مكنتش ناوية أحدث علشان ميكترش عدد البارتات عد عن الفصول ولكن التعليقات صادمة😅
طبعا انا متوقعة ١٠٠% زعلكم على موت رشاد بس موت رشاد ده مش متحدد دلوقتي ولا متحدد امبارح ولا حتى من اسبوع ده من شهور طويلة من قبل ما تنزل الرواية ومن أول ما نزل الاقتباس...
لازم نكون عارفين أن الرواية بالمستوى الأول اجتماعية وواقعية قبل ما تكون رومانسية او بتحكي عن علاقات حب أو علاقات عمومًا يعني طبيعي جدا هيمر علينا فصول هنضحك فيها من قلبنا وفصول هتحكي عن وجع كبير...
أولا من حقكم تعبروا عن حزنكم وزعلكم وده يبين تفاعلكم من الرواية..
بس الحدث ده مش دليل أن الرواية هتبقى تنحة والكلام الغريب ده....
أنا بكتب روايات من ٢٠١٨ يعني أنا مش داخله مبتدئة ولا جاية أجيب فكرة أتهرست مليون مرة ومفيش كلمة بتتقال في الرواية إلا وهو محسوب قصادها مشاهد بالكوم...
وموت رشاد مش دليل على ان الرواية انها هتنح وكومنتات تضايق، زعلكم على شخصبة حصلها حاجة أو ماتت غير حكمكم على رواية بالفشل، رشاد أصلا مش بطل أساسي.
أنا عارفة أنا بعمل أيه وبكتب أيه والأحداث مترتبة واللي باعتين برايفت واللي كاتبين كومنتات أنا مش من النوع من الكاتبات اللي هكتب الرواية على أساس الكومنتات يعني اللي يريحكم أعمله بحيث أني أغير الاحداث حسب كلامكم.
الأحداث ماشية زي ما متحدد ليها من شهر يونيو اللي فات متغيرش فيها حرف علشان حد، فأنا عارفة بعمل أيه يا جماعة واللي عارفني أنا أكيد مش قصة موت رشاد إني أعمل حاجة كلكم متوقعينها
وتصبحوا على خير ونتقابل في بارت جديد💜
وسامحوني على تقصيري بسبب الامتحانات ورواية المعرض 💜💜
