النحرير

النحرير 41

اريب:(كيضحك)توحشتني ولا اش!! ..ماكيناش شي كدبة اخرى زعما تخليني نجي كنجري😏

دهاء:(كتبلع ريقها ودموع نازلين خط واحد من عينيها حاسة بشمتة وحرقة وخوف)مازن ومصعب تخطفو ااريب

اريب:(كيسمع صوتها شهقاتها وبدات كتسرح فيه هضرتها)دهاء ماكضحكيش

ياله بغات تجاوبو طلعات معاها مكالمة اخرى وهي تجاوب واريب علي لخط حتي هو كيسمع لمكالمة

ارون:(كيضحك)ماتوقعتكش بهاد السداجة امدام انتاريس كتحاولي تلعبي مع الشخص الغلط

دهاء:(كتغوت عليه)اقسم بالله وتمس شعرة منهم حتي نمحيك من وجه الارض انت لي ماكتعرفش معامن كتلعب

ارون:(كيضحك)لا عارف معامن كنلعب انتاريس قلب العقرب مجننة العالم ورااك ..واخا داك الذكاء كولو مانفعكش فهاد اللقطة ووفرتي عليا بزااف ملي جبتي معاك ولادك ههه انا كنشكرك فالصارحة.. كنحس بالعافية شعلات فيك(ضحك باستفزاز)

ماعليش الطيور علي اشكالها تقع.. حتي حد ماكامل هادي غادير ليك لعقل من جديد ...واخا اول حاجة كنتعلموها هي مانديروش الثقة فالغرباء ههه درس اخر تعلمتيه معايا ازوينة

دهاء:(كتهضر بحرقة وكلامو استفزها .ولات مغددة كون لقاتو قدامها غاتقتلو ماغاترددش عليه)ماغاتكفينيش فيك الموت

ارون:(كيضحك باستفزاز)عندك 78 ساعة تجيبي ثمتال لي شفرتيه ونسلم ليك دراري مافيهم حتي خدش صحة سلام كيما خديتهم..(جمع ضحكة وقلبها جدية)78 ساعة وجوج دقايق مانضمنش اشنو غايوقع تقدري تلقايهم من طيور الجنة ..ماسخيتش بصوتك القتال والكن سلات هضرتي باي قلب العقرب ههه(ضحك بخبت وقطع😈)

اريب:(مصدوم وهو كيسمع المكالمة ديالهم)غانقتلك ادهاء الي وقعات لولدي شي حاجة

دهاء بقات مصدومة ماعقلاتش علي راسها طايحة فالارض تكات علي الطوموبيل وجلسات كتبكي ماقادراش تستوعب اريب عيا يوصني ليها ماقدراتش تجاوب بقات غير كتبكي حتي حسات بشي خيال واقف قدامها

لمرة:(بحسرة كتشوف فيها)الله يصبرك اختي لكبدة صعيبة حنا راه عيطنا لبوليس دابا يجيو انشاءلله يكون خير

دهاء ماتسوقاتش ليها حيت اصلان ماكتسمع والو ودنيها تصمكو ودنيا كحالت فعينيها.. بعد مدة ناضت لطوموبيلتها ركبات ماقدرات حتي دور لكونطاك بقوة ما يديها كيرجفو ساقت دغيا لدار خوها ..وهي كتعيط ليه فالتيليفون ماكيجاوبش ..غير دخلات لقات اسية جالسة فالفوطوي كتهضر فالتيلفون مع سماح وحاطة مشتها فحجرها كتلعب معاها وكضحك

اسية:(كتشوف فدهاء)هاهي نيت جات ندوز ليك ولدك تهضري معاه راه بيخير غير كتزيدي فيه😂(كتشوف فدهاء لي حالتها مرونة ودموع فعينها وكلها كترجف شعرها مخربق وحوايجها موسخين حيت جلسات فالارض ..وشعرها مخربق لونها مخطوف ..حالتها ماكتبشرش بالخير خلات اسية توغوش وتشوش عليها ناضت وقفات حداها متعجبة وقلبها كيضرب)مالك ادهاء اش وقع