النحرير

النحرير 45

دهاء:(عاضة علي شفايفها حابسة ضحكة بينهم)حتي تهدن انا اصلا كنرتابك الي شفتك معصب ماغاندويش براحتي وغانتلف فالهضرة

اريب:(شاف فيها وعض بسنانو علي شفتو التحاتنية غمض عينيه وفتحهم وتنهد بعمق)ياله هضري

دهاء:( قربات منو تربعات قدامو شدات فيديه)دابزنا حيت كان كيصوني ليا صباح وماجاوبتوش فاللخر قطعت عليه ونعست وهو عدوه شي واحد يتجاهلو انا كنضن ديجا كان معصب من شي حاجة وانا جيت فالطريق ملي تناقشنا ضربني بتصرفيقة وماسكتش جبد لفردي كيهدد فيا وانا نستافزو وهو يضربني بيه وكان غايتيري فيا حتي جا ارثر هز يديه فالوقت المناسب وطلقهم فالسما

اريب:(جمدات الدم فعرووقو بالصدمة)لا ماتقوليهاش ..واش كتهضري بصح.. كان غايقتلك(بغضب كيزير علي قبضتو وكارز علي سنانو)وكتقولي ليا لا ماكين والو ..هادشي وماكين والو ..وعلاش !! حيت ماجاوبتيهش(بدا كيزفر بغضب ومغززف)اااوف صافي انا وصلت لحد ديالي حتال هنا وحبس

دهاء:(حطات يديها علي وجهو كتلمس فدقنو ولحيتو)صافي ابب ماتعصبش عفااك انا علي هكا مابغيتش نقولك والو

اريب كيتنفس بصعوبة وباين معصب وعلي اخرو غير من عروق يدو لي برزو وتنفخو بدا كيفكر عاوتاني•• هي غير كتشوف عرفااتو علي شعرة زادت قربات منو وحطات راسها علي صدرو ويديها حطاتها علي كتفو نازلة طالعة بيها مع دراعو ويديه كتطبطب عليه

دهاء:(هضرات بشوية)عفاك احياتي ماتعصبش واش انا شحال ماشفتك وتوحشتك وتوحشت ضحيكة ديالك وملي لقيت لفرصة انت باغي تحرمني منها

(اريب تنهد بعمق وهبط راسو كيشوف فيها•• حسات بيه فاش تنهد وهزات عينيها وهي مزال ناعسة علي صدرو بدات كتشوف فيه كيفاش كيرمقها بنضراات فشكل ماقادرش يستوعب ان يوهان كان بصح بغا يقتلها علي سبب تافه دهاء هزات يديها حطاتها علي خدو)وصافي ااريب عفااك

باسها فيديها لي علي حنكو ودور يديه عليها معنقها وخاشيها فيه عنقها بجهد كأنو بغا يدخلها فضلوعو تكون منو عمرها تفرق عليه بدون ماينطق حتي كلمة مصدوم ماقادرش يتخيل ان كان ممكن تموت وتخليه بقا معنقها وهي معنقااه حتي حس بيها قفزات وغواتات

دهاء:(شدات فكرشها)ايي ناري

اريب:(باستغراب شاف فيها)مالك واش توعتي

دهاء:(كتداعب كرشها وكضحك)ناري علي ضربة دارت ليا لخوينزة عارفاك كاين حدااها عمرها دارت بحال هكا بجهد(عاودات ضرباتها وشدات يديه حطاتها علي كرشها)ايي حسيتي بيها

اريب:(ابتاسم بلا خاطر غير حيت الموقف خلاه يبتاسم واخا كانت ابتسامة فشكل وطلع تيشورت وكيدوز صبااعو علي كرشها كيلعب معااها وهي كتحرك هز راسو شاف فدهااء)سبحان الله كتحرك

دهاء:(كضحك بفرحة)مامولفااش تحرك بحال هكا غير شوية صافي حساات بيك حداها

اريب:(قرب منها وطبع قبلة طويلة فوق كرشها)قولي ليها راه توحشت بابا حتي انا غير بوحدك لي توحشيه(بدات كتحرك)فاهمااني حتي انا توحشتك ماكرهتش غير امتى تزادي ونهزك بين يدي