قلب مُغلق للصيانة / كاملة

وحشتوني هام جدا

أولا صباح الخير عليكم...

وحشتوني بجد كلمة قليلة وحشتني كومنتاتكم ووحشتني الرواية أهى هانت🥹🥹🥹🥹🤍🤍🤍🤍

يارب تكونوا في افضل حال ربنا يوفقكم الفترة دي كلها امتحانات.. بتهان😂

المهم جيت أقولكم في وسط الدوشة دي بعض الأخبار الحلوة...

فخليكوا معايا للآخر ....

الرواية الورقي الجديدة هتكون متواجدة في دار مدينة الكتب، علشان اللي كان نفسه أكون مع رحمة نبيل في نفس الدار..

الرواية هتكون من يوم ٢٤ يناير بإذن الله لغايت يوم ٦ فبراير في معرض الكتاب الدولي 

ده المكان ...

وبعد المعرض هتكون متوفرة أونلاين لكل المحافظات والمكتبات أن شاء الله...

وأي جديد هبلغكم...

اقتباس من الرواية وللعلم تصنيفها اجتماعي لايت وخفيفة جدا🤍🤍

نكسر حدة قلب مغلق للصيانة شوية وأوعدكم بأحداث عظمة في الطريق فيها بس دلوقتي أسيبكم مع الاقتباس..
_____

-وكده مرمتش ودنك؟!

دافع "سيف" عن نفسه هاتفًا:-
-مكنتوش بتأكلوا ساعتها تفرق أنا اتصنت أه بس لما تخلصوا الأكل لكن وأنتم بتأكلوا ليه مبخافش ربنا، وبعدين الراجل مسح بكرامتك الأسفلت بصراحة وعماله تقوليله أنا بلوجر وكأنك وزيرة الري يعني.

-أنتَ بجح يعني أتصنت عليا ومشيت ورايا، لا وكمان بتتريق عليا وبعدين مش المفروض لما تلاقيني في مشكلة تيجي وتدافع عني مش دي الشهامة مش سايبني مع راجل غريب.

ضيق "سيف" عيناه، فما الذي تقوله تلك المعتوهة؟! حتى هى أنعقد لسانها وشعرت بالحرج الشديد فما الذي تفوهت به، هو أيضًا غريب، ما الفارق بينهما حتى لم تكن تعرف أسمه عرفته فقط منذ دقائق...

تحدث "سيف" في نبرة مرحة لا يدري هل يحاول أن يخفف عنها الحرج أم يفعل ما هو عكس ذلك:-
-عندك حق، حقك عليا يا أم العيال بعد كده اللي هيبصلك بصه يقول على نفسه يا رحمن يا رحيم، هشقهولك اتنين.

-أم العيال ايه أنتَ اتجننت؟!.

قالتها في حرج شديد وقد أحمرت وجنتيها غضبًا وخجلًا فعقب "سيف" على حديثها في عتاب:-
-معقولة عايزة تتهربي مني ومن العيال وبعدين ما تديني واحده قابلني والأشواق فى عنيه سلم، سلم وخد ايدي فى ايديه، وهمس لي قالي الحق عليه، نسيت ساعتها بعدنا ليه، فين دموع عيني اللي ما نامت ليالي، بابتسامه من عيونه نسهالي، أمر عذاب وأحلى عذاب، عذاب الحب عذاب الحب.....

_______

الخبر الثاني..

رواية نقوش ملعونة اللي تم إصدارها معرض الكتاب اللي فات بالاشتراك مع فاطمة محمد الطبعة التانية منها بأمر الله هتكون موجودة في المعرض دار المصرية السودانية الإماراتية للنشر والتوزيع ومكانها في المعرض..

في صالة 1 جناح C8 في معرض القاهرة الدولي للكتاب 2023..

تصنيف الرواية كوميدي لايت فنتازيا🤍🤍🤍

أي تفاصيل هروح امته أو الأسعار كل ده هعرفه ليكم وهبلغكم وكده كده هنبدأ نعيد نشر  رواية قلب مغلق للصيانة قبل بدأ المعرض وهعرفكم كل التفاصيل في بداية أو نهاية كل فصل للي مهتم..

أخيرًا شكرا لكل حد فيكم دعمني بجد أنتم عيلتي التانية كل كومنت وكل فوت كل كلمة كل حاجة منكم هى اللي مخلياني أكمل🤍🤍

لو وصلتم لغايت هنا شكرا ليكم وربنا معاكم يارب في امتحاناتكم وعرفوني قرأتم أيه ليا ولو حبين أقتراحات هرد عليكم خلال اليوم🤍🤍🤍🤍🤍🤍