South Boys #3: Serial Charmer

Chapter 25

GAWIN NA NATIN.

Ang palad ko ay nasa bandang ilalim ng matigas na sikmura ni Isaiah. Bago iyon makarating sa laylayan ng kanyang shirt ay hinuli niya ang kamay ko. "Tigilan mo."

Binawi ko ang aking kamay saka ako naupo sa kama. Nakatunghay ako sa kanya habang siya ay nakahiga habang mapupungay ang mga mata na nakatingin din sa akin.

"Ayaw mo ba?" tanong ko sa kanya.

Tumingala siya saglit at pumikit. Bumukol ang dila sa kaliwa niyang pisngi. Nang magdilat siya ng mga mata ay mas mapupungay na ang mga iyon.

Hinawakan ko ang laylayan ng aking blouse. Ang mga mata ni Isaiah ay naalis ang pagkapungay at nanlaki nang bigla akong maghubad ng damit. "Hoy!"

Hindi ko siya pinansin. Pagkalapag ko ng hinubad na blouse sa kama ay sinunod kong in-unhook ang aking bra sa likod. Bago ko iyon maalis sa aking katawan ay napabangon na si Isaiah. Niyapos niya ako para pigilan.

Bumagsak kami sa kama habang nakakulong ako sa mga bisig niya. Nakaladlad na ang strap ng aking bra at kung hindi lang sa pagkakayakap niya sa akin, ay baka tuluyan na iyong nahubad sa katawan ko.

Lalo niyang hinigpitan ang pagkakayakap sa akin nang magkakawag ako para makawala.

"Ayaw mo ba?" naiiyak ng tanong ko sa kanya. Nilalakasan ko lang naman ang loob ko kahit ang totoo ay nangangapal na ang mukha ko sa hiya.

Walang sagot mula kay Isaiah. Nasa bandang leeg niya ako kaya nakikita ko lang ang ilang ulit na pag-alon ng kanyang lalamunan.

"Isaiah, bitiwan mo na ako..."

"Ayoko, maghuhubad ka."

"Hindi na."

"Promise?"

Tumango ako.

Binitiwan niya na ako saka siya tumalikod sa akin. "Sabihin mo na lang kapag nakaayos ka na."

Nang makawala na sa mga braso niya ay muli akong naupo, hindi para ayusin ang aking bra, kundi para tuluyan iyong hubarin.

"Tapos na?" tanong niya.

"Oo."

Bumangon siya paupo at humarap sa akin para lang matigagal. Ang mapulang mga labi niya ay napanganga. Matagal pa bago naproseso sa utak niya ang nakikita. Mahina siyang napamura at napapikit ng mga mata.

Sinamantala ko naman ang pagkakapikit niya. Lumapit ako at idinampi ang aking mga labi sa mga labi niya. Paghawak ko sa kanyang balikat ay awtomatikong nanigas siya.

Magkalapat lang ang mga labi naming dalawa ni Isaiah. Hindi siya nagtatangka na igalaw ang mga labi niya para halikan ako, kaya ako na ang kumilos. Marahan kong idiniin ang mga labi ko sa kanya. Tinikman ko ang ibabang labi niya gamit ang aking dila. Hindi pa rin siya gumagalaw pero maaligasgas ang ungol na kumawala mula sa kanya.

Kinuha ko ang kamay niya at inilagay sa aking hubad na dibdib. Para siyang napaso na akmang magbabawi pero ayaw ko siyang bitiwan. Sa paghila niya ng kamay ay hindi sinasadya na matamaan ng kuko niya sa daliri ang naninigas na dulo ng aking kaliwang dibdib.

"Aw!" Napausod ako.

Nagulat naman si Isaiah. "Sorry, sorry!" Natatarantang napatingin siya sa harapan ko. "Sorry, hindi ko sinasadya. Saan ka natamaan?"