وش فيك ياسعود عقبي تغيرت وش سوت بك الدنيا بغيابـي؟ ~ سعوديه ~

وش فيك ياسعود عقبي تغيرت وش سوت بك الدنيا بغيابي؟ 14

.
.

سعود عقد حواجبه يتذكر بوجـع احتل قلبه وعقله وكل شبر فيه ، صرخ ودف همام عنه وقام يصارخ من كل قلبه ويبكي : انا السبب انا اناااا ليتني مت بداله ليتني مت
فز همام مصدوم جدا من انفعال سعود ومسكه يحاول يهديه لكن سعود دفه بأقوى ماعنده وجلس بالارض يبكي ويشاهق ويده على قلبه ..
وطن نزلت تركض وهي تسمع صراخه ترجف لاول مره سعود يصارخ وينفعل لهالدرجة !
جلست عنده مصدومه وتتفحصه بخوف : يمه سعود وش فيك ؟ ليه تصارخ علامك
سعود دفها بشويش عنه وقف وهو يشاهق وعيونه حمراء ويناظر همام : رجعني لبيتنا
همام بلع ريقه : مااقدر ياسعود مااقدر
سعود صرخ بوجع : رجعني لبيتنا ، ابي احس بوجود سعد جنبي
وطن تبكي بصمت بصدمه وقلبها يعورها ومو قادره تستوعب اي شي !
همام : تكفى سعود اهدأ لا تخاف سعد يحبك ومات لان ربي كتب هذا الشي وانت مالك دخل لا تلوم نفسك ياسعود
وطن قامت ومسكت سعود وبصوت متقطع وغصّه : سعد لو يشوفك بيزعل عليك وبيعاتبك لانك كذا ، سعود انت مالك دخل اللي صار صار لا تعور نفسك وتعورني معاك ، ارجوك ارجوك سعود وقف لا تبكي انت كل شيء بالنسبه لي لا تخوفني عليك ارجوك افهمني
سعود رفع يدينه لوجهه يبكي ويتكلم بكلام غير مفهوم ووطن ماسكه نفسها بالقوه وهي تحس بأي لحظه تنهار !
همام تنهد بضيق وبجدّيه وجه كلامه لسعود : سعود لازم تعرف انك تعبان حاليًا وتحتاج علاج وعلاجك هنا ومكانك اللي تبي ترجع له ماراح تلقى فيه خير لا من ناسه ولا من ذكرياته اللي توجعك كل يوم وكل دقيقه وثانيه !
سعود هدا واخذ نفس بهدوء ورفع راسه لهمام وبعدها ناظر وطن اللي تناظره بخوف عليه !
وقف ببطء ومسح دموعه وابتسم بوجع : يعني الحين تقول ان سعد مايكرهني؟
همام ابتسم بأمل : مايكرهك يحبك بس زعلان شوي عليك
سعود عقد حواجبه وبغصّه : ليه؟
وطن بدموع : لإنك ماعشت حياتك من بعده ولا ثانيه ، لانك تغيرت ولو شافك سعد الحين ماعرفك ، لانك تلوم نفسك ، وحزنك طوّل عليه وانت الحين المفروض تتصدق عليه بكل مكان وتحاول تحل القضيه اللي كلكم مظلومين فيها ، سعود لا تبقى على حالك اصحى..
بالنسبه لسعود كان كلامها مثل البلسم على قلبه رغم انه لازال يحس بداخله ألم وحزن عميق لكن هز رأسه بهدوء وبلع ريقه وناظر همام : طيب عالجني ، واذا خلصت ساعدني
همام انبسط وضحك بعدم تصديق وتقدم وضمه : من عيوني انت تامر وانا البي ياقلبي انت ابشر باللي تبي
وطن ابتسمت ومسحت دموعها باصابعها وتنهدت براحه وهي لازالت تحس بضيق على حال سعود لكن عندها امل يتعالج !
.
.
وصل الدكتور واستقبله همام وعلى طول توجهوا لغرفة سعود اللي كان جالس فوق الكنب بهدوء ويناظر فراغ
الدكتور دخل ورى همام وابتسم اول ماشافه : السلام عليكم
سعود مارد عليه وبقى على حاله والدكتور جلس جنبه وبتنهيده نطق وعيونه على همام الواقف : تسمح لي ؟
فهمه همام وهز راسه بهدوء وطلع وسكر الباب وراه والود وده يجلس عندهم ..
الدكتور اخذ نفس وتعدل بجلسته : والله يا ...
لف لسعود وبضحكه : الا وش اسمك؟
سعود بهدوء : سعود
الدكتور : من اللي سماك ؟
سعود سرح ثواني وبلع ريقه وبهمس : امي
الدكتور : طيب عند اخت او اخ؟
سعود لف للدكتور وعقد حواجبه بإنزعاج : وش تبي انت؟
الدكتور ضحك بخفيف : اعتبرني جدار ولا اعتبرني مخده لا تقلق عندي ماراح يطلع كلامنا من هالغرفه
سعود تأمله ثواني وابتسم بإنكسار : عندي سعد اللي مات بسببي و وطن
الدكتور هز راسه بتفهم : طيب ليه تقول سعد مات بسببك؟
سعود تنهد بضيق : سعد قال لي ياويلك تفتح فمك بكلمه ولا والله ان نموت كلنا
الدكتور بتركيز : كمل
سعود انغمس بالذكرى ودموعه بدت تسيل : كنت طالع من المدرسه وشفتهم يضربون واحد ورحت له اركض اساعده وتركوني عنده لحالي احاول اصحيه وماكان يتحرك ..
مسح دموعه وبلع ريقه بغصّه وكمّل بوجع :
جاء سعد يركض ومسكني وقال لي ياويلك تفتح فمك بكلمه ولا والله تموت كلنا وقال لهم انه هو اللي ذبحه و..
سكت ماقدر يكمل لكن كلامه كان كافي وجدا ..
الدكتور عض على شفايفه بقهر : انا لله وانا إليه راجعون
سعود بكى من فرط الم قلبـه ورفع يدينه لوجهه : ليتهم ذبحوني بداله
الدكتور : اهنيك ياسعود قدرت تقول لي وش صار لك رغم رفضك انك تقول لهمام !
سعود لف له وبتلعثم : طيب يالله وين العلاج؟  تكفى ساعدني عشان وطن ماتزعل مني ماباقي لي بالدنيا غيرها
الدكتو ابتسم : ان شاء الله ياسعود ان شاء الله لكن انت لازم تقوّي إرادتك وتنسى انك السبب ،، تذكر ان سعد ساعدك لانه يحبك ويبغاك تعيش حياتك بكل تفاصيلها وتدرس وتكبر ياسعود .. لا تقول انك السبب .. الماضي راح ياسعود ماراح يرجع وسعد الحين مرتاح وكثير ..
وانت بعد لازم ترتاح ياسعود وتريح ضميرك وتكمل حياتك سعيد !
سعود هز راسه من بين دموعه وهمس : احبك ياسعد
غفى سعود بكل هدوء وقام الدكتور بتنهيدة وعيونه على سعود النايم وطلع ..
.
.