النحرير

النحرير "5"

النحرير
#امونة_الفارسي

○..●فمكان اخر كانو جالسين 2 دالرجال مقصرين كارطة وحاطين قدامهم شيشة وقراعي دالشراب وطالقين اغاني ديال الراي(الواي واي) من وجاهم كيخلعو لعما... خايببن جوع ماتشوف فيهم لا موحمة لا شادة فحبال....واحد شوية نضماات ليهم واحد البنت فالعشرينيات حلات لباب ولقاتهم قالبين دنيا بريحة الحشيش والشيشة والموسيقي ...شافت فيهم وتمات داخلة... طارق:(كيجر فالشيشة)فين تعطلتي الحاجة راه قتلني الجوع ولا مافكرتييش فيها...نمووت انا.. سربي دخلي ريكٌلي لينا شي مانقصيو
فاطنة:(كتحيد فجلابتها دارت طابلية ودخلات لكوزينة طيب ليه ماياكل)انا تقهرت منك ومن فعايلك اطارق واش نخدم عليك برا ونخدم عليك لداخل والله الي حرام عليك ماعرفت اش داني لهاد لقرع نمشط ليه راسو... ندمت علي نهار لي فكرت نتزوج بسكايري
طارق:(كيلعب مع صاحبو ويجر فالشيشة ماتسوقش لهضرتها) بقاي تبركٌمي تما دابا نوض نهرس لمك داك دلقوم لي كدوي بيه
شدات فمها وصقلات عرفات الي زادت فالهضرة غاينوض يهرس ديك الكوزينة بلي فيها فوق راسها سكتات علي مافيها ودارت ليهم مايحنجرو علي قولتها ههه حطات ليهم داكشي لي طيبات فوق الطبلة وتمات غادية تغسل لماعن باش تمشي تنعس من لعيا ديال لخدمة من صباح حتال ليل
طارق:(بداو كيغمسو) ماغاديش تجي تعشاي نتي
فاطنة:(بدون مبالات)لا كول غير انت
عمر:(صاحب طارق)تلقاها معركٌاها عند ناس لي خدامة عندهم ... طارق:( بدا كيفكر شوية وهو يعيط لفاطنة تجي تجلس حداهم)اجي اجي ماقلتيش ليا هاد الناس لي نتي خدامة عندهم فيهم شي معنى ولا بحال دوك للولين
فاطنة:(خلات لماعن وبدات كتمسح يديها من لماء فالطابلية وجلسات حداهم) هما لاباس عليهم غير اللبس لي كايلبسو كيداير والروايح والحالة مامخلينش من حقهم ... طارق:(خرجو عينيه)ممم من هادشي كامل واش كاين شي دهب شي فلوس شي حاجة نتنفعو بيها ولا غير نفخة علي لخوا المزوق من برا اش خبارك من لداخل
عمر:(كيشوف بنضرات ديال لغدر)شحال هما فالدار بعدا
فاطنة:(بدات كتعاود ليهم بالتفاصيل)هما غير جوج بنات جاو من بلاد برة الخارج ... وحدة كتعرف لعربية شوية لخرا ماكتفهم فيها حتي وزة ..شهرين هادي وانا خدامة عندهم عمرني شفت شي حد جا زارهم ولا سول فيهم ولا غلط فالعنوان بالنسبة لفلوس وداكشي عمرني ماشفتو... اصلان مولات دار محرمة علي شي حد يدخل لبيتها تقول مخبية فيه لكنز
طارق:(جر فاطنة من لكول ديال لبيجامة)ونتي عمرك دخلتي لبيت خزنة زعمة.... رااه كنعرفك عزيز عليك تبقشيش
فاطنة:(نترات يديه من عليها)لا... اصلان اغلبية كيكون مسورت حتي كتجي لدار عاد كتفتحو سيدة فيها لوسواس راسها وماكتيق فيه
عمر:(كيجبد فلحيتو ويخمم)امتي ماكيكونوش فالدار هما
فاطنة:(كتشوف فيه بتعجب) لا ماعندهمش وقت محدد تخرج وحدة دخل وحدة كاين لي كتمشي ساعة وتجي وبعد لمرات تغبر نهار كولو مهم ماشادينش وقت واحد
طارق:(كيضحك بمكر)هادو خاصهم شي تخميمة ونشوفو اش كاين
فاطنة:(دارت يديها فوق راسها)انا بالله وبالشرع عطيوني تيساع بغيتو تخرجو عليا عاوتاني انا ياله حمدت لله وشكرتو بعدا سهل عليا بخدمة نقية.. فيها الفلوس ومافيهاش تمرميد وتمارة و حتي هما مافيهم نكير مافيهم حسد كاعما مسوقين بنات عقليتهم فشكل ماشي بحال هاد مغاربة ديالنا.... نتوما تخططو و تخرجو عليا فاللخر نطلع انا لا ديدي لا حب لملوك
طارق:(جرها من عنقها وقرب منها ياكل عقلها بجوج كلمات)الحمقة انا باغي غير مصلاحتك سيدة باينة ناعسة علي دجاجة بكامونها ...انا علاش كاندير هادشي غير علي قبلك باشما تبقايش ضربي تمارة عند لي يسوا ولي مايسواش وحتي نتي تكوني بعزك ومايخصك حتي خير
فاطنة:(فلتات منو وناضت من حداهم)ضحك عليا بهاد جوج كلمات ...بغيتيني بصح نكون بعزي هي تنوض تخدم بدراعك ماشي بديال الناس...واصلان هادو راه كٌور(اجانب) اسي يعني الي مشاو حتي بلغو لبوليس بجرا يقرقبو علينا
طارق:(خلا الماكلة وناض تبع فاطنة قرب ليها كيهضر حدا ودنها...وسواس لخناس ) نتي دابا اشنو دخلك ماغاديري والو حنا لي غانديرو كلشي نتي عليك غير تحلي لباب وتوجدي لينا طريق...هادشي ماشي صعييب احبيبة
فاطنة:(دارت عندو دايرة نص ابتسامة بفمها... ضرباتو بيديها لصدرو)يالشيطان هاد لكلمة كتقولها غير الي بغيتي مصلاحتك
طارق:(كيتحلون عليها)اشمن مصلاحتي ...هادي راه مصلاحتنا بجوج امراتي ... الغزال ديالي... اعمارة داري ...نتي لي كاينة وماكاين ماحسن
عمر:(كيحنحن )حم حم
طارق:(دار عندو لقاه سارح فيهم ورجع جلس قدامو)حن حن علي الدجاج اما الفراخ راه طارو
فاطنة:(رجعات لكوزينة تكمل شغلهاا)انا بان ليا انت لمن طار لفريخ غير سمعتي حس لفلوس والاو فيك 10
عمر:(كيضحك)اودي غير دعي لله تكون همزة ديال بصح طيرنا من هنا
طارق :(راسم ضحكة شريرة علي وجهو)حاس هاد لمرة غاتصدق وغاتكون همزة ديال بصح...