اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
محدش يسأل على ميعاد البارت الجديد من قلب مغلق للصيانة لو منتظر أجابة علشان حقيقي معرفش
شغاله كتابة فيه🥹😂
الفصل الجاي طويل جدًا، يكاد يوصل ل ٥٠٠٠ كلمة ويعدي، لأنه مليان أحداث وتفاصيل كتيره جدا، علشان الفصل الجاي هنتوقف بعده شهر تقريبا عقبال ما نخلص امتحانات، الفصل مينفعش فيه استعجال لأن كل مشهد فيه مشهد مهم وحركة انتقالية في الرواية وده هيظهر في البارت اللي بعده اللي هينزل اول ما اخد الإجازة علطول، الفصل الجاي عايزاكم تستمتعوا بتفاصيله أنا بكتب فيه واحده واحده لأن كل مشهد حرفيا مهم جدًا...
وحقيقي مشغولة أصلا في المذاكرة.
الفصل هينزل أول ما يخلص ويتظبط.. وللعلم أحداث البارت مكتملة يعني مش هتكونوا محتاجين الفصل اللي بعده بسرعة يعني المشاهد مش هيكون ليها تكملة الفصل اللي بعده.
سؤال تاني بتسألوه الرواية هتخلص امته برضو معرفش😅😂😂
علشان الاحداث في دماغي بتبقى موجوده بس لما بتيجي تتكتب الله أعلم تطول أو تقصر أحنا ونصيبنا..
بس معتقدش أن لسه هيكون فاضل اكتر من ٢٠ :٢٥ فصل وبرضو حسب ما الأحداث تأخد مش هنتقيد بعدد...
ملحوظة صغيرة عن شخصية حنان: -حنان أصيبت بسرطان في الرحم وشالته أحتمالية حملها مش موجودة اصلا الموضوع اتذكر اكتر من مرة بكذا طريقة معرفش ازاي اغلبكم ماخدش باله من الحتة دي😅😅
-حنان شخصية مش واثقة في نفسها، حنان شخصية كئيبة ....الخ
أي حد بيصاب بالمرض ده بيكون عنده انكسار وحته في قلبه حتى لو المرض ده مأثرش بحاجة في جسمه وحتى لو مكنتش شالت الرحم اللي بيصابوا بهذه الأمراض بيصابوا بوعكة نفسية كبيرة علشان كده أغلبهم لازم يخضعوا للعلاج النفسي وطبعا الأغلب مش بيهتم بالحتة دي..
اي حد مكان حنان طبيعي يبقى حساس ما بالكم كمان أن المرض ده أثر على حاجة جامدة في حياتها أنها اتحرمت من الأمومة..
طبيعي تكون طريقتها كده دي توضيح بسيط ولو عندكم حد لقدر الله مصاب بالكانسر لازم تدركوا حساسية جسده ضد المجهود وحساسية نفسه وهشاشتها وقلقها طول الوقت فأرفقوا بيهم🩷
وأخيرًا لو حابين تسألوا أي حاجة قولوا هتناقش معاكم.
