وش فيك ياسعود عقبي تغيرت وش سوت بك الدنيا بغيابـي؟ ~ سعوديه ~

وش فيك ياسعود عقبي تغيرت وش سوت بك الدنيا بغيابي؟ 10

.
.

وطن ضحكت : ايه بس وش تبي ؟
تشونغ بخجل رفع كتوفه وضحك بخفه وهو يلتفت لأمـه اللي ضحكت ونطقّت بهدوء : هو يستحي كثير
وطن :  ياعُمري المستحي
جت خادمه ثانيه ووقف عندهم : السيد همام بيجي الان
وطن بسرعه : وسعود؟
الخادمه : هو أيضًا بيجي
وطن فزّت راحت لغرفتها تلبس عباتها ونزلت وهي تنتظرهم بتـوتر ومستغربه ليش همام قال بكره والحين بيجون؟
انفتح الباب ودخلوا ووطن وقفت على طول وجاها سعود يركض وضمته على طول وماقدرت تتحمل وبكت وهي تشدّ عليه وتهمس بغصّه : جعله فيني ولا هو فييييك ياروحي انت ليه وش جاك وش صار لك ؟
سعود بتعّب : اكلت فراوله وعورتني
وطن انصدمت : فراوله ؟ ليش تاكلها ياسعود نسيت انها تعورك قوه؟
سعود لازال تعبان وسكت ثواني وبتعب قال : ابي انام
وطن لفت للخادمه اللي سمعته وابتسمت : من هنا
مسّكته وطن ومشت ورى الخادمه وهي براسها تكلم همام اللي كان واقف وسرحان ..!
سدحته فوق السرير وتاكدت انه مرتاح وبينام طلعت ونزلت تحت شافته جالس ويكلم بالجوال ، وقفت تنتظره وبعد دقايق سكر وتنهّد ورفع راسه اول ما لمحها قريب .. وطن بهدوء نطقّت : ليش طلع سعود؟
همام صد : مايبي يجلس وكسر الدنيا فوق تحت يبي يطلع ويبيك وبالقوه الدكتور وافق وقال لو تلاحظون اي شي جيبوه على طول ، وعطاني علاج له .. مد لها كيس ومااخذته وتنهّد وتركه فوق الطاوله واخذته وبهدوء نطقت : يعني نسيت ان عنده حساسيه من الفراوله؟
همام رفع حاجّـبه : متى دريت عشان انسى؟
وطن انصدمت : ماتذكر يوم بغى يموت وانت تبكي بالزاويه لانك السبب؟ توقعت ماتنسى طول حياتك !
همام ماصدقها وضحك بسُخريه : ماتوصل انك تكذبين
وطن توسعت عيونها : انا اكذب ؟ خير ان شاء الله وش استفيد لو كذبت؟
همام متحملها بالقوه غمض عيونه بصبر : اقولك ما اتذكر ، يعني وش تبين اقول ؟
وطن بنرفزه : لا تقول تكذبين لا تخليني اندم اننا جينا من اول يوم !
همام اخذ نفس وقام : خلاص خلاص روحي نامي تأخر الوقت .. مشى قبل تتكلم وناظرته وهو يمشي مع الدرج بصدّمه .. انفتح الباب ودخل عامر اللي راح البقاله يجيب لسعود حمضيات لانه طلبه واستغرب وينه ! راح المطبخ وتركه فوق الطاوله ولف لخادمه كانت تمسح الارضيه بهدوء : وين غرفتي ؟
الخادمه تركت اللي بيدها وابتسمت : فوق اخر وحده يمين
هز راسه وطلع رايح لغرفته وشاف وطن جالسه والواضح مادرت عنه .. صد ومشى فوق ودخل غرفته براحه ورمى شماغه بالارض مثل ماهو متعود ورمى نفسه فوق السرير بتعّب ونام على طول !
.
.

همام دخل جناحه وجلس على طرف السرير بتفكِير وهو منصدم من نفسه انه نسى لوهله .. وكذّب وطن لكن تـذكر بعدها وانصدم من الذكره اللي نساها والمفروض ماينساها ابد  ... تذكر كيف سعود اكل فراوله لأول مره بحياته وبغى يموت ولولا الله ثم احدى قرايب اهل القريه الممرضه اللي جايه عندهم هالفتره كان سعود صارت له بلاوي !
الممرضه : خلاص الحين سعود ماراح ياكل فرواله ، صح ياسعود ؟
سعود كان عمره ٤ سنين تقريبا هز راسه وعيونه مليانه دموع : مااحبها يع
ضحكت الممرضه ولفت لسعد اللي كان قامط العافيه متوتر : اتمنى منك تنتبه لأكله وان شاء الله ماقدامه الا العافيه انا استاذن .. طلعت وسعد جلس عند سعود ومسح على راسه وهو يلوم نفسه : ياعيني انت ابك والله لو صار لك شي اني لا اولّي تعرف وش معنى اولّي ؟ اخخخ ياسعود بسم الله عليك
جت امهم تركض وهي حامل بوطن وعلى وشك الولاده : سعد ياسعد وش قالت الممرضه عنه؟
سعد فز لها وساعدها تجلس عند سعود وبهدوء يطمنها : لا لا سعود طيب يالله لك الحمد وتقول خلاص مره ثانيه لا ياكل فراوله عشان مايصير فيه زي كذا وأسوأ
ام سعد دمّعت عيونها : بسم الله عليك
دخل همام اللي كان واقف يراقبهم من زمان .. و متنكد من البكاء وعيونه حمراء خايف على سعود ، همس وهو مصدوم : سعود مات؟
سعد كان عمره وقتها ١٤ مسك خذاته ورماها تجاه همام اللي بعّد عنها بخوف وسعد ضحك واشر له : تعال تعال سعود طيب
همام ضحك بعدم تصديق وراح لهم يركض : انا اسف جبت له من عندنا فراوله وخليته ياكل مادريت انها تعوره
سعد : مره ثانيه لا تعطيه سامع؟
همام هز راسه بإيه وعيونه على سعود النايم !
قاطع تفكيره ..ومسح على راسه وهو يلوم نفسه وبقهر : خليته ياكل الفراوله مره ثانيه ياهمام ، وش اللي نسّاك اللي صار له وانت طول عمرك مانسيت سعود !
نسى انه كان طفل وممكن ينسى زي اي طفل وركز على انه يلوم نفسه لانه ماتذكر وكذّب وطن اللي انصدمت منه !
.
.
.
~ الصبـاح ~
طقت الباب الخادمه على وطن اللي لازالت نايمه بتعّب ودخلت بعد ماتوقعت انها نايمه .. فتحت الستاره والنافذة ووطن قامت مصدومه من مكانها وفزّت وثواني واستوعبت وتنهدّت بضيق ولفت للخادمه اللي واقفه مبتسمه : ليش فتحتي الدريشه؟
الخادمه : لازم تقومين عشان تروحين مع سعود سيد همام يقول كذا
فزت وركض للحمام ( الله يكرمكم ) وبعد دقايق نزلت تحت وهي متجهزه عشان تروح معهم وتدعي انهم ماراحوا عنها ..
.
.
توقعاتكم ... ❤️🙃