أرجو التفاعل يكون على الفصل ده والفصل اللي فات كويس 🩷🫶
أسيبكم مع الفصل يا حلوياتي🩷🫶
الفصل الثامن والستون
من #قلب_مغلق_للصيانة
بقلم #fatma_taha_sultan
__________
اذكروا الله
_________
أرِح قلبك بالتقبُّل، وأرخِ يديك بالإفلات، وَدَع كلّ ما حولك يأخذ مجراه المُقدَّر له، فأحيانًا لا طاقة لنا إلا بالتسليم، ولا علم لنا سوى إدراك أنَّ لكلِّ شيءٍ حكمة
- "أسامة الخباني"
"إنني أحبّك في كل حين.. حتى في صعوبة الأوقات وضجة الأفكار والتساؤلات أحبّك.. ولا شيء في قلبي أعزّ منك"
#مقتبسة
___________
بعد ذهاب عثمان ولجت نهال إلى غرفتها جاء وقت النوم، ومروة بجانبها على الفراش فمنذ وفاة والدها لا تستطيع النوم في غرفة بمفردها لا تدرى لما؟!.
هتفت مروة في سخرية:
-مش عايزة تنزلي علشان مروة أنتِ مالك بيا؟!! هتخمد عادي، وترجعي تقولي الراجل مبيتكلمش ومبينطقش ليه مهوا كله من عمايلك.
زفرت نهال في ضيقٍ ثم قالت:
-خلاص هننزل الصبح.
صمتت مروة لثواني وبدأ القلق يحتلها وشعرت بأنه حان وقت الاعتراف....
-نهال أنا في حاجة مهمة لازم أتكلم معاكِ فيها، حاجة حصلت لما الحاج فرغلي كان في المستشفى.
سألتها نهال في توتر وإرتباك طفيف ورُبما يُصنف بمعنى أخر وهو الحزن فكلما يذكر أحد أمامها تلك الأيام تحزن أكثر مما هى عليه:
-حاجة أيه دي يا مروة؟!!.
أبتلعت مروة ريقها وقالت في توتر هى الآخرى:
-اليوم اللي اتكتب فيه كتب كتابك أنتِ وعثمان، الصبح لما نزلتي أنتِ وهو علشان تسحبي فلوس وتجيبوا العلاج اللي اطلب منكم، كان الحاج فرغلي يعتبر مريح شوية وكان هيدخل في النوم استأذنته إني هروح بس أشوف شاحن وأجي وعقبال ما روحت دورت على شاحن وجيت لقيت واحد خارج من اوضة الحاج فرغلي.
قالت نهال في أستغراب ورُبما شيء بداخلها توقعه ومع ذلك سألتها:
-مين؟!.
أردفت مروة في خفوت:
-رامي ابن عمك هو اللي كان جوا لما دخلت للحاج فرغلي هو اللي قالي، وقالي لازم تتجوزي عثمان وبسرعة، رامي جه يشوفه واظهر نيته أنه طمعان فيكي بصراحة، والحاج فرغلي جوزكم في يومها.
تمتمت نهال في توتر شديد:
-يالهوي رامي هنا في مصر؟!! انا أصلا مرعوبة أختفاءه الغريب راعبني بشكل كبير.
قاطعتها مروة في هدوء غريب من نوعه:
-متخافيش من حاجة أصلا هو اللي خايف ومستخبي من سنين، وكمان كون أنه من ساعة وفاة الحاج مجاش هنا ده معناه أنه خايف وعامل حساب أنك بقيتي متجوزة، وبعدين كل حاجة مكتوبة بأسمك قلقانة من أيه وعثمان معاكِ وفي ضهرك، أنا قولتلك علشان حسيت أنك لازم تبقي عارفة وتقولي لعثمان كمان أنا مرضتش أقول ليكي من بدري علشان أنتِ كنتي في فترة صعبة.
