وش فيك ياسعود عقبي تغيرت وش سوت بك الدنيا بغيابـي؟ ~ سعوديه ~

وش فيك ياسعود عقبي تغيرت وش سوت بك الدنيا بغيابي؟ 19

.
.

طلعت وطن ورى سعود وهمام ومسكت سعود مع كتفه وبهمس وهي تمد البطاقه له : هذي حقته
همام سمعها ولف لهم وبهدوء نطق وهو يقلّب مفتاح السياره بيده : خليها معك
وطن شهقت بخفه ماتوقعت يسمعها وبتردد : لا
همام بلل شفايفه بتنهيده وفتح باب السياره بيركب : استخدميها مثل ماتبين ، يالله اركبوا بوصلكم
سعود رفع كتوفه بعدم اهتمام وركب قدام ووطن اخذت نفس بتوتر وركبت ورى وهي تعدل نقابها !
مشى همام بهدوء ..
سدن وهي طالعه من البقاله بتأفف : ترا كلها ٣٠٠ ريال لا تصيح
جبر بعصبيه : امشي قدامي طفرت من وراك انتِ وكرشتك
شهقت سدن ولفت له : انا دبه؟
جبر ابتسم بخفه : شوي
سدن دمعت : كل تراب انت الدب شف بطنك وش كبره
جبر رفع حواجبه بصدمه : كل هالعضلات ماهي ماليه عينك؟
سدن ناظرته بطرف عين : ايه ماهي ماليه عيني وبعدين كيف ماعندك كرش وانت تلهط كل شيء ماباقي الا انا وتاكلني
جبر هز راسه بأسى : امشي بس قدامي واذكري الله لا تصكيني بعين
كان كل شيء يصير تحت نظرات هاني اللي واقف قريب منهم بسيارته !
نطق وهو يمسح على لحيته بخفه : لازم امسكك مع اليد اللي تعورك حتى لو ماكان لها ذنب ! ماخليت لي خيار ياجبر تحمل اللي بيجيك !
اخذ نفس ومشى بعيد عنهم ومسك جواله اللي يرن ورد بهدوء : شعندك
الرجال بقلق : جاني خبر ان سعد حرك يده اليوم اكثر من المعتاد
هاني بصدمه وقف السياره بدون شعور : وش تقول ؟ متأكد من هالكلام؟ كيف ؟
الرجال بتوتر : على حسب الممرضه اللي بالقوه اخذت منها هالمعلومه ، ولأن حراسته شديده ماقدرت ادخل ومو اي ممرضه تدخل عنده ! الموضوع بدا يصعب علينا ياهاني
هاني بتفكير : لازم ابدأ قبل يصعب علي اكثر! خلاص انت الحين كمل شغلك وانا اتصرف
.
.
وطن دخلت غرفتها ونزلت عباتها ورمت نفسها فوق السرير بتعب وبدون شعور نامت !
فتح الباب سعود وطلّ براسه وشافها نايمه وابتسم بخفه وطفى اللمبات عليها وسكر الباب .. نزل تحت عند همام وشافه جالس علو الكنب وبيده قير وقدامه تلفزيون وبلاي ستيشن .. عقد حواجبه بفضول وجلس جنبه وعيونه على التلفزيون
مد له همام القير الثاني وبمزح : بفوز عليك
اخده سعود وابتسم بحماس وتربع : كيف علمني
بدا همام يعلمه وصاورا يلعبون وبعد نص ساعه دخل عامر عليهم وعقد حواجبه وهو يشوفهم يلعبون واصواتهم عاليه !
وقف قدامهم وبهدوء : شعندكم
همام ابتسم له وناظره لجزء من الثانيه : اجلس اجلس الحين يجي دورك واكسر راسك
عامر ضحك وهو يجلس : اتحداك
سعود لف لهمام وبدون مقدمات : جوعان
همام ابتسم ورفع يدينه لفمه وصفّر .. حط سعود يدينه على اذانه بخوف ونطق بتوتر : اذني اذني ازعاج لا تسوي كذا
همام ضحك بورطه : اسف
جت الخادمه بخطوات سريعه ووقفت قدامهم بهدوء
ابتسم همام لسعود وحط يده على كتفه : وش مشتهي ياسعود ؟
سعود بتفكير اخذ نفس وابتعد شوي عن همام : ابي اكل
همام هز راسه وناظر الخادمه : جيبي له شي خفيف لانه بينام الحين
راحت الخادمه وعامر مسك القير اللي مع سعود وتعدل بجلسته بحماس : سعود من تتوقع يفوز انا ولا همام ؟
سعود ويدينه فوق بطنه : هو يفوز عليك انت ماتعرف
عامر توسعت عيونه وضحك : افا وليه مااعرف
سعود يناظر مكان طريق المطبخ : مدري عنك خلاص لا تكلمني
همام وعيونه على التلفزيون : سعود لحد يسولف معه وهو جوعان
عامر ابتسم : فعلا شوي وبياكلني
سعود انزعج وتغيرت ملامحه : ريحتك مو حلوه
عامر توتر ولف لسعود بسرعه ولاحظ ملامح الانزعاج عليه وترك القير بسرعه وقام : انا بروح انام تصبحون على خير
مشى فوق بسرعه قبل يرفع راسه همام اللي استغرب حركته وعقد حواجبه بتساول وناظر سعود وبهمس : شفيك سعود ؟
سعود اخذ نفس : وين الاكل ياخي ابي اكل بطني مافيه شي لازم اكل
.
.
.
عامر دخل غرفته وسكر الباب ونزل جزمته وتنهد براحه ورفع جزء من لبسه وشمّه وبهمس : غريب كيف لاحظ هذا وانا ماكثّرت ولا وضحَ علي ، يالله الحمدلله عدت على خير .. مسك جواله ولقى رساله وتأفف اول ماقراها بضيق ومسح على وجهه بتعب ورماه فوق السرير ودخل الحمام الله يكرمكم .
.
.
منتصف الليل ~~
قامت وطن وهي تحس بقلق من نومتها وغسلت وجهها وصلت الوتر وجلست فوق سريرها بملل وتفكر بسعود ماتدري هو نام ولا سهران ؟ جوعان ولا شبعان؟ اخذت نفس وقررت تلبس عباتها وتروح تشوفه وتمر المطبخ تاكل لها شيء !
لبست عباتها وطلعت وتلفتت يمين يسار وتوجهت لغرفه سعود وفتحت الباب بشويش وشافته نايم دخلت عنده ولحفته كويس وطلعت بخطوات بطيئه وسكرت الباب وراها !
توجهت للمطبخ ودخلت وصارت تسوي لها قهوه واكل وهي كل شوي تلتفت يمكن احد يجي وتتورط
همام كان نازل ودخل بدون مايلاحظها وهي لفت بسرعه وشهقت وطاحت البيضه اللي بيدها ، انصدم همام ولف لها ومانطق !
وطن بلعت ريقها بإحراج وخوف وبهمس : اس اسفه
همام ضحك بخفه وشتت انظاره : شدعوه تتأسفين انا اللي آسف دخلت فجأه بدون مقدمات
وطن عدلت نقابها وسكتت وهي متوتره وودها تهرب لكن هو ساد عنها الطريق !
همام بعد ثواني صمت نطق بهدوء : جوعان
وطن بهمس : تبي اسوي لك ؟
همام حك شعره بإرتباك : مااقول لا ، اللي تقدرين عليه سويه
.
.