وحشتوني🩷
عاملين أيه يارب تكونوا في أفضل حال.
ياريت توصلوا الفصل اللي فات ل ٦٠٠ فوت والفصل ده التفاعل يكون عليه حلو علشان الواحد قرب يجض من التفاعل😅
متنسوش الفوت والكومنت أسيبكم مع الفصل قراءة ممتعة...
_________________
الفصل السادس والسبعون
من #قلب_مغلق_للصيانة
بقلم #fatma_taha_sultan
_____________
اذكروا الله
____________
مُنذ ان عرفتك لم أعُد انتظر احد لا انتظر ان تهديني الدنيا شيئاً من بعدك انا مُتباهي جداً بما أملك.
#مقتبسة
يمكن دائمًا مواجهة العدو الحقيقي وقهره أو الانتصار عليه. العداء الحقيقي يقوم على المحبة ، المحبة التي لم تتعرف على نفسها.
"هنري ميلر"
____________
شعر ظافر بالقلق متمتمًا:
-حصل أيه؟!.
-الاسانسير عطل بواحدة كانت طالعة للست نهال.
أتى في عقله تلك الحمقاء فورًا، فتحدث في غصبٍ:
-أنتَ متصل بيا تجلطني هو أنا مسؤول الصيانة؟! قاعد تتفرج ومستنيني أقولك حل ولا أيه ما تسحب الاسانسير من فوق ولا أعمل أي حاجة.
تحدث الرجل في راحة شديدة وكأنه لم يلقي الخبر بطريقة كارثية:
-ما أنا سحبت ليها الاسانسير بس أنا كنت في الاوضة بتغدي يا ظافر بيه فملاحظتش الموضوع اللي بعدها بفترة ولما خرجت فضلت تزعق وبهدلت الدنيا.
تنفس ظافر الصعداء على الأقل لم يحدث ضرر، فهتف في سخرية:
-ممكن يا عم أحمد لما تعوز تتصل تقولي خبر تقوله مرة واحدة متقسمهوش وتقولي حاجة تشلني وبعدين تسكت وتسيبني أنا أخمن لغايت ما أتشل جنبك.
-بعد الشر عليك يا ظافر بيه، وبعدين طول ما أنا في العمارة أوعى تقلق.
تحدث ظافر في دعابة:
-ده أكتر سبب مخليني أقلق والله يا عم أحمد.
ثم سأله في تلقائية تحت مراقبة والده له:
-وهي فضلت قد أيه في الاسانسير وطلعت كويسة ولا لا؟!.
-يعني قعدت حوالي ربع ساعة مكنتش أعرف أن الاسانسير عطلان غير أن حد جه بالصدفة جاي يركب قالي أنه عطلان وطلعت دايخة ووقعت في الأرض بعد ما فضلت تزعق راحت سكتت وقالت حصل خير.
قال ظافر في هدوء:
-طيب ماشي، خلي بالك بعد كده يا عم أحمد وأتصل بحد يجي يصلحه ولا يشوف المشكلة فين.
-حاضر يا بيه أنا كلمته أساسا وزمانه في الطريق، مش عايز أعطلك مع السلامة.
عقب ظافر على حديثه قبل أن يغلق المكالمة:
-مع السلامة.
