النحرير

النحرير "6"

#النحرير
#امونة_الفارسي

من بعد معشا لولد ونعس قال لياقوت تمشي تجمع داكشي فاش تعشا ...ومشا دخل لبيتو هز تيليفونو وبقا متبع الاشارة ديال اداة تعقب لي فالساعة باانت ليه كتحرك هز تيليفون ولبس دجيكيت وخرج ركب فطوموبيلتو وبقا متتبع الاشارة...
●عند دهاء
ملي سلاو جميع هزو كاع داكشي لي كايخصهم حطو كلشي فالطوموبيل وديماراو وبقاو غادين شحااال ساكتين حتي نطقات جوليا
جوليا:(كتشوف فالطريق)فين غادين دابا
دهاء:(دارت شافت فيها وابتسمات)دابا غاتعرفي غير صبري
بقاو غادين بالطوموبيل شي 5 دقايق بعد لحوار لي دار بيناتهم.... فجأ وقفات دهاء قدام حديقة للاطفال هبطات وتمات غادية كتمشا جيهت الحديقة... جوليا كتشوف فيها حتي دخلات ...بقات واقفة كتشوف دنيا خاوية حيت ليل طبعا جبدات الساعة من جيبها ولاحتها تما ابتسمات بجنب فمها... ورجعات لطوموبيل وتما رجعات باللور وبقات غادية بالاتجاه المعاكس
جوليا:(ضرها راسها)واش من نيتك اشنو جينا نديرو هنا ولاش راجعة ضاربة بينا هاد طريق كاملة باش ترجعي
دهاء:(كضحك عليها) عرفتي كون كنتي كتصبري واهلي فيين غاتوصلي ....بدات كتعاود ليها المشكلة من للول واشنو وقع وشكون مورا هادشي ...
جوليا:(ابتسمات )انا كندعي لله يعطيني غير شوية من لبرود ديالك ...كاتكوني طايحة فمشكيل قد سخط وكتعاملي معااه برود ياختي باز لييك وبرود دمك
دهاء:(كتشوف فالطريق وكضحك)فراسك هاد البرود هو لي كيجيب نتيجة ايجابية ...كون كنت كنتعامل بحالك كون عمر تكون شي حاجة سميتها دهاء ...وكيما كيقولو العجلة من الشيطان
جوليا:(بعفوية)كاين شي شيطان قدك.... شيطان قدامك كيطلب شرع
شافت فيها دهاء بنص عين وكملو طريقهم حتي وصلو قدام واحد الدار هبطات دهاء كتنفس شهيق زفير وعينيها فالدار وجوليا خرجات سدات لباب ديال طوموبيل وقفات قدام دهاء
جوليا:(كتشوف فالدار من برا)وهادي منين ضبرتي عليها
دهاء:(حلات لكوفر تجبد لي فاليز ديالهم)كنت خديتها فاش ياله جينا ...ديما كندير بحسابي ههه مهم دخلي خلينا نرتاحو حيت فغيمون عيانة بغيت غير نرتاح
جوليا هزات لي فاليز ديالها ودخلات تبعات دهاء ...جوليا بقات كدور وتكتاشف الدار ....ودهاء دخلات لأول بيت بان قدامها دوشات لبسات حوايجها وتلاحت نعسات...°°°
○عند اريب
لي كان متتبع الاشارة وطريق لي سلكات حتي توقفات فمكان معين.... بقا غادي مكسيري حتي وصل لمكان لمحدد هبط من طوموبيل كيبان قدامو حديقة للاطفال ...بقا كيتمشا حتي بانت ليه الساعة مليوحة فالارض تحدر للارض يجبدها وعلامة الدهشة علي وجهو ..حيت عاق بيها بغات تبعد الساعة علي مسارها لحقيقي والكن علاش تكبدات عناء تجيبها حتال هنا ...كان ممكن تهرسها وصافي ولكن هي تعمدات دير هكا وتوهو علي طريقها ...تما عرف بلي كيتعامل مع وحدة حافضة سوارها وعارفة اش كدير ...كبرات فدماغو يعرف شكون هادي باي ثمن ...
في صباح اليوم التالي ..

ليل وكولو واريب بالو مشغول وكيفكر نعاس ماشافوش فاش صبح صباح ناض خدا دوش ...خرج لاوي فوطة علي نصو وعضلاتو السيكسي لي هابط عليهم قطرات من لماء باينين وزادوه وسامة زيادة ... كيرجع شعرو لور بيديه مشا "لدريسينغ" يشوف اشنو يلبس وتفكيرو مشغول بالبنت سيطرات علي ولدو...وذكائها ...حتي كيسمع تقرقيب دور وجهو بانت ليه ميساء دخلات سدات الباب ومتكية عليه...شاف فيها بنص عين ورجع يكمل لبس ديال حوايجو كأنها ماكيناش ويهضر مع راسو .."صبحنا علي لله"..
ميساء:(ربعات يديها وشاف فيه)مالك شفتي جنون
اريب:(بدون مبالاة)والله الي ارحم من شوفتك ...انا نهار كنصبح عليك كنتشأم ...كنعرف نهار غايدوز زيرو
ميساء:(كتقرب منو)وصافي اريب واش باقي مقلق...(نزلات جوج دمعات) راه قلت ليك ولله ماكنت قاصدة ...ولحمدلله رجع بيخير اشنو باقي مقلقك
اريب:(باستفزاز)غبري غير من قدامي وغانكون بيخير
ميساء:(وصلات للاخر ديالها وبدات كتعلي صوتها)ماعرفت مالك علي حالتك كدير بحال الي ولدك غير بوحدك هداك راه ولدي ختي انا وبطبيعة الحال ماغانبغيش لي يأذيه
اريب:(قرب منها وعاقد حجبانو شدها بيديه من فكها زير عليها وقربها ليه) لديلمك صوتك مايزيدش يعلا ... هاد لموضوع مابغيتش نزيد نهضر فيه ...مليت منك ومن فعايلك...اقسم بالله الي صابر عليك غير بزز ...وبالنسبة لولد انا كنحدرك اخر انذار ...عمرك باقي تخرجيه معاك ولا يقولها ليك راسك ..حيت هاد لمرة ماغاندير بوجه حد اوكي...
طلق منها ..لبس ساعتو.... هز سوارتو وتم خارج خلاها منشورة فالارض .... مشا طل علي ولدو لقاه باقي ناعس باسو ومشا ...خرج بلا فطور سدات ليه زغبية الشهية علي صباح ... هز طوموبيلتو ومشا لمديرة الامن... سلم علي لعميد وطلب منو يشوف فاطنة المتهمة فقضية الاختطاف بغا يهضر معاها علي انفراد ....بجرا استاجب العميد لطلب ديالو وعيط علي البوليسي لمكلف بيهم يجييها ليه ...بقا اريب جالس حاط رجل علي رجل وكيلعب بالسوارت
عميد:"(بابتسامة)اشنو تشرب اسي اريب
اريب:(حشم يردها فوجهو عاوتاني بحال ديما) واخا شي قهوة كحلة
عميد: اييه مرحبا ...(هز تيليفون عيط علي لي يجيب ليه قهوة كحلة ... جابو ليه قهوتو ياله خدا رشفة للولة جابو فاطنة
عميد:(ناض خارج) خود راحتك اسي اريب انا غير هنا
اريب:(شاف فيه)مغسي...
حط لكاس فوق لبيرو وتم نايض جيهت فاطنة... اريب:(مربع يديه)جلسي
فاطنة رجليها كيقفقفو بالخوف ماقدراش تشد راسها غير سمعات جلسي لقاتها من الجنة والناس دغيا جلسات حادرة راسها فالارض...بقا اريب شحال كيشوف فيها ...
هدوء فضيع كيتسمع غير صوت انفاسها المتسارعة ...هو كيحاول يلعب علي اعصابها جلس قدامها وهز كاس شرب منو وحطو بألجهد حتي قفزات وشافت فيه
اريب:(بنضرة حادة)واخا اشنو باقي ماقلتيش ليا لبارح
فاطنة:(كتمتم)ماا م..مابقا عندي والو كلشي قلتو
اريب:(قرب حداه) انا غانتافق معاك اتفاق ....انتي غاتقولي ليا كلشي علي هاد لبنت وانا بالمقابل مستعد نتنازل علي تهمة الاختطاف ...ديك ساعة انتي غاتخرجي منها بزربا اش بان ليك
فاطنة:(رجع ليها الامل)والله ماعرفة شي حاجة ...ماكنعرف عليها والو ...والكن انا ممكن نعطيك لعنوان ديال دار فين كنت خدامة عندهم...
اريب:(رجع للور بالكرسي وبقا كيفكر) شحال هما فالدار
فاطنة: راه قلت لبارح هما جوج بنات ....هادشي لي عارفة وحتي خدمتهم ماعرفتش اشنو كيخدمو .... والكن نقدر نعطيك نمرة ديال سمسار لي خدمني عندها هو كيعرفها
اريب:(كيحك فلحيتو وكيفكر)هو كيعرفها مزيان
فاطنة:اهه اشاف اي حاجة محتاجها هو لي كيعاونها فيها
اريب:اوكي غانشوفو هاد سمسار حتي هو اشنو عارف (ناض وقف وقرب حدا ودنها) وحاجة آخرى... هادشي غايبقا بيناتنا وحتي واحد فيكم مايجبد سميتها فالتحقيق وانا غانتكلف بالباقي(ناض هز سوارتو وتيليفونو وتم خارج) مفهووم
فاطنة:مفهووم اشاف
...