قلب مُغلق للصيانة / كاملة

الفصل الثامن والأربعون

وحشتوني بالنسبة للي بيسألوا عن مواعيد
هحاول أثبت المواعيد أتنين وخميس بس للعلن لو مثلا جه الاتنين أو الخميس ومنزلتش يبقى الفصل أترحل لليوم اللي بعده لظروف مثلا بسبب الدراسة إلا لو في سبب وهتأخر أكتر من كده هبلغكم وقتها🤍

هحاول على الأقل في أول دراسة نستمر على فصلين في الأسبوع بعد كده هيبقى فصل🤍🤍

وياريت تفاعل حلو على الفصول اللي فاتت لأن التفاعل غير مجدي بعد ما كنا بنجيب ٥٥٠ فوت بتجيبوا ٣٨٠ وتسكتوا رغم اني عوضتكم على قد ما أقدر في الاجازة فياريت يكون في تقدير

أسيبكم مع الفصل ومتنسوش الفوت والكومنت🤍

_____________

الفصل الثامن والأربعون من
#قلب_مغلق_للصيانة

بقلم #fatma_taha_sultan

_____________

اذكروا الله

__________‏

رغم المسافة أقف أمام صوتكِ فاردًا ذراعيّ ليعانقني.‏
#مقتبسة

إذا ركبت القطار الخطأ حاول أن تنزل في أول محطة لأنه كلما زادت المسافة زادت تكلفة العودة !

- #دوستويفسكي 📰

__________

أنهى (علام) عمله في الطوارئ ثم توجه إلى غرفته ليستعد للذهاب، ليجدها تجلس في الغرفة، تلك المرأة العنيدة، هل كل النساء بهذا العقل الصغير؟!! وتحركهم عاطفتهم العجيبة، فهى من تركته والآن هى من تسير خلفه شيء عجيب بالفعل!!!

أغلق علام الباب متمتمًا في غضبٍ:
-أنتِ بتعملي أيه هنا؟!، أنا عايز أعرف أنتِ بقيتي تعرفي عني كل حاجة أمته مسافر وامته راجع، وأيه اللي بيحصلي وبمر بأيه منين.

عقبت ديانا على حديثه في عتاب:
[Come down]-

أردف علام في سخرية:
-متقوليش أهدى أنتِ لسه مصممة مفيش فايدة قولت ليكِ أتجوزت برضو مصدقتيش ومصممة تكلميني، عايز أفهم فين إصرارك أنك تسبيني وقطعتي علاقتك بيا مرة واحدة ودلوقتي جاية وعايزة ترجعي تاني بعد ما خلاص كل حاجة خلصت أنا مش عارف عايزة توصلي لأيه بصراحة مش فاهمك.

نهضت ديانا من مقعدها متمتمة في توتر في خليط بين اللهجتين:
-ما كنت بتخيل أنك هتتعامل معايا بهالشكل ده.

ثم أسترسلت حديثها في ضيقٍ مستخدمة اللغة الإنجليزية:
[Yes, you told me you got married, but i didn't believe it ]

قهقه ساخرًا ثم غمغم في تهكم:
-ففضلتي مستمرة لغايت ما هى ردت عليكِ علشان تصدقي صح؟!.

هتفت ديانا في قلة حيلة فهى على وشك الجنون منذ معرفتها بأنه قد تزوج:
-علام أنا من ساعة ما عرفت أنك اتجوزت وأنا مش عارفة أنام والله العظيم، ازاي تتجوز أنا فضلت جنبك سنين اتحايلت عليك بكل الطرق كان نفسي بس أعيش معاك ورفضت، ازاي يحصل كده مرة واحده محتاجة أفهم من حقي أنك تفهمني يا علام.