وش فيك ياسعود عقبي تغيرت وش سوت بك الدنيا بغيابـي؟ ~ سعوديه ~

وش فيك ياسعود عقبي تغيرت وش سوت بك الدنيا بغيابي؟ 20

.
.
.
السلام عليكم اعتذر على التأخير 🥹🥹🥹🥹🥹.
.
.
وطن بهمس : تبي اسوي لك ؟
همام حك شعره بإرتباك : مااقول لا ، اللي تقدرين عليه سويه
وطن هزت راسها بدون ماتتكلم وبدت تسوي وهي تدعي انه يروح وفعلا راح وتنهدت براحه وحطت يدها على قلبها بخوف وبهمس : وش ذا الحظ ياوطن ليتني ماجيت المطبخ
همام رجع لغرفته وجلس فوق الكنب وعلى الطاوله اوراق وملفات ، تنهد بضيق ومسح على وجهه وسند ظهره على الكنب ورفع راسه وغمض عيونه بنعاس وتعب !
بعد دقايق رفع راسه على صوت طق بابه رفع حاجب وبهمس : معقول هذي وطن؟
قام وفتح الباب وابتسم بخفه : هلا تشونغ وش مصحيك
تشونغ بإبتسامه وخجل مد الصحن اللي بيده : هذا لك
اخذه منه همام وجلس عشان يكون قباله وباسه على خده وبعثر شعره بخفه : هذا لانك سهران والسهر مايصلح لك
تشونغ ميل فمه : مافيني نوم
وقف همام واخذ نفس : يالله رح ارقد عشان بكره تروح معي انا وسعود للالعاب
تشونغ بحماس : والله؟
همام هز راسه : ايه
تشونغ راح يركض وابتسم همام وسكر الباب وجلس ياكل !
تشونغ دخل عند وطن اللي تاكل ولفت له وبضحكه : عطيته؟
وقف عندها وهز راسه : ايه عطيته وقال لي بكره بخليك تروح معنا هو وسعود
وطن عقدت حواجبها : ماقال لك وين ؟
تشونغ بحماس : الا للالعاب
وطن تنهدت : الله يستر
لقت لتشونغ وبضحكه : الا انت وش مصحيك للحين ؟
تشونغ : مافيني نوم وكنت العب بأيبادي وسمعت ازعاجك وجيت ولقيتك
وطن : تصدق اني استانست يوم شفتك كنت طفشانه
تشونغ ابتسم : انتِ حلوه
وطن اتسعت ابتسامتها : ياعمري انت الحلو والله وه يازينك
.
.
هاني يكلم بجواله وساكت يسمع للطرف الثاني ويلعب بالقلم بيده : طيب ، ايه الامور تحت السيطره ، معليش بس الموضوع يحتاج شوي وقت ، انا اعرف شغلي والاكيد اني بسوي اللي قلت لي وماراح يصير الا اللي تبيه انت ارتاح واترك الموضوع علي !
قفل من المكالمه وتنهد بضيق وبهمس : هذي والله البلشه الحمدلله اني ماني سعد وش ذا الحقد الا يموت خلاص ترا فهمت وبسوي اللي قلت لي عليه وش تبي اكثر؟ هذا وجبر هو اللي قدامي ولازم اكسر راسه اول شيء !
.
.
الصباح ~~
قام سعود واتجه لغرفه وطن وحاول  يقتح الباب لكن مقفل وطق الباب وبصوت عالي وهو يرجف: وطن افتحي لي ياوطن انا خايف
فتحت وطن بسرعه ودخل ضمها بخوف وبادلته على طول وبصدمه همست : شفيك ياعيوني ؟
سعود بدموع وهو يشد عليها : سعد جاني بغرفتي وقال لي انا ما مت وحاول يقومني من النوم ويوم قمت مالقيته
وطن عرفت انه شاف حلم ومسحت على ظهره تهديه وبضيق بلعت ريقها : حلم ياقلبي حلم تعوذ من الشيطان ياحياتي خلاص انا معك .
حست بدموعه على كتفها وغمضت عيونها بصبر وهي تحاول ماتبكي !
سعود بهمس وهو مغمض عيونه : ابي انام عندك ماشبعت نوم
وطن ابتعدت عنه ومسكته ومشت تجاه سريرها وسدحته ونام على طول ودموعه على خده !
جلست على طرف السرير بهدوء وتنهدت بضيق وهي تمسح على ظهره بحنّيه ودموعها على خدها
قامت ببطء ولبست عباتها وعيونها عليه وطلعت من الغرفه وسكرت الباب بكل هدوء واخذت نفس بضيقه ونزلت تحت بحذر وتوجهت للمطبخ .. ناظروها كل الموجودين وابتسمت لهم بخجل وقالت بعد ماجلست على كرسي : خذوا راحتكم اعتبروني مو موجوده
تشونغ ركض عندها وباسها مع خدها وتفاجأت وضحكت بخفه وهي تبوسه .. جلس جنبها وبحماس واضح عليه قال وهو يناظرها : قام سعود ؟
اخذت نفس : سعود تعبان شوي ونايم
عبس تشونغ بملامحه : الله يشفيه
دخل همام بإستعجال ، نطق بإستغراب بعد ما بلع ريقه : سعود وينه؟ ماهو بغرفته !
لفت وطن ووقف وبتردد : نايم بغرفتي
عقد حواجبه وما ناظرها : ليه ؟
وطن عدلت نقابها : جاء عندي وقال ابنام عندك
همام بهدوء : طيب هو بخير ؟
وطن بهمس : بس شاف حلم مافيه شيء
هز راسه همام بهدوء وهو يأشر للخادمه وفهمته على طول وبدت تسوي اللي امرها فيه ودقايق وحطت الاكل قدام وطن اللي تسولف مع تشونغ ومتردده تقوم تسوي لها اكل او حتى تطلبهم  !
ابتسمت يوم شافت الاكل واخذت نفس وبدت تاكل : شكرا مره والله جوعانه
الخادمه بادلتها الابتسامه : بالعافيه
.
.
عند سدن ..
قايمه بالبيت وتنظف هي والخادمات ومتحمسه لوطن رغم انها مو متاكده انها بتجي وقالت لجبر يأكد لها من همام اذا بتجي ولا لا ..
جلست بتنهيده على الكنب بتعب : تعبت لكن والله اني متحمسه لها حبيتها بسرعه واضح تجنن
ام جبر وهي جالسه تتقهوى : خلاص يكفي خلي الخادمات يكمّلن الباقي
سدن ضحكت : اصلا ماباقي الا اني اقوم اسوي الحلى والاشياء هذي يالله تبين شيء؟
ام جبر ابتسمت لحماسها : ودي اشوف وطن على حماسك ذا
سدن وهي متجهة للمطبخ وبتفكير : وش رايك اسوي دونات؟ ولا سينابون ؟ او كلهم ؟
هزت ام جبر راسها بأسى وكملت تتقهوى وتتابع التلفزيون !
.
.
.