دهاء ابتسمات بخجل وجمعات الابتسامة بالزربا باشما يشوفهاش وهي كتردد فدماغها انو ملاين ملاير وبلاير الدنيا كلهم مايسواوش شي حاجة بالنسبة ليها بحال بوسة منو تروى عطشها شافها سكتات عرفها حشمات واخا دهاء ماتعرف منين تجي ليها هي غير كتجاوبو فدماغها ..بقاو بعد ديك الكلمة مدة طويلة وهما ساكتين ماكرهاتوش يرجع يدوي ويفتح شي حوار باش تهضر معاه وتسمع صوتو ماحملاتش الطريق وهوما ساكتين بدات كتسناه يهضر ويقول شي كلمة والو حتي هو مركز مع طريق بحال الي ماكيناش ..دهاء تجننات ولي فيها ماهناها
دهاء:(باستعباط)فين غادين!
اريب:(كيشوف فيها بحال الي كتريكٌل عليه)غادين لقمر مستاعدة.. واقيلة دايرين غانتعشاو فشي بلاصة
دهاء:(رتاحت ملي جبداتو وسمعات صوتو مقررة فدماغها تستاغل كل ثانية وهي معاه)وهدا نيت هو سؤالي فين جات هاد لبلاصة
اريب:(كيضحك)هي ماجات مامشات حنا لي غادين ليها
دهاء:(شافت فيه باستفسار)واش كتفلا عليا
اريب:(دار كيشوف فيها)وعلاه نتي كاين لي يقدر يتفلا عليك
دهاء:(ابتسمات)اوي هكاك فين جات هاد لبلاصة لي غادين ليها
اريب:(ابتاسم بخبث)انا كنت معول علي واحد ريسطو بعيدة شوية علي لبشر باسما يشوفناش شي حد يوصلها لحبيبتي تفقص واخا هي عارفاني كنبغيها ومستحيل نشوف غيرها.. والكن ماشي موشكيل الى كان فبالك شي ريسطو اخر نمشيو ليه
دهاء:(بغصة كتحاول تبلع فيها حسات بحال الي خرج معاها بزز عليه)كنضن هادي بلادك وانت عارف فيها كثر مني لذالك سير فيما بغيتي.. وحتي الي خايف علي مشاعر مونيكتك وبغيتي ترجع فحالك رجع ماعنديش موشكيل.. بالعكس وليت كنفضل نرجع فحالي ولا نكون مع واحد بحالك
اريب واخا كيعجبو يشوفها معصبة معاه بعد لمرات كيكره راسو ملي كيشوف نضرة حزن فعينيها هو سبابها بقا كيشوف فيها كتشوف فالزاج وفالطريق وهي مايتة بالحقد والغيرة والحسد من جيهة شيرين.. كانو فديك الحضة علي بعد امتار قليلة من الريسطو لي قال ليها بدون مايهضر معاها هبط وحتي هي فتحات لباب وتمشات جيهتو وحادرة راسها فالارض وتابعاه.. وقف ليهم سرباي كيرحب بيهم باش يوريهم فين يجلسو وعينيه خرجو علي دهاء تلف كاع الهضرة ..اريب بدون شعور خنزر فيه شد فيديها اليسرية وشابكها مع يديه بحال الي كيبين ليهم انها معاه وديالو كانو كيبانو بحال شي كوبل دهاء فديك اللحظة فاش حسات بلمستو بحال شدها الضو وقلبها بدا كيرفرف بحال لفرشات فموسم الربيع.. وصلو لبلاصة فين غايجلسو طلق من يديها وشدها من خصرها بيديه حتي جلسات فوق الفوطوي وجلس هو فالفوطوي لي قدامها شافت فيه ودارت رجل فوق رجل كتفرج فالديكور الجميل ديال الريسطو عجبها ذوقو بزاف حيت كان راقي وهادئ نصف ديالو مبني حدا لبحر لواجهات ديالو كلهم زاج كيبينو السماء لمزينة بالنجوم وصوت الامواج لي كتضرب مع الجرف اضواو خفيفة بالوان مختالفة زاد من جمالية المكان وموسيقى كلاسيكة رومانسية مطلوقة بشوية كدخلك فالمود دهاء بقات سارحة فالمنضر وكتشوف فالناس القلال لي كاينين تما.. حتي سمعات صوتو وهو كيدندن وعينيه علي المينيو بقات كتشوف فيه وساهية فملامحو
أنت تقرأ
النحرير
Action#النحرير بريئة والسحر في حضرتها....يحي ميتا من اللحد ... لا تأمن لبراقة عينيها ولا تثق ببرائة جفنيها ...فمثلها من أخرج ابليس آدم من أجلها.... من الجنة الى السقر مع حبي ❤️ أمونة الفارسي قراءة ممتعة❤️💋
