داغر:(حلف مايطلقها)دهاء رجوع الله راه غير كنضحك معاك
دهاء:(ضحكات باستهزاء بغات تفك منو حيت عرفاتو ماغايخليهاش وهي محطمة لأقصى درجة)عارفة واش ضحكتي معايا اصلان كلشي ولا ضحك(جاوباتها باسكولينا وقالت ليها تجي تلحق عليها
داغر:(بتساؤل)فين غادية دابا!ياك كنتي طالعة تشوفي مازن
دهاء:(تنهدات)ماشي دابا من بعد من بعد نرجع نشوفو
داغر:(حس بدنب)ماتندمينيش حيت ضحكت معاك
دهاء:(ابتسمات بحرقة)علاش غاندمك اشنو درتي ..علاه اول مرة غاضحك معايا ..ماديرش فبالك انا اصلان ديجا مقلقة محتاجة نرتاح دابا.. مهم انا غانمشي من بعد نهضرو اوكي
داغر:(بتساؤل)غاتعيطي ليا
دهاء:(ابتسمات ابتسامة صفرة وتمات غادية)ضروري
مشات لطوموبيلتها وبقات جالسة مغمضة عينيها وحابسة دموعها ونفسها مقطوع هزات قرعة لما كتشرب منها ياله سداتها حتي كتبان ليها باسكو كتقلب كلاكسونات عليها وديمارات الطوموبيل ركبات ودارت سمطة وكتشوف فيها متعجبة
باسكولينا:(بتعجب)مالك ادهاء
دهاء:(ساقت بسرعة بغات غير توصل لدار)لا مامالي والو غير حسيت براسي عيت وخاطري تروعات
باسكولينا:(بعدم تصديق)نمشيو عند طبيب
دهاء:(باعتراض)لا مانحتاجش انا غير نعس شوية ونولي بيخير
باسكولينا:(باصرار)واش شفتي اريب
دهاء:(مابغاتش تهضر فالموضوع)لا ماشفتوش.. قلت ليك انا بيخير غير بغيت نرتاح
باسكولينا عاقت بيها كاينة شي حاجة والكن خلاتها حتي تهدن وتعاود علي خاطرها ..دهاء مابقاتش هضرات وغير كتزيد فالسرعة ماصدقاتش امتي وصلات وطلعات كتجري لبيتها سدات عليها وتلاحت فوق الناموسية طلقات لعنان لدموعها ..كتبكي بحرقة وباش تزيد الطين بلا رجعات تفكر الماضي وتغرق فيه وتزيد تبكي مدة طويلة علي ديك الحالة ماحساتش براسها حتي غفات مافاقت غير علي دقان فالباب فتحات عينيها لي مضببين بالدموع ونعاس بان ليها الضلام فالبيت عاد وعات لراسها نعسات هاد لوقت كامل ناضت تقادات بلاصتها ومسحات وجهها بيديها ماهضراتش حتي عاودات سمعات دقان
مستعين:(مور الباب)دهاء واش كتسمعيني حلي لباب
دهاء:(بصوت مبحوح)مابغيت نشوف حتي حد انا بيخير
مستعين:(باصرار)حلي لباب ولا غانهرسو
ماعاوداتش هضرات عرفاتو غايهرسو مافاتتش ثواني حتي سمعاتو فرعو
دهاء:(رجعات تكات)اشنو استفدتي دابا
مستعين:(جا جلس حداها)70 مرة جيت عندك واش ماغانساليوش من هاد لموضوع
أنت تقرأ
النحرير
Action#النحرير بريئة والسحر في حضرتها....يحي ميتا من اللحد ... لا تأمن لبراقة عينيها ولا تثق ببرائة جفنيها ...فمثلها من أخرج ابليس آدم من أجلها.... من الجنة الى السقر مع حبي ❤️ أمونة الفارسي قراءة ممتعة❤️💋
