النحرير

النحرير 35

هبطات وهي مافهمة والو ومبعدة قدر الامكان علي البلاصة فين كيتمشا مستعين تفاديا للاصتدامات خايفاه يخلطها ..علي قولتها هي لي خاف نجا حتي وصلو لباب فتحات ليهم الخدامة هو بقا واقف كيقول شي حاجة لعاصم وعينيه فيها شر عيات تحاول تفهم اش كيقولو ساع كيهضرو بالجورجيا ماورقات حتي حرف من كلامهم ومصدومة من نضرة ديالو ..شوية طلعات فالدروج لبيتها مابغاتش تبقا واقفة وبسرعة تبعاتها ضحى تعاونها تبدل حوايجها

ضحى:(بابتسامة)مدام اسية كيف دازت الامسية

اسية:(كتمشي وكتجي متوترة)كي زفت خليني عليك

ضحى:(بتعجب)مالك واقعة شي حاجة هدني اعصابك

اسية:(بدات كتفكر)سمعتي اشنو كان كيقول مستع.. بغيت نقول ميسو كاستور قبيلة لعاصم

ضحى:(بتعجب)لا مارديتش لبال وكانو كيهضرو بشي لغة اخرى انا كنعرف غير الفرنسية والانجليزية والاسبانيا وشوية فالسويدية

اسية:(كتعض فشفايفها)جورجيا اصاحبتي قريبة الانجليزية مالك مكلخة

ضحى:(ابتسمات)والله مارديت البال الالة ..حنا فخدمتنا تعلمنا نخدمو عينيا مسدودوين وودنينا مسدودين وحتي فمنا مسدود ماشفت ماسمعت ماقلت نوجد ليك لحمام ديالك

خلاتها ودخلات لدوش وجدات ليها شاور ببرودي طبييعين يهدنو اعصابها وشميعات من جنب يريحو نفسيتها بريحة الاعشاب المهدئة لي كتنبع منهم..حيدات اسية حوايج لي كانت لابسة ودخلات لجاكوزي وترخات كتفكر فدهاء وكلامها والفيلم لي وقع وداكشي لاش كانت مخططة كلشي مشا فالزيرو

ضحى:(بابتسامة)انا غانوجد ليك اشنو تلبسي ونجيب ليك حليب باللويزة يهدن اعصابك ويرخيك باش تنعسي مرتاحة اوكي

اسية حركات راسها وهي سارحة كتفكر بعد مدة ملي حسات بعضامها رتاحو ونعاس بدا يشد فيها بداك الهدوء لي تما ناضت دوشات ولبسات روب ديال لحمام وبانطوفة وخرجات كتنشف فشعرها بان ليها شوميز دو نوي بدوبياس ديالو وروب طويل شفاف فالاسود محطوط فوق الناموسية جلسات حداه كتقيص فالملمس ديالو الحريري وشحال رطب عجبها كانت ناوية تلبسو ليه وتخلص من خوفها من ديك اليلة ..وختارت هاد النهار مامتوقعاش هاد النهاية الغير مرغوب فيها بقات كتشوف فيه حتي دخلات عليها ضحى فيديها كاس ديال لحليب بالويزة والبابونج

ضحى:(بابتسامة كتشوف فالسوميج)غايجيك زوين خصوصا نتي بيضة وحروفك كحلين الكحل كيجي معاك زوين غاتبهريه ههه

اسية:(هزات رجليها ربعاتهم فوق الناموسية وخدات لكاس كتشرب منو وعينيها عليه)ماغانلبسوش داكشي لي خطط ليه كولو تضرب فالزيرو ..ميسو كاستور علي اخرو من لغضب مانقدرش نغامر هو كاعي ديال بصح حتال شي عام اخر انا اصلان ماقدراش غير كنتصنطح ماحدو هو ناسي وماقالهاش ماكينش لاش نصدع راسي انا باقي لحاال