وش فيك ياسعود عقبي تغيرت وش سوت بك الدنيا بغيابـي؟ ~ سعوديه ~

وش فيك ياسعود عقبي تغيرت وش سوت بك الدنيا بغيابي؟ 4

.
.
جلس بالارض ماسك راسه يحاول ماينفعّل وبداخله مشاعر تضاربت .. وغضب على نفسه .. دقايق مرت بهدوء وكلن فيهم سارح بتفكيره .. وطن ماهي مستوعبه جيته وتمنت سعود يستانس به لكن للاسف ماعرفه سعود !
طلع سعود وفـز همام يعدل شماغه وابتسم بتعب والم وتوجه له بخطوات بطيئه .. سعود يتمسح بثوبه البُني .. هو ابيض لكن صار مع الوقت بُني .. رفع انظاره لهمام اللي وقف قدامه يتأمله بكل مافيه ونطق بهدوء : انت تعرفني ؟
همام سُرعان مارد عليه بأمل : ايه اعرفك وحيل بعد
سعود بخوف : بتضربني ؟
جمدت ملامح همام وسكت ثواني .. نطق بعد مابلعّ ريقه بصعوبه : يخسي اللي يمد يـده عليك !
ابتسم سعود وحس بسعاده وناظر وطـن اللي كذلك حست بسعاده وأمان وكل هذا عشان اخوها !
همام بحقد واضح عليه : من اللي يضربك؟ ودني له وانا اتفاهم معه ..
سكت سعود يناظر وطن ويبيها هي تتكلم بداله ..
وطن نطقت : اغلب اهل القريه مايبونه وكل ماشافوه ياضربوه يا جرحوه بكلامهم .. سعود ماعنده احد يحتويه غيري .. وعجزت اخليه مايطلع من البيت لحاله .. هو وده يختلط معهم لكن ماشاف منهم الا الأذيه ..
همام اخذ نفس وابتسم بقهر ولف لسعود : سعود .. خذني لكل واحد ضرّك لو بكلمه .. !
هز راسه سعود بأبتسامه وطلع من البيت ووراه همام اللي حاط براسه يوريهم الويـل !
.
.
عامر كان واقف ورا البقالـه يدخّن بهدوء وسرحان بتفكيره اللي مثل الروتين له .. صغّر عيونه وهو يشوف سعود جاي شبه يركض والواضح متحمس .. وتساءل من هو الرجال اللي معه .. تأمله ثواني وعرفه وضحك بعدم تصديق وهمس : عز الله هذا همام .. وش جابه ؟
رفع سعود يده يأشر على عامر واستغرب عامر ليه يأشر علي ؟ رفع كتوفه بعدم معرفه وتجاهلهم يكمل تدخين .. وقف جنبه عامل البقاله وتكتف وبغضب : ليش مافي جيب سياره؟ انا كيف جيب هذا بابا يقول سريع سريع جيب ..
تأفف عامر ورمى السجاره ودعس عليها : خلاص لا تصيح بجيبها الحين ..
وقفوا عندهم سعود وهمام وسعود ياخذ نفس بصعوبه ولف لهمام وبهمس مايسمعه غير همام : يلا اضربه !
همام تقدم لعامر وعامر مستغرب ملامحه اللي ماتبشّر بالخير لكن حاول يتجاهلها ويسلّم .. انصدم من همام اللي دفّه بخفّه وبحقد نـطق وعيونه تتطاير شرار : عامـر الأنطوائي اللي كاره عيشته .. ماتوقعت بيوم تأذي نمله تجيني وتصدمني انك تضرب سعود بدون رحمه ؟ ليه وش سوى لك سعود ؟ تحسب ماله والي هاه؟ ان ماوريتك الويل مااكون همام فاهم ؟
سعود سحب همام من ذراعه وقرب عند اذنه وهمس بنوع من الاحراج : لا لا مو هذا .. هذا هذا اللي هنا
وقـعد يأشر على العامل اللي مكشّر ..
عامر استغرب وهمام اخذ نفس وهمس لسعود : يعني عامر ماقال لك شي؟
عامر رفع حاجّـبه ونطق : وش عندك همام ؟ اخلص علينا
همام ببرود ولا همه احد حاليا غير سعود : لا تواخذني .. اعتبرني ماقلت لك شيء..
تقدم للعامل ومسكه وبدا يضربه بدون مقدمات ويهاوشه وعامر انصدم وحاول يفرق بينهم لكن ماقدر وركض عند عمر يناديه ..
سعود ضحك بحماس ورجع خطوتين يناظرهم مستمتع ..
.
.

عامر استغرب وهمام اخذ نفس وهمس لسعود : يعني عامر ماقال لك شي؟
عامر رفع حاجّـبه ونطق : وش عندك همام ؟ اخلص علينا
همام ببرود ولا همه احد حاليا غير سعود : لا تواخذني .. اعتبرني ماقلت لك شيء..
تقدم للعامل ومسكه وبدا يضربه بدون مقدمات ويهاوشه وعامر انصدم وحاول يفرق بينهم لكن ماقدر وركض عند عمر يناديه ..
سعود ضحك بحماس ورجع خطوتين يناظرهم مستمتع ..
العامل يحاول يقاوم لكن همام من حرّ مافيه ماتركه يقدر حتى يقاوم .. دفّه بقوه وطاح على ظهره بوجع ومسك ظهره  .. همام اخذ شماغه وعقالـه اللي طاحوا بالارض .. ورفع اصبعه بتهديد قوي وغضب قال بصوت عالي : ان فكرت بس تفكير انك تسوي له شي اني لا اكوفنك واللي سويته بك قليل .. والحين قم انقلع قم عن وجهي ..
سعود تقدم عنده وابتسم : يلا الحين دور واحد ثاني .. باقي كثييييير بس انت قوي تقدرهم ..
حط همام يده على كتف سعود وابتسم بألم عليه : الله لا يوفقهم .. ياعيني انت والله اني لا اروح لهم واحد واحد واوريهم وتشوف ..
جاء عامر ووراه عمر منخرش ومسك العامل اللي يتلوى وبتساؤل هزّه بخفيف : شفيك وش مسوي انت وش مهبهب ؟ تحتاج مستشفى؟
هز راسه العامل بلا ومشى داخل وهو يتحلطم ..
عامر تقدم لهمام اللي يده على خصره ويناظر العامل وهو رايح بحده .. ابتسم عامر ولاحظه همام وثواني حتى بادله الابتسامه ومـدّ يده يصافحه لكن عامر ضمه ونطق بهدوء : يالله حيّه !
سلم عليه عمر ولف همام لسعود الهادي وحطّ شماغه على كتفه وتنهّد : انتم تدرون انه يضرب سعود اللي ماله حيله؟
عامر توسّعت عيونه وانصدم : اعوذ بالله !
عمر برد وجهه وتفشّل وهمس : يعني عشان كذا مافتح فمه ودخل داخل !
سمعه همام وبهدوء قال : سعود مايكذب .. والحمدلله اني جيت قبـ...
ماكمل كلامه الا على صوت رجال وراهم بصوت عالي مليء بالدهشه والغضب : هذا همام ولد ال......؟
غمض عيونه همام وكان متوقع هذا الشيء وماهو مستغرب .. ماقدر يلف له وتركه هو يجي يوقف قدامه ويكمل كلامه بكل جرئه : ماتستحي يوم انك جاي ؟ هاه علمني وش جابك الله لا يوفقك لا انت ولا ابوك المريض اللي مايخاف ربّـه ...
عامر يحاول يهدي الوضع وبأحترام : اذكر الله ياعمي .. مايوزم همام ماله علاقه بالموضوع ...
الرجال بأنفعال : الا له ونص .. اقولك روّح قبل نخليك تندم انك جاينا وخذ هالمجنون معك..
همام ماتحمل الاهانات وبصوت شبه عالي قال بقهر : حدّك ! سعود هو سعود اللي كلنا نعرفه .. وكلنا ندري كيف كان سعود ... وكيف كل اهل القريه يحبونه .. عيب عليكم عيب .. وماعليك سعود واخته بيروحون معي وماراح يرجعون لهالقريـه من غير شـر !
الرجال سكت اكتفى يناظره بقرف ..
عمر متوتر ومسك ذراع عمه يهديه : صل على النبي .. تعال معي نروح لابوي .. راحوا وبقى عامر عندهم ..
عامر بلع ريقه وبدون مقدمات قال لهمام : لي مكان معكم؟
عقد حواجبه همام ومافمهمه ...
عامر تنهد وكمل كلامه : بخاويكم وماني راجع للقريه قبل اخلص اللي انا اسعى له .. يمديني؟
همام ابتسم وبطيبه هز راسه : اكـيد يمديك ..
.
.
اكتبوا توقعاتكم وآراكم + تعالوا الانستا حقي انزل فيه الروايه illdoit4me ♥️♥️.