بتشتهي حليب ، امش معي اعطيك وعلى حسابي .
دخل سعود وهمام وراه مبتسم وبنفس الوقت وجعان قلبه عليه .. ولازال تحت تأثير الصدمه بتغيير سعود الشاسع ! بلل شفايفه ومسك قارورة ماء ونطق يكلم سعود يحاول يغير الجو : شرايك نسترجع ايام زمان وناخذ بطاطس وشطة وحمضيات ونجلس بالحوش نسهر ونسولف !
سعود عقد حواجبه وبيده حليب هز راسه بلا : لا لا وطن تعيي
اندهش همام وترك اللي بيده وراح له : وليه تعيي؟
سعود : لازم ارقد بدري عشان اقوم الصباح
همام اخذ نفس : لا ماعليك الليله بترقد معي بالمجلس .. عادي ارقد في بيتكم؟
سعود ناظره ثواني وابتسم نص ابتسامه : ايه عادي انت حليل
ضحك همام من كل قلبه وبعدها تنهد تنهيده عميقـه واكتفى بالصمّـت ..
.
.
وطن جالسه ومتوتره طول وقتها تنتظر الباب ينفتح ..
وجاء الوقت اللي انفتح فيه الباب وفزّت لكن بقت في مكانها ماراحت لهم .. جاها سعود يركض وبيده كيس فيه اغراض .. دخل عندها بالغرفه وحط الاغراض فوق سريرها ونطق وهو ياخذ نفس : عطيني فراش لي وفراش لـ .. سكت مايدري ليش نسى وش يقول .. رغم اسمه اللي تكرر على مسامعه لكن مايدري ليش نسى ..
ضحكت وطن وحسّت براحه لانه بخير وقالت : همام؟
هز راسه بأيه وكمّل بتـوتر وضّح عليه : نبي نسهر الليله لا تقولين ارقد ترا ازعل ..
وطن بحنّيه ضمته : عيوني انت سو اللي تبي ماني قايله شيء لو تبي تسهر لين الصباح يااهلي انت ..
ابتسم لها وسكت وطلع يروح لهمام اللي راح للمجلس على طول !
.
.
.
دخل سعود المجلس ومعه فرش ومخدتين واول ماشافه همام فز واخذه منه وابتسم بعد مانزلهم بالارض وقال بتنهيدة : هاه ياسعود جاك النوم ؟
سعود متحمس : لا مافيني نوم
فرش همام الفرش جنب بعض وعقب ماانتهى جلس جنب سعود ومسك الحمضيات وفتحه ومدّه لسعود اللي يناظره بتركيز.. قال همام بابتسامه بسيطه : ياويلك تترع وتصجني زي قبل
استغرب سعود واخذ الحمضيات منه : زي قبل ؟
همام بلل شفايفه وهز رأسه بهدوء : ايه يوم كنت سعود اللي اعرفه
سكت سعود وبداخله شعور عجز يفسّـره لكن كان دافي على قلبه وهادي جدًا .. ثواني ومد همام رجوله بنهيده وسند ظهره على المركى اللي جنبه ..
ماقدر سعود مايقلده وسوا زي حركته بالضبط وحتى يدينه حطها فوق راسه زي همام اللي ابتسم من كل قلبه وتذكر كيف كان سعود يجلس هالجلسه ..
سعود بسرحان : اختي تبكي دايم .. عشاني ضعيف صح؟
لف همام عقب ماغيّر جلسته بحيث يكون قدام سعود مباشره وقال بإستغراب : من قال انك ضعيف؟
سعود يناظر فراغ وبكلام طلع من اعماق قلبه : انا خايف .. على اختي احس اني مااقدر اسعدها واحس بـ..
همام بغضب مكبوح : سعود لا تقول كذا ! هذي فتره وبتروح صدقني بترجع زي قبل واحسن ..
سعود : قبل كيف؟
همام اخذ نفس ومسك سعود مع كتـفه : انت رجال مايهابه شي ولا احد يقدر يوقف بطريقك رغم صغر سنك وصدقني ياسعود انت بترجع سعود اللي نعرفه .. لا عمري اسمعك تقول هالكلام فاهم ؟ واختك ماتبكي عشانك ضعيف.. هي تبكي عشانها تحبك ولانك ثمين وغالي وماتقدر تعيش بدونك !
سعود بحزن : وطن مسكينه انا تعبتها معي ليتني اموت وترتاح مني و .. سكت وتنهّد وماقدر يكمل كلامه
انصدم همام من كلام سعود وسكت ثواني يستوعب كلامه .. عدل جلسته وعيونه بعيون سعود .. مسكه مع وجهه يهزه بخفيف ويقول بغصّه مايقدر يتحكم فيها : لا .. لا ياسعود لا تقول كذا ارجوك .. انا همام تكفى تذكرني ..
سعود بلّع ريـقه : مااعرفك
همام غمض عيونه وطاحت دمعته : اسمعني .. انت بتروح معي للرياض وبوديك لمكان يخليك ترجع زي سعود القديم موافق ؟
سعود ناظره لحظات وهز راسه بالموافقه ببطء : طـ.. ـيب
ضمّه همام وشدّ عليه لكن مابادله سعود !
.
.
مُنتـصف الليل ~~
وطـن كانت بالمطبخ تشرب شاهي حار ويدها على بطنها اللي مقومها من عز نومها من الألم .. غمضت عيونها بدون شعور وفزّت قبل ينكب منها الشاهي وتأففت : يارب صبرني فيني نوم لكن مو قادره انـام !
عند همام اللي مانام .. كان جالس جنب سعود النايم بهدوء .. اخذ نفس وقام برى يشم هواء وتفكيره مشغول ومافيه ذرّة نوم ..!
.
أنت تقرأ
وش فيك ياسعود عقبي تغيرت وش سوت بك الدنيا بغيابـي؟ ~ سعوديه ~
Roman d'amourشافه بعد سنين متّغير وكأنه شخص ثاني! وش غيّرك ياسعود ليه ترجف وخايف؟ ليه احسّك رجعت طفل وش صار لك بغيابي ؟ حسابي في الانستا ( illdoit4me ) . . جميع الحقوق محفوظة ~~ من تأليفي
