النحرير

النحرير "3"

#نحرير
#امونة_الفارسي

فوق سطح بناية فيها 11 طابق
جوليا :نزلي
....:منزلاش .... بعدي مني لي كان كيربطنا زمان.. هنا سالا
جوليا:(كتبعد حيت مقادراش تقرب)قلت ليك نزلي ....سمعي قنعيني ولا نقنعك ... ديك ساع لي قررتيه انا معاك فيه
.... :(بضحكة مليئة بالاستسلام وقلة الحيلة) آخر لقاء بينا تمنيتي ليا امنية وانا دابا غانحققها ليك (بابتسامة باهتة) ...#يتبع
•°•فالمكتب عند أريب فقسم شرطة ....
دخل عليه رئيس قسم الشرطة ودمو كيفور حط الملف بجهد فوق البيرو اريب لي ماتسوقش مهزش عينو من الكومبيوتر ديالو ومحركش ساكن
رئيس الشرطة: (مفقص)جيت نسولك سؤال واحد ونمشي فحالي... واش محرشك عليا شي حد؟
أريب:( بضحكة استهزاء وعينيه باقيين فين كانو)امم مالك داخل بعجاجتك اشنو
رئيس الشرطة:(كيحاول يتهدن) عجاجتي ؟ علاه كاين شي عجاجة قدام هاد الاعصار لي ضربتيني بيه هاد النهار ..!
أريب:( هز عينيه وهو معلي حاجبو الايسر) داكشي لي وقع هو لي قلت لمنير يكتبو... انا هنايا نفك الغاز الجرائم وماشي من مهام ديالي نكتب سيناريو ديال فيلم باش يعجب الصحافة
رئيس الشرطة: ولكن ماشي بهاد الطريقة ا أريب ماشي هاكا.. ماشي نقولو ليهوم هربات منا
أريب:(باستفزاز)وشنو نقولو مشات قدامنا ولا سبقاتنا ؟
منير لي كان حاضر شداتو الضحكة وهز عينيه يشوف لسما باش ما يطلقهاش.
أريب:( دور عينيه البيسي ديالو وكمل هضرة) دير فبالك هادي لي كتعاملو معاها ماشي مجرمة عادية باش نعرفو خطواتها ... هادي وحدة لي فنانة وعندها مع الابداع وهدشي غاتكونو لاحظتوه فداكشي لي لقيتوه فدارها...ولي حل فمو علينا يجي يشدها بلاصتنا وله الاجر ...( وضرب غمزة للرئيس الشرطة شي لي خلاه مكوانسي ...مكرهش يطير عليه يقجوو وفنفس الوقت عارف انه تا حد من غير أريب ما يقدر يحل هاد اللغز)
#فلاش_باك
جوليا: كتحط الورد على قبر دهاء وقلبها كيتشوى حتي بدات كتهضر مع راسها... دهاء حبيبتي توحشتك ... عييت نبهك ونفيقك ونتي والوو تقولي مسحورة بيه 😭😭خليتيني بوحدي معرفت لا ما نقدم لا ما نوخر _ماكانش خاصني نخليك تمشي __مكانش خصني نسمع ليك __" وتكات على قبرها وكأنها كتعنقها... مكرهتش تعنقيني عندك ونحس بديك الحنان لي كنتي ديما كترويني منوو.. بغيت غير نشد يديك لي ديما كانو سخان... ونحس بالدفئ ديالهم ولو لآخر مرة ( كتبكي وكتشهق ) علاش ادهاء راسك قاسح علاش... كون سمعتي مني كون راكي معايا دابا 😭😭... كون بعدنا وبديتي من جديد__علاش نتي ديما كنتي كتحميني وانا اول مرة كان خاصني نحميك فشلت -- عنقيني ادهااء عافاك نوضي قوليلي هدشي كولو غير حلم ... نوضي كذبيني بحال كيما كديري ديما .... نوضي يالاه نوضي....(وجلسات على ركابيها وبدات تضرب بحر جهدها فالتراب) نوووضييييي يالااه فيقييي ياك نتي مكتحمليش الصدع انا كنصدعك فيقي غوتي عليا نوووضي.... وهي كتغوت وتبكي ... جات فنيفها ريحة غريبة ريحة لي خلات قلبها كيزدح 300ضربة فالدقيقة ضارت كي الحمقة كتقلب يمين وشمال كتشوف الريحة منين جاية هبطات تشم القبوور باش تأكد واش منوو جايا الريحة .... واالووو وبقات جالسة على ركابيها مصدومة كتحاول تستوعب ديك الريحة لي كتشمها واش حقيقة ولا غير دايز الهوى بها ....