وش فيك ياسعود عقبي تغيرت وش سوت بك الدنيا بغيابـي؟ ~ سعوديه ~

وش فيك ياسعود عقبي تغيرت وش سوت بك الدنيا بغيابي؟ 18

.
.
.

جبر ، سدن ..
وقفوا عند البيت ونزلت سدن وقبل تدخل لفت لجبر قبل يمشي وبغضب مكتوم وهي تحاول ماتعلّي صوتها عشان مايكوفنها : اعلم امي هيّن والله لا اعلمها ماراح اسكت زي دايم
جبر تأفف ولف لها : اقول انطمي وادخلي بسرعه
سدن مدت يدها : عطني فلوس
رفع حاجبه : خير؟
سدن كررت كلامها بنبره اعلى : عطني فلوووس
اخذ نفس وطلّع بوكه وعطاها خمسين واخذتها بسرعه ومشت اتجاه البقاله بدون اهتمام وهي تقول : بروح البقاله ع الاقل اعووض الطلعه الخايسه
حلو توسعت عيونه وناداها : بنت ارجعي ياويلك مني
وقفت ولفت له بخوف وتوترت : ياخي ابروح البقاله تكفى
جبر تنهد وطفى السياره ونزل ، نطق باستسلام : امشي امشي مشى بطنك
شهقت وهي تكمل مشي وهو وراها ، وبغصّه من كلامه نطقت : اوريك ياحقير كذا تقول لاختك ؟
جبر ضحك : يختي ترفعين الضغط وش اسوي
دخلوا البقاله وراحت لقسم الحلويات بسرعه تقشّ
في الجهه الثانيه كانت وطن تاخذ اغراض بسيطه وبيدها بطاقه عطاها همام سعود !
سعود اخذ سكر ولف لها : تبين ذا؟
وطن ضحكت واخذته منه ورجعته : لا مايحتاج
سعود اخذ نسكافيه : طيب وذا؟
وطن هزت راسها بلا وبهمس : لا فيه بالبيت كثير انت خذ اللي تبي يالله عشان نرجع
سعود رفع كتوفه وبهدوء وهو يتلفت : بكفيك ، انا ابي حمضيات وينه؟
وطن راحت تدور له حمضيات وطاحت منها البطاقه بدون ماتحس ولفت على صوت بنت بإستغراب
سدن مدت البطاقه بإبتسامه : اختي ، طاحت منك
اخذتها وطن وابتسمت : شكرا يعطيك العافيه
سدن بلطف : العفو ياقلبي .. سكتت ثواني ونطقت بتساؤل : انتِ ساكنه قريب من هنا؟
وطن هزت اسها بهدوء : ايه تقدرين تقولين كذا
انبسطت سدن وعلى طول مدت يدها : انا جارتك سدن
صافحتها وطن بخجل : هلا فيك وانا وطن
سدن ضحكت : يازين اسمك ، خلاص انا حبيتك
.
.
جبر كان واقف عند المحاسب وعلى جواله ، رفع راسه وهو يحس بكركبه وراه وعقد حواجبه وهو يشوف الشخص يحاول يشيل الاغراض اللي تسبب في طيحتها. تأفف سعود بتعب وتركهم : ياربي طشيته مادريت
جبر وقف عنده وبدا يرتب الاغراض بدون ماينطق بحرف ولف سعود له بسرعه وسكت ووقف يتفرج عليه !
جبر لف له وبحده : وانت و...
جمد لسانه اول ماطاحت عينه بعين سعود وطاح اللي بيده بدون شعور ، رجع خطوتين ورى مصدوم وعيونه على سعود المستغرب !
جبر بهمس وهو ماهو مصدق : سبحان الله
سعود ضم نفسه بخوف : وش فيك وش سويت انا
جبر استوعب وبلع ريقه : لا لا ماسويت شيء ، بس شبهّت عليك واحد .
سعود بفضول تقدم : مين مين
جبر ارتبك : واحد يارجال
سعود جاء بيتكلم لكن شاف همام يدخل وترك جبر وراح له وهو يقول : فيه واحد يشبهني هذا يقوله
همام تلاشت ابتسامته وعقد حواجبه : مين
جبر لف لهم وابتسم بخفه وتقدم بهدوء : اعذرني ب...
ابتسم ونطق بضحكه : همام
همام ضحك وتقدم يسلم عليه : جبر وينك مختفي
سعود عقد حواجبه وميّل راسه باستغراب وهمس لهمام : تعرفه؟
همام : ايييه اعرفه هذا جاري .. لف لجبر بابتسامه وكمل كلامه : هذا سعود ياجبر صديقي الصدوق
جبر ابتسم وماعلقّ وهو يلعب بمفتاح السياره
سعود : طيب مين اللي يشبهني
جبر حك راسه وبهدوء : صديقي الله يشفيه
همام عقد حواجبه باستغراب ولف لسعود : هاه قضيت ياسعود؟
وطن كانت تسمع كل شيء من البدايه ومتوتره ، وقفت عندها سدن اللي خلصت وعقدت حواجبها : شفيك وطن؟
وطن لفت لها وبتنهيدة خوف : لا بس ودي اروح البيت
سعود تذكر وطن وراح يركض لمكانه على طول : وطن وينك مشينا
وطن لفت لسدن وابتسمت : يالله بروح
سدن مسكت يدها قبل تمشي : عطيني رقمك تكفين
وطن توترت وبهمس : ماعندي
سدن تأففت بزعل : خساره طيب اسمعي شرايك تجين عندي بكره ؟ لازم اتعرف عليك اكثر وتشوفين امي عاد خلاص حنا جيران ، جارنا صديق جبر يعرف بيتنا
وطن ابتسمت وهزت راسها : طيب
.
.