وش فيك ياسعود عقبي تغيرت وش سوت بك الدنيا بغيابـي؟ ~ سعوديه ~

وش فيك ياسعود عقبي تغيرت وش سوت بك الدنيا بغيابي؟ 11

.
.
ابتسمت وهي تشوف سعود جالس يشرب حليب ومشّت عنده وجلست جنبه ولف لها بضحكه : قمتي ؟ وطن تكفين ماابي اروح للمستشفى اخاف منهم اخاف يعوروني
مسحت على ظهره بحّنيه وبهدوء وهي تحاول تقنعه : لا ياقلبي لازم تروح وانا بروح معك شرايك ؟
سعود ابتسم : خلاص عادي
الخادمه لوطن : فطور؟
وطن حست انها فعلا جوعانه مااكلت شي : ممكن بس اروح معك المطبخ واكل ؟
الخادمه استغربت وهزت رأسها بأيه ..
وقامت معها وطن وسعود بقى يشرب حليبه بتركيز وجاه همام وبيده ثوب جديد ومده لسعود بإبتسامه : يالله سعود البس ذا الثوب
سعود عقد حواجبه بإنزعاج : لا حقي حلو انا احبه
همام بلل شفايفه وجلس جنبه : لازم تغير لبسك عشان تصير نظيف ولازم بعد تتروش يابطل
سعود سكت ثواني : انا وسخ؟
همام ضحك بصدّمه : لا والله ، انا بس ابيك تصير نظيف واشتري لك ملابس كثيره وعطورات واي شي تبي
سعود هز رأسه بلا بإنزعاج : لا ماابي انا نظيف كذا
همام سكت وهو يناظره ومشى للمطبخ وبيده الثوب ودخل ووطن تركت اللي بيدها على طول وتعدلت بوقفتها .. وقف قريب منها وتنهّد بهدوء : خذي هالثوب وحاولي تقنعين سعود يلبسه
وطن رفعت حاجبها : مااقدر اقنعه مستحيل يبدل ثوبه بلبس ثاني مايلبس الا هو وتقطع من الغسيل لكن مع ذلك مايبي غيره .!
همام استغرب : وليه مايلبس الا هو؟
وين اخذت نفس وبحزن : لانه حق سعد
همام انصدم وسكت ثواني يستوعب .. هز راسه وتنهّد بضيق وهمس : قولي له هذا بعد حق سعد بس انه معي من زمان
وطن : ماراح يصدق
همام بعصبيه : اقولك قولي له اخلصي علي
وطن ناظرته بحقد وسكتت وبداخلها : ياكرهي لك ولنبرتك الزفت اللي ماتعامل احد فيها الا انا !
همام رفع حاجب : تسمعيني؟
وطن : لا مااسمع انت حاول تقنعه اذا تقدر
همام طلع وهو معصب وفاير دمه ومشى لسعود وابتسم بحب له : يالله ياسعود البس هذا حق سعد كان عندي من زمان
سعود ترك الحليب وفز واخذ الثوب منه بسرعه وعيونه دمّعت : سعد اخوي حبيبي
قـشّعر جسم همام ولوهلة حس ان اللي قدامه سعود اللي يعرفه .. ابتسم بدون شعور وهمس : اهه ياسعود اهه
سعود ركض لوطن وبسعاده قال لها وهو ماهو مصدق : شوفي ياوطن هذا حق سعد هذا حق سعد
وطن دمّعت : الله يجنن يالله مشينا عشان تتروش وتلبسه
هز راسه سعود بحماس ومشى معاها لغرفته وتروش وتنظّف ولبس الثوب اللي كان على مقاسه بالضبط.!
وطن ابتسمت وهي تعدل شعره المبلول : يازين اخوي زيناه يجنن وريحته حلوه تاخذ العقل
سعود ابتسم بخجل : حتى انتِ
وطن : وه ياعُمري انا عادي اكلك؟
سعود ضحك : ماتقدرين
وطن ضمته : تدري اني احبك ومااقدر اعيش بدونك؟
سعود بادلها بهدوء : شكرا لك
وطن عقدت حواحبها وبعدت عنه : شكرا اجل هاه هههههههههه يالله مشينا تحت
نزلوا تحت وهمام ضحك يوم شاف سعود ولمّعت عيونه بحب وبقى يناظره لين وقف عنده وهمس سعود بسعاده : شكرا عطيتني حق سعد
همام تنّهد : العفو الحين مشينا المستشفى ؟
سعود لف لوطن : يالله
طلعوا وركبوا السياره ووطن حست بشعور حلو بالاجواء الحلوه وسعود اللي مبتسم وساكت ..
وصلوا المستشفى ووطن ارتبكت ومسكت يد سعود وهمست : لا تبعد عني وانت ان شاء الله طيب ومافيك الا العافيه
سعود : ايه بس تكفين لحد يعطيني ابره
وطن ابتسمت بخفه : طيب ياعيوني
نزلوا ومشوا ورى همام بكل هدوء ووطن تناظر الناس لاول مره تعيش لحظه زي كذا هي وسعود لكن سعود كان يمشي وهو يناظر الارض بتـوتر مايبي يشوف الناس وكيف نظراتهم له .. فعلا اغلبهم يناظر سعود بغرابه
رغم انه كان طبيعي نوعًا ما لكن رُبما مُلفت للإنتباه قليلًا .. شدّت على يده وطن تحسسه بالأمان .. وقف همام عند باب غرفة الدكتور ولف لهم وناظر سعود : هاه سعود متوتر؟
سعود رفع انظاره لهمام وابتسم بتسليك : مدري
وطن همست له : قول له لا ماني خايف
ناظرها سعود لوهله ولف لهمام : لا ماني خايف
همام ابتسم : حلو يلا ندخل عند الدكتور
طق الباب همام ودخل ودخلوا وراه ..
وقف الدكتور : اهلا همام
سعود عقد حواجبه ماعجبته الأجواء لكن كتم بقلبه وبقى يناظر يده يحاول يتجاهل دقات قلبه اللي زادت .
همام لسعود : اجلس ياسعود عشان يشوفك الدكتور ويسألك ونمشي
سعود جلس على الكرسي ببطء ووطن وقفت جنبـه بتـوتر ..
الدكتور ابتسم : كيفك سعود؟
سعود رفع انظاره له ورجع ناظر يده وبهمس : ماعلي
وطن حست انه هادي بزياده وخافت انه يحس بخوف او عدم امان !
الدكتور : تحس انك مكتوم ؟
سعود سكت شوي وهزّ رأسه بلا
الدكتور : نمت زين البارح؟
سعود رفع يده لفمه بدون شعور وبدا يقضّم اظافره ووطن توسعت عيونها بخوف وانحنت له بدون شعور وبهمس : سعود قلبي وش يعورك؟ خايف؟ قلبك يدق قوه؟
سعود ناظرها بدموع : ايه قلبي يدق احس اني بموت
همام انصدم وفز : بسم الله عليك
الدكتور بإستغراب : ممكن يكون عنده رهاب من المستشفى؟
همام بلع ريقه : ممكن خصوصا البارح يوم قام على طول انفعل واضطرينا نطلّعه !
الدكتور وقف واتجه لسعود ووطن ابعدت عنه وعيونها تسيل دموع وقلبها ينبض بعنف ..
الدكتور تفحص نبضه وسعود متجمد ويرجف بشكل ملحوظ ..
.
.