قلب مُغلق للصيانة / كاملة

الفصل العاشر

الفصل العاشر من #قلب_مغلق_للصيانة
بقلم #fatma_taha_sultan
_________

اذكروا الله
_________

‏"حتى الأحلام يجب عليها أن تقاوم للبقاء على قيد الحياة".
- دوستويفسكي
__________

في صباح يومٍ جديد...

ولج {متولي} إلي محل والد حنان ليجدها واقفه مع بعض الفتيات التى تقوم بشراء بعض الخواتم الذهبية وما أن لمحته حنان حتى استأذنت منهم بتهذيب وتوجهت ناحيته...

أردفت حنان في هدوء وابتسامة بشوشة:
-عمو متولي أيه المفاجأة الجميلة دي؟!...نورت الدنيا كلها..

عقب متولي على حديثها في هدوء لا يحمل من الصفاء شيئًا:
-بنورك يا بنتي...أنا جاي بس مش عايز أعطلك عايز أتكلم معاكي شوية لو فاضية؟!

أجابته حنان بتهذيب:
-لا تعطلني أيه بس اتفضل تعالى ندخل مكتب بابا وأطلبلك قهوة..

هز متولي رأسه موافقًا مردفًا في جمود:
-ماشي

ولجوا إلي الغرفة وجلست حنان قبالة متولي وطلبت له القهوة وبالفعل أتت وأصبحوا بمفردهما فبدأ متولي الحديث قائلا بعد أن أتي الشباب بالقهوة التي طلبتها له:
-رشاد قالي على اللي عملتيه والرسالة اللي بعتيها لظافر وخليته يرجع...بصراحة مهما شكرتك هيبقى قليل لولاكي كان ممكن دماغه تقفل ويسيب جيشه ويفضل مختفي منعرفش له طريق جره....ولا كان بيرد علينا.

سألته حنان في فضول وترقب:
-هو راح جيشه؟

قال متولي في هدوء:
-اه راح النهاردة الصبح...علشان كده جيت أشكرك.

أردفت حنان في خجل وتوتر من مجئ متولي:
-انا عملت اللي عليا والحمدلله جه بفايدة

عقب متولي بتهكم حاول إخفاءه قدر الإمكان:
-اه الحمدلله جه بفايدة فعلا...

تنهد متولي ثم هتف في حنو لا يليق به بعد أن أخذ رشفه من فنجان القهوة الموجود أمامه:
-أنتِ زي بنتى يا حنان وأبوكي واخوكي الله يرحمهم كلنا معاهم في طبق واحد...وأبوكي طول عمره راجل محترم وأخوكي الله يرحمه كان زي ابني.

أردفت حنان في حزنٍ واستغراب:
-الله يرحمهم يا عمي...بس أيه المقدمة الغريبة دي؟

تمتم متولي في برود:
-أنا بس بعرفك غلاوتك عندي...أنتِ زي بنتي وأنا عايز مصلحتك.

عقب حنان تلك المرة:
-أنا مش فاهمه حاجة خالص يا عمو ممكن توضح قصد حضرتك أيه؟؟

تحدث متولي في جراءة ووضوح:
-بصي يا بنتي انا عارف اللي عنيتي منه سواء مرضك أو موت والدك واخوكي...وخصوصا موت أخوكي اللي خلى ظافر يقرب منك ويهتم بيكي علشان شايفك أخته...وحطي تحت أخته دي خط...فعلشان كده مش عايزك تعلقي نفسك في حبال دايبه...ظافر كان بيحب شيماء على أيدك كل حاجة مش محتاج أقولك ويوم ما يفكر في غيرها متزعليش مني مش هقبل تكون أنتِ..